ਕਾਬੁਲ। ਅਫਗਾਨਿਸਤਾਨ ‘ਤੇ ਕਬਜਾ ਕਰਨ ਵਾਲੇ ਤਾਲਿਬਾਨ ਨੇ ਹੁਣ ਸਥਾਨਕ ਗੁਰਦੁਆਰਿਆਂ ਨੂੰ ਨਿਸ਼ਾਨਾ ਬਣਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਮੰਗਲਵਾਰ ਨੂੰ ਹਥਿਆਰਾਂ ਨਾਲ ਲੈਸ ਕਥਿਤ ਤਾਲਿਬਾਨੀਆਂ ਦਾ ਇੱਕ ਗਰੁੱਪ ਕਾਬੁਲ ਦੇ ਕਰਤੇ ਪਰਵਾਨ ਗੁਰਦੁਆਰਾ ਸਾਹਿਬ ਵਿੱਚ ਵੜ ਗਿਆ ਅਤੇ ਸਿੱਖਾਂ ਨਾਲ ਬਦਸਲੂਕੀ ਕੀਤੀ। ਤਾਲਿਬਾਨੀਆਂ ਨੇ ਗੁਰਦੁਆਰੇ ਵਿੱਚ ਲੱਗੇ CCTV ਵੀ ਤੋੜ ਦਿੱਤੇ।
Take a look at the damage done when Heavily armed people pretending to be Taliban officials entered Gurdwara Karte Parwan Sahib in Kabul today and broke all CCTV cameras during their search operation.@TimesNow @ANI @PTI_News pic.twitter.com/L8UwCMa9j7
— Manjinder Singh Sirsa (@mssirsa) October 5, 2021
ਇੰਡੀਆ ਵਰਲਡ ਫੋਰਮ ਦੇ ਚੇਅਰਮੈਨ ਪੁਨੀਤ ਸਿੰਘ ਚੰਡੋਕ ਨੇ ਇਸ ਘਟਨਾ ਦੀ ਪੁਸ਼ਟੀ ਕੀਤੀ ਹੈ। ਉਹਨਾਂ ਕਿਹਾ ਕਿ ਤਾਲਿਬਾਨੀਆਂ ਨੇ ਨਾ ਸਿਰਫ਼ ਧਾਰਮਿਕ ਅਸਥਾਨ ਦੀ ਪਵਿੱਤਰਤਾ ‘ਤੇ ਹਮਲਾ ਕੀਤਾ, ਬਲਕਿ ਇਸ ਨੂੰ ਨੁਕਸਾਨ ਵੀ ਪਹੁੰਚਿਆ। ਪੁਨੀਤ ਸਿੰਘ ਚੰਡੋਕ ਨੇ ਟਵੀਟ ਕਰਦਿਆਂ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅਤੇ ਵਿਦੇਸ਼ ਮੰਤਰਾਲੇ ਤੋਂ ਦਖਲ ਦੀ ਮੰਗ ਕੀਤੀ ਹੈ, ਤਾਂ ਜੋ ਉਥੇ ਰਹਿ ਰਹੇ ਹਿੰਦੂਆਂ ਅਤੇ ਸਿੱਖਾਂ ਦ ਸੁਰੱਖਿਆ ਯਕੀਨੀ ਬਣਾਈ ਜਾ ਸਕੇ।
Alarming reports from #Kabul.Unidentified armed forces entered Gurdwara Karte Parwan.They not only abused the sanctity of the holy place but also vandalised it.Requesting intervention of @narendramodi ji @MEAIndia for safety & well being of our #Hindu #Sikh brethren living there
