ਬਿਓਰੋ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਲਖੀਮਪੁਰ ਖੀਰੀ ਵਿੱਚ ਮੌਤ ਵਰਤ ਅਤੇ ਭੁੱਖ ਹੜਤਾਲ ‘ਤੇ ਬਹਿ ਗਏ ਹਨ। ਸਿੱਧੂ ਨੇ ਮ੍ਰਿਤਕ ਕਿਸਾਨ ਲਵਪ੍ਰੀਤ ਦੇ ਘਰ ਪਹੁੰਚ ਕੇ ਪਰਿਵਾਰਕ ਮੈਂਬਰਾਂ ਨਾਲ ਮੁਲਾਕਾਤ ਕੀਤੀ। ਇਸ ਤੋਂ ਬਾਅਦ ਉਹ ਹਿੰਸਾ ਵਿੱਚ ਮਾਰੇ ਗਏ ਰਮਨ ਕਸ਼ਯੱਪ ਦੇ ਘਰ ਗਏ, ਜਿਥੇ ਸਿੱਧੂ ਨੇ ਕਿਹਾ, “ਮੈਂ ਉਦੋਂ ਤੱਕ ਮੌਨ ਧਾਰਨ ਕਰਕੇ ਇਥੇ ਹੀ ਭੁੱਖ ਹੜਤਾਲ ‘ਤੇ ਬੈਠਾਂਗਾ, ਜਦੋਂ ਤੱਕ ਕੇਂਦਰੀ ਮੰਤਰੀ ਦਾ ਬੇਟਾ ਜਾਂਚ ਵਿੱਚ ਸ਼ਾਮਲ ਨਹੀਂ ਹੁੰਦਾ ਜਾਂ ਫਿਰ ਉਸ ਨੂੰ ਗ੍ਰਿਫ਼ਤਾਰ ਨਹੀਂ ਕੀਤਾ ਜਾਂਦਾ।”
Punjab Pradesh Congress Committee President Navjot Sidhu Ji while sitting for the hunger strike demanding justice for Lakhimpur massacre victims. pic.twitter.com/UIjGpkvR7U
— Punjab Congress (@INCPunjab) October 8, 2021
ਲੋਕਤੰਤਰ ਦੇ ਕਤਲ ਦੀ ਕੋਸ਼ਿਸ਼- ਸਿੱਧੂ
ਸਿੱਧੂ ਨੇ ਕਿਹਾ ਕਿ ਲਖੀਮਪੁਰ ਖੀਰੀ ਦੀ ਘਟਨਾ ਇਨਸਾਫ਼ ਅਤੇ ਲੋਕਤੰਤਰ ਦੇ ਕਤਲ ਦੀ ਕੋਸ਼ਿਸ਼ ਹੈ। ਪੈਸਿਆਂ ਨਾਲ ਇਨਸਾਨ ਦੇ ਜੀਵਨ ਦੀ ਭਰਪਾਈ ਨਹੀਂ ਹੋ ਸਕਦੀ। ਸਿੱਧੂ ਨੇ ਕਿਹਾ ਕਿ ਲਵਪ੍ਰੀਤ ਦੇ ਪਿਤਾ ਨੇ ਕਿਹਾ ਕਿ ਉਹ ਇਨਸਾਫ਼ ਚਾਹੁੰਦੇ ਹਨ। ਉਹਨਾਂ ਨੂੰ ਮੁਆਵਜ਼ਾ ਨਹੀਂ ਚਾਹੀਦਾ।
ਕਿਸਾਨਾਂ ਨੂੰ ਸ਼ਰੇਆਮ ਕੁਚਲਿਆ ਗਿਆ- ਸਿੱਧੂ
ਸਿੱਧੂ ਨੇ ਕਿਹਾ, “ਸੋਚ-ਸਮਝ ਕੇ ਪਿੱਠ ਦੇ ਉੱਪਰੋ ਗੱਡੀ ਚੜ੍ਹਾ ਕੇ ਕਿਸਾਨਾਂ ਨੂੰ ਕੁਚਲਿਆ ਗਿਆ ਹੈ। ਇਹ ਹੈਵਾਨੀਅਤ ਹੈ, ਜਿਸ ਨੂੰ ਬਿਲਕੁੱਲ ਵੀ ਬਰਦਸ਼ਤ ਨਹੀਂ ਕੀਤਾ ਜਾ ਸਕਦਾ।” ਉਹਨਾਂ ਕਿਹਾ ਕਿ ਪੂਰੇ ਮਾਮਲੇ ਦੀ ਵੀਡੀਓਜ਼ ਸਭ ਬਿਆਨ ਕਰ ਰਹੀਆਂ ਹਨ। ਫਿਰ ਕੀ ਗ੍ਰਿਫ਼ਤਾਰੀ ਇਸ ਲਈ ਨਹੀਂ ਹੋ ਰਹੀ ਕਿ ਉਹ ਮੰਤਰੀ ਦੇ ਬੇਟੇ ਹਨ। ਜੇਕਰ ਰਖਵਾਲੇ ਹੀ ਜੁਰਮ ਕਰਨ ਲੱਗਂਣ, ਤਾਂ ਗਰੀਬ ਆਦਮੀ ਕਿਸਦੇ ਦਰਵਾਜ਼ੇ ‘ਤੇ ਦਸਤਕ ਕਰੇਗਾ।
Justice Delayed – Justice Denied … With family of brave heart Lovepreet Singh (20), victim of brutal murders by Union Minister’s son pic.twitter.com/Oa3KQ5Gl0m
— Navjot Singh Sidhu (@sherryontopp) October 8, 2021
ਮੋਹਾਲੀ ਤੋਂ ਚੱਲਿਆ ਸੀ ਸਿੱਧੂ ਦਾ ਕਾਫਲਾ
ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਮੋਹਾਲੀ ਤੋਂ ਕਾਫਲਾ ਲੈ ਕੇ ਨਿਕਲੇ ਸਿੱਧੂ ਨੂੰ ਯੂਪੀ ਪੁਲਿਸ ਨੇ ਸਹਾਰਨਪੁਰ ਦੇ ਕੋਲ ਹੀ ਬਾਰਡਰ ‘ਤੇ ਰੋਕ ਦਿੱਤਾ ਸੀ। ਜਦੋਂ ਕਾਂਗਰਸੀਆਂ ਨੇ ਬੈਰੀਕੇਡ ਤੋੜੇ, ਤਾਂ ਯੂਪੀ ਪੁਲਿਸ ਨੇ ਉਹਨਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਉਹਨਾਂ ਨੂੰ ਸਰਸਾਵਾ ਥਾਣੇ ਵਿੱਚ ਰੱਖਿਆ ਗਿਆ। ਹਾਲਾਂਕਿ ਦੇਰ ਰਾਤ ਲਖੀਮਪੁਰ ਖੀਰੀ ਜਾਣ ਦੀ ਇਜਾਜ਼ਤ ਦੇ ਦਿੱਤੀ ਗਈ। ਉਹਨਾਂ ਨੇ ਉੱਤਰਾਖੰਡ ਦੇ ਬਾਜਪੁਰ ਵਿੱਚ ਪੂਰੀ ਰਾਤ ਕੱਟੀ, ਜਿਸ ਤੋਂ ਬਾਅਦ ਉਹ ਸਵੇਰੇ ਲਖੀਮਪੁਰ ਖੀਰੀ ਲਈ ਰਵਾਨਾ ਹੋਏ।
