ਬਿਓਰੋ। ਚੋਣਾਂ ਤੋਂ ਪਹਿਲਾਂ ਸਰਕਾਰੀ ਕਰਮਚਾਰੀਆਂ ਦਾ ਜ਼ਬਰਦਸਤ ਵਿਰੋਧ ਝੱਲ ਰਹੀ ਚੰਨੀ ਸਰਕਾਰ ਨੇ ਹੁਣ ਪ੍ਰਦਰਸ਼ਨਕਾਰੀਆਂ ਦੀ ਅਵਾਜ਼ ਦਬਾਉਣ ਲਈ ਅਜੀਬੋ-ਗਰੀਬ ਫਾਰਮੂਲਾ ਕੱਢਿਆ ਹੈ। ਅਫਸਰਾਂ ਨੂੰ ਕਿਹਾ ਗਿਆ ਹੈ ਕਿ ਜੇਕਰ ਕਿਸੇ ਜਗ੍ਹਾ ਫੰਕਸ਼ਨ ਵਿੱਚ ਸੀਐੱਮ ਚਰਨਜੀਤ ਚੰਨੀ ਦਾ ਵਿਰੋਧ ਹੋਵੇ, ਤਾਂ ਉੱਚੀ ਅਵਾਜ਼ ‘ਚ DJ ਚਲਾ ਦਿੱਤਾ ਜਾਵੇ, ਤਾਂ ਜੋ ਨਾਅਰੇਬਾਜੀ ਦੀ ਅਵਾਜ਼ CM ਤੱਕ ਨਾ ਪਹੁੰਚੇ। ਸੀਐੱਮ ਸਕਿਓਰਿਟੀ ਵੇਖਣ ਵਾਲੀ ਸਪੈਸ਼ਲ ਪ੍ਰੋਟੈਕਸ਼ਨ ਯੂਨਿਟ ਦੇ IG ਨੇ ਇਹ ਫਰਮਾਨ ਕੱਢਿਆ ਹੈ, ਜਿਸ ਨੂੰ ਸਾਰੇ DC, ਪੁਲਿਸ ਕਮਿਸ਼ਨਰ ਅਤੇ SSP ਕੋਲ ਭੇਜ ਦਿੱਤਾ ਗਿਆ ਹੈ।
ਫਰਮਾਨ ‘ਚ ਕੀ ਕਿਹਾ ਗਿਆ?
IG ਨੇ ਲਿਖਿਆ, “ਜਦੋਂ ਵੀ ਮੁੱਖ ਮੰਤਰੀ ਦਾ ਤੁਹਾਡੇ ਜਿਲ੍ਹੇ ‘ਚ ਪ੍ਰੋਗਰਾਮ ਹੁੰਦਾ ਹੈ, ਤਾਂ ਉਹਨਾਂ ਦੀ ਆਮਦ ਦੌਰਾਨ ਰਸਤੇ ਵਿੱਚ ਵੱਖ-ਵੱਖ ਜਥੇਬੰਦੀਆਂ ਵੱਲੋਂ ਉੱਚੀ ਅਵਾਜ਼ ‘ਚ ਨਾਅਰੇ ਲਗਾਏ ਜਾਂਦੇ ਹਨ। ਇਸ ਲਈ ਭਵਿੱਖ ‘ਚ ਜਦੋਂ ਵੀ ਤੁਹਾਡੇ ਜਿਲ੍ਹੇ ਵਿੱਚ ਸੀਐੱਮ ਦਾ ਕੋਈ ਪ੍ਰੋਗਰਾਮ ਹੋਵੇ ਅਤੇ ਵੱਖ-ਵੱਖ ਜਥੇਬੰਦੀਆਂ ਆਪਣੀਆਂ ਮੰਗਾਂ ਲਈ ਮੁਜਾਹਰਾ ਕਰਦੀਆਂ ਹੋਣ..ਤਾਂ ਉਥੇ DJ ਲਗਾ ਦਿੱਤਾ ਜਾਵੇ। ਇਸ ਦੌਰਾਨ ਗੁਰਬਾਣੀ ਸ਼ਬਦ/ਧਾਰਮਿਕ ਗੀਤ ਚਲਾਏ ਜਾਣ, ਤਾਂ ਜੋ ਉਹਨਾਂ ਦੇ ਨਾਅਰਿਆਂ ਦੀ ਅਵਾਜ਼ ਸੁਣਾਈ ਨਾ ਦੇ ਸਕੇ।”
ਸੁਨੀਲ ਜਾਖੜ ਨੇ ਵੀ ਸਰਕਾਰ ਨੂੰ ਘੇਰਿਆ
ਸਰਕਾਰ ਦੇ ਇਸ ਆਦੇਸ਼ ‘ਤੇ ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਨੇ ਵੀ ਹੈਰਾਨੀ ਜਤਾਈ। ਉਹਨਾਂ ਨੇ ਟਵਿਟਰ ‘ਤੇ ਲਿਖਿਆ, “ਇਹ ਸੱਚ ਨਹੀਂ ਹੋ ਸਕਦਾ। ਜੇਕਰ ਸੱਚ ਹੈ, ਤਾਂ ਇਹ ਲੋਕਤੰਤਰ ਦਾ ਮਜਾਕ ਹੈ।”
It couldn’t be true ! Sacrilegious and a mockery of democracy. pic.twitter.com/f6Z24XZsFJ
— Sunil Jakhar (@sunilkjakhar) December 9, 2021
Clerical Mistake ਦੱਸ ਕੇ ਲਿਆ ‘U-Turn’
ਪੰਜਾਬ ਪੁਲਿਸ ਦਾ ਇਹ ਫਾਰਮੂਲਾ ਲੀਕ ਹੋ ਗਿਆ, ਤਾਂ ਅਫਸਰਾਂ ਨੇ ਤੁਰੰਤ U-Turn ਲੈ ਲਿਆ। ਇਸ ਨੂੰ Clerical Mistake ਦੱਸ ਕੇ ਆਦੇਸ਼ ਦਿੱਤਾ ਗਿਆ ਕਿ ਜਦੋਂ ਵੀ CM ਆਮ ਪਬਲਿਕ ਦੀ ਫਰਿਆਦ ਸੁਣਦੇ ਹੋਣ, ਤਾਂ ਲਾਊਡਸਪੀਕਰ ਦੀ ਅਵਾਜ਼ ਘੱਟ ਕਰ ਦਿਓ, ਤਾਂ ਜੋ ਸੀਐੱਮ ਨੂੰ ਆਮ ਪਬਲਿਕ ਦੀ ਗੱਲ ਸੁਣਨ ਵਿੱਚ ਕੋਈ ਦਿੱਕਤ ਨਾ ਹੋਵੇ।