— Puneet Singh Chandhok (@PSCINDIAN) October 5, 2021
ਜਾਣਕਾਰੀ ਮੁਤਾਬਕ, ਮੰਗਲਵਾਰ ਸ਼ਾਮ ਕਰੀਬ 4 ਵਜੇ 15-16 ਕਥਿਤ ਤਾਲਿਬਾਨੀ ਇਸ ਗੁਰਦੁਆਰੇ ਵਿੱਚ ਦਾਖਲ ਹੋਏ। ਇਹਨਾਂ ਨੇ ਗੁਰਦੁਆਰੇ ਵਿੱਚ ਮੌਜੂਦ ਸਿੱਖਾਂ ਤੋਂ ਸਵਾਲ-ਜਵਾਬ ਕੀਤੇ। ਗੁਰਦੁਆਰੇ ਦੇ ਸਟਾਫ ਨੇ ਵੀ ਹਰ ਸਵਾਲ ਦਾ ਚੰਗੀ ਤਰ੍ਹਾਂ ਜਵਾਬ ਦਿੱਤਾ। ਤਾਲਿਬਾਨੀਆਂ ਨੇ ਗੁਰਦੁਆਰਾ ਪਰੀਸਰ ਦੀ ਪੂਰੀ ਤਲਾਸ਼ੀ ਵੀ ਲਈ। ਦੱਸਿਆ ਇਹ ਵੀ ਜਾ ਰਿਹਾ ਹੈ ਕਿ ਤਾਲਿਬਾਨੀਆਂ ਨੇ ਗੁਰਦੁਆਰੇ ‘ਚੋਂ ਕੁਝ ਲੋਕਾਂ ਨੂੰ ਹਿਰਾਸਤ ਵਿੱਚ ਵੀ ਲਿਆ ਹੈ।
ਓਧਰ ਦਿੱਲੀ ਸਿੱਖ ਗੁਰਦੁਆਰਾ ਮੈਨੇਜਮੈਂਟ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਮੁਤਾਬਕ, ਅਫਗਾਨਿਸਤਾਨ ਦੀ ਤਾਲਿਬਾਨੀ ਸਰਕਾਰ ਦਾ ਇਹ ਕਹਿਣਾ ਹੈ ਕਿ ਉਹਨਾਂ ਵੱਲੋਂ ਅਜਿਹੇ ਕੋਈ ਵੀ ਲੋਕ ਗੁਰਦੁਆਰਾ ਸਾਹਿਬ ਵਿੱਚ ਨਹੀਂ ਭੇਜੇ ਗਏ। ਲਿਹਾਜ਼ਾ ਅਫਗਾਨਿਸਤਾਨ ਵਿੱਚ ਵਸਦੇ ਸਿੱਖਾਂ ਦੀ ਚਿੰਤਾ ਵਧਣਾ ਵੀ ਲਾਜ਼ਮੀ ਹੈ।
Heavily armed people pretending to be Taliban officials entered Gurdwara Karte Parwan Sahib in Kabul today & broke all CCTV cameras during their search operation.
But Taliban leaders in Govt have refused sending any such officials to Gurdwara@ANI @republic @punjabkesari pic.twitter.com/sZlDHa2MGQ— Manjinder Singh Sirsa (@mssirsa) October 5, 2021
ਇਸ ਗੁਰਦੁਆਰੇ ਨੇ ਕਈਆਂ ਦੀ ਜਾਨ ਬਚਾਈ
ਜਿਕਰਯੋਗ ਹੈ ਕਿ ਜਦੋਂ ਤਾਲਿਬਾਨ ਨੇ ਕਾਬੁਲ ‘ਤੇ ਕਬਜਾ ਕੀਤਾ ਸੀ, ਤਾਂ ਕਈ ਸਿੱਖਾਂ ਅਤੇ ਹਿੰਦੂਆਂ ਨੇ ਇਸ ਗੁਰਦੁਆਰੇ ਵਿੱਚ ਪਨਾਹ ਲੈ ਕੇ ਆਪਣੀ ਜਾਨ ਬਚਾਈ ਸੀ। ਬਾਅਦ ਵਿੱਚ ਇਹਨਾਂ ‘ਚੋਂ ਕਈ ਭਾਰਤ ਆ ਗਏ। ਮੰਗਲਵਾਰ ਨੂੰ ਇਸ ਘਟਨਾ ਸਮੇਂ ਵੀ ਕਈ ਅਜਿਹੇ ਲੋਕ ਗੁਰਦੁਆਰੇ ਵਿੱਚ ਮੌਜੂਦ ਸਨ, ਜਿਹਨਾਂ ਨੇ ਹਾਲ ਹੀ ਵਿੱਚ ਇਥੇ ਪਨਾਹ ਲਈ ਸੀ।
