ਬਿਓਰੋ। ਪੰਜਾਬ ਦੇ ਟਰਾਂਸਪੋਰਟ ਮੰਤਰੀ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਸ਼ਨੀਵਾਰ ਨੂੰ ਦਿੱਲੀ ਦੇ ਮੁੱਖ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੂੰ ਅੰਮ੍ਰਿਤਸਰ ਦੇ ਹੋਟਲ ਹਯਾਤ ਵਿੱਚ ਘੇਰ ਲਿਆ। ਮੀਡੀਆ ਦੇ ਕੈਮਰਿਆਂ ਦੇ ਸਾਹਮਣੇ ਰਾਜਾ ਵੜਿੰਗ ਨੇ ਕੇਜਰੀਵਾਲ ਨੂੰ ਸਵਾਲ ਕੀਤਾ ਕਿ ਆਖਰ ਉਹ ਕਿਉਂ ਪੰਜਾਬ ਸਰਕਾਰ ਦੀਆਂ ਬੱਸਾਂ ਨੂੰ ਦਿੱਲੀ ਏਅਰਪੋਰਟ ਤੱਕ ਚੱਲਣ ਦੀ ਇਜਾਜ਼ਤ ਨਹੀਂ ਦੇ ਰਹੇ, ਜਦਕਿ ਇਸ ਰੂਟ ‘ਤੇ ਬਾਦਲ ਪਰਿਵਾਰ ਦੀਆਂ ਬੱਸਾਂ ਰੋਜਾਨਾ ਲੱਖਾਂ ਰੁਪਏ ਕਮਾ ਰਹੀਆਂ ਹਨ।
ਇਸ ਤਰ੍ਹਾਂ ਹੋਇਆ ਸਾਹਮਣਾ
ਦਰਅਸਲ, ਰਾਜਾ ਵੜਿੰਗ ਲੰਮੇ ਸਮੇਂ ਤੋਂ ਪੰਜਾਬ ਸਰਕਾਰ ਦੀਆਂ ਬੱਸਾਂ ਨੂੰ ਦਿੱਲੀ ਏਅਰਪੋਰਟ ਤੱਕ ਨਾ ਜਾਣ ਦੇਣ ਦਾ ਮੁੱਦਾ ਚੁੱਕ ਕੇ ਕੇਜਰੀਵਾਲ ਨੂੰ ਘੇਰ ਰਹੇ ਸਨ। ਵੜਿੰਗ ਇਸ ਮੁੱਦੇ ‘ਤੇ ਕੇਜਰੀਵਾਲ ਨਾਲ ਮੁਲਾਕਾਤ ਲਈ ਉਹਨਾਂ ਨੂੰ ਕਈ ਚਿੱਠੀਆਂ ਵੀ ਲਿਖ ਚੁੱਕੇ ਸਨ। ਮੁਲਾਕਾਤ ਦਾ ਸਮਾਂ ਨਹੀਂ ਮਿਲਿਆ, ਤਾਂ ਰਾਜਾ ਵੜਿੰਗ ਸ਼ੁੱਕਰਵਾਰ ਨੂੰ ਉਹਨਾਂ ਨੂੰ ਮਿਲਣ ਦਿੱਲੀ ਉਹਨਾਂ ਦੇ ਘਰ ਪਹੁੰਚ ਗਏ। ਕੇਜਰੀਵਾਲ ਉਥੇ ਨਹੀਂ ਮਿਲੇ, ਤਾਂ ਸ਼ਨੀਵਾਰ ਨੂੰ ਵੜਿੰਗ ਅੰਮ੍ਰਿਤਸਰ ਪਹੁੰਚ ਗਏ ਤੇ ਸਿੱਧੇ ਉਸ ਹੋਟਲ ‘ਚ ਡੇਰਾ ਲਾ ਲਿਆ, ਜਿਥੇ ਕੇਜਰੀਵਾਲ ਰਾਤ ਰੁਕੇ ਸਨ।
ਰਾਜਾ ਵੜਿੰਗ ਨੂੰ ਹੋਟਲ ਹਿਆਤ ਵਿੱਚ ਇੱਕ ਘੰਟੇ ਤੱਕ ਕੇਜਰੀਵਾਲ ਦਾ ਇੰਤਜਾਰ ਕਰਨਾ ਪਿਆ। ਕੇਜਰੀਵਾਲ ਜਦੋਂ ਹੋਟਲ ਤੋਂ ਨਿਕਲਣ ਲੱਗੇ, ਤਾਂ ਉਹਨਾਂ ਦਾ ਰਾਜਾ ਵੜਿੰਗ ਨਾਲ ਸਾਹਮਣਾ ਹੋ ਗਿਆ।
ਵੜਿੰਗ ਨੇ ਚੁੱਕਿਆ ਬੱਸਾਂ ਦਾ ਮੁੱਦਾ
ਰਾਜਾ ਵੜਿੰਗ ਨੇ ਕੇਜਰੀਵਾਲ ਨੂੰ ਕਿਹਾ ਕਿ ਦਿੱਲੀ ਏਅਰਪੋਰਟ ‘ਤੇ ਸਿਰਫ਼ ਬਾਦਲ ਪਰਿਵਾਰ ਦੀਆਂ ਬੱਸਾਂ ਪੰਜਾਬ ਤੋਂ ਜਾਂਦੀਆਂ ਹਨ। ਸਰਕਾਰੀ ਬੱਸ ਨੂੰ ਉਥੇ ਤੱਕ ਜਾਣ ਦੀ ਇਜਾਜ਼ਤ ਨਹੀਂ ਹੈ। ਰਾਜਾ ਵੜਿੰਗ ਨੇ ਦਿੱਲੀ ਏਅਰਪੋਰਟ ਤੋਂ ਪੰਜਾਬ ਰੋਡਵੇਜ਼ ਦੀਆਂ ਬੱਸਾਂ ਜਾਂ ਦਿੱਲੀ ਦੀਆਂ ਸਰਕਾਰੀ ਬੱਸਾਂ ਚਲਾਉਣ ਦੀ ਅਪੀਲ ਕੀਤੀ, ਜਿਸ ਤੋਂ ਬਾਅਦ ਕੇਜਰੀਵਾਲ ਨੇ ਕਿਹਾ ਕਿ ਇਸ ਮੁੱਦੇ ਨੂੰ ਹੱਲ ਕੀਤਾ ਜਾਵੇਗਾ, ਪਰ ਇਸ ਨੂੰ ਸਿਆਸਤ ਤੋਂ ਦੂਰ ਰੱਖਿਆ ਜਾਵੇਗਾ।
ਇਸ ਦੌਰਾਨ ਕੇਜਰੀਵਾਲ ਨੇ ਵੜਿੰਗ ਨੂੰ ਪਰਿਵਾਰ ਸਮੇਤ ਘਰ ‘ਤੇ ਖਾਣੇ ਦਾ ਸੱਦਾ ਵੀ ਦਿੱਤਾ।
79 दिन से @ArvindKejriwal साहब आपसे वक्त मांग रहा हूँ..
पूरा देश गवाह है!आप प्रचार के लिए तो पंजाब बार-बार आ रहे हैं, लेकिन पंजाब के ट्रांसपोर्ट माफिया के साथ मिलकर पंजाब के लोगों को ठग रहे है!
कब तक पंजाब की जनता को जुमले परोसते रहेंगे?
उनके हित को परे क्यों रख रहे हैं?
1/2 pic.twitter.com/516JvQ92nz
— Amarinder Singh Raja (@RajaBrar_INC) December 25, 2021
