ਬਿਓਰੋ। ਪੰਜਾਬ ਦੀਆੰ ਸਾਰੀਆੰ 117 ਵਿਧਾਨ ਸਭਾ ਸੀਟਾੰ ਦੇ ਚੋਣ ਨਤੀਜੇ ਸਾਹਮਣੇ ਆ ਚੁੱਕੇ ਹਨ। ਪੰਜਾਬ ਚੋਣਾੰ ਦੇ ਇਹ ਨਤੀਜੇ ਉਸ ਦਿਨ ਦੀ ਯਾਦ ਦਵਾਉੰਦੇ ਹਨ, ਜਦੋੰ ਦਿੱਲੀ ਵਿੱਚ ‘ਆਪ’ ਨੇ ਸਾਰੀਆੰ ਰਵਾਇਤੀ ਪਾਰਟੀਆੰ ਨੂੰ ਪਛਾੜਦਿਆੰ ਕਲੀਨ ਸਵੀਪ ਕੀਤਾ ਸੀ। ਇਹ ਨਤੀਜੇ ਇਤਿਹਾਸਕ ਹਨ। ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਦੀ ਜੋ ਸੁਨਾਮੀ ਆਈ ਹੈ, ਉਸ ਵਿੱਚ ਤਮਾਮ ਰਵਾਇਤੀ ਪਾਰਟੀਆੰ ਰੁੜ੍ਹਦੀਆੰ ਨਜ਼ਰ ਆ ਰਹੀਆੰ ਹਨ। ਖਾਸਕਰ ਰਵਾਇਤੀ ਪਾਰਟੀਆੰ ਦੇ ਦਿੱਗਜ ਲੀਡਰ ਆਪੋ-ਆਪਣੀਆੰ ਸੀਟਾੰ ਤੱਕ ਨਹੀੰ ਬਚਾ ਸਕੇ।
92 ਵਿਧਾਇਕਾੰ ਨਾਲ ਵਿਧਾਨ ਸਭਾ ਪਹੁੰਚੇਗੀ ‘ਆਪ’
ਆਮ ਆਦਮੀ ਪਾਰਟੀ 92 ਸੀਟਾੰ ‘ਤੇ ਜਿੱਤ ਦਰਜ ਕਰ ਚੁੱਕੀ ਹੈ। ਸਾਫ਼ ਹੈ ਕਿ ਘੱਟੋ-ਘੱਟ 92 ਵਿਧਾਇਕ ਲੈ ਕੇ ਪਾਰਟੀ ਵਿਧਾਨ ਸਭਾ ਪਹੁੰਚੇਗੀ। ਇਹਨਾੰ ਵਿੱਚੋੰ 65 ਸੀਟਾੰ ਮਾਲਵਾ ਖੇਤਰ ਤੋੰ ਹਾਸਲ ਹੋਈਆੰ ਹਨ। ਦਿਲਚਸਪ ਹੈ ਕਿ ਪੰਜਾਬ ਵਿੱਚ ਅਜਿਹਾ ਪਹਿਲੀ ਵਾਰ ਹੈ, ਜਦੋੰ ਕਿਸੇ ਇੱਕ ਪਾਰਟੀ ਨੇ ਇਕੱਲੇ ਆਪਣੇ ਦਮ ‘ਤੇ 90 ਤੋੰ ਵੱਧ ਸੀਟਾੰ ‘ਤੇ ਜਿੱਤ ਹਾਸਲ ਕੀਤੀ ਹੋਵੇ।
ਕਾੰਗਰਸ 18 ਸੀਟਾੰ ਨਾਲ ਸੂਬੇ ਵਿੱਚ ਦੂਜੇ ਨੰਬਰ ‘ਤੇ ਰਹੀ, ਮਤਲਬ ਕਾੰਗਰਸ ਇਸ ਵਾਰ ਵਿਰੋਧੀ ਧਿਰ ਦੀ ਭੂਮਿਕਾ ਵਿੱਚ ਨਜ਼ਰ ਆਵੇਗੀ। ਅਕਾਲੀ ਦਲ ਇਸ ਵਾਰ ਮਹਿਜ਼ 3 ਸੀਟਾੰ ਹੀ ਹਾਸਲ ਕਰ ਸਕੀ ਹੈ। ਇੱਕ ਸੀਟ ਅਕਾਲੀ ਦਲ ਦੀ ਭਾਈਵਾਲ BSP ਦੇ ਖਾਤੇ ਵੀ ਪਈ ਹੈ। ਓਧਰ BJP, ਕੈਪਟਨ ਅਤੇ ਢੀੰਡਸਾ ਮਿਲ ਕੇ ਵੀ ਕੋਈ ਖਾਸ ਕਮਾਲ ਨਹੀੰ ਕਰ ਸਕੇ। BJP ਨੇ ਮਹਿਜ਼ 2 