ਚੰਡੀਗੜ੍ਹ। ਆਮ ਆਦਮੀ ਪਾਰਟੀ ਦੇ ਸਾੰਸਦ ਹਰਭਜਨ ਸਿੰਘ ਨੇ ਰਾਜ ਸਭਾ ਵਿੱਚ ਅਫਗਾਨ ਸਿੱਖਾੰ ਦਾ ਮੁੱਦਾ ਚੁੱਕਿਆ ਅਤੇ ਕੇੰਦਰ ਸਰਕਾਰ ਨੂੰ ਉਹਨਾੰ ਦੀ ਸੁਰੱਖਿਆ ਯਕੀਨੀ ਬਣਾਉਣ ਦੀ ਮੰਗ ਕੀਤੀ। ਹਰਭਜਨ ਨੇ ਕਿਹਾ ਕਿ ਤਾਲੀਬਾਨ ਦੇ ਕਬਜ਼ੇ ਤੋੰ ਬਾਅਦ ਅਫਗਾਨਿਸਤਾਨ ਵਿੱਚ ਮਹਿਜ਼ 150 ਸਿੱਖ ਹੀ ਬਚੇ ਹਨ, ਜਿਹਨਾੰ ਪ੍ਰਤੀ ਕੇੰਦਰ ਸਰਕਾਰ ਨੂੰ ਗੰਭੀਰਤਾ ਵਿਖਾਉਣ ਦੀ ਲੋੜ ਹੈ।
ਸਾਡੇ ‘ਤੇ ਹੀ ਹਮਲੇ ਕਿਉੰ?- ਹਰਭਜਨ ਸਿੰਘ
ਅਫਗਾਨਿਸਤਾਨ ਦੇ ਗੁਰਦੁਆਰਿਆੰ ਉੱਪਰ ਹੋ ਰਹੇ ਹਮਲਿਆੰ ‘ਤੇ ਧਿਆਨ ਦਵਾਉੰਦਿਆੰ ਸਾੰਸਦ ਨੇ ਕਿਹਾ, “ਇਹਨਾੰ ਹਮਲਿਆੰ ਨਾਲ ਦੁਨੀਆ ਭਰ ‘ਚ ਵਸਦੇ ਸਿੱਖਾੰ ਦੀਆੰ ਭਾਵਨਾਵਾੰ ਨੂੰ ਠੇਸ ਪਹੁੰਚ ਰਹੀ ਹੈ। ਇਹ ਹਮਲੇ ਸਿੱਖਾੰ ਦੀ ਪਛਾਣ ਉੱਪਰ ਹੋ ਰਹੇ ਹਨ। ਇਹ ਸਾਨੂੰ ਕਈ ਸਵਾਲ ਪੁੱਛਣ ਲਈ ਮਜਬੂਰ ਕਰਦੇ ਹਨ।” ਉਹਨਾੰ ਪੁੱਛਿਆ, “ਇਹ ਹਮਲੇ ਸਾਡੇ ‘ਤੇ ਹੀ ਕਿਉੰ ਹੋ ਰਹੇ ਹਨ? ਕਿਉੰ ਸਾਨੂੰ ਹੀ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ?”
‘ਦਾਨ-ਧਰਮ ਕਰਨ ਵਾਲਿਆੰ ਨਾਲ ਅਜਿਹਾ ਸਲੂਕ ਕਿਉੰ?’
ਸਾੰਸਦ ਹਰਭਜਨ ਸਿੰਘ ਨੇ ਕਿਹਾ, “ਕੋਵਿਡ ਦੇ ਦੌਰਾਨ ਗੁਰਦੁਆਰਿਆੰ ਨੇ ਲੋੜਵੰਦਾੰ ਨੂੰ ਨਾ ਸਿਰਫ਼ ਖਾਣਾ ਉਪਲਬਧ ਕਰਵਾਇਆ, ਬਲਕਿ ਆਕਸੀਜ਼ਨ ਤੱਕ ਪਹੁੰਚਾਈ। ਚਾਹੇ ਦੇਸ਼ ਦੀ ਅਜ਼ਾਦੀ ‘ਚ ਸਿੱਖਾੰ ਦਾ ਯੋਗਦਾਨ ਵੇਖ ਲਈਏ, ਚਾਹੇ GDP, ਰੁਜ਼ਗਾਰ ਜਾੰ ਦਾਨ-ਧਰਮ, ਹਰ ਚੀਜ਼ ਵਿੱਚ ਸਿੱਖ ਮੋਹਰੀ ਰਿਹਾ ਹੈ। ਸਿੱਖ ਆਪਣੇ ਜਜ਼ਬੇ ਅਤੇ ਬਹਾਦਰੀ ਲਈ ਜਾਣੇ ਜਾੰਦੇ ਹਨ। ਫਿਰ ਸਾਡੇ ਨਾਲ ਅਜਿਹਾ ਸਲੂਕ ਕਿਉੰ?”
