ਬਿਓਰੋ। ਪੰਜਾਬ ਦੀਆਂ ਵਿਧਾਨ ਸਭਾ ਚੋਣਾਂ ਲਈ ਅਕਾਲੀ ਦਲ-BSP ਗਠਜੋੜ ਨੇ ਆਪਣਾ ਚੋਣ ਮੈਨੀਫੈਸਟੋ ਜਾਰੀ ਕਰ ਦਿੱਤਾ ਹੈ। ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਬਾਦਲ ਨੇ ਚੰਡੀਗੜ੍ਹ ਵਿੱਚ ਪਾਰਟੀ ਦਾ ਮੈਨੀਫੈਸਟੋ ਰਿਲੀਜ਼ ਕੀਤਾ। ਚੋਣ ਵਾਅਦਿਆਂ ਵਿੱਚ ਸਭ ਤੋਂ ਅਹਿਮ ਮੁਫਤ ਬਿਜਲੀ ਦਾ ਵਾਅਦਾ ਹੈ। ਇਸਦੇ ਨਾਲ ਹੀ ਸੱਤਾ ਵਿੱਚ ਆਉਣ ਵਿੱਚ ਆਉਣ ‘ਤੇ ਬੁਢਾਪਾ ਪੈਨਸ਼ਨ ਅਤੇ ਸ਼ਗਨ ਰਾਸ਼ੀ ਵਿੱਚ ਵੀ ਇਜਾਫੇ ਦਾ ਐਲਾਨ ਕੀਤਾ ਹੈ।
- ਹਰ ਪਰਿਵਾਰ ਨੂੰ 400 ਯੂਨਿਟ ਬਿਜਲੀ ਫ੍ਰੀ ਮਿਲੇਗੀ। ਜਨਰਲ ਸਮੇਤ ਸਾਰੇ ਵਰਗਾਂ ਨੂੰ ਇਸਦਾ ਫਾਇਦਾ ਮਿਲੇਗਾ। ਇੰਡਸਟਰੀ ਨੂੰ 5 ਰੁਪਏ ਯੂਨਿਟ ਬਿਜਲੀ ਜਾਰੀ ਰਹੇਗੀ।
- ਪੈਨਸ਼ਨ ਨੂੰ 1500 ਰੁਪਏ ਤੋਂ ਵਧਾ ਕੇ 3100 ਰੁਪਏ ਕੀਤਾ ਜਾਵੇਗਾ।
- ਗਰੀਬ ਕੁੜੀ ਦੇ ਵਿਆਹ ਵਾਲੀ ਸ਼ਗਨ ਸਕੀਮ ਨੂੰ 51 ਹਜਾਰ ਤੋਂ ਵਧਾ ਕੇ 75 ਹਜਾਰ ਕੀਤਾ ਜਾਵੇਗਾ।
- ਗਰੀਬਾਂ ਲਈ 5 ਸਾਲਾਂ ਵਿੱਚ 5 ਲੱਖ ਮਕਾਨ ਬਣਾਏ ਜਾਣਗੇ। ਹਰ ਸਾਲ ਇੱਕ ਲੱਖ ਮਕਾਨ ਬਣਾਏ ਜਾਣਗੇ।
- ਭਾਈ ਘਨੱਈਆ ਸਕੀਮ ਦੇ ਤਹਿਤ 2 ਲੱਖ ਦੀ ਮੈਡੀਕਲ ਇਂਸ਼ੋਰੈਂਸ ਸਕੀਮ ਨੂੰ ਮੁੜ ਲਾਂਚ ਕੀਤਾ ਜਾਵੇਗਾ।
- ਛੋਟੇ ਅਤੇ ਮੀਡੀਅਮ ਨੂੰ 10-10 ਲੱਖ ਦੀ ਲਾਈਫ, ਮੈਡੀਕਲ ਅਤੇ ਫਾਇਰ ਇੰਸ਼ੋਰੈਂਸ ਦਿੱਤੀ ਜਾਵੇਗੀ।
- 10 ਲੱਖ ਤੱਕ ਦਾ ਲੋਨ ਲੈਣ ਵਾਲਿਆ ਨੂੰ 5 ਫੀਸਦ ਸਬਸਿਡੀ ਦਿੱਤੀ ਜਾਵੇਗੀ। 50 ਲੱਖ ਦੇ ਲੋਨ ਵਾਲੇ ਨੂੰ 3 ਫੀਸਦ ਸਬਸਿਡੀ ਮਿਲੇਗੀ।
- ਕਰਮਚਾਰੀਆਂ ਲਈ 2004 ਦੀ ਪੈਨਸ਼ਨ ਸਕੀਮ ਨੂੰ ਲਾਗੂ ਕੀਤਾ ਜਾਵੇਗਾ।
- ਪਿਛਲੇ 5 ਸਾਲਾਂ ਵਿੱਚ ਮੁਲਾਜ਼ਮਾਂ ‘ਤੇ ਦਰਜ ਕੀਤੇ ਕੇਸ ਵਾਪਸ ਲਏ ਜਾਣਗੇ।
- ਪੇ-ਕਮੀਸ਼ਨ ਲਾਗੂ ਹੋਵੇਗਾ। LTC ਨੂੰ ਰਿਵਾਈਜ਼ ਕੀਤਾ ਜਾਵੇਗਾ।
- ਠੇਕੇ ‘ਤੇ ਭਰਤੀ ਮੁਲਾਜ਼ਮ ਰੈਗੂਲਰ ਹੋਣਗੇ।
- ਸਾਰੇ ਮੁਲਾਜ਼ਮਾਂ ਦੀ ਕੈਸ਼ਲੈੱਸ ਇੰਸ਼ੋਰੈਂਸ ਕੀਤੀ ਜਾਵੇਗੀ।
