ਬਿਓਰੋ। ਪੰਜਾਬ ਦੀਆਂ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਪੰਜਾਬ ਦੀਆਂ ਸਿਆਸੀ ਪਾਰਟੀਆਂ ਵਿਚਾਲੇ ਜੁਬਾਨੀ ਜੰਗ ਲਗਾਤਾਰ ਤੇਜ਼ ਹੋ ਰਹੀ ਹੈ। ਮੋਗਾ ਦੇ ਬਧਨੀ ਕਲਾਂ ਵਿੱਚ ਆਯੋਜਿਤ ਰੈਲੀ ‘ਚ ਪਹੁੰਚੇ ਸੀਐੱਮ ਚਰਨਜੀਤ ਸਿੰਘ ਚਨੀ ਨੇ ਦਿੱਲੀ ਦੇ ਸੀਐੱਮ ਅਤੇ ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ‘ਤੇ ਜੰਮ ਕੇ ਹਮਲਾ ਬੋਲਿਆ। ਚੰਨੀ ਨੇ ਕਿਹਾ ਕਿ ਬਾਹਰੀ ਲੋਕ ਪੰਜਾਬ ‘ਤੇ ਸ਼ਾਸਨ ਕਰਨ ਚਾਹੁੰਦੇ ਹਨ, ਪਰ ਪੰਜਾਬ ਸਿਰਫ਼ ਪੰਜਾਬੀਆਂ ਦਾ ਹੀ ਹੈ। ਚੰਨੀ ਨੇ ਕਿਹਾ ਕਿ ਜੋ ਬਾਹਰੋਂ ਆ ਕੇ ਪੰਜਾਬ ‘ਤੇ ਸ਼ਾਸਨ ਕਰਨਾ ਚਾਹੁੰਦੇ ਹਨ, ਉਹ ਪੰਜਾਬ ਦੇ ਸੱਭਿਆਚਾਰ ਅਤੇ ਜ਼ਰੂਰਤਾਂ ਬਾਰੇ ਕੁਝ ਨਹੀਂ ਜਾਣਗੇ। ਉਹ ਸਿਰਫ਼ ਇੱਕ ਕਾਲੇ ਅੰਗ੍ਰੇਜ਼ ਵਾਂਗ ਹਨ।
ਸੀਐੱਮ ਚੰਨੀ ਵੱਲੋਂ ਕੇਜਰੀਵਾਲ ਨੂੰ ‘ਕਾਲਾ ਅੰਗ੍ਰੇਜ਼’ ਕਹਿਣ ‘ਤੇ ਖੁਦ ਕੇਜਰੀਵਾਲ ਨੇ ਪਲਟਵਾਰ ਕੀਤਾ। ਕੇਜਰੀਵਾਲ ਨੇ ਟਵੀਟ ਕਰਕੇ ਕਿਹਾ, “ਜਦੋਂ ਤੋਂ ਮੈਂ ਕਿਹਾ ਹੈ ਕਿ ਪੰਜਾਬ ਦੀ ਹਰ ਮਹਿਲਾ ਨੂੰ 1000 ਰੁਪਏ ਮਹੀਨਾ ਦੇਵਾਂਗੇ, ਚੰਨੀ ਸਾਬ੍ਹ ਮੈਨੂੰ ਗਾਲ੍ਹਾਂ ਕੱਢ ਰਹੇ ਹਨ। ਪਹਿਲਾਂ ਬੋਲੇ ਕਿ ਕੇਜਰੀਵਾਲ ਦੇ ਕੱਪੜੇ ਖਰਾਬ ਹਨ। ਅੱਜ ਬੋਲੇ ਕਿ ਕੇਜਰੀਵਾਲ ਕਾਲਾ ਹੈ।” ਕੇਜਰੀਵਾਲ ਨੇ ਕਿਹਾ, “ਚੰਨੀ ਸਾਬ੍ਹ, ਮੇਰਾ ਰੰਗ ਕਾਲਾ ਹੈ, ਪਰ ਪੰਜਾਬ ਦੀਆਂ ਮੇਰੀਆਂ ਮਾਵਾਂ-ਭੈਣਾਂ ਨੂੰ ਇਹ ਕਾਲਾ ਪੁੱਤਰ/ਭਰਾ ਪਸੰਦ ਹੈ। ਉਹਨਾਂ ਨੂੰ ਪਤਾ ਹੈ ਕਿ ਮੇਰੀ ਨੀਅਤ ਸਾਫ਼ ਹੈ।”
जबसे मैंने कहा कि पंजाब की हर महिला को 1000 रुपए महीना देंगे, चन्नी साहिब मुझे गालियाँ दे रहे हैं। बोले कि केजरीवाल के कपड़े ख़राब हैं, आज बोले केजरीवाल काला है
चन्नी साहिब, मेरा रंग काला है। पर पंजाब की मेरी माँ बहनों को ये काला बेटा/भाई पसंद है।उनको पता है कि मेरी नीयत साफ़ है https://t.co/ZcNvFkLCM1
