ਬਿਓਰੋ। ਕਰਤਾਰਪੁਰ ਲਾਂਘੇ ਜ਼ਰੀਏ ਬਾਬਾ ਨਾਨਕ ਦੇ ਦਰ ‘ਤੇ ਪਹੁੰਚੇ ਨਵਜੋਤ ਸਿੰਘ ਸਿੱਧੂ ਆਪਣੇ ਪਾਕਿਸਤਾਨ ਪ੍ਰੇਮ ਨੂੰ ਲੈ ਕੇ ਇੱਕ ਵਾਰ ਫਿਰ ਚਰਚਾ ਵਿੱਚ ਹਨ। ਸਿੱਧੂ ਨੇ ਕਰਤਾਰਪੁਰ ਸਾਹਿਬ ਵਿੱਚ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੂੰ ਆਪਣਾ ਵੱਡਾ ਭਰਾ ਦੱਸਿਆ। ਕਰਤਾਰਪੁਰ ਸਾਹਿਬ ਗੁਰਦੁਆਰੇ ਦੀ ਮੈਨੇਜਮੈਂਟ ਨਾਲ ਗੱਲ ਕਰਦੇ ਹੋਏ ਸਿੱਧੂ ਨੇ ਕਿਹਾ ਕਿ ਇਮਰਾਨ ਖਾਨ ਨੇ ਉਹਨਾਂ ਨੂੰ ਬੇਹੱਦ ਪਿਆਰ ਦਿੱਤਾ ਹੈ।
ਸਿੱਧੂ ਦੇ ਸਵਾਗਤ ‘ਚ ਫੁੱਲ੍ਹਾਂ ਦੀ ਵਰਖਾ
ਪਾਕਿਸਤਾਨ ਪਹੁੰਚਣ ‘ਤੇ ਸਿੱਧੂ ਦਾ ਸ਼ਾਹੀ ਸਵਾਗਤ ਹੋਇਆ। ਪਾਕਿਸਤਾਨ ਦੀ ਧਰਤੀ ‘ਤੇ ਕਦਮ ਰੱਖਦੇ ਹੀ ਉਹਨਾਂ ‘ਤੇ ਫੁੱਲਾਂ ਦੀ ਵਰਖਾ ਕੀਤੀ ਗਈ। ਇਸ ਤੋਂ ਬਾਅਦ ਕਰਤਾਰਪੁਰ ਸਾਹਿਬ ਦੇ CEO ਮੁਹੰਮਦ ਲਤੀਫ ਨੇ ਉਹਨਾਂ ਦਾ ਸਵਾਗਤ ਕੀਤਾ। ਉਹਨਾਂ ਨੇ ਕਿਹਾ ਕਿ ਪੂਰਾ ਪਾਕਿਸਤਾਨ ਤੁਹਾਡਾ ਸਵਾਗਤ ਕਰਦਾ ਹੈ। ਅਸੀਂ ਲੰਮੇ ਸਮੇਂ ਤੋਂ ਇਸ ਦਿਨ ਦਾ ਇੰਤਜ਼ਾਰ ਕਰ ਰਹੇ ਸੀ। ਇਸੇ ਗੱਲ ‘ਤੇ ਸਿੱਧੂ ਨੇ ਕਿਹਾ, “ਇਮਰਾਨ ਮੇਰੇ ਵੱਡੇ ਭਰਾ ਹਨ। ਉਹਨਾਂ ਨੇ ਮੈਨੂੰ ਬੇਹੱਦ ਪਿਆਰ ਦਿੱਤਾ ਹੈ।“ ਇਸ ਤੋਂ ਬਾਅਦ ਮਾਲਾ ਪੁਆ ਕੇ ਸਿੱਧੂ ਦਾ ਸਵਾਗਤ ਕੀਤਾ ਗਿਆ।
Press Conference at Kartarpur Sahib Corridor https://t.co/LIBvoN7CqW
— Navjot Singh Sidhu (@sherryontopp) November 20, 2021
