ਬਿਓਰੋ। ਸਿੰਘੂ ਬਾਰਡਰ ‘ਤੇ ਬੇਰਹਿਮੀ ਨਾਲ ਕੀਤੇ ਗਏ ਇੱਕ ਦਲਿਤ ਨੌਜਵਾਨ ਦੇ ਕਤਲ ਮਾਮਲੇ ਵਿੱਚ ਉਸ ਵੇਲੇ ਇੱਕ ਨਵਾਂ ਟਵਿਸਟ ਆ ਗਿਆ, ਜਦੋਂ ਚਾਰੇ ਮੁਲਜ਼ਮਾਂ ਦੀ ਨਿਹੰਗ ਜਥੇਬੰਦੀ ਦੇ ਪ੍ਰਮੁੱਖ ਬਾਬਾ ਅਮਨ ਸਿੰਘ ਨਾਲ ਖੇਤੀਬਾੜੀ ਮੰਤਰੀ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਲੱਗੀਆਂ। ਇਹਨਾਂ ‘ਚੋਂ ਇੱਕ ਤਸਵੀਰ ਵਿੱਚ ਕੇਂਦਰੀ ਖੇਤੀਬਾੜੀ ਮੰਤਰੀ ਨਰੇਂਦਰ ਸਿੰਘ ਤੋਮਰ ਬਾਬਾ ਅਮਨ ਸਿੰਘ ਨੂੰ ਸਨਮਾਨਿਤ ਕਰ ਰਹੇ ਹਨ। ਜ਼ਾਹਿਰ ਹੈ ਸਿਆਸੀ ਪਾਰਟੀਆਂ ਨੂੰ ਬੀਜੇਪੀ ‘ਤੇ ਸਵਾਲ ਚੁੱਕਣ ਦਾ ਮੌਕਾ ਮਿਲ ਗਿਆ।
ਇਸ ਮੌਕੇ ਨੂੰ ਸਭ ਤੋਂ ਪਹਿਲਾਂ ਕਾਂਗਰਸ ਨੇ ਭੁਨਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਇਸ ਪੂਰੇ ਕਤਲ ਕਾਂਡ ਨੂੰ ਬੀਜੇਪੀ ਅਤੇ ਕੇਂਦਰ ਸਰਕਾਰ ਦੀ ਸਾਜ਼ਿਸ਼ ਕਰਾਰ ਦੇ ਦਿੱਤਾ। ਕਾਂਗਰਸੀ ਆਗੂ ਰਣਦੀਪ ਸੁਰਜੇਵਾਲਾ ਨੇ ਟਵੀਟ ਕੀਤਾ, “ਸੱਚ ਸਾਹਮਣੇ ਆ ਹੀ ਰਿਹਾ ਹੈ। ਪਰਤਾਂ ਉੱਠ ਰਹੀਆਂ ਹਨ। ਪਰਦਾ ਖੁੱਲ੍ਹ ਰਿਹਾ ਹੈ। ਕੌਣ ਅਸਲ ਵਿੱਚ ਪਰਦੇ ਦੇ ਪਿੱਛੇ ਕਿਸਦੇ ਨਾਲ ਖੜ੍ਹਿਆ ਹੈ? ਕੌਣ ਕਿਸਾਨਾਂ ਦੇ ਖਿਲਾਫ਼ ਸਾਜ਼ਿਸ਼ ਰਚ ਰਿਹਾ ਹੈ?
सच सामने आ ही रहा है।
परतें उठ रही हैं, पर्दा खुल रहा है।
कौन असल में पर्दे के पीछे किसके साथ खड़ा है?
