ਜਲੰਧਰ। ਅਗਲੇ ਹੋਣ ਵਾਲੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਲਈ ਆਮ ਆਦਮੀ ਪਾਰਟੀ ਜੰਮ ਕੇ ਪ੍ਰਚਾਰ ਵਿੱਚ ਰੁੱਝੀ ਹੋਈ ਹੈ। ਪਾਰਟੀ ਦੇ ਕੌਮੀ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਲਗਾਤਾਰ ਪੰਜਾਬ ਦਾ ਦੌਰਾ ਕਰ ਰਹੇ ਹਨ। ਬੁੱਧਵਾਰ ਨੂੰ ਕੇਜਰੀਵਾਲ ਮੁੜ ਪੰਜਾਬ ਦੌਰੇ ‘ਤੇ ਪਹੁੰਚੇ ਅਤੇ ਜਲੰਧਰ ਵਿੱਚ ਪਾਰਟੀ ਦੀ ਤਿਰੰਗਾ ਯਾਤਰਾ ਵਿੱਚ ਸ਼ਾਮਲ ਹੋਏ।
हाथ में तिरंगा और ज़ुबां पर 'भारत माता की जय' के साथ जालंधरवासियों में आम आदमी पार्टी के लिए ग़ज़ब का उत्साह और प्यार देखने को मिला।
जालंधर को हमारी दो गारंटी। पंजाब में AAP की सरकार बनेगी तो जालंधर में अंतर्राष्ट्रीय हवाई अड्डा और देश की सबसे बड़ी स्पोर्ट्स यूनिवर्सिटी बनाएंगे। pic.twitter.com/qH4GC9SANF
— Arvind Kejriwal (@ArvindKejriwal) December 15, 2021
‘ਮੇਰਾ ਰੰਗ ਦੇ ਬਸੰਤੀ ਚੋਲਾ…’ ਗਾਣੇ ਦੇ ਨਾਲ ਸ਼ੁਰੂ ਹੋਈ ਇਸ ਤਿਰੰਗਾ ਯਾਤਰਾ ਵਿੱਚ ਹਜਾਰਾਂ ਦੀ ਗਿਣਤੀ ਵਿੱਚ ਸਮਰਥਕ ਜੁਟੇ। ਅਰਵਿੰਦ ਕੇਜਰੀਵਾਲ ਨੇ ਭਾਰਤ ਮਾਤਾ ਦੀ ਜੈ ਦੇ ਨਾਅਰੇ ਦੇ ਨਾਲ ਆਪਣੇ ਭਾਸ਼ਣ ਦੀ ਸ਼ੁਰੂਆਤ ਕੀਤੀ ਅਤੇ ਕਿਹਾ, “ਮੈਂ ਬਹੁਤ ਸਾਰੇ ਰੋਡ ਸ਼ੋਅ ਅਤੇ ਤਿਰੰਗਾ ਯਾਤਰਾ ਕੀਤੀਆਂ ਹਨ, ਪਰ ਜਲੰਧਰ ਦੇ ਲੋਕਾਂ ਨੂੰ ਵੱਖਰਾ ਹੀ ਪਿਆਰ ਦਿੱਤਾ। ਸਾਰਿਆਂ ਦਾ ਧੰਨਵਾਦ।”
ਕੇਜਰੀਵਾਲ ਨੇ ਕਿਹਾ, “ਪੰਜਾਬ ਨੇ ਦਹਿਸ਼ਤਵਾਦ ਦਾ ਦੌਰ ਵੇਖਿਆ ਹੈ। ਕੋਈ ਪੰਜਾਬੀ ਨਹੀਂ ਚਾਹੁੰਦਾ ਕਿ ਉਹ ਦੌਰ ਵਾਪਸ ਆਵੇ। ਅੱਜ ਦੀ ਤਿਰੰਗਾ ਯਾਤਰਾ ਪੰਜਾਬ ਦੇ ਅਮਨ-ਚੈਨ ਦੀ ਯਾਤਰਾ ਹੈ।” ਉਹਨਾਂ ਕਿਹਾ ਕਿ ਅਸੀਂ ਸਾਰਿਆਂ ਨੇ ਪੰਜਾਬ ਦੀ ਖੁਸ਼ਹਾਲੀ ਅਤੇ ਤਰੱਕੀ ਲਈ ਕੰਮ ਕਰਨਾ ਹੈ ਅਤੇ ਪੰਜਾਬ ਨੂੰ ਅੱਗੇ ਲੈ ਕੇ ਜਾਣਾ ਹੈ।
