ਬਿਓਰੋ। ਪੰਜਾਬ ਕਾਂਗਰਸ ਦੀ ਮੁੜ ਕਮਾਨ ਸੰਭਾਲਣ ਤੋਂ ਬਾਅਦ ਵੀ ਨਵਜੋਤ ਸਿੰਘ ਸਿੱਧੂ ਦੇ ਤੇਵਰ ਨਹੀਂ ਬਦਲੇ ਹਨ। ਅਹੁਦਾ ਸੰਭਾਲਣ ਦੇ 24 ਘੰਟਿਆਂ ਬਾਅਦ ਹੀ ਸਿੱਧੂ ਨੇ ਮੁੜ ਆਪਣੀ ਹੀ ਸਰਕਾਰ ‘ਤੇ ਹਮਲਾ ਬੋਲਿਆ ਹੈ। ਇਸ ਵਾਰ ਉਹਨਾਂ ਨੇ ਨਸ਼ੇ ਦੇ ਮੁੱਦੇ ਨੂੰ ਲੈ ਕੇ ਆਪਣੀ ਸਰਕਾਰ ‘ਤੇ ਸਵਾਲ ਚੁੱਕੇ ਹਨ।
ਸਿੱਧੂ ਨੇ ਨੈਸ਼ਨਲ ਕਰਾਈਮ ਰਿਕਾਰਡ ਬਿਓਰੋ(NCRB) ਦੇ ਅੰਕੜਿਆਂ ਦਾ ਹਵਾਲਾ ਦੇ ਕੇ ਕਿਹਾ ਕਿ ਪਿਛਲੇ ਲਗਾਤਾਰ 5 ਸਾਲਾਂ ਤੋਂ NDPS ਦੇ ਕਰਾਈਮ ਰੇਟ ਵਿੱਚ ਪੰਜਾਬ ਟੌਪ ਪੋਜੀਸ਼ਨ ‘ਤੇ ਬਣਿਆ ਹੋਇਆ ਹੈ। ਸਿੱਧੂ ਨੇ ਕਿਹਾ ਕਿ 2017 ਵਿੱਚ ਵਾਅਦਾ ਸੀ ਕਿ 4 ਹਫ਼ਤਿਆਂ ਵਿੱਚ ਨਸ਼ੇ ਦਾ ਲੱਕ ਤੋੜ ਦਿਆਂਗੇ, ਪਰ NCRB ਦੇ ਅੰਕੜੇ ਸੱਚਾਈ ਬਿਆਨ ਕਰ ਰਹੇ ਹਨ।
It was promised to the people of Punjab in 2017, that we will break the backbone of Drugs in 4 weeks but as per National Crime Record Bureau Reports from 2017 to 2020, Punjab has continuously retained the top position in Crime Rate in NDPS for the last 4 consecutive years. pic.twitter.com/h983x6ZVDn
— Navjot Singh Sidhu (@sherryontopp) November 17, 2021
ਸਿੱਧੂ ਨੇ ਕਿਹਾ, “ਸਾਡੇ ‘ਤੇ ਇਲਜਾਮ ਲੱਗਦੇ ਰਹੇ ਹਨ ਕਿ ਕਾਂਗਰਸ ਵੀ ਡਰੱਗਜ਼ ਖਿਲਾਫ਼ ਕਾਰਵਾਈ ਨੂੰ ਲੈ ਕੇ ਅਕਾਲੀਆਂ ਦੀ ਖਾਨਾਪੂਰਤੀ ਵਾਲੀ ਵਿਰਾਸਤ ਨੂੰ ਅੱਗੇ ਵਧਾ ਰਹੀ ਹੈ।” ਸਿੱਧੂ ਨੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੀ ਦਿੱਤੀ ਹੋਈ ਟਿੱਪਣੀ ਦਾ ਜਿਕਰ ਵੀ ਕੀਤਾ, ਜਿਸ ਵਿੱਚ ਕੋਰਟ ਨੇ ਕਿਹਾ ਸੀ ਕਿ ਪੰਜਾਬ ਵਿੱਚ ਡਰੱਗ ਸਪਲਾਇਰ ਸਿਆਸੀ ਸੁਰੱਖਿਆ ਦੇ ਚਲਦੇ ਸਜਾ ਤੋਂ ਬੱਚ ਰਹੇ ਹਨ, ਸਿਰਫ਼ ਛੋਟੇ ਕੈਰੀਅਰਸ ਨੂੰ ਫੜਿਆ ਜਾ ਰਿਹਾ ਹੈ।
