ਬਿਓਰੋ। ਪੰਜਾਬ ਵਿੱਚ SAD-BSP ਗਠਜੋੜ ਦੀ ਸਰਕਾਰ ਬਣਨ ਤੋਂ ਬਾਅਦ ਇੱਕ ਹਿੰਦੂ ਅਤੇ ਇੱਕ ਦਲਿਤ ਡਿਪਟੀ ਸੀਐੱਮ ਬਣਾਏ ਜਾਣ ਦਾ ਐਲਾਨ ਕਰ ਚੁੱਕੇ ਸੁਖਬੀਰ ਸਿੰਘ ਬਾਦਲ ਨੇ ਹੁਣ ਇੱਕ ਹੋਰ ਵੱਡਾ ਐਲਾਨ ਕਰ ਦਿੱਤਾ ਹੈ। ਅਕਾਲੀ ਦਲ ਪ੍ਰਧਾਨ ਦਾ ਇਹ ਐਲਾਨ ਉਹਨਾਂ ਦੀ ਹੀ ਪਾਰਟੀ ਦੇ ਦਲਿਤ ਆਗੂਆਂ ਲਈ ਵੱਡਾ ਝਟਕਾ ਹੈ। ਸੁਖਬੀਰ ਬਾਦਲ ਨੇ ਕਿਹਾ ਕਿ ਪੰਜਾਬ ਵਿੱਚ ਬਣਨ ਵਾਲਾ ਇੱਕ ਡਿਪਟੀ ਸੀਐੱਮ ਬਹੁਜਨ ਸਮਾਜ ਪਾਰਟੀ ਤੋਂ ਹੋਵੇਗਾ। ਜਾਹਿਰ ਹੈ ਇਹ ਡਿਪਟੀ ਸੀਐੱਮ ਦਲਿਤ ਵਰਗ ਦਾ ਹੀ ਹੋਵੇਗਾ, ਕਿਉਂਕਿ BSP ਦੇ ਵਧੇਰੇਤਰ ਆਗੂ ਦਲਿਤ ਸਮਾਜ ਨਾਲ ਤਾਲੁੱਕ ਰਖਦੇ ਹਨ ਅਤੇ BSP ਦਾ ਦਲਿਤ ਸਮਾਜ ਵਿੱਚ ਚੰਗਾ ਅਧਾਰ ਹੈ।
.@Akali_Dal_ had announced that 2 MLAs – 1 from Scheduled Caste & 1 from Hindu community – would be sworn in as Dy CMs once it forms the govt in Pb. Today it gives me great pleasure to announce on behalf of SAD-BSP alliance that now 1 out of 2 Dy CMs in our govt will be from BSP. pic.twitter.com/W0q6Z61rlG
— Sukhbir Singh Badal (@officeofssbadal) December 11, 2021
ਸੁਖਬੀਰ ਬਾਦਲ ਨੇ ਕਿਹਾ ਕਿ BSP ਖੁਦ ਚੁਣ ਕੇ ਆਪਣੇ ਲੀਡਰ ਦਾ ਨਾਂਅ ਦੱਸੇਗੀ, ਇਸਦੇ ਲਈ ਕੋਈ ਚਿਹਰੇ ਤੈਅ ਨਹੀਂ ਕੀਤੇ ਹਨ। ਕਾਬਿਲੇਗੌਰ ਹੈ ਕਿ ਪੰਜਾਬ ਵਿੱਚ ਅਕਾਲੀ ਦਲ ਨਾਲ ਗਠਜੋੜ ਕਰਕੇ BSP 20 ਸੀਟਾਂ ‘ਤੇ ਚੋਣ ਲੜ ਰਹੀ ਹੈ।
ਖੁਦ ਨੂੰ ਐਲਾਨ ਚੁੱਕੇ ਹਨ ਮੁੱਖ ਮੰਤਰੀ
ਜਿਕਰੇਖਾਸ ਹੈ ਕਿ ਸੁਖਬੀਰ ਬਾਦਲ ਪਹਿਲਾਂ ਹੀ ਖੁਦ ਨੂੰ ਅਕਾਲੀ-BSP ਗਠਜੋੜ ਦਾ ਸੀਐੱਮ ਕੈਂਡੀਡੇਟ ਐਲਾਨ ਚੁੱਕੇ ਹਨ। ਇਸ ਤੋਂ ਪਹਿਲਾਂ ਜਦੋਂ-ਜਦੋਂ ਪੰਜਾਬ ਵਿੱਚ ਅਕਾਲੀ ਦਲ ਦੀ ਸਰਕਾਰ ਰਹੀ, ਉਸ ਵਕਤ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਹੀ ਸੀਐੱਮ ਬਣਾਇਆ ਗਿਆ। ਸੱਤਾ ਵਿੱਚ ਆਉਣ ‘ਤੇ ਇਹ ਪਹਿਲਾ ਅਜਿਹਾ ਮੌਕਾ ਹੋਵੇਗਾ, ਜਦੋਂ ਸੁਖਬੀਰ ਬਾਦਲ ਸੂਬੇ ਦੀ ਕਮਾਨ ਸੰਭਾਲਣਗੇ।
