ਬਿਓਰੋ। ਰਾਮਾਨੰਦ ਸਾਗਰ ਦੇ ਮਸ਼ਹੂਰ ਟੀਵੀ ਸ਼ੋਅ ‘ਰਮਾਇਣ’ ਵਿੱਚ ਰਾਵਣ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਅਰਵਿੰਦ ਤ੍ਰਿਵੇਦੀ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਏ ਹਨ। ਬੀਤੇ 2-3 ਦਿਨਾਂ ਤੋਂ ਉਹਨਾਂ ਦੀ ਤਬੀਅਤ ਖਰਾਬ ਚੱਲ ਰਹੀ ਸੀ, ਪਰ 5 ਅਕਤੂਬਰ ਦੀ ਦੇਰ ਰਾਤ ਦਿਲ ਦਾ ਦੌਰਾ ਪੈਣ ਦੇ ਚਲਦੇ ਉਹਨਾਂ ਦਾ ਦੇਹਾਂਤ ਹੋ ਗਿਆ। ਉਹ 83 ਸਾਲ ਦੇ ਸਨ। ਮੁੰਬਈ ਦੇ ਕਾਂਦੀਵਲੀ ਵੈਸਟ ਸਥਿਤ ਸ਼ਮਸ਼ਾਨ ਘਾਟ ਵਿਖੇ ਸਵੇਰੇ 9 ਵਜੇ ਉਹਨਾਂ ਦਾ ਅੰਤਿਮ ਸਸਕਾਰ ਕਰ ਦਿੱਤਾ ਗਿਆ।
ਸੀਰੀਅਲ ‘ਰਮਾਇਣ’ ਵਿੱਚ ਰਾਮ, ਸੀਤਾ ਅਤੇ ਲਖਸ਼ਮਣ ਦਾ ਕਿਰਦਾਰ ਨਿਭਾਉਣ ਵਾਲੇ ਅਰੁਣ ਗੋਵਿਲ, ਦੀਪਿਕਾ ਚਿਖਲੀਆ ਤੇ ਸੁਨੀਲ ਲਹਿਰੀ ਨੇ ਅਰਵਿੰਦ ਤ੍ਰਿਵੇਦੀ ਦੇ ਦੇਹਾਂਤ ‘ਤੇ ਗਹਿਰਾ ਦੁੱਖ ਜਤਾਇਆ ਹੈ। ਅਰੁਣ ਗੋਵਿਲ ਨੇ ਟਵਿਟਰ ‘ਤੇ ਲਿਖਿਆ, “ਅਧਾਆਤਮਕ ਰੂਪ ਨਾਲ ਰਾਮ ਅਵਤਾਰ ਦਾ ਕਾਰਨ ਅਤੇ ਸੰਸਾਰਕ ਰੂਪ ਨਾਲ ਇੱਕ ਬੇਹੱਦ ਨੇਕ, ਧਾਰਮਿਕ, ਸਰਲ ਸੁਭਾਅ ਦੇ ਇਨਸਾਨ ਅਤੇ ਮੇਰੇ ਬੇਹੱਦ ਪਿਆਰੇ ਮਿੱਤਰ ਅਰਵਿੰਦ ਤ੍ਰਿਵੇਦੀ ਜੀ ਨੂੰ ਅੱਜ ਮਨੁੱਖੀ ਸਮਾਜ ਨੇ ਗੁਆ ਦਿੱਤਾ। ਬਿਨ੍ਹਾਂ ਸ਼ੱਕ ਉਹ ਸਿੱਧੇ ਪਰਮਧਾਮ ਜਾਣਗੇ ਅਤੇ ਭਗਵਾਨ ਸ੍ਰੀਰਾਮ ਦੀ ਸ਼ਰਨ ਹਾਸਲ ਕਰਨਗੇ।”
आध्यात्मिक रूप से रामावतार का कारण और सांसारिक रूप से एक बहुत ही नेक,धार्मिक, सरल स्वभावी इंसान और मेरे अतिप्रिय मित्र अरविंद त्रिवेदी जी को आज मानव समाज ने खो दिया। नि:संदेह वे सीधे परमधाम जाएंगे और भगवान श्रीराम का सानिध्य पाएंगे।🙏💐
— Arun Govil (@arungovil12) October 6, 2021
ਸ਼ੋਅ ਵਿੱਚ ਸੀਤਾ ਦਾ ਕਿਰਦਾਰ ਨਿਭਾਉਣ ਵਾਲੀ ਦੀਪਿਕਾ ਚਿਖਲੀਆ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ, “ਉਹਨਾਂ(ਅਰਵਿੰਦ) ਦੇ ਪਰਿਵਾਰ ਨਾਲ ਮੇਰੀ ਦਿਲੋਂ ਹਮਦਰਦੀ। ਬੇਹੱਦ ਚੰਗੇ ਇਨਸਾਨ।”
ਲਕਸ਼ਮਣ ਦਾ ਕਿਰਦਾਰ ਨਿਭਾਉਣ ਵਾਲੇ ਸੁਨੀਲ ਲਹਿਰੀ ਨੇ ਵੀ ਸਾਥੀ ਕਲਾਕਾਰ ਨੂੰ ਵਿਦਾਈ ਦਿੱਤੀ। ਉਹਨਾਂ ਨੇ ਕਿਹਾ, “ਮੇਰੇ ਕੋਲ ਸ਼ਬਦ ਨਹੀਂ ਹਨ। ਮੈਂ ਆਪਣੇ ਪਿਤਾ ਸਮਾਨ ਸ਼ੁਭਚਿੰਤਕ ਅਤੇ ਇੱਕ ਚੰਗੇ ਇਨਸਾਨ ਨੂੰ ਗੁਆ ਦਿੱਤਾ।”