ਸਿੱਧੂ ਨੇ ਕਿਹਾ, “ਹਾਈਕੋਰਟ ਨੇ ਪੰਜਾਬ ਸਰਕਾਰ ਨੂੰ STF ਦੀ ਕਾਪੀ ਸੌਂਪੀ, ਪਰ ਇਸ ‘ਤੇ ਕਾਰਵਾਈ ਕਰਨ ਦੀ ਬਜਾਏ ਸਾਡੀ ਸਰਕਾਰ ਫਰਵਰੀ 2018 ਤੋਂ ਉਸ ‘ਤੇ ਬੈਠੀ ਹੋਈ ਹੈ। ਇਥੋਂ ਤੱਕ ਕਿ ਅਸੀਂ ਬਹੁਕਰੋੜੀ ਡਰੱਗਜ਼ ਕੇਸ ਵਿੱਚ ਦੂਜੇ ਮੁਲਜਮਾਂ ਦੇ Extradition ਵਿੱਚ ਫੇਲ੍ਹ ਰਹੇ। ਇਸਦਾ ਸੋਲਿਊਸ਼ਨ ਇਹ ਹੈ ਕਿ ਅਸੀਂ ਵੱਡੀਆਂ ਮੱਛੀਆਂ ਨੂੰ ਫੜੀਏ ਅਤੇ ਉਹਨਾਂ ਨੂੰ ਸਜਾ ਦਈਏ।“
As per law, government has all the powers to proceed on the basis of STF report. Hence, it should be immediately made public, an FIR should be registered on its basis and a time bound investigation should be initiated to catch the big fishes responsible for narco-terrorism.
— Navjot Singh Sidhu (@sherryontopp) November 17, 2021
ਸਿੱਧੂ ਨੇ ਕਿਹਾ, “ਕਾਨੂੰਨ ਦੇ ਮੁਤਾਬਕ ਸਰਕਾਰ ਕੋਲ ਸਾਰੇ ਹੱਕ ਹਨ ਕਿ ਉਹ STF ਦੀ ਰਿਪੋਰਟ ਦੇ ਅਧਾਰ ‘ਤੇ ਅੱਗੇ ਦੀ ਕਾਰਵਾਈ ਕਰੇ। ਇਸ ਲਈ ਰਿਪੋਰਟ ਨੂੰ ਤੁਰੰਤ ਜਨਤਕ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਮਾਮਲੇ ਵਿੱਚ ਰਿਪੋਰਟ ਦੇ ਅਧਾਰ ‘ਤੇ FIR ਦਰਜ ਕਰਨੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਵੱਡੇ ਤਸਕਰਾਂ ਨੂੰ ਫੜਨ ਲਈ ਸਮਾਂਬੱਧ ਜਾਂਚ ਕਰਨੀ ਚਾਹੀਦੀ ਹੈ, ਜੋ ਪੰਜਾਬ ਵਿਚ ਨਾਰਕੋ ਟੈਰਰਿਜ਼ਮ ਲਈ ਜਿੰਮੇਵਾਰ ਹਨ।”
ਦਿਲਚਸਪ ਹੈ ਕਿ ਸਿੱਧੂ ਨੇ ਪ੍ਰਧਾਨਗੀ ਛੱਡਣ ਤੋਂ ਬਾਅਦ ਮੰਗਲਵਾਰ ਨੂੰ ਹੀ ਮੁੜ ਪਾਰਟੀ ਦੀ ਕਮਾਨ ਸਾਂਭੀ ਹੈ। ਕਾਂਗਰਸ ਦਫਤਰ ਵਿੱਚ ਵਾਪਸੀ ਕਰਦੇ ਹੋਏ ਸਿੱਧੂ ਨੇ ਕਿਹਾ ਸੀ ਕਿ ਉਹ ਅਤੇ ਸੀਐੱਮ ਇੱਕ ਹੀ ਰਥ ਦੇ 2 ਪਹੀਏ ਹਨ ਅਤੇ ਦੋਵੇਂ ਮਿਲ ਕੇ ਚੱਲਣਗੇ। ਪਰ ਸਿੱਧੂ ਦੇ ਤਾਬੜਤੋੜ ਟਵੀਟ ਕੁਝ ਹੋਰ ਹੀ ਇਸ਼ਾਰਾ ਕਰ ਰਹੇ ਹਨ।
