ਬਿਓਰੋ। ਪੰਜਾਬ ਵਿੱਚ ਇਨਫੋਰਸਮੈਂਟ ਡਾਇਰੈਕਟੋਰੇਟ ਦੀ ਰੇਡ ‘ਤੇ ਘਮਸਾਣ ਮਚਿਆ ਹੈ। ਇਸ ਜੰਗ ਵਿੱਚ ਸੀਐੱਮ ਚੰਨੀ ਵੱਲੋਂ ਲਗਾਏ ਗਏ ਇਲਜਾਮਾਂ ‘ਤੇ ਦਿੱਲੀ ਦੇ ਸੀਐੱਮ ਅਰਵਿੰਦ ਕੇਜਰੀਵਾਲ ਅਤੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਭੜਕ ਗਏ ਹਨ। ਚੰਨੀ ਵੱਲੋਂ ਕੇਜਰੀਵਾਲ ‘ਤੇ ਕੇਂਦਰ ਸਰਕਾਰ ਦੇ ਨਾਲ ਗੁਪਤ ਸਮਝੌਤਾ ਕਰਨ ਦਾ ਇਲਜ਼ਾਮ ਲਗਾਏ ਜਾਣ ਤੋਂ ਬਾਅਦ ਕੇਜਰੀਵਾਲ ਨੇ ਵੱਡਾ ਹਮਲਾ ਬੋਲਿਆ। ਕੇਜਰੀਵਾਲ ਨੇ ਟਵੀਟ ਕਰਕੇ ਕਿਹਾ ਕਿ ਚੰਨੀ ਆਮ ਆਦਮੀ ਨਹੀਂ, ਬੇਈਮਾਨ ਆਦਮੀ ਹੈ।
चन्नी आम आदमी नहीं, बेईमान आदमी है। https://t.co/OycA10oRar
— Arvind Kejriwal (@ArvindKejriwal) January 19, 2022
ਕੇਜਰੀਵਾਲ ਨੇ ਚੰਨੀ ਦੇ ਉਸ ਸਵਾਲ ਦਾ ਵੀ ਜਵਾਬ ਦਿੱਤਾ, ਜਿਸ ਵਿੱਚ ਚੰਨੀ ਨੇ ਪੁੱਛਿਆ ਸੀ ਕਿ ਜਦੋਂ ਤੁਹਾਡੇ ਰਿਸ਼ਤੇਦਾਰ ਦੇ ਘਰ ਛਾਪੇ ਪਏ ਸੀ ਤਾਂ ਉਸ ਵਕਤ ਚੀਕਾਂ ਕਿਉਂ ਮਾਰ ਰਹੇ ਸੀ। ਕੇਜਰੀਵਾਲ ਨੇ ਟਵੀਟ ਕੀਤਾ, “ਚੰਨੀ ਸਾਬ੍ਹ, ਮੋਦੀ ਜੀ ਨੇ ਛਾਪੇ ਮੇਰੇ ਰਿਸ਼ਤੇਦਾਰਾਂ ‘ਤੇ ਨਹੀਂ, ਮੇਰੇ ‘ਤੇ ਪਾਏ ਸੀ, ਸਿਟਿੰਗ CM ‘ਤੇ। ਉਹਨਾਂ ਨੂੰ ਮੇਰੇ ਘਰ ਤੋਂ ਸਿਰਫ਼ 10 ਮਫਲਰ ਮਿਲੇ। ਤੁਹਾਡੀ ਤਰ੍ਹਾਂ ਇੰਨੀ ਨਗਦੀ ਅਤੇ ਇੰਨੀਆਂ ਗੱਡੀਆਂ ਨਹੀਂ ਮਿਲੀਆਂ ਮੇਰੇ ਘਰ। ਤੁਸੀਂ ਤਾਂ 111 ਦਿਨਾਂ ਵਿੱਚ ਕਮਾਲ ਹੀ ਕਰ ਦਿੱਤਾ।“
चन्नी साहिब, मोदी जी ने छापे मेरे रिश्तेदारों पर नहीं, मुझ पर डाले थे, सिटिंग CM पर। उनको मेरे घर से केवल दस मफ़्लर मिले। आपकी तरह इतनी नक़दी और इतनी गाड़ियाँ नहीं मिलीं मेरे घर। आपने तो 111 दिनों में कमाल ही कर दिया। https://t.co/7raF3l4SOX