ਅਰਵਿੰਦ ਤ੍ਰਿਵੇਦੀ ਦੇ ਦੇਹਾਂਤ ‘ਤੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਵੀ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਉਹਨਾਂ ਟਵੀਟ ਕੀਤਾ, “ਅਸੀਂ ਅਰਵਿੰਦ ਤ੍ਰਿਵੇਦੀ ਨੂੰ ਗੁਆ ਦਿੱਤਾ, ਜੋ ਨਾ ਸਿਰਫ਼ ਇੱਕ ਬਿਹਤਰੀਨ ਅਦਾਕਾਰ ਸਨ, ਬਲਕਿ ਲੋਕ ਸੇਵਾ ਪ੍ਰਤੀ ਵੀ ਸਮਰਪਿਤ ਸਨ। ਰਮਾਇਣ ਟੀਵੀ ਸੀਰੀਅਲ ਵਿੱਤ ਉਹਨਾਂ ਦੇ ਕੰਮ ਨੂੰ ਸਦੀਆਂ ਤੱਕ ਭਾਰਤੀਆਂ ਵੱਲੋਂ ਯਾਦ ਰੱਖਿਆ ਜਾਵੇਗਾ। ਪਰਿਵਾਰ ਅਤੇ ਪ੍ਰਸ਼ਾੰਸਕਾਂ ਨਾਲ ਮੇਰੀ ਹਮਦਰਦੀ। ਓਮ ਸ਼ਾਂਤੀ।”
We have lost Shri Arvind Trivedi, who was not only an exceptional actor but also was passionate about public service. For generations of Indians, he will be remembered for his work in the Ramayan TV serial. Condolences to the families and admirers of both actors. Om Shanti. pic.twitter.com/cB7VaXuKOJ
— Narendra Modi (@narendramodi) October 6, 2021
ਅਰਵਿੰਦ ਤ੍ਰਿਵੇਦੀ ਦਾ ਜਨਮ ਮੱਧ ਪ੍ਰਦੇਸ਼ ਦੇ ਦੇ ਉੱਜੈਨ ਸ਼ਹਿਰ ਵਿੱਚ ਹੋਇਆ। ਉਹਨਾਂ ਦਾ ਕਰੀਅਰ ਗੁਜਰਾਤੀ ਰੰਗਮੰਚ ਤੋਂ ਸ਼ੁਰੂ ਹੋਇਆ। ਅਰਵਿੰਦ ਤ੍ਰਿਵੇਦੀ ਨੇ ਕਰੀਬ 300 ਹਿੰਦੀ ਅਤੇ ਗੁਜਰਾਤੀ ਫਿਲਮਾਂ ਵਿੱਚ ਅਦਾਕਾਰੀ ਕੀਤੀ ਹੈ। ਧਾਰਮਿਕ ਅਤੇ ਸਮਾਜਿਕ ਫਿਲਮਾਂ ਨੇ ਉਹਨਾਂ ਨੂੰ ਗੁਜਰਾਤੀ ਦਰਸ਼ਕਾਂ ਵਿੱਚ ਪਛਾਣ ਦਵਾਈ। ਕਰੀਬ 40 ਸਾਲਾਂ ਤੱਕ ਉਹਨਾਂ ਨੇ ਗੁਜਰਾਤੀ ਇੰਡਸਟਰੀ ਵਿੱਚ ਕੰਮ ਕੀਤਾ।
2002 ਵਿੱਚ ਉਹਨਾਂ ਨੂੰ ਕੇਂਦਰੀ ਫਿਲਮ ਪ੍ਰਮਾਣਨ ਬੋਰਡ(CBFC) ਦੇ ਕਾਰਜਕਾਰੀ ਪ੍ਰਧਾਨ ਵਜੋਂ ਨੋਮੀਨੇਟ ਕੀਤਾ ਗਿਆ ਸੀ। 20 ਜੁਲਾਈ, 2002 ਤੋਂ 16 ਅਕਤੂਬਰ, 2003 ਤੱਕ ਉਹ CBFC ਦੇ ਪ੍ਰਮੁੱਖ ਰਹੇ।
1991 ਤੋਂ 1996 ਤੱਕ ਸਾਂਸਦ ਵੀ ਰਹੇ
ਸਾਲ 1991 ਵਿੱਚ ਅਰਵਿੰਦ ਤ੍ਰਿਵੇਦੀ ਸਾਬਰਕਥਾ ਤੋਂ ਭਾਤੀ ਜਨਤਾ ਪਾਰਟੀ ਦੇ ਮੈਂਬਰ ਦੇ ਰੂਪ ਵਿੱਚ ਸਾਂਸਦ ਚੁਣੇ ਗਏ। 1996 ਤੱਕ ਉਹ ਇਸ ਅਹੁਦੇ ‘ਤੇ ਰਹੇ।