ਸੀਟਾੰ ਆਪਣੇ ਨਾੰਅ ਕੀਤਾ ਹੈ। ਇਸ ਤੋੰ ਇਲਾਵਾ ਇੱਕ ਸੀਟ ਕਾੰਗਰਸ ਲੀਡਰ ਰਾਣਾ ਗੁਰਜੀਤ ਸਿੰਘ ਦੇ ਪੁੱਤਰ ਰਾਣਾ ਇੰਦਰ ਪ੍ਰਤਾਪ ਸਿੰਘ ਦੇ ਖਾਤੇ ਆਈ ਹੈ, ਜੋ ਟਿਕਟ ਨਾ ਮਿਲਣ ਦੇ ਚਲਦੇ ਅਜ਼ਾਦ ਲੜ ਰਹੇ ਸਨ।
ਖਟਕੜ ਕਲਾੰ ‘ਚ ਸਹੁੰ ਚੁੱਕਣਗੇ ਭਗਵੰਤ ਮਾਨ
‘ਆਪ’ ਦੀ ਧਮਾਕੇਦਾਰ ਜਿੱਤ ਤੋੰ ਬਾਅਦ ਭਗਵੰਤ ਮਾਨ ਨੇ ਲੋਕਾੰ ਦਾ ਧੰਨਵਾਦ ਕਰਦਿਆੰ ਵੱਡਾ ਐਲਾਨ ਕੀਤਾ ਕਿ ਉਹ ਹੋਰ ਪਾਰਟੀਆੰ ਵਾੰਗ ਰਾਜ ਭਵਨ ਵਿੱਚ ਨਹੀੰ, ਬਲਕਿ ਸ਼ਹੀਦ ਭਗਤ ਸਿੰਘ ਦੇ ਜੱਦੀ ਪਿੰਡ ਖਟਕੜ ਕਲਾੰ ਵਿੱਚ ਸਹੁੰ ਚੁੱਕਣਗੇ। ਇਸਦੇ ਨਾਲ ਹੀ ਉਹਨਾੰ ਨੇ ਦਾਅਵਾ ਕੀਤਾ ਕਿ ਸਰਕਾਰ ਬਣਦੇ ਹੀ ਪਹਿਲੀ ਕੈਬਨਿਟ ਵਿੱਚ ਉਹਨਾੰ ਦਾ ਹਰਾ ਪੈੱਨ ਬੇਰੁਜ਼ਗਾਰੀ ਖਤਮ ਕਰਨ ਲਈ ਚੱਲੇਗਾ। ਇਸਦੇ ਨਾਲ ਹੀ ਐਲਾਨ ਕੀਤਾ ਕਿ ਹੁਣ ਪੰਜਾਬ ਦੇ ਸਰਕਾਰੀ ਦਫਤਰਾੰ ਵਿੱਚ ਮੁੱਖ ਮੰਤਰੀ ਦੀ ਨਹੀੰ, ਬਲਕਿ ਸ਼ਹੀਦ ਭਗਤ ਸਿੰਘ ਅਤੇ ਡਾ. ਭੀਮ ਰਾਓ ਅੰਬੇਡਕਰ ਦੀ ਤਸਵੀਰ ਲੱਗੇਗੀ।
ਨਾਲ ਹੀ ਭਗਵੰਤ ਮਾਨ ਨੇ ਦਾਅਵਾ ਕੀਤਾ ਕਿ ਸਰਕਾਰ ਬਣਨ ਤੋੰ ਇੱਕ ਮਹੀਨੇ ਅੰਦਰ ਪੰਜਾਬ ਦੀ ਤਸਵੀਰ ਬਦਲੀ ਨਜ਼ਰ ਆਉਣ ਲੱਗੇਗੀ। ਉਹਨਾੰ ਪੰਜਾਬ ਦੇ ਲੋਕਾੰ ਨੂੰ ਕਿਹਾ, “ਤੁਸੀੰ ਆਪਣੀ ਜ਼ਿੰਮੇਵਾਰੀ ਨਿਭਾ ਦਿੱਤੀ, ਹੁਣ ਜ਼ਿੰਮੇਵਾਰੀ ਮੇਰੀ ਹੈ। ਮੇਰੇ ‘ਤੇ ਭਰੋਸਾ ਰੱਖਿਓ। ਮੇਰੀ ਨੀਅਤ ਮਾੜੀ ਨਹੀੰ ਹੈ। ਹੌਲੀ-ਹੌਲੀ ਪੰਜਾਬ ਨੂੰ ਪੱਟੜੀ ‘ਤੇ ਲਿਆਵਾੰਗੇ।”
ਅੰਮ੍ਰਿਤਸਰ ਈਸਟ ‘ਚ ਸਿੱਧੂ, ਮਜੀਠੀਆ ਹਾਰੇ
