ਬਿਓਰੋ। ਪੰਜਾਬ ਕਾਂਗਰਸ ਵਿੱਚ ਛਿੜਿਆ ਨਵੇਂ ਅੰਦਰੂਨੀ ਘਮਸਾਣ ਨੂੰ ਸ਼ਾਂਤ ਹੁੰਦਾ ਵਿਖਾਉਣ ਦੀ ਕੋਸ਼ਿਸ਼ ਹੋਣ ਲੱਗੀ ਹੈ। ਦਰਅਸਲ, ਲਖੀਮਪੁਰ ਕਾਂਡ ਨੂੰ ਲੈ ਕੇ ਵੀਰਵਾਰ ਨੂੰ ਨਵਜੋਤ ਸਿੱਧੂ ਦੀ ਅਗਵਾਈ ਵਿੱਚ ਪਾਰਟੀ ਨੇ ਵੱਡਾ ਵਿਰੋਧ ਪ੍ਰਦਰਸ਼ਨ ਕੀਤਾ। ਮੋਹਾਲੀ ਤੋਂ ਲਖੀਮਪੁਰ ਵੱਲ ਕੂਚ ਕੀਤਾ ਗਿਆ ਅਤੇ ਇਸ ਦੌਰਾਨ ਚੰਨੀ-ਸਿੱਧੂ ਇਕੱਠੇ ਨਜ਼ਰ ਆਏ। ਜਦੋਂ ਇਸ ਮਾਰਚ ਦੀ ਸ਼ੁਰੂਆਤ ਹੋਈ, ਤਾਂ ਅਚਾਨਕ ਸੀਐੱਮ ਚਰਨਜੀਤ ਸਿੰਘ ਚੰਨੀ ਵੀ ਇਸ ਵਿੱਚ ਸ਼ਾਮਲ ਹੋਣ ਲਈ ਪਹੁੰਚ ਗਏ। ਹਾਲਾਂਕਿ ਸੀਐੱਮ ਥੋੜ੍ਹੀ ਦੂਰੀ ਤੱਕ ਹੀ ਕਾਫਿਲੇ ਨਾਲ ਚੱਲੇ। ਇਸ ਤੋਂ ਬਾਅਦ ਉਹ ਵਾਪਸ ਪਰਤ ਆਏ, ਪਰ ਉਹਨਾਂ ਦੀ ਮੌਜੂਦਗੀ ਵੱਡਾ ਸੰਦੇਸ਼ ਦੇਣ ਵਿੱਚ ਕਾਮਯਾਬ ਰਹੀ।
ਕਿਸਾਨ ਮਜ਼ਦੂਰ ਏਕਤਾ ਜ਼ਿੰਦਾਬਾਦ
…
We are marching towards Lakhimpur and will not stop until the culprits of Lakhimpur massacre are put behind bars. #SackAjayMishra pic.twitter.com/0Rj7ucGcnE— Charanjit S Channi (@CHARANJITCHANNI) October 7, 2021
ਬੇਟੇ ਦੇ ਵਿਆਹ ਦਾ ਸਮਾਗਮ ਚੱਲ ਰਿਹਾ ਸੀ
ਜਾਣਕਾਰੀ ਮੁਤਾਬਕ, ਜਿਸ ਵੇਲੇ ਮਾਰਚ ਸ਼ੁਰੂ ਹੋਇਆ, CM ਚੰਨੀ ਦੇ ਬੇਟੇ ਦੇ ਵਿਆਹ ਦਾ ਸਮਾਗਮ ਚੱਲ ਰਿਹਾ ਸੀ। ਉਹਨਾਂ ਦੇ ਬੇਟੇ ਦਾ ਕੱਲ੍ਹ ਵਿਆਹ ਹੈ, ਜਦਕਿ ਪਰਸੋਂ ਨਿਊ ਚੰਡੀਗੜ੍ਹ ਵਿੱਚ ਰਿਸੈਪਸ਼ਨ ਹੋਵੇਗਾ। DGP ਅਤੇ ਐਡਵੋਕੇਟ ਜਨਰਲ ਨੂੰ ਹਟਾਉਣ ਦੀ ਜਿਦ ‘ਤੇ ਅੜੇ ਸਿੱਧੂ ਨਾਲ ਉਹਨਾਂ ਦੇ ਮਤਭੇਦ ਚੱਲ ਰਹੇ ਹਨ। ਇਸਦੇ ਬਾਵਜੂਦ ਚੰਨੀ ਨੇ ਉਥੇ ਪਹੁੰਚ ਕੇ ਸੁਨੇਹਾ ਦਿੱਤਾ ਕਿ ਉਹ ਸਾਰੇ ਵਿਵਾਦ ਨੂੰ ਹੱਲ ਕਰਨਾ ਚਾਹੁੰਦੇ ਹਨ।