कौन किसानों के खिलाफ़ क्या षड्यंत्र कर रहा है?#FarmersProtest https://t.co/wGhM9XSWpf
— Randeep Singh Surjewala (@rssurjewala) October 19, 2021
ਬੀਜੇਪੀ ਕਿਸਾਨ ਮੋਰਚੇ ਦੇ ਆਗੂ ਸੁਖਮਿੰਦਰਪਾਲ ਸਿੰਘ ਗਰੇਵਾਲ ਨੇ ਇਸ ਮੀਟਿੰਗ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ ਕਿ ਅਸੀਂ ਪੰਜਾਬ ਵਿੱਚ ਭਾਈਚਾਰਕ ਸਾਂਝ ਨੂੰ ਵਿਗਾੜਨ ਵਾਲੇ ਕਿਸਾਨ ਅੰਦੋਲਨ ਦਾ ਹੱਲ ਲੱਭਣ ਲਈ ਕਈ ਬੈਠਕਾਂ ਕੀਤੀਆਂ ਹਨ। ਅਜਿਹੀ ਹੀ ਇੱਕ ਬੈਠਕ ਵਿੱਚ ਨਿਹੰਗ ਬਾਬਾ ਅਮਨ ਸਿੰਘ ਸ਼ਾਮਲ ਹੋਏ ਸਨ। ਉਹ ਵੀ ਚਾਹੁੰਦੇ ਸਨ ਕਿ ਇਸ ਮਸਲੇ ਨੂੰ ਸੁਲਝਾਇਆ ਜਾਵੇ।
ਵਿਵਾਦਤ ਇੰਸਪੈਕਟਰ ਦੀ ਫੋਟੋ ‘ਤੇ ਵੀ ਸਵਾਲ
ਤਸਵੀਰ ਵਿੱਚ ਨਿਹੰਗ ਜਥੇਬੰਦੀ ਦੇ ਮੁਖੀ ‘ਤੇ ਸਵਾਲ ਤਾਂ ਚੁੱਕੇ ਹੀ ਜਾ ਰਹੇ ਹਨ, ਪਰ ਇੱਕ ਵਿਵਾਦਤ ਕਿਰਦਾਰ ਵੀ ਵਿਵਾਦ ਦੀ ਵਜ੍ਹਾ ਹਨ।ਦਰਅਸਲ, ਇਸ ਤਸਵੀਰ ਵਿੱਚ ਪਿੱਛੇ ਨਜ਼ਰ ਆ ਰਹੇ ਗੁਰਮੀਤ ਸਿੰਘ ਪਿੰਕੀ ਪੰਜਾਬ ਦੇ ਸਾਬਕਾ ਪੁਲਿਸ ਇੰਸਪੈਕਟਰ ਹਨ, ਜੋ ਇੱਕ ਕਤਲ ਕਾਂਡ ਵਿੱਚ ਉਮਰ ਕੈਦ ਦੀ ਸਜ਼ਾ ਕੱਟ ਚੁੱਕੇ ਹਨ। ਪਿੰਕੀ ਨੂੰ ਪੰਜਾਬ ਪੁਲਿਸ ਤੋਂ ਬਰਖਾਸਤ ਕੀਤਾ ਗਿਆ ਸੀ।
ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਨੇ ਪਿੰਕੀ ਦੇ ਬਹਾਨੇ ਕੇਂਦਰ ਸਰਕਾਰ ‘ਤੇ ਹਮਲਾ ਬੋਲਿਆ ਹੈ। ਜਾਖੜ ਨੇ ਪੰਜਾਬੀ ਦੀ ਇੱਕ ਕਹਾਵਤ “ਭੈੜੇ ਭੈੜੇ ਯਾਰ ਸਾਡੀ ਫੱਤੋ ਦੇ” ਕਹਿ ਕੇ ਤੰਜ ਕਸਿਆ। ਉਹਨਾਂ ਕਿਹਾ, “ਕਿਸੇ ਆਦਮੀ ਨੂੰ ਇਸ ਗੱਲ ਨਾਲ ਜਾਣਿਆ ਜਾਂਦਾ ਹੈ ਕਿ ਉਹ ਕਿਹੋ-ਜਿਹੇ ਲੋਕਾਂ ਨਾਲ ਰਹਿੰਦਾ ਹੈ। ਮੋਦੀ ਸਰਕਾਰ ਵਿਵਾਦਤ ਚਰਿੱਤਰ ਵਾਲੇ ਲੋਕਾਂ ਜ਼ਰੀਏ ਡੀਲ ਕਰ ਰਹੀ ਹੈ। ਖੁਦ ਨੂੰ ਰਾਸ਼ਟਰਵਾਦੀ ਕਹਿਣ ਵਾਲੇ ਨਾ ਸਿਰਫ਼ ਖੁਦ ਨੂੰ ਨੀਚਾ ਵਿਖਾ ਰਹੇ ਹਨ, ਬਲਕਿ ਭਾਰਤ ਸਰਕਾਰ ਦੀ ਸਾਖ ਵੀ ਖਰਾਬ ਕਰ ਰਹੇ ਹਨ।”
A Punjabi saying,
ਭੈੜੇ ਭੈੜੇ ਯਾਰ ਸਾਡੀ ਫੱਤੋ ਦੇ
Can be loosely translated as
“Man is known by the company he keeps”.