- 5 ਸਾਲਾਂ ਵਿੱਚ ਇੱਕ ਲੱਖ ਸਰਕਾਰੀ ਨੌਕਰੀ ਦਿੱਤੀ ਜਾਵੇਗੀ।
- ਆਟਾ-ਦਾਲ ਸਕੀਮ ਦੀ ਲਾਭਪਾਤਰੀ ਮਹਿਲਾਵਾਂ ਨੂੰ ਹਰ ਮਹੀਨੇ 2 ਹਜਾਰ ਰੁਪਏ ਦਿੱਤੇ ਜਾਣਗੇ।
- ਮਾਫੀਆ ਖਤਮ ਕਰਨ ਲਈ ਰੇਤ ਅਤੇ ਸ਼ਰਾਬ ਦਾ ਕਾਰਪੋਰੇਸ਼ਨ ਬਣੇਗਾ। ਸਰਕਾਰ ਖੁਦ ਸਾਰਾ ਕੰਮ ਚਲਾਏਗੀ।
- ਸਟੂਡੈਂਟ ਕਾਰਡ ਸਕੀਮ ਸ਼ੁਰੂ ਹੋਵੇਗੀ। ਦੇਸ਼ ਵਿੱਚ ਕਿਤੇ ਵੀ ਦਾਖਲਾ ਲੈਣ ਲਈ 10 ਲੱਖ ਤੱਕ ਦੀ ਮਦਦ ਮਿਲੇਗੀ।
- ਹਰ 25 ਹਜਾਰ ਦੀ ਅਬਾਦੀ ਅੰਦਰ 5 ਹਜਾਰ ਬੱਚਿਆਂ ਦਾ ਮੈਗਾ ਸਕੂਲ ਬਣੇਗਾ। ਹਰ ਵਿਧਾਨ ਸਭਾ ਅੰਦਰ 10 ਤੋਂ 12 ਸਕੂਲ ਬਣਨਗੇ। ਟੀਚਰਾਂ ਦੇ ਰਹਿਣ ਦੀ ਵੀ ਜਗ੍ਹਾ ਹੋਵੇਗੀ। ਇਹ ਕੰਪਲੈਕਸ ਦੀ ਤਰਜ ‘ਤੇ ਬਣੇਗਾ।
- ਪ੍ਰਾਈਵੇਟ ਅਤੇ ਸਰਕਾਰੀ ਕਾਲਜਾਂ ਵਿੱਚ 33 ਫੀਸਦ ਸੀਟਾਂ ਸਰਕਾਰੀ ਸਕੂਲਾਂ ‘ਚ ਪੜ੍ਹ ਰਹੇ ਬੱਚਿਆਂ ਲਈ ਸੀਟਾਂ ਰਿਜ਼ਰਵ ਹੋਣਗੀਆਂ।
- ਪੰਜਾਬ ਵਿੱਚ 6 ਯੂਨੀਵਰਸਿਟੀ ਬਣਨਗੀਆਂ।
- ਫੌਰਨ ਇੰਪਲਾਇਮੈਂਟ ਐਂਡ ਐਜੁਕੇਸ਼ਨ ਮਿਨੀਸਟਰੀ ਬਣਾਈ ਜਾਵੇਗੀ। ਅੰਬੈਸੀ ਅਤੇ ਕੰਪਨੀਆਂ ਨਾਲ ਤਾਲਮੇਲ ਕਰਕੇ ਪੰਜਾਬੀਆਂ ਨੂੰ ਵਿਦੇਸ਼ਾਂ ਵਿੱਚ ਨੌਕਰੀ ਦਵਾਉਣ ਦਾ ਕੰਮ ਹੋਵੇਗਾ।
- ਕੰਢੀ ਏਰੀਆ ਡੈਵਲਪਮੈਂਟ ਮਿਨੀਸਟਰੀ ਬਣੇਗੀ। ਇਸ ਵਿੱਚ ਡੇਰਾ ਬੱਸੀ ਤੋਂ ਲੈ ਕੇ ਪਠਾਨਕੋਟ ਤੱਕ 22 ਵਿਧਾਨ ਸਭਾ ਹਲਕੇ ਆਉਂਦੇ ਹਨ। ਇਸਦੇ ਲਈ ਵੱਖਰਾ ਬਜਟ ਹੋਵੇਗਾ।
ਕਾਂਗਰਸ ਅਤੇ ‘ਆਪ’ ਦੇ ਵਾਅਦਿਆਂ ਦਾ ਇੰਤਜਾਰ
ਵੋਟਿੰਗ ਵਿੱਚ ਸਿਰਫ਼ 4 ਦਿਨ ਬਚੇ ਹਨ, ਪਰ ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਨੇ ਅਜੇ ਤੱਕ ਆਪਣਾ ਮੈਨੀਫੈਸਟੋ ਜਾਰੀ ਨਹੀਂ ਕੀਤਾ ਹੈ, ਜਦਕਿ ਬੀਜੇਪੀ ਗਠਜੋੜ ਚੋਣ ਮੈਨੀਫੈਸਟੋ ਤੋਂ ਇਲਾਵਾ 11 ਸੂਤਰੀ ਸੰਕਲਪ ਪੱਤਰ ਵੀ ਜਾਰੀ ਕਰ ਚੁੱਕਿਆ ਹੈ। ਇਸ ਤੋਂ ਇਲਾਵਾ ਕਿਸਾਨਾਂ ਦੀ ਪਾਰਟੀ ਵੀ ‘ਆਪਣਾ ਇਕਰਾਰਨਾਮਾ’ ਦੇ ਨਾਂਅ ਹੇਠ ਮੈਨੀਫੈਸਟੋ ਜਾਰੀ ਕਰ ਚੁੱਕੀ ਹੈ।