#KisanMazdoorEktaZindabad #JittegaKisan pic.twitter.com/LJeyW5FThX
— Navjot Singh Sidhu (@sherryontopp) October 7, 2021
ਰਾਹੁਲ ਦੇ ਨਾਲ ਲਖੀਮਪੁਰ ਗਏ ਸਨ ਚੰਨੀ
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਸੀਐੱਮ ਚਰਨਜੀਤ ਚੰਨੀ ਬੁੱਧਵਾਰ ਨੂੰ ਰਾਹੁਲ ਗਾਂਧੀ ਦੇ ਨਾਲ ਲਖੀਮਪੁਰ ਖੀਰੀ ਗਏ ਸਨ ਅਤੇ ਪੀੜਤ ਪਰਿਵਾਰਾਂ ਨਾਲ ਮੁਲਾਕਾਤ ਕੀਤੀ ਸੀ। ਸਿੱਧੂ ਦੇ ਲਖੀਮਪੁਰ ਕੂਚ ਨੂੰ ਚੰਨੀ ਦੇ ਲਖੀਮਪੁਰ ਦੌਰੇ ਕਾਰਨ ਦਬਾਅ ਵਜੋਂ ਵੀ ਵੇਖਿਆ ਜਾ ਰਿਹਾ ਹੈ।
ਸਿੱਧੂ ਨਾਲ ਚੱਲ ਰਿਹਾ ਮਤਭੇਦ
ਸੀਐੱਮ ਚਰਨਜੀਤ ਚੰਨੀ ਦਾ ਸਿੱਧੂ ਨਾਲ ਮਤਭੇਦ ਚੱਲ ਰਿਹਾ ਹੈ। ਚੰਨੀ ਨੇ ਇਕਬਾਲਪ੍ਰੀਤ ਸਹੋਤਾ ਨੂੰ DGP ਅਤੇ ਏਪੀਐੱਸ ਦਿਓਲ ਨੂੰ AG ਲਗਾ ਦਿੱਤਾ, ਜਿਸਦਾ ਸਿੱਧੂ ਨੇ ਖੁੱਲ੍ਹ ਕੇ ਵਿਰੋਧ ਕੀਤਾ। ਇਥੋਂ ਤੱਕ ਕਿ ਅਸਤੀਫਾ ਵੀ ਦੇ ਦਿੱਤਾ। ਹਾਲਾਂਕਿ ਉਹਨਾਂ ਦੇ ਅਸਤੀਫੇ ਨੂੰ ਹਾਲੇ ਮਨਜੂਰੀ ਨਹੀਂ ਮਿਲੀ ਹੈ। ਇਸ ਤੋਂ ਬਾਅਦ ਚੰਨੀ ਅਤੇ ਸਿੱਧੂ ਵਿਚਾਲੇ ਵੀ ਮਤਭੇਦ ਹੋ ਗਿਆ।
ਹਾਲਾਂਕਿ ਸੀਐੱਮ ਚੰਨੀ ਵਾਰ-ਵਾਰ ਕਹਿੰਦੇ ਰਹੇ ਕਿ ਸਿੱਧੂ ਪਾਰਟੀ ਫੋਰਮ ‘ਤੇ ਗੱਲ ਕਰਨ। ਉਹਨਾਂ ਨੇ ਨਵੇਂ DGP ਲਈ UPSC ਦਾ ਪੈਨਲ ਵੀ ਭੇਜ ਦਿੱਤਾ। ਉਥੇ ਹੀ, ਬੇਅਦਬੀ ਅਤੇ ਗੋਲੀਕਾਂਡ ਲਈ ਸਪੈਸ਼ਲ ਪਬਲਿਕ ਪ੍ਰੋਸਿਕਿਊਟਰ ਨਿਯੁਕਤ ਕਰ ਦਿੱਤਾ। ਇਸ ਤੋਂ ਬਾਵਜੂਦ ਸਿੱਧੂ ਦੀ ਨਰਾਜ਼ਗੀ ਘੱਟ ਨਹੀਂ ਹੋਈ, ਪਰ ਹੁਣ ਦੋਵਾਂ ਦਾ ਇਕੱਠੇ ਆਉਣਾ ਪਾਰਟੀ ਲਈ ਰਾਹਤ ਦੇਣ ਵਾਲਾ ਹੈ।
ਪਹਿਲਾਂ ਵੱਖਰੇ ਤੌਰ ‘ਤੇ ਕੀਤੇ ਸਨ ਪ੍ਰਦਰਸ਼ਨ