Modi govt dealing through shady characters!Thus,the proclaimed nationalists are not just demeaning themselves but also the institution of 'Government of India' pic.twitter.com/7lGQyTbXhv— Sunil Jakhar (@sunilkjakhar) October 19, 2021
ਕੌਣ ਹਨ ਗੁਰਮੀਤ ਸਿੰਘ ਪਿੰਕੀ?
ਗੁਰਮੀਤ ਸਿੰਘ ਪਿੰਕੀ ਨੂੰ 1988 ਵਿੱਚ ਤਤਕਾਲੀ ਪੰਜਾਬ ਪੁਲਿਸ ਮੁਖੀ ਕੇ.ਪੀ.ਐੱਸ. ਗਿੱਲ ਨੇ ਪੁਲਿਸ ਵਿੱਚ ਭਰਤੀ ਕੀਤਾ ਸੀ। ਪੰਜਾਬ ਵਿੱਚ ਦਹਿਸ਼ਤਵਾਦ ਦੇ ਦੌਰ ਵਿੱਚ ਗੁਰਮੀਤ ਦਾ ਖੂਬ ਬੋਲਬਾਲਾ ਰਿਹਾ। ਉਸਨੇ ਕਈ ਦਹਿਸ਼ਤਗਰਦਾਂ ਨੂੰ ਮਾਰਿਆ, ਜਿਸਦੇ ਚਲਦੇ ਉਸ ਨੂੰ ਆਊਟ ਆਫ ਟਰਨ ਪ੍ਰਮੋਸ਼ਨ ਵੀ ਮਿਲੇ। 1996 ਵਿੱਚ ਉਸਨੂੰ ਇੰਸਪੈਕਟਰ ਲਾ ਦਿੱਤਾ ਗਿਈ। ਪੰਜਾਬ ਦੇ ਸਾਬਕਾ ਸੀਐੱਮ ਬੇਅੰਤ ਸਿੰਘ ਦੇ ਕਾਤਲਾਂ ਨੂੰ ਗ੍ਰਿਫ਼ਤਾਰ ਕਰਨ ਲਈ ਪਿੰਕਾ ਨੂੰ ਵੀਰਤਾ ਪੁਰਸਕਾਰ ਵੀ ਮਿਲਿਆ। ਹਾਲਾਂਕਿ ਪੰਜਾਬ ਵਿੱਚ ਦਹਿਸ਼ਤਵਾਦ ਦਾ ਦੌਰ ਖਤਮ ਹੋਣ ਦੇ ਨਾਲ ਹੀ ਗੁਰਮੀਤ ਪਿੰਕੀ ਦਾ ਕਰੀਅਰ ਵੀ ਖਤਮ ਹੋਣ ਲੱਗਿਆ।
ਸਾਲ 2001 ਵਿੱਚ ਗੁਰਮੀਤ ਪਿੰਕੀ ‘ਤੇ ਲੁਧਿਆਣਾ ਵਿੱਚ ਅਵਤਾਰ ਸਿੰਘ ਉਰਫ ਗੋਲਾ ਦੇ ਕਤਲ ਦਾ ਇਲਜ਼ਾਮ ਲੱਗਿਆ। ਅਕਤੂਬਰ 2006 ਵਿਚ ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ। ਹਾਲਾਂਕਿ ਕਰੀਬ 8 ਸਾਲ ਸਜ਼ਾ ਕੱਟਣ ਤੋਂ ਬਾਅਦ ਉਸਨੂੰ ਚੰਗੇ ਵਿਹਾਰ ਦੇ ਚਲਦੇ ਰਿਹਾਅ ਕਰ ਦਿੱਤਾ ਗਿਆ। 2014 ਵਿੱਚ ਰਿਹਾਅ ਹੋਣ ਤੋਂ ਬਾਅਦ ਮਈ 2015 ਵਿੱਚ ਉਸਨੂੰ ਮੁੜ ਪੰਜਾਬ ਪੁਲਿਸ ਵਿੱਚ ਨਿਯੁਕਤ ਕਰਨ ਦੇ ਆਦੇਸ਼ ਦੇ ਦਿੱਤੇ ਗਏ, ਪਰ ਵਿਵਾਦ ਹੋਣ ਦੇ ਚਲਦੇ ਇਸ ਫ਼ੈਸਲੇ ਨੂੰ 4 ਦਿਨਾਂ ਅੰਦਰ ਹੀ ਰੱਦ ਕਰਨਾ ਪਿਆ।
