ਬਿਓਰੋ। ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਪਾਰਟੀ ਨੂੰ ਚੋਣ ਨਿਸ਼ਾਨ ਮਿਲ ਗਿਆ ਹੈ। ਉਨ੍ਹਾਂ ਨੂੰ ‘ਹਾਕੀ ਸਟਿੱਕ ਅਤੇ ਬਾਲ’ ਦਾ ਨਿਸ਼ਾਨ ਮਿਲਿਆ ਹੈ। ਪਾਰਟੀ ਸਿੰਬਲ ਨੂੰ ਲੈ ਕੇ ਕੈਪਟਨ ਕਾਫੀ ਉਤਸ਼ਾਹਿਤ ਹੈ ਅਤੇ ਕਹਿ ਰਹੇ ਹਨ ਕਿ ਬੱਸ ਹੁਣ ਗੋਲ ਕਰਨਾ ਬਾਕੀ ਹੈ। ਪਰ ਕੀ 2022 ਵਿੱਚ ਪੰਜਾਬ ਦੀ ਸਿਆਸਤ ‘ਚ ਕੈਪਟਨ ਵਾਕਈ ਕੋਈ ਵੱਡਾ ਚਮਤਕਾਰ ਕਰ ਸਕਦੇ ਹਨ? ਇਹ ਸਵਾਲ ਲਗਾਤਾਰ ਸਿਆਸੀ ਹਲਕਿਆਂ ਵਿੱਚ ਗਰਮ ਹੈ।
2017 ਵਿੱਚ 77 ਸੀਟਾਂ ਦੇ ਨਾਲ਼ ਸੱਤਾ ਵਿੱਚ ਆਉਣ ਵਾਲੇ ਕੈਪਟਨ ਇਸ ਵਾਰ ਬੀਜੇਪੀ ਦੇ ਨਾਲ ਚੋਣ ਮੈਦਾਨ ਵਿੱਚ ਹਨ। ਹਾਲਾਂਕਿ ਕੈਪਟਨ ਨੇ ਆਪਣੀ ਵੱਖਰੀ ਪਾਰਟੀ ਬਣਾਈ ਹੋਈ ਹੈ ਅਤੇ ਬੀਜੇਪੀ ਦੇ ਨਾਲ ਉਹ ਸੀਟ ਸ਼ੇਅਰਿੰਗ ਦੀ ਗੱਲ ਕਰਦੇ ਹਨ। ਪਰ ਕਿਉਂਕਿ ਕੈਪਟਨ ਦੀ ਪਾਰਟੀ ਦਾ ਆਪਣਾ ਕੋਈ ਖ਼ਾਸ ਕਾਡਰ ਨਹੀਂ ਹੈ। ਇਸ ਲਈ ਉਹ ਪੂਰੀ ਤਰ੍ਹਾਂ ਨਾਲ ਬੀਜੇਪੀ ‘ਤੇ ਹੀ ਨਿਰਭਰ ਹਨ।
ਇਹੀ ਵਜ੍ਹਾ ਹੈ ਕਿ ਕੈਪਟਨ ਦੇ ਜੋ ਕਰੀਬੀ ਕਾਂਗਰਸ ਛੱਡ ਵੀ ਰਹੇ ਹਨ, ਉਹ ਕੈਪਟਨ ਦੀ ਪਾਰਟੀ ਦੀ ਬਜਾਏ ਬੀਜੇਪੀ ਵਿੱਚ ਸ਼ਾਮਲ ਹੋ ਰਹੇ ਹਨ। ਇਹਨਾਂ ਵਿੱਚ ਰਾਣਾ ਗੁਰਮੀਤ ਸੋਢੀ ਅਤੇ ਫਤਿਹਜੰਗ ਬਾਜਵਾ ਵਰਗੇ ਵੱਡੇ ਨਾਂਅ ਸ਼ਾਮਲ ਹਨ। ਕੁੱਲ ਮਿਲਾ ਕੇ ਕੈਪਟਨ ਦੇ ਨਾਲ ਹੁਣ ਤੱਕ ਉਨ੍ਹਾਂ ਦੀ ਪਾਰਟੀ ਵਿੱਚ ਉਨ੍ਹਾਂ ਤੋਂ ਇਲਾਵਾ ਕੋਈ ਦੂਜਾ ਵੱਡਾ ਨਾਮ ਨਹੀਂ ਹੈ। ਇੱਥੋਂ ਤਕ ਕਿ ਉਨ੍ਹਾਂ ਦੀ ਸਾਬਕਾ ਪਤਨੀ ਵੀ ਅਜੇ ਤੱਕ ਕਾਂਗਰਸ ਛੱਡ ਕੇ ਖੁੱਲ੍ਹ ਕੇ ਉਨ੍ਹਾਂ ਦੇ ਨਾਲ ਨਹੀਂ ਆਏ ਹਨ।
ਕੈਪਟਨ ਕੋਲ ਉਮੀਦਵਾਰਾਂ ਦੀ ਵੀ ਕਮੀ
ਚਰਚਾ ਹੈ ਕਿ ਬੀਜੇਪੀ ਕੈਪਟਨ ਦੀ ਪਾਰਟੀ ਨੂੰ 25 ਤੋਂ 30 ਸੀਟਾਂ ਦੇ ਸਕਦੀ ਹੈ, ਪਰ ਇਹ ਵੀ ਸੱਚ ਹੈ ਕਿ ਕੈਪਟਨ ਦੇ ਕੋਲ ਇਹਨਾਂ ਸੀਟਾਂ ‘ਤੇ ਵੀ ਕੋਈ ਜੇਤੂ ਉਮੀਦਵਾਰ ਨਹੀਂ ਹੈ। ਕੈਪਟਨ ਦੀ ਪੂਰੀ ਨਜ਼ਰ ਕਾਂਗਰਸ ਨਾਲ ਬਗ਼ਾਵਤ ਕਰਨ ਵਾਲੇ ਵਿਧਾਇਕਾਂ ‘ਤੇ ਟਿਕੀ ਹੈ। ਇਹੀ ਵਜ੍ਹਾ ਹੈ ਕਿ ਕਾਂਗਰਸ ਦੀ ਸੂਚੀ ਜਾਰੀ ਹੋਣ ਤੋਂ ਬਾਅਦ ਹੀ ਕੈਪਟਨ ਆਪਣੇ ਉਮੀਦਵਾਰਾਂ ਦੀ ਲਿਸਟ ਜਾਰੀ ਕਰਨਗੇ।
ਕੈਪਟਨ ਦਾ ਫਿਊਚਰ ਮੋਦੀ ‘ਤੇ ਨਿਰਭਰ
ਪੰਜਾਬ ਵਿੱਚ ਇਸ ਵਾਰ ਕੈਪਟਨ ਕੋਈ ਕਮਾਲ ਕਰ ਸਕਣਗੇ ਜਾਂ ਨਹੀਂ, ਇਹ ਕਾਫੀ ਹੱਦ ਤੱਕ ਇਸ ਗੱਲ ‘ਤੇ ਹੀ ਨਿਰਭਰ ਕਰਦਾ ਹੈ ਕਿ ਪੀਐੱਮ ਮੋਦੀ ਪੰਜਾਬ ‘ਤੇ ਕਿੰਨਾ ਫੋਕਸ ਕਰਨਗੇ ਅਤੇ ਮੋਦੀ ਦਾ ਜਾਦੂ ਪੰਜਾਬ ਵਿੱਚ ਕਿੰਨਾ ਚੱਲੇਗਾ। ਬਹਿਰਹਾਲ, ਜੇਕਰ ਬੀਜੇਪੀ ਨੇ ਇਨ੍ਹਾਂ ਚੋਣਾਂ ਵਿੱਚ ਕੋਈ ਕਮਾਲ ਕਰ ਵੀ ਲਿਆ ਅਤੇ ਚੋਣਾਂ ਤੋਂ ਬਾਅਦ ਜੇਕਰ ਬੀਜੇਪੀ ਕਿਸੇ ਤਰ੍ਹਾਂ ਆਪਣਾ CM ਬਨਾਉਣ ਵਿੱਚ ਕਾਮਯਾਬ ਵੀ ਹੋ ਜਾਵੇ, ਤਾਂ ਵੀ ਬੀਜੇਪੀ ਕੈਪਟਨ ਨੂੰ ਇਹ ਅਹੁਦਾ ਦੇਵੇਗੀ, ਇਸਦੀ ਉਮੀਦ ਘੱਟ ਹੀ ਹੈ।