ਦਿਲਚਸਪ ਹੈ ਕਿ ਲਖੀਮਪੁਰ ਕਾਂਡ ਨੂੰ ਲੈ ਕੇ ਇਸ ਤੋਂ ਪਹਿਲਾਂ ਕੀਤੇ ਗਏ ਪ੍ਰਦਰਸ਼ਨਾਂ ਵਿੱਚ ਨਾ ਤਾਂ ਸਿੱਧੂ, ਕਦੇ ਸੀਐੱਮ ਚੰਨੀ ਦੇ ਨਾਲ ਪ੍ਰਦਰਸ਼ਨ ਵਿੱਚ ਨਜ਼ਰ ਆਏ ਅਤੇ ਨਾ ਹੀ ਚੰਨੀ, ਸਿੱਧੂ ਵੱਲੋਂ ਕੀਤੇ ਜਾ ਰਹੇ ਪ੍ਰਦਰਸ਼ਨ ਵਿੱਚ। ਪੰਜਾਬ ਕਾਂਗਰਸ ਦੇ ਬੈਨਰ ਹੇਠ ਜਦੋਂ ਨਵਜੋਤ ਸਿੱਧੂ ਨੇ ਰਾਜਭਵਨ ਦੇ ਬਾਹਰ ਪ੍ਰਦਰਸ਼ਨ ਦੀ ਅਗਵਾਈ ਕੀਤੀ ਤਾਂ ਚੰਨੀ ਉਥੇ ਨਜ਼ਰ ਨਹੀਂ ਆਏ, ਜਦਕਿ ਦੂਜੇ ਦਿਨ ਹੀ ਸੀਐੱਮ ਚਰਨਜੀਤ ਚੰਨੀ ਚੰਡੀਗੜ੍ਹ ਕਾਂਗਰਸ ਦੇ ਪ੍ਰਦਰਸ਼ਨ ਵਿੱਚ ਸ਼ਰੀਕ ਹੋਣ ਲਈ ਗਾਂਧੀ ਭਵਨ ਪਹੁੰਚ ਗਏ। ਇੰਨਾ ਹੀ ਨਹੀਂ, ਜਦੋਂ ਸੂਬੇ ਦੇ ਡਿਪਟੀ ਸੀਐੱਮ ਸੁਖਜਿੰਦਰ ਰੰਧਾਵਾ ਵੱਲੋਂ ਯੂਪੀ ਪੁਲਿਸ ਨੇ ਹਿਰਾਸਤ ‘ਚ ਲਿਆ, ਤਾਂ ਚੰਨੀ ਨੇ ਖੁੱਲ੍ਹ ਕੇ ਸੋਸ਼ਲ ਮੀਡੀਆ ‘ਤੇ ਇਸਦੀ ਖਿਲਾਫਤ ਕੀਤੀ..ਪਰ ਜਦੋਂ ਸਿੱਧੂ ਨੂੰ ਚੰਡੀਗੜ੍ਹ ਪੁਲਿਸ ਵੱਲੋਂ ਹਿਰਾਸਤ ਵਿੱਚ ਲਿਆ ਗਿਆ, ਤਾਂ ਉਹਨਾਂ ਨੇ ਇੱਕ ਸ਼ਬਦ ਨਹੀਂ ਕਿਹਾ। ਹਾਲਾਂਕਿ ਚੰਨੀ ਉਸੇ ਦਿਨ ਸ਼ਾਮ ਨੂੰ ਰਾਜਪਾਲ ਨਾਲ ਮੁਲਾਕਾਤ ਲਈ ਰਾਜਭਵਨ ਵੀ ਪਹੁੰਚੇ ਸਨ।
15 ਦਿਨਾਂ ਬਾਅਦ ਇਕੱਠੇ ਨਜ਼ਰ ਆਏ
ਜ਼ਿਕਰੇਖਾਸ ਹੈ ਕਿ ਵੀਰਵਾਰ ਨੂੰ 15 ਦਿਨਾਂ ਬਾਅਦ ਇਹ ਪਹਿਲਾ ਅਜਿਹਾ ਮੌਕਾ ਸੀ, ਜਦੋਂ ਸਿੱਧੂ ਅਤੇ ਚੰਨੀ ਇਕੱਠੇ ਨਜ਼ਰ ਆਏ ਹੋਣ। ਇਸ ਤੋਂ ਪਹਿਲਾਂ ਦੋਵਾਂ ਨੂੰ ਇਕੱਠਿਆਂ ਅੰਮ੍ਰਿਤਸਰ ਦੌਰੇ ਦੌਰਾਨ ਵੇਖਿਆ ਗਿਆ ਸੀ। ਇਸ ਤੋਂ ਬਾਅਦ ਹੀ ਦੋਵਾਂ ਵਿਚਕਾਰ ਮਤਭੇਦ ਸ਼ੁਰੂ ਹੋ ਗਏ ਸਨ। ਹਾਲਾਂਕਿ ਸਿੱਧੂ ਦੇ ਅਸਤੀਫ਼ਾ ਦੇਣ ਮਗਰੋਂ ਦੋਵਾਂ ਦੀ ਇੱਕ ਮੁਲਾਕਾਤ ਪੰਜਾਬ ਭਵਨ ਵਿਖੇ ਵੀ ਹੋਈ ਸੀ, ਜੋ ਸਿੱਧੂ ਨੂੰ ਮਨਾਉਣ ਲਈ ਕੀਤੀ ਗਈ ਸੀ। ਪਰ ਇਸ ਮੁਲਾਕਾਤ ਦੀ ਕੋਈ ਤਸਵੀਰ ਸਾਹਮਣੇ ਨਹੀਂ ਆਈ ਸੀ।