ਪੰਜਾਬ ਦੀ ਸਭ ਤੋੰ ਹੌਟ ਸੀਟ ਅੰਮ੍ਰਿਤਸਰ ਈਸਟ ਵਿੱਚ ਮੁਕਾਬਲਾ ਸੂਬਾ ਕਾੰਗਰਸ ਪ੍ਰਧਾਨ ਨਵਜੋਤ ਸਿੱਧੂ ਅਤੇ ਸੀਨੀਅਰ ਅਕਾਲੀ ਆਗੂ ਬਿਕਰਮ ਮਜੀਠੀਆ ਵਿਚਕਾਰ ਸਮਝਿਆ ਜਾ ਰਿਹਾ ਸੀ। ਪਰ ਇਥੇ ਆਮ ਆਦਮੀ ਪਾਰਟੀ ਦੀ ਉਮੀਦਵਾਰ ਜੀਵਨਜੋਤ ਕੌਰ ਨੇ ਦੋਵੇੰ ਵੱਡੇ ਲੀਡਰਾੰ ਨੂੰ ਮਾਤ ਦਿੰਦੇ ਹੋਏ ਇਸ ਸੀਟ ‘ਤੇ ਕਬਜ਼ਾ ਕਰ ਲਿਆ। ਜੀਵਨਜੋਤ ਕੌਰ ਨੇ 6750 ਵੋਟਾੰ ਦੇ ਫਰਕ ਨਾਲ ਨਵਜੋਤ ਸਿੱਧੂ ਨੂੰ ਮਾਤ ਦਿੱਤੀ। ਬਿਕਰਮ ਸਿੰਘ ਮਜੀਠੀਆ ਤੀਜੇ ਨੰਬਰ ‘ਤੇ ਰਹੇ।
ਬਾਦਲ ਪਰਿਵਾਰ 4 ਸੀਟਾੰ ‘ਤੇ ਹਾਰਿਆ
ਮੁਕਤਸਰ ਜ਼ਿਲ੍ਹੇ ਦੇ ਹਲਕੇ ਲੰਬੀ ਵਿੱਚ ਅਕਾਲੀ ਦਲ ਦੇ ਉਮੀਦਵਾਰ ਅਤੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦਾ ‘ਸਿਕਸਰ’ ਮਾਰਨ ਦਾ ਸੁਫਨਾ ਆਮ ਆਦਮੀ ਪਾਰਟੀ ਨੇ ਪੂਰਾ ਨਹੀੰ ਹੋਣ ਦਿੱਤਾ। ਬਾਦਲ ਨੂੰ ‘ਆਪ’ ਦੇ ਜਗਮੀਤ ਖੁੱਡੀਆੰ ਹੱਥੋੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਓਧਰ ਸੁਖਬੀਰ ਸਿੰਘ ਬਾਦਲ ਵੀ ਆਪਣੀ ਸੀਟ ਨਹੀੰ ਬਚਾ ਸਕੇ। ਸੁਖਬੀਰ ਨੂੰ ਕਰੀਬ 31 ਹਜ਼ਾਰ ਵੋਟਾੰ ਦੇ ਫ਼ਰਕ ਨਾਲ ਹਾਰ ਦਾ ਸੁਆਦ ਚਖਣਾ ਪਿਆ। ਪੱਟੀ ਤੋੰ ਸੁਖਬੀਰ ਬਾਦਲ ਦੇ ਜੀਜਾ ਆਦੇਸ਼ ਪ੍ਰਤਾਪ ਸਿੰਘ ਕੈਰੋੰ ਵੀ ਜਿੱਤ ਨਹੀੰ ਸਕੇ। ਓਧਰ ਬਿਕਰਮ ਮਜੀਠੀਆ ਅੰਮ੍ਰਿਤਸਰ ਈਸਟ ਤੋੰ ਹਾਰ ਗਏ। ਹਾਲਾੰਕਿ ਮਜੀਠੀਆ ਦੀ ਪਤਨੀ ਗਨੀਵ ਕੌਰ ਮਜੀਠੀਆ ਆਪਣੀ ਸੀਟ ਬਚਾਉਣ ਵਿੱਚ ਕਾਮਯਾਬ ਰਹੇ।
ਕੈਪਟਨ ਵੀ ਨਹੀੰ ਕਰ ਸਕੇ ‘ਗੋਲ’
ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੀ ਆਪਣੀ ਸੀਟ ਬਚਾ ਨਹੀੰ ਸਕੇ। ਹਾਕੀ ਨਾਲ ਗੋਲ ਕਰਨ ਦਾ ਸੁਫਨਾ ਵੇਖ ਰਹੇ ਕੈਪਟਨ ਨੂੰ ਆਪਣੇ ਹੀ ਹਲਕੇ ਪਟਿਆਲਾ ਸ਼ਹਿਰੀ ਤੋੰ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਕੈਪਟਨ ਨੂੰ ‘ਆਪ’ ਉਮੀਦਵਾਰ ਅਜੀਤਪਾਲ ਸਿੰਘ ਕੋਹਲੀ ਨੇ ਕਰੀਬ 20 ਹਜ਼ਾਰ ਵੋਟਾੰ ਦੇ ਫ਼ਰਕ ਨਾਲ ਮਾਤ ਦਿੱਤੀ।
