ਬਿਓਰੋ। ਕੇਂਦਰ ਦੀ ਮੋਦੀ ਸਰਕਾਰ ਵਿਆਹ ਦੇ ਨਿਯਮ ਬਦਲਣ ਜਾ ਰਹੀ ਹੈ। ਜਲਦ ਹੀ ਕੁੜੀਆਂ ਦੇ ਵਿਆਹ ਦੀ ਘੱਟੋ-ਘੱਟ ਉਮਰ 18 ਤੋਂ ਵਧਾ ਕੇ 21 ਕਰ ਦਿੱਤੀ ਜਾਵੇਗੀ। ਕੇਂਦਰੀ ਮੰਤਰੀਮੰਡਲ ਨੇ ਇਸ ਨਾਲ ਜੁੜੇ ਮਤੇ ਨੂੰ ਮਨਜੂਰੀ ਦੇ ਦਿੱਤੀ ਹੈ। ਕੈਬਨਿਟ ਨੇ ਕੁੜੀਆਂ ਅਤੇ ਮੁੰਡਿਆਂ ਦੇ ਵਿਆਹ ਦੀ ਘੱਟੋ-ਘੱਟ ਉਮਰ ਇੱਕ ਬਰਾਬਰ, ਯਾਨੀ 21 ਸਾਲ ਕਰਨ ਦੇ ਬਿੱਲ ਨੂੰ ਮਨਜੂਰੀ ਦੇ ਦਿੱਤੀ ਹੈ।
ਇਹ ਕਾਨੂੰਨ ਲਾਗੂ ਹੋਇਆ, ਤਾਂ ਸਾਰੇ ਧਰਮਾਂ ਅਤੇ ਭਾਈਚਾਰਿਆਂ ਵਿੱਚ ਕੁੜਿਆਂ ਦੇ ਵਿਆਹ ਦੀ ਘੱਟੋ-ਘੱਟ ਉਮਰ ਬਦਲ ਜਾਵੇਗੀ। ਦੱਸ ਦਈਏ ਕਿ ਕੁੜੀਆਂ ਅਤੇ ਮੁੰਡਿਆਂ ਦੇ ਵਿਆਹ ਦੀ ਘੱਟੋ-ਘੱਟ ਉਮਰ ਇੱਕ ਬਰਾਬਰ ਕਰਨ ਦਾ ਐਲਾਨ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ 2020 ਵਿੱਚ ਲਾਲ ਕਿਲ੍ਹੇ ਤੋਂ ਆਪਣੇ ਸੰਬੋਧਨ ਦੇ ਦੌਰਾਨ ਕੀਤਾ ਸੀ।
ਜੇਟਲੀ ਕਮੇਟੀ ਦੀ ਸਿਫਾਰਿਸ਼ ‘ਤੇ ਫੈਸਲਾ
ਕੁੜੀਆਂ ਦੀ ਵਿਆਹ ਦੀ ਘੱਟੋ-ਘੱਟ ਉਮਰ ‘ਤੇ ਵਿਚਾਰ ਲਈ ਜਯਾ ਜੇਟਲੀ ਦੀ ਅਗਵਾਈ ਵਿੱਚ ਇੱਕ ਟਾਸਕ ਫੋਰਸ ਦਾ ਗਠਨ ਕੀਤਾ ਗਿਆ ਸੀ, ਜਿਸਨੇ ਆਪਣੀ ਰਿਪੋਰਟ ਪਿਛਲੇ ਸਾਲ ਦਸੰਬਰ ਵਿੱਚ ਨੀਤੀ ਆਯੋਗ ਨੂੰ ਸੌਂਪੀ ਸੀ। ਟਾਸਕ ਫੋਰਸ ਨੇ ਕੁੜੀਆਂ ਦੇ ਵਿਆਹ ਦੀ ਉਮਰ ਵਧਾ ਕੇ 21 ਸਾਲ ਕਰਨ ਦਾ ਪੂਰਾ ਰੋਲ ਆਊਟ ਪਲਾਨ ਸੌਂਪਿਆ ਸੀ ਅਤੇ ਇਸ ਨੂੰ ਬਰਾਬਰ ਤਰੀਕੇ ਨਾਲ ਪੂਰੇ ਦੇਸ਼ ਵਿੱਚ ਸਾਰੇ ਭਾਈਚਾਰਿਆਂ ‘ਤੇ ਲਾਗੂ ਕਰਨ ਦੀ ਮਜਬੂਤ ਸਿਫਾਰਿਸ਼ ਕੀਤੀ ਹੈ।