ਪੰਜਾਬ ਦੇ ਲੋਕ ਤੁਰ ਪਏ ਹਨ ਬਦਲਾਅ ਲਿਆਉਣ ਲਈ। ਜਲੰਧਰ ਦੇ ਆਪਣੇ ਭੈਣਾਂ ਅਤੇ ਭਰਾਵਾਂ ਨਾਲ ਤਿਰੰਗਾ ਯਾਤਰਾ | LIVE https://t.co/4ZCiRabMNQ
— Arvind Kejriwal (@ArvindKejriwal) December 15, 2021
ਡਾ. ਅੰਬੇਡਕਰ ਦਾ ਸੁਫਨਾ ਪੂਰਾ ਕਰਾਂਗੇ- ਕੇਜਰੀਵਾਲ
ਕੇਜਰੀਵਾਲ ਨੇ ਕਿਹਾ, “ਮੈਂ ਬਾਬਾ ਸਾਹੇਬ ਅੰਬੇਡਕਰ ਨੂੰ ਸਿਜਦਾ ਕਰਦਾ ਹਾਂ, ਜੋ ਬੇਹੱਦ ਪੜ੍ਹੇ-ਲਿਖੇ ਵਿਅਕਤੀ ਸਨ। ਉਹਨਾਂ ਦੇ ਕੋਲ 62 ਮਾਸਟਰ ਡਿੱਗਰੀ ਅਤੇ 2 Ph.D. ਦੀਆਂ ਡਿਗਰੀਆਂ ਸਨ। ਅੱਜਕੱਲ੍ਹ ਤਾਂ ਲੋਕਾਂ ਦੀ ਇੱਕ ਡਿੱਗਰੀ ਕਰਨ ਵਿੱਚ ਹੀ ਹਾਲਤ ਖਰਾਬ ਹੋ ਜਾਂਦੀ ਹੈ।” ਉਹਨਾਂ ਕਿਹਾ ਕਿ ਅੰਬੇਡਕਰ ਸਾਹੇਬ ਨੂੰ ਸਿੱਖਿਆ ਨਾਲ ਬੇਹੱਦ ਪਿਆਰ ਸੀ, ਉਹਨਾਂ ਦੀ ਸਿੱਖਿਆ ਦਾ ਅਧੂਰਾ ਸੁਫਨਾ ਅਸੀਂ ਪੂਰਾ ਕਰਾਂਗੇ।
ਜਲੰਧਰ ਦੇ ਲੋਕਾਂ ਨੂੰ ਦਿੱਤੀ ਚੁਣਾਵੀ ਗਾਰੰਟੀ
ਕੇਜਰੀਵਾਲ ਨੇ ਤਿਰੰਗਾ ਯਾਤਰਾ ਦੇ ਦੌਰਾਨ ਜਲੰਧਰ ਲਈ 2 ਵੱਡੇ ਐਲਾਨ ਵੀ ਕੀਤੇ। ਉਹਨਾਂ ਕਿਹਾ ਕਿ ਜੇਕਰ ਆਮ ਆਦਮੀ ਪਾਰਟੀ ਦੀ ਸਰਕਾਰ ਸੱਤਾ ‘ਚ ਆਈ, ਤਾਂ ਜਲੰਧਰ ਵਿੱਚ ਸਭ ਤੋਂ ਵੱਡੀ ਸਪੋਰਟਸ ਯੂਨੀਵਰਸਿਟੀ ਬਣਾਈ ਜਾਵੇਗੀ। ਨਾਲ ਹੀ ਉਹਨਾਂ ਨੇ ਜਲੰਧਰ ਵਿੱਚ ਕੌਮਾਂਤਰੀ ਏਅਰਪੋਰਟ ਬਣਾਉਣ ਦਾ ਵੀ ਐਲਾਨ ਕੀਤਾ।
ਬਾਦਲਾਂ ਦੇ ਗੜ੍ਹ ਲੰਬੀ ਤੋਂ ਹੁੰਕਾਰ ਭਰਨਗੇ ਕੇਜਰੀਵਾਲ
ਕਾਬਿਲੇਗੌਰ ਹੈ ਕਿ ਕੇਜਰੀਵਾਲ 2 ਦਿਨਾਂ ਦੇ ਦੌਰੇ ‘ਤੇ ਪੰਜਾਬ ਆਏ ਹਨ। ਆਪਣੀ ਪੰਜਾਬ ਫੇਰੀ ਦੇ ਦੂਜੇ ਦਿਨ ਯਾਨੀ ਵੀਰਵਾਰ ਨੂੰ ਉਹ ਬਾਦਲਾਂ ਦੇ ਗੜ੍ਹ ਲੰਬੀ ਵਿਖੇ ਪਹੁੰਚਣਗੇ ਅਤੇ ਪਿੰਡ ਖੁੱਡੀਆਂ ਵਿੱਚ ਇੱਕ ਜਨਸਭਾ ਨੂੰ ਸੰਬੋਧਿਤ ਕਰਕੇ ਬਾਦਲ ਪਰਿਵਾਰ ਨੂੰ ਲਲਕਾਰਨਗੇ।
