ਬਿਓਰੋ। ਪੰਜਾਬ ਵਿੱਚ ਜੇਕਰ ਤਿੰਨ ਪ੍ਰਮੁੱਖ ਪਾਰਟੀਆਂ ਦੇ ਸੀਐੱਮ ਉਮੀਦਵਾਰ ਜਿੱਤੇ, ਤਾਂ ਜਿਮਨੀ ਚੋਣ ਹੋਣੀ ਤੈਅ ਹੈ। ਦਰਅਸਲ, ਅਕਾਲੀ ਦਲ ਦੇ ਸੀਐੱਮ ਉਮੀਦਵਾਰ ਫਿਰੋਜ਼ਪੁਰ ਅਤੇ ‘ਆਪ’ ਦੇ ਸੀਐੱਮ ਫੇਸ ਭਗਵੰਤ ਮਾਨ ਸੰਗਰੂਰ ਤੋਂ ਸਾਂਸਦ ਹਨ। ਸੁਖਬੀਰ ਜਲਾਲਾਬਾਦ ਅਤੇ ਮਾਨ ਧੂਰੀ ਸੀਟ ਤੋਂ ਚੋਣ ਲੜ ਰਹੇ ਹਨ। ਦੋਵੇਂ ਆਪੋ-ਆਪਣੀਆਂ ਸੀਟਾਂ ਜਿੱਤੇ, ਤਾਂ ਲੋਕ ਸਭਾ ਦੀਆਂ 2 ਸੀਟਾਂ ‘ਤੇ ਜਿਮਨੀ ਚੋਣ ਹੋਣੀ ਤੈਅ ਹੈ।
ਓਧਰ ਸੀਐੱਮ ਚਰਨਜੀਤ ਸਿੰਘ ਚੰਨੀ ਚਮਕੌਰ ਸਾਹਿਬ ਅਤੇ ਭਦੌੜ ਤੋਂ ਚੋਣ ਲੜ ਰਹੇ ਹਨ। ਜੇਕਰ ਚੰਨੀ ਦੋਵੇਂ ਸੀਟਾਂ ਜਿੱਤ ਗਏ, ਤਾਂ ਉਹ ਇੱਕ ਸੀਟ ਛੱਡਣਗੇ। ਜਿਸ ਸੀਟ ਨੂੰ ਉਹ ਛੱਡਣਗੇ, ਉਥੇ ਜਿਮਨੀ ਚੋਣ ਹੋਵੇਗੀ।
ਖੁਦ ਨੂੰ ਵੋਟ ਨਹੀਂ ਦੇ ਸਕੇ ਤਿੰਨੇ
- 20 ਫਰਵਰੀ ਨੂੰ ਵੋਟਿੰਗ ਦੇ ਦਿਨ ਤਿੰਨੇ ਹੀ ਸੀਐੱਮ ਚਿਹਰੇ ਖੁਦ ਨੂੰ ਵੋਟ ਨਹੀਂ ਦੇ ਸਕੇ ਸਨ।
- ਸੁਖਬੀਰ ਬਾਦਲ ਜਲਾਲਾਬਾਦ ਤੋਂ ਚੋਣ ਲੜ ਰਹੇ ਹਨ, ਪਰ ਉਹਨਾਂ ਦੀ ਵੋਟ ਲੰਬੀ ਸੀਟ ਹਲਕੇ ਵਿੱਚ ਹੈ। ਇਥੋਂ ਉਹਨਾਂ ਦੇ ਪਿਤਾ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਚੋਣ ਲੜ ਰਹੇ ਹਨ।
- ਧੂਰੀ ਤੋਂ ਚੋਣ ਲੜ ਰਹੇ ‘ਆਪ’ ਦੇ ਸੀਐੱਮ ਕੈਂਡੀਡੇਟ ਭਗਵੰਤ ਮਾਨ ਦੀ ਵੋਟ ਮੋਹਾਲੀ ਵਿੱਚ ਹੈ।
- ਕਾਂਗਰਸ ਦੇ ਸੀਐੱਮ ਕੈਂਡੀਡੇਟ ਅਤੇ ਮੌਜੂਦਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ 2 ਸੀਟਾਂ ਤੋਂ ਚੋਣ ਲੜ ਰਹੇ ਹਨ, ਪਰ ਉਹਨਾਂ ਦੀ ਵੋਟ ਖਰੜ ਵਿੱਚ ਹੈ। ਇਥੋਂ ਦੂਜੇ ਕਾਂਗਰਸ ਉਮੀਦਵਾਰ ਚੋਣ ਮੈਦਾਨ ਵਿੱਚ ਹਨ।