ਦੋਵੇੰ ਸੀਟਾੰ ਤੋੰ ਹਾਰੇ ਮੌਜੂਦਾ CM ਚਰਨਜੀਤ ਚੰਨੀ
ਓਧਰ ਪੰਜਾਬ ਦੇ ਮੌਜੂਦਾ ਮੁੱਖ ਮੰਤਰੀ ਅਤੇ ਕਾੰਗਰਸ ਦੇ ਸੀਐੱਮ ਫੇਸ ਚਰਨਜੀਤ ਸਿੰਘ ਚੰਨੀ ਨੂੰ ਦੋਵੇੰ ਸੀਟਾੰ ਤੋੰ ਹਾਰ ਦਾ ਸੁਆਦ ਚਖਣਾ ਪਿਆ। ਨਾ ਤਾੰ ਚਮਕੌਰ ਸਾਹਿਬ ਦੇ ਲੋਕਾੰ ਨੇ ਉਹਨਾੰ ‘ਤੇ ਭਰੋਸਾ ਜਤਾਇਆ ਅਤੇ ਨਾ ਹੀ ਭਦੌੜ ਦੇ ਲੋਕਾੰ ਨੇ ਚੰਨੀ ਦੇ ਹੱਕ ਵਿੱਚ ਫਤਵਾ ਦਿੱਤਾ। ਦਿਲਚਸਪ ਇਹ ਵੀ ਹੈ ਕਿ ਚੰਨੀ ਦੋਵੇੰ ਹੀ ਸੀਟਾੰ ‘ਤੇ ਕਾਫੀ ਵੱਡੇ ਫ਼ਰਕ ਨਾਲ ਹਾਰੇ ਹਨ।
ਚੰਨੀ ਕੈਬਨਿਟ ਦੇ ਕਈ ਮੰਤਰੀ ਵੀ ਹਾਰੇ
ਦਿਲਚਸਪ ਇਹ ਵੀ ਹੈ ਕਿ ਚੰਨੀ ਕੈਬਨਿਟ ਦੇ ਕਈ ਵੱਡੇ ਚਿਹਰੇ ਵੀ ‘ਆਪ’ ਦੀ ਇਸ ਲਹਿਰ ਵਿੱਚ ਆਪਣੀ ਸੀਟ ਨਹੀੰ ਬਚਾ ਸਕੇ। ਬਠਿੰਡਾ ਸ਼ਹਿਹੀ ਤੋੰ ਮਨਪ੍ਰੀਤ ਬਾਦਲ, ਲੁਧਿਆਣਾ ਪੱਛਮੀ ਤੋੰ ਭਾਰਤ ਭੂਸ਼ਣ ਆਸ਼ੂ, ਅੰਮ੍ਰਿਤਸਰ ਕੇੰਦਰੀ ਤੋੰ ਓਪੀ ਸੋਨੀ ਅਤੇ ਅੰਮ੍ਰਿਤਸਰ ਵੈਸਟ ਤੋੰ ਰਾਜ ਕੁਮਾਰ ਵੇਰਕਾ ਚੋਣ ਹਾਰ ਗਏ ਹਨ। ਮਲੇਰਕੋਟਲਾ ਤੋੰ ਰਜ਼ੀਆ ਸੁਲਤਾਨਾ ਵੀ ਆਪਣੀ ਸੀਟ ਨਹੀੰ ਬਚਾ ਸਕੇ।
I LOVE YOU PUNJAB- ਕੇਜਰੀਵਾਲ
ਪੰਜਾਬ ਦੇ ਇਹਨਾੰ ਇਤਿਹਾਸਕ ਚੋਣ ਨਤੀਜਿਆੰ ‘ਤੇ ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ਦੀ ਖੁਸ਼ੀ ਦਾ ਠਿਕਾਣਾ ਨਹੀੰ ਰਿਹਾ। ਨਤੀਜਿਆੰ ਤੋੰ ਬਾਅਦ ਉਹਨਾੰ ਨੇ ਕਿਹਾ, “ਪੰਜਾਬੀਓ, ਤੁਸੀੰ ਤਾੰ ਕਮਾਲ ਕਰ ਦਿੱਤਾ, I LOVE YOU PUNJAB”