— Arvind Kejriwal (@ArvindKejriwal) January 19, 2022
ਓਧਰ ਕੈਪਟਨ ਅਮਰਿੰਦਰ ਸਿੰਘ ਵੀ ਚੰਨੀ ‘ਤੇ ਹਮਲਾਵਰ ਹਨ। ਦਰਅਸਲ, ਚੰਨੀ ਨੇ ਕਿਹਾ ਸੀ ਕਿ ED ਦੀ ਛਾਪੇਮਾਰੀ ਦੇ ਪਿੱਛੇ ਕੈਪਟਨ ਦਾ ਵੀ ਹੱਥ ਹੈ, ਜਿਸ ‘ਤੇ ਕੈਪਟਨ ਨੇ ਪਲਟਵਾਰ ਕਰਦੇ ਹੋਏ ਲਿਖਿਆ, “ਚਰਨਜੀਤ ਸਿੰਘ ਚੰਨੀ, ED ਮੈਨੂੰ ਰਿਪੋਰਟ ਨਹੀਂ ਕਰਦਾ ਅਤੇ ਨਾ ਹੀ ਮੈਂ ਤੁਹਾਡੇ ਸਗੇ-ਸਬੰਧੀਆਂ ਤੋਂ ਮਿਲੀ ਰਕਮ ਪਲਾਂਟ ਕੀਤੀ ਹੈ। ਇਸ ਲਈ ਆਪਣੇ ਪਰਿਵਾਰ ਦੇ ਅਪਰਾਧਾਂ ਲਈ ਮੈਨੂੰ ਦੋਸ਼ ਦੇਣਾ ਬੰਦ ਕਰੋ। ਜਿਵੇਂ ਕਿ ਮੈਂ ਹਮੇਸ਼ਾ ਕਹਿੰਦਾ ਹਾਂ, ਕਾਨੂੰਨ ਆਪਣਾ ਕੰਮ ਕਰਦਾ ਹੈ। ਕੁਝ ਅਜਿਹਾ, ਜੋ ਕਾਂਗਰਸ ਉਸ ਵਕਤ ਭੁੱਲ ਗਈ ਸੀ, ਜਦੋਂ ਉਨ੍ਹਾਂ ਨੇ ਮੇਰੇ ‘ਤੇ ਦੋਸ਼ੀਆਂ ਨੂੰ ਬਚਾਉਣ ਦਾ ਇਲਜ਼ਾਮ ਲਗਾਇਆ ਸੀ।“
‘ED doesn’t report to me @CHARANJITCHANNI. Nor did I plant the money seized from your kin. So stop blaming me for your family’s crimes. As I always say, the law takes its own course, something that @INCIndia forgot when they accused me of shielding culprits’:@capt_amarinder pic.twitter.com/4zkrThwopE
— Raveen Thukral (@RT_Media_Capt) January 19, 2022
ਕਾਬਿਲੇਗੌਰ ਹੈ ਕਿ ਗੈਰ-ਕਾਨੂੰਨੀ ਮਾਈਨਿੰਗ ਦੇ ਮਾਮਲੇ ਵਿੱਚ ED ਨੇ ਮੰਗਲਵਾਰ ਨੂੰ ਪੰਜਾਬ ਵਿੱਚ ਕਈ ਥਾਵਾਂ ‘ਤੇ ਸੀਐੱਮ ਦੇ ਭਾਣਜੇ ਦੇ ਟਿਕਾਣਿਆਂ ‘ਤੇ ਰੇਡ ਕੀਤੀ, ਜਿਸ ਦੌਰਾਨ 10 ਕਰੋੜ ਤੋਂ ਵੱਧ ਦੀ ਨਗਦੀ ਬਰਾਮਦ ਹੋਈ ਹੈ।