ਸਿੱਧੂ ਦੇ ਪਾਕਿ ਪ੍ਰੇਮ ‘ਤੇ ਭੜਕੀ ਬੀਜੇਪੀ
ਸਿੱਧੂ ਦੇ ਬਿਆਨ ‘ਤੇ ਭਾਰਤ ਵਿੱਚ ਸਿਆਸੀ ਬਵਾਲ ਸ਼ੁਰੂ ਹੋ ਗਿਆ। ਬੀਜੇਪੀ ਦੇ ਬੁਲਾਰੇ ਸੰਬਿਤ ਪਾਤਰਾ ਨੇ ਕਿਹਾ, “ਓਹੀ ਹੋਇਆ, ਜਿਸਦੀ ਉਮੀਦ ਸੀ। ਇਹ ਕਾਂਗਰਸ ਦੀ ਸੋਚੀ-ਸਮਝੀ ਸਾਜ਼ਿਸ਼ ਹੈ।”
हिन्दुओं को गाली और पाकिस्तान से प्यार, यही हैं कांग्रेस के संस्कार pic.twitter.com/5Kzb6J8rLR
— BJP (@BJP4India) November 20, 2021
ਸਿੱਧੂ ਦੇ ਬਹਾਨੇ ਰਾਹੁਲ-ਪ੍ਰਿਅੰਕਾ ‘ਤੇ ਨਿਸ਼ਾਨਾ
ਬੀਜੇਪੀ ਆਈ.ਟੀ. ਸੈੱਲ ਦੇ ਪ੍ਰਮੁੱਖ ਅਮਿਤ ਮਾਲਵੀਆ ਨੇ ਵੀ ਸਿੱਧੂ ‘ਤੇ ਨਿਸ਼ਾਨਾ ਸਾਧਿਆ। ਮਾਲਵੀਆ ਨੇ ਕਿਹਾ ਕਿ ਰਾਹੁਲ ਗਾਂਧੀ ਦੇ ਫੇਵਰੇਟ ਨਵਜੋਤ ਸਿੰਘ ਸਿੱਧੂ ਨੇ ਪਾਕਿਸਤਾਨ ਦੇ ਪੀਐੱਮ ਇਮਰਾਨ ਖਾਨ ਨੂੰ ਵੱਡਾ ਭਰਾ ਕਿਹਾ। ਪਿਛਲੀ ਵਾਰ ਉਹਨਾਂ ਨੇ ਪਾਕਿ ਆਰਮੀ ਚੀਫ ਜਨਰਲ ਬਾਜਵਾ ਨੂੰ ਜੱਫੀ ਪਾਇਆ ਸੀ। ਉਹਨਾਂ ਨੇ ਕਿਹਾ, “ਕੀ ਇਹ ਕੋਈ ਸਰਪ੍ਰਾਈਜ਼ ਹੈ ਕਿ ਰਾਹੁਲ-ਪ੍ਰਿਅੰਕਾ ਨੇ ਸਾਬਕਾ ਫੌਜੀ ਕੈਪਟਨ ਅਮਰਿੰਦਰ ਸਿੰਘ ਤੋਂ ਉੱਪਰ ਪਾਕਿਸਤਾਨ ਦੇ ਪਿਆਰੇ ਨਵਜੋਤ ਸਿੱਧੂ ਨੂੰ ਚੁਣਿਆ?”
Rahul Gandhi’s favourite Navjot Singh Sidhu calls Pakistan Prime Minister Imran Khan his “bada bhai”. Last time he had hugged Gen Bajwa, Pakistan Army’s Chief, heaped praises.
Is it any surprise that the Gandhi siblings chose a Pakistan loving Sidhu over veteran Amarinder Singh? pic.twitter.com/zTLHEZT3bC
— Amit Malviya (@amitmalviya) November 20, 2021
ਆਪਣਿਆਂ ਦੇ ਨਿਸ਼ਾਨੇ ‘ਤੇ ਸਿੱਧੂ
ਵੈਸੇ ਬੀਜੇਪੀ ਦੇ ਨਾਲ-ਨਾਲ ਕਾਂਗਰਸੀ ਸਾਂਸਦ ਮਨੀਸ਼ ਤਿਵਾੜੀ ਨੇ ਵੀ ਸਿੱਧੂ ‘ਤੇ ਹਮਲਾ ਬੋਲਿਆ ਹੈ। ਤਿਵਾੜੀ ਨੇ ਕਿਹਾ ਕਿ ਇਮਰਾਨ ਖਾਨ ਕਿਸੇ ਦਾ ਵੱਡਾ ਭਰਾ ਹੋ ਸਕਦਾ ਹੈ, ਪਰ ਭਾਰਤ ਲਈ ਉਹ ਪਾਕਿਸਤਾਨੀ ਖੂਫੀਆ ਏਜੰਸੀ ISI ਅਤੇ ਫੌਜ ਦੇ ਗਠਜੋੜ ਦੀ ਕਠਪੁਤਲੀ ਹੈ, ਜੋ ਪੰਜਾਬ ਵਿੱਚ ਡਰੋਨ ਦੇ ਜ਼ਰੀਏ ਹਥਿਆਰ ਅਤੇ ਨਸ਼ਾ ਭੇਜ ਰਿਹਾ ਹੈ। ਇਸ ਤੋਂ ਇਲਾਵਾ ਉਹ ਰੋਜ਼ਾਨਾ ਜੰਮੂ-ਕਸ਼ਮੀਰ ਵਿੱਚ LOC ‘ਤੇ ਦਹਿਸ਼ਤਗਰਦਾਂ ਨੂੰ ਭੇਜ ਰਿਹਾ ਹੈ। ਉਹਨਾਂ ਨੇ ਸਿੱਧੂ ਨੂੰ ਪੁੱਛਿਆ, “ਕੀ ਅਸੀਂ ਪੁੰਛ ਵਿੱਚ ਸਾਡੇ ਫੌਜੀਆਂ ਦੀ
.@ImranKhanPTI may be anybody’s elder brother but for India he is that cat’s paw of Pak Deep State ISI-Military combine that drones arms & narcotics into Punjab & sends terrorists on a daily basis across LOC in J&K. Have we forgotten martyrdom of our soldiers in Poonch so soon ?
— Manish Tewari (@ManishTewari) November 20, 2021
ਅਕਾਲੀ ਦਲ ਨੇ ਸਿੱਧੂ ਨੂੰ ਗੱਦਾਰ ਦੱਸਿਆ