— Arvind Kejriwal (@ArvindKejriwal) December 1, 2021
ਪੰਜਾਬ ‘ਆਪ’ ਦੇ ਸਹਿ-ਇੰਚਾਰਜ ਰਾਘਵ ਚੱਢਾ ਨੇ ਵੀ ਚੰਨੀ ‘ਤੇ ਹਮਲਾ ਬੋਲਿਆ ਅਤੇ ਕਿਹਾ, “ਪੰਜਾਬ ਦੇ ਮੁੱਖ ਮੰਤਰੀ ਨੇ ਅੱਜ ਬਦਜੁਬਾਨੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ।” ਉਹਨਾਂ ਕਿਹਾ ਕਿ ਇੱਕ ਬੰਦਾ, ਜੋ ਪੰਜਾਬ ਵਿੱਚ ਮੁਫਤ ਇਲਾਜ ਦੇਣ ਦੀ ਗੱਲ ਕਰ ਰਿਹਾ ਹੈ, ਮਹਿਲਾਵਾਂ ਨੂੰ ਵਿੱਤੀ ਮਦਦ ਦੇਣ ਦੀ ਗੱਲ ਕਰ ਰਿਹਾ ਹੈ, ਬੱਚਿਆਂ ਨੂੰ ਚੰਗੀ ਸਿੱਖਿਆ ਦੇਣ ਦੀ ਗੱਲ ਕਰ ਰਿਹਾ ਹੈ, ਚੰਨੀ ਸਾਬ੍ਹ ਉਸਦੇ ਰੰਗ ਬਾਰੇ ਗੱਲ ਕਰ ਰਹੇ ਹਨ।
ਚੱਢਾ ਨੇ ਸਵਾਲ ਕੀਤਾ, “ਚੰਨੀ ਸਾਬ੍ਹ, ਕੀ ਤੁਹਾਨੂੰ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦਾ ਰੰਗ ਚੰਗਾ ਨਹੀਂ ਲੱਗਦਾ? ਕੀ ਤੁਹਾਨੂੰ ਉਹਨਾਂ ਦੀ ਕਮੀਜ਼ ਸਸਤੀ ਲੱਗਦੀ ਹੈ? ਕੀ ਤੁਹਾਨੂੰ ਪੰਜਾਬ ਦੇ ਖਰਾਬ ਹਾਲਾਤ ਨਹੀਂ ਵਿਖਦੇ?” ਉਹਨਾਂ ਕਿਹਾ ਕਿ ਇਹ ਕਿਸੇ ਹੋਰ ਦਾ ਨਹੀਂ, ਬਲਕਿ ਪੰਜਾਬ ਦਾ ਅਪਮਾਨ ਹੈ।
Punjab de CM @charanjitchanni Saab ne badzubaani di saariyan hadda paar kar dittian ne. Oh Kade Kejriwal saab de kapdeyan baare te kade ohna de rang baare comments kar rahe ne. Kejriwal saab Punjab de lokkan de dilaan vich vasde ne, Punjab di awaam da apmaan na karo pic.twitter.com/OF9FWNTiGh
— Raghav Chadha (@raghav_chadha) December 1, 2021
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਚੰਨੀ ਅਤੇ ਕੇਜਰੀਵਾਲ ਵਿਚਕਾਰ ਆਮ ਆਦਮੀ ਦੀ ਪਰੀਭਾਸ਼ਾ ਨੂੰ ਲੈ ਕੇ ਵੀ ਤਕਰਾਰ ਹੋ ਚੁੱਕੀ ਹੈ। ਕੇਜਰੀਵਾਲ ਚੰਨੀ ਨੂੰ ਨਕਲੀ ਆਮ ਆਦਮੀ ਅਤੇ ਨਕਲੀ ਕੇਜਰੀਵਾਲ ਤੱਕ ਕਹਿ ਚੁੱਕੇ ਹਨ।