10 ਮੂਂਮੈਂਬਰਾਂ ਦੀ ਟਾਸਕ ਫੋਰਸ ਨੇ ਮੰਨੇ-ਪ੍ਰਮੰਨੇ ਸਕੋਲਰ, ਕਾਨੂੰਨ ਮਾਹਰਾਂ ਅਤੇ ਨਾਗਰਿਕ ਜਥੇਬੰਦੀਆਂ ਦੇ ਆਗੂਆਂ ਨਾਲ ਵਿਚਾਰ-ਵਟਾਂਦਰਾ ਕੀਤਾ। ਵੇਬਿਨਾਰ ਦੇ ਜ਼ਰੀਏ ਦੇਸ਼ ਵਿੱਚ ਸਿੱਧੇ ਮਹਿਲਾ ਨੁਮਾਇੰਦਿਆਂ ਨਾਲ ਗੱਲਬਾਤ ਕਰਕੇ ਰਿਪੋਰਟ ਨੂੰ ਦਸੰਬਰ ਦੇ ਆਖਰੀ ਹਫਤੇ ਵਿੱਚ ਸਰਕਾਰ ਦੇ ਸਪੁਰਦ ਕਰ ਦਿੱਤਾ ਗਿਆ।
ਮੋਦੀ ਸਰਕਾਰ ‘ਚ ਵਿਆਹ ਨਾਲ ਜੁੜਿਆ ਦੂਜਾ ਵੱਡਾ ਸੁਧਾਰ
ਮੋਦੀ ਸਰਕਾਰ ਦੇ ਕਾਰਜਕਾਲ ‘ਚ ਵਿਆਹ ਨਾਲ ਜੁੜਿਆ ਇਹ ਦੂਜਾ ਵੱਡਾ ਸੁਧਾਰ ਹੈ, ਜੋ ਸਾਰੇ ਧਰਮਾਂ ‘ਤੇ ਲਾਗੂ ਹੋਵੇਗਾ। ਇਸ ਤੋਂ ਪਹਿਲਾਂ NRI ਮੈਰਿਜ ਨੂੰ 30 ਦਿਨਾਂ ਅੰਦਰ ਰਜਿਸਟਰ ਕਰਾਉਣ ਦਾ ਵੀ ਵੱਡਾ ਕਦਮ ਚੁੱਕਿਆ ਗਿਆ ਸੀ। ਦੱਸ ਦਈਏ ਕਿ ਕੁੜੀਆਂ ਦੀ ਘੱਟੋ-ਘੱਟ ਉਮਰ ਵਿੱਚ ਆਖਰੀ ਬਦਲਾਅ 1978 ਵਿੱਚ ਕੀਤਾ ਗਿਆ ਅਤੇ ਇਸਦੇ ਲਈ ਸ਼ਾਰਦਾ ਐਕਟ 1929 ਵਿੱਚ ਤਬਦੀਲੀ ਕਰਕੇ ਉਮਰ 15 ਤੋਂ 18 ਸਾਲ ਕੀਤੀ ਗਈ ਸੀ।
UNICEF ਦੇ ਮੁਤਾਬਕ, ਭਾਰਤ ਵਿੱਚ ਹਰ ਸਾਲ 15 ਲੱਖ ਕੁੜੀਆਂ ਦਾ ਵਿਆਹ 18 ਸਾਲ ਤੋਂ ਘੱਟ ਉਮਰ ਵਿੱਚ ਹੀ ਹੁੰਦਾ ਹੈ। जनगणना महापंजीयक ਦੇ ਮੁਤਾਬਕ, ਦੇਸ਼ ਵਿੱਚ 18 ਤੋਂ 21 ਸਾਲ ਵਿਚਕਾਰ ਵਿਆਹ ਕਰਨ ਵਾਲੀਆਂ ਕੁੜੀਆਂ ਦੀ ਗਿਣਤੀ ਕਰੀਬ 16 ਕਰੋੜ ਹੈ।
