ਚੰਡੀਗੜ੍ਹ। ਪੰਜਾਬ ਵਿਧਾਨ ਸਭਾ ਚੋਣਾੰ ਦੇ ਨਤੀਜੇ ਲਗਭਗ ਸਾਫ ਹੋ ਚੁੱਕੇ ਹਨ। ਇਹਨਾੰ ਨਤੀਜਿਆੰ ਵਿੱਚ ਆਮ ਆਦਮੀ ਪਾਰਟੀ ਕਲੀਨ ਸਵੀਪ ਕਰਦੀ ਨਜ਼ਰ ਆ ਰਹੀ ਹੈ। ਇਲ ਤੋੰ ਵੀ ਵੱਡੀ ਤੇ ਅਹਿਮ ਗੱਲ ਇਹ ਕਿ ‘ਆਪ’ ਦੀ ਇਸ ਸੁਨਾਮੀ ਵਿੱਚ ਪੰਜਾਬ ਦੇ ਦਿੱਗਜ ਆਪਣੀਆੰ ਸੀਟਾੰ ਵੀ ਨਹੀੰ ਬਚਾ ਸਕੇ।
ਇਹਨਾੰ ਵਿੱਚ ਸੂਬੇ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦਾ ਨਾੰਅ ਵੀ ਅਹਿਮ ਹੈ। ਕੈਪਟਨ ਨੂੰ ਕਰੀਬ 6 ਮਹੀਨੇ ਪਹਿਲਾੰ ਕਾੰਗਰਸ ਨੇ ਸੀਐੱਮ ਦੀ ਕੁਰਸੀ ਤੋੰ ਲਾਹਿਆ। ਇਸ ਤੋੰ ਬਾਅਦ ਕੈਪਟਨ ਨੇ ਆਪਣੀ ਨਵੀੰ ਸਿਆਸੀ ਪਾਰਟੀ ਦਾ ਗਠਨ ਕਰਦਿਆੰ ਬੀਜੇਪੀ ਨਾਲ ਗਠਜੋੜ ਵਿੱਚ ਇਹ ਚੋਣ ਲੜੀ, ਪਰ ਨਵੀੰ ਪਾਰਟੀ ਦੇ ਬੈਨਰ ਤਲੇ ਕੈਪਟਨ ਆਪਣੀ ਹੀ ਸੀਟ ਨਹੀੰ ਬਚਾ ਸਕੇ।
ਪਟਿਆਲਾ ਸ਼ਹਿਰੀ ਤੋੰ ਕੈਪਟਨ ਦੀ ਹਾਰ
ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਪਟਿਆਲਾ ਸ਼ਹਿਰੀ ਤੋੰ ਕਰੀਬ 13 ਹਜ਼ਾਰ ਵੋਟਾੰ ਦੇ ਫਰਕ ਨਾਲ ਹਾਰ ਚੁੱਕੇ ਹਨ। ਇਥੋੰ ਪਟਿਆਲਾ ਜ਼ਿਲ੍ਹੇ ਦੇ ਸਾਬਕਾ ਮੇਅਰ ਅਜੀਤਪਾਲ ਸਿੰਘ ਕੋਹਲੀ ਨੇ ਜਿੱਤ ਹਾਸਲ ਕੀਤੀ ਹੈ। ਕੋਹਲੀ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਸਨ।
ਪਿਛਲੀ ਵਾਰ ਕੈਪਟਨ ਨੇ ਹਾਸਲ ਕੀਤੀ ਸੀ ਵੱਡੀ ਜਿੱਤ
ਦਿਲਚਸਪ ਹੈ ਕਿ 2017 ਦੀਆੰ ਵਿਧਾਨ ਸਭਾ ਚੋਣਾੰ ਵਿੱਚ ਜਦੋੰ ਕਾੰਗਰਸ ਕੈਪਟਨ ਦੇ ਨਾੰਅ ‘ਤੇ ਚੋਣ ਲੜੀ ਸੀ, ਤਾੰ ਕੈਪਟਨ 50 ਹਜ਼ਾਰ ਤੋੰ ਵੀ ਵੱਧ ਵੋਟਾੰ ਦੇ ਫਰਕ ਨਾਲ ਜੇਤੂ ਰਹੇ ਸਨ। ਪੂਰੇ ਪੰਜਾਬ ਵਿੱਚ ਕਾੰਗਰਸ ਨੇ 77 ਸੀਟਾੰ ‘ਤੇ ਜਿੱਤ ਹਾਸਲ ਕੀਤੀ ਸੀ।