ਅਕਾਲੀ ਆਗੂ ਮਨਜਿੰਦਰ ਸਿੰਘ ਸਿਰਸਾ ਨੇ ਵੀ ਸਿੱਧੂ ਨੂੰ ਕਰੜੇ ਹੱਥੀਂ ਲਿਆ। ਸਿਰਸਾ ਨੇ ਕਿਹਾ ਕਿ ਸਿੱਧੂ ਨੂੰ ਉਸ ਮਾਂ ਤੋਂ ਪੁੱਛਣਾ ਚਾਹੀਦਾ ਹੈ, ਜਿਸਦਾ ਪੁੱਤਰ ਬਾਰਡਰ ‘ਤੇ ਸ਼ਹੀਦ ਹੋ ਕੇ ਆਉਂਦਾ ਹੈ। ਇਸਦੇ ਬਾਵਜੂਦ ਮਾਂ ਕਹਿੰਦੀ ਹੈ ਕਿ ਮੈਂ ਦੇਸ਼ਭਗਤ ਹਾਂ ਅਤੇ ਦੂਜੇ ਬੱਚੇ ਨੂੰ ਵੀ ਸਰਹੱਦ ‘ਤੇ ਭੇਜਾਂਗੀ। ਦੂਜੇ ਪਾਸੇ, ਇੱਕ ਦੇਸ਼ ਦਾ ਚੁਣਿਆ ਹੋਇਆ ਨੁਮਾਇੰਦਾ ਦੇਸ਼ ਨਾਲ ਗੱਦਾਰੀ ਕਰਕੇ ਦੁਸ਼ਮਣ ਨੂੰ ਆਪਣਾ ਭਰਾ ਦੱਸਦਾ ਹੈ। ਇਹ ਦੇਸ਼ ਨਾਲ ਗੱਦਾਰੀ ਹੈ।
ਪਹਿਲਾਂ ਵੀ ਸਾਹਮਣੇ ਆਈਆਂ ਨਜ਼ਦੀਕੀਆਂ
कितने भारतीय सैनिकों का सिर शर्म से झुका दिया तुमने पाकिस्तान के प्रधानमंत्री को अपना बड़ा भाई कहकर@sherryontopp @ANI @republic @htTweets @timesofindia @thetribunechd @PTI_News @punjabkesari pic.twitter.com/rzvA3Gg9u4
— Manjinder Singh Sirsa (@mssirsa) November 20, 2021
ਪਹਿਲਾਂ ਵੀ ਸਾਹਮਣੇ ਆਈਆਂ ਨਜ਼ਦੀਕੀਆਂ
ਸਿੱਧੂ ਦੀ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨਾਲ ਨਜ਼ਦੀਕੀ ਕੋਈ ਨਵੀਂ ਗੱਲ ਨਹੀਂ ਹੈ। ਇਸ ਤੋਂ ਪਹਿਲਾਂ ਉਹ ਇਮਰਾਨ ਖਾਨ ਦੇ ਸਹੁੰ ਚੁੱਕ ਸਮਾਗਮ ਵਿੱਚ ਵੀ ਸ਼ਾਮਲ ਹੋਏ ਸਨ, ਜਿਥੇ ਉਹਨਾਂ ਨੇ ਪਾਕਿ ਆਰਮੀ ਚੀਫ ਕਮਰ ਬਾਜਵਾ ਨੂੰ ਜੱਫੀ ਪਾ ਲਈ ਸੀ। ਇਸ ਤੋਂ ਬਾਅਦ ਉਹ ਕਰਤਾਰਪੁਰ ਕੋਰੀਡੋਰ ਦੇ ਪਾਕਿਸਤਾਨ ਵਾਲੇ ਪਾਸੇ ਹੋਏ ਉਦਘਾਟਨੀ ਸਮਾਰੋਹ ਵਿੱਚ ਸ਼ਾਮਲ ਹੋਣ ਲਈ ਵੀ ਗਏ ਸਨ।
ਸਿੱਧੂ ਨੂੰ ਕ੍ਰੈਡਿਟ ਦਿੰਦਾ ਰਿਹਾ ਹੈ ਪਾਕਿਸਤਾਨ
ਕਰਤਾਰਪੁਰ ਕੋਰੀਡੋਰ ਨੂੰ ਲੈ ਕੇ ਪਾਕਿਸਤਾਨ ਹਮੇਸ਼ਾ ਸਿੱਧੂ ਨੂੰ ਕ੍ਰੈਡਿਟ ਦਿੰਦਾ ਰਿਹਾ ਹੈ। ਹਾਲ ਹੀ ਵਿੱਚ ਕੋਰੀਡੋਰਵ ਦੇ ਮੁੜ ਖੁੱਲ੍ਹਣ ਤੋਂ ਬਾਅਦ ਪਾਕਿਸਤਾਨ ਦੀ ਵੈੱਬਸਾਈਟ ‘ਤੇ ਕਿਹਾ ਗਿਆ ਕਿ ਸਿੱਧੂ ਨੇ ਹੀ ਪਾਕਿ ਪੀਐੱਮ ਨੂੰ ਕੋਰੀਡੋਰ ਖੋਲ੍ਹਣ ਦਾ ਆਈਡਿਆ ਦਿੱਤਾ ਸੀ, ਜਿਸ ਤੋਂ ਬਾਅਦ ਇਹ ਸੰਭਵ ਹੋ ਸਕਿਆ।