ਵਿਰੋਧੀ ਕਸ ਰਹੇ ਕੈਪਟਨ ‘ਤੇ ਤੰਜ
ਹਾਕੀ ਟੀਮ ਦੇ ਸਾਬਕਾ ਕਪਤਾਨ ਅਤੇ ਕੈਬਨਿਟ ਮੰਤਰੀ ਪਰਗਟ ਸਿੰਘ ਨੇ ਕੈਪਟਨ ਦੀ ਪਾਰਟੀ ਨੂੰ ਹਾਕੀ ਦਾ ਚੋਣ ਨਿਸ਼ਾਨ ਮਿਲਣ ‘ਤੇ ਤੰਜ ਕਸਿਆ ਹੈ। ਪਰਗਟ ਸਿੰਘ ਨੇ ਕਿਹਾ ਕਿ ਜਦੋਂ ਕਿਸੇ ਨੌਸਿਖਿਏ ਨੂੰ ਇਹ ਚੋਣ ਨਿਸ਼ਾਨ ਮਿਲਦਾ ਹੈ, ਤਾਂ ਭਰੋਸਾ ਕਰੋ ਉਹ ਸੈਲਫ ਗੋਲ ਹੀ ਕਰੇਗਾ।
ਅਕਾਲੀ ਦਲ ਦੇ ਬੁਲਾਰੇ ਡਾ. ਦਲਜੀਤ ਚੀਮਾ ਨੇ ਕਿਹਾ ਕਿ ਹਾਕੀ ਦੇ ਕਪਤਾਨ ਪਰਗਟ ਸਿੰਘ ਕਾਂਗਰਸ ਵਿੱਚ ਚਲੇ ਗਏ ਅਤੇ ਹੁਣ ਕਾਂਗਰਸ ਦੇ ਕੈਪਟਨ ਯਾਨੀ ਅਮਰਿੰਦਰ ਸਿੰਘ ਨੂੰ ਹਾਕੀ ਖੇਡਣੀ ਪਏਗੀ।
ਕਾਂਗਰਸ ਨੂੰ ਸਬਕ ਸਿਖਾਉਣ ਲਈ ਮੈਦਾਨ ਵਿੱਚ ਕੈਪਟਨ
ਕੈਪਟਨ ਅਮਰਿੰਦਰ ਸਿੰਘ 2 ਵਾਰ ਪੰਜਾਬ ਦੇ ਮੁੱਖ ਮੰਤਰੀ ਰਹਿ ਚੁੱਕੇ ਹਨ। ਚੋਣਾਂ ਤੋਂ ਕਰੀਬ ਸਾਢੇ 3 ਮਹੀਨੇ ਪਹਿਲਾਂ ਕਾਂਗਰਸ ਨੇ ਉਨ੍ਹਾਂ ਨੂੰ ਸੀਐੱਮ ਦੀ ਕੁਰਸੀ ਤੋਂ ਉਤਾਰ ਦਿੱਤਾ। ਕੈਪਟਨ ਨੇ ਕਿਹਾ ਕਿ ਇਹ ਮੇਰਾ ਅਪਮਾਨ ਹੈ। ਇਸ ਲਈ ਉਹਨਾਂ ਨੇ ਕਾਂਗਰਸ ਛੱਡ ਦਿੱਤੀ। ਇਸ ਤੋਂ ਬਾਅਦ ਚਰਚਾ ਸੀ ਕਿ ਡਾਕਟਰ ਬੀਜੇਪੀ ਵਿੱਚ ਸ਼ਾਮਲ ਹੋ ਸਕਦੇ ਹਨ,ਪਰ ਉਨ੍ਹਾਂ ਨੇ ਆਪਣੀ ਨਵੀਂ ਪਾਰਟੀ ‘ਪੰਜਾਬ ਲੋਕ ਕਾਂਗਰਸ’ ਬਣਾ ਲਈ, ਜਿਸਦੇ ਜ਼ਰੀਏ ਉਨ੍ਹਾਂ ਦਾ ਫੋਕਸ ਕਾਂਗਰਸ ਨੂੰ ਸੱਤਾ ਤੋਂ ਬਾਹਰ ਕਰਨਾ ਹੈ।