ਹਰ ਵਰਗ ਨੂੰ ਲੁਭਾਉਣ ਦੀ ਕੋਸ਼ਿਸ਼ ‘ਚ ਸਿਆਸਤਦਾਨ
ਜੱਟ ਸਿੱਖ ਭਾਈਚਾਰੇ ਦੀ ਬਹੁਤਾਤ ਵਾਲੇ ਪੰਜਾਬ ਵਿੱਚ ਇਸ ਵਾਰ ਚੋਣਾਂ ਦੌਰਾਨ ਪਹਿਲੀ ਵਾਰ ਹਿੰਦੂ ਅਤੇ SC ਭਾਈਚਾਰੇ ਦੀ ਇਸ ਕਦਰ ਗੱਲ ਹੋ ਰਹੀ ਹੈ। ਦਰਅਸਲ, ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਬਾਦਲ ਨੇ ਅੰਬੇਡਕਰ ਜਯੰਤੀ ਮੌਕੇ ਦਲਿਤ ਲੀਡਰ ਨੂੰ ਪੰਜਾਬ ਦਾ ਡਿਪਟੀ ਸੀਐੱਮ ਬਣਾਏ ਜਾਣ ਦਾ ਐਲਾਨ ਕੀਤਾ ਸੀ, ਜਿਸ ਤੋਂ ਬਾਅਦ ਬੀਜੇਪੀ ਨੇ ਦਲਿਤ ਲੀਡਰ ਨੂੰ ਮੁੱਖ ਮੰਤਰੀ ਹੀ ਬਣਾਉਣ ਦਾ ਐਲਾਨ ਕਰ ਦਿੱਤਾ। ਹਾਲਾਂਕਿ ਇਸ ਸਭ ਦੇ ਵਿਚਾਲੇ ਕਾਂਗਰਸ ਪਹਿਲਾਂ ਹੀ SC ਭਾਈਚਾਰੇ ਦੇ ਲੀਡਰ ਚਰਨਜੀਤ ਸਿੰਘ ਚੰਨੀ ਨੂੰ ਸੀਐੱਮ ਬਣਾ ਚੁੱਕੀ ਹੈ।
ਹਿੰਦੂ ਭਾਈਚਾਰੇ ਦੀ ਗੱਲ ਕਰੀਏ, ਤਾਂ ਕਾਂਗਰਸ ਨੇ ਬੇਸ਼ੱਕ ਸੁਨੀਲ ਜਾਖੜ ਨੂੰ ਪੰਜਾਬ ਦਾ ਪਹਿਲਾ ਹਿੰਦੂ ਸੀਐੱਮ ਬਣਾਉਂਦੇ-ਬਣਾਉਂਦੇ ਯੂ-ਟਰਨ ਮਾਰ ਲਿਆ, ਪਰ ਓਪੀ ਸੋਨੀ ਨੂੰ ਡਿਪਟੀ ਸੀਐੱਮ ਬਣਾ ਕੇ ਹਿੰਦੂ ਸਮਾਜ ਨੂੰ ਨਾਲ ਜੋੜਨ ਦੀ ਕੋਸ਼ਿਸ਼ ਕੀਤੀ ਹੈ। ਇਸੇ ਵਿਚਾਲੇ ਸੁਖਬੀਰ ਬਾਦਲ ਵੀ ਇੱਕ ਹਿੰਦੂ ਲੀਡਰ ਨੂੰ ਡਿਪਟੀ ਸੀਐੱਮ ਬਣਾਏ ਜਾਣ ਦਾ ਐਲਾਨ ਕਰ ਚੁੱਕੇ ਹਨ।
ਕਾਂਗਰਸ ਪਹਿਲਾਂ ਹੀ ਖੇਡ ਚੁੱਕੀ ਹੈ ‘SC ਕਾਰਡ’
ਦਿਲਚਸਪ ਹੈ ਕਿ ਸਿਆਸੀ ਪਾਰਟੀਆਂ ਦੀ ਇਸ ਕੋਸ਼ਿਸ਼ ਵਿਚਾਲੇ ਕਾਂਗਰਸ ਪਹਿਲਾਂ ਹੀ SC ਕਾਰਡ ਖੇਡ ਚੁੱਕੀ ਹੈ। ਕੈਪਟਨ ਅਮਰਿੰਦਰ ਸਿੰਘ ਨੂੰ ਸੀਐੱਮ ਅਹੁਦੇ ਤੋਂ ਹਟਾਏ ਜਾਣ ਤੋਂ ਬਾਅਦ ਕਾਂਗਰਸ ਨੇ SC ਭਾਈਚਾਰੇ ਨਾਲ ਤਾਲੁੱਕ ਰੱਖਣ ਵਾਲੇ ਚਰਨਜੀਤ ਸਿੰਘ ਚੰਨੀ ਨੂੰ ਮੁੱਖ ਮੰਤਰੀ ਬਣਾ ਕੇ ਵਿਰੋਧੀਆਂ ਨੂੰ ਕਰਾਰਾ ਜਵਾਬ ਦਿੱਤਾ ਹੈ।