ਸਿੱਖਾੰ ‘ਤੇ ਲਗਾਤਾਰ ਹਮਲੇ ਹੋ ਰਹੇ- ਹਰਭਜਨ ਸਿੰਘ
ਹਰਭਜਨ ਸਿੰਘ ਨੇ 18 ਜੂਨ ਨੂੰ ਕਾਬੁਲ ‘ਚ ਗੁਰਦੁਆਰਿਆੰ ਉੱਪਰ ਹੋਏ ਧਮਾਕਿਆੰ ਦਾ ਜ਼ਿਕਰ ਕੀਤਾ। ਇਸ ਹਮਲੇ ਵਿੱਚ 2 ਲੋਕਾੰ ਦੀ ਮੌਤ ਹੋਈ ਸੀ ਅਤੇ ਕਈ ਲੋਕ ਜ਼ਖਮੀ ਹੋਏ ਸਨ। 25 ਮਾਰਚ, 2020 ਨੂੰ IS ਦੇ ਹਮਲਾਵਰਾੰ ਵੱਲੋੰ ਕਾਬੁਲ ਦੇ ਗੁਰਦੁਆਰਿਆੰ ਵਿੱਚ ਆਤਮਘਾਤੀ ਹਮਲਿਆੰ ਦਾ ਵੀ ਉਹਨਾੰ ਨੇ ਜ਼ਿਕਰ ਕੀਤਾ। ਉਸ ਹਮਲੇ ਵਿੱਚ ਬੱਚਿਆੰ ਸਮੇਤ 25 ਸਿੱਖ ਮਾਰੇ ਗਏ ਸਨ। ਹਰਭਜਨ ਿਸੰਘ ਨੇ ਇਸ ਪੂਰੇ ਮਾਮਲੇ ਵਿੱਚ ਵਿਦੇਸ਼ ਮੰਤਰੀ ਦੇ ਦਖਲ ਦੀ ਮੰਗ ਕੀਤੀ।
‘2.20 ਲੱਖ ਤੋੰ ਘੱਟ ਕੇ ਸਿਰਫ਼ 150 ਸਿੱਖ ਬਚੇ’
ਅਫਗਾਨਿਸਤਾਨ ‘ਚ ਸਿੱਖਾੰ ਦੇ ਅੰਕੜਿਆੰ ਬਾਰੇ ਬੋਲਦਿਆੰ ਹਰਭਜਨ ਨੇ ਕਿਹਾ, “1980 ਦੇ ਦਹਾਕੇ ਦੌਰਾਨ ਅਫਗਾਨਿਸਤਾਨ ‘ਚ 2,20,000 ਹਿੰਦੂ ਤੇ ਸਿੱਖ ਰਹਿੰਦੇ ਸਨ। 1990 ਦੇ ਦਹਾਕੇ ਦੀ ਸ਼ੁਰੂਆਤ ਵਿੱਚ ਇਹ ਅੰਕੜਾ ਡਿੱਗ ਕੇ 15 ਹਜ਼ਾਰ ਅਤੇ 2016 ਵਿੱਚ ਡਿੱਗ ਕੇ 1,350 ਹੋ ਗਿਆ ਹੈ। ਜਲਾਲਾਬਾਦ ‘ਚ ਹਮਲੇ ਦੇ ਵਕਤ ਅਫਗਾਨਿਸਤਾਨ ‘ਚ 1500 ਸਿੱਖ ਸਨ। ਉਸ ਤੋੰ ਬਾਅਦ ਲੋਕ ਉਥੇ ਅਸੁਰੱਖਿਅਤ ਮਹਿਸੂਸ ਕਰਨ ਲੱਗੇ ਅਤੇ ਹੌਲੀ-ਹੌਲੀ ਗਿਣਤੀ ਘਟਣ ਲੱਗੀ। ਤਾਲੀਬਾਨ ਦੇ ਸੱਤਾ ‘ਚ ਆਉਣ ਨਾਲ ਅਫਗਾਨਿਸਤਾਨ ‘ਚ 300 ਸਿੱਖ ਹੋਰ ਘੱਟ ਹੋ ਗਏ। ਇਸ ਵਕਤ ਉਥੇ ਮਹਿਜ਼ 150 ਸਿੱਖ ਹੀ ਬਚੇ ਹਨ।”
ਇਸ ਤੋੰ ਬਾਅਦ ਸਭਾਪਤੀ ਵੈੰਕਈਆ ਨਾਇਡੂ ਨੇ ਕਿਹਾ ਕਿ ਹਰਭਜਨ ਸਿੰਘ ਨੇ ਬੇਹੱਦ ਚੰਗਾ ਮੁੱਦਾ ਚੁੱਕਿਆ ਹੈ। ਵਿਦੇਸ਼ ਮੰਤਰੀ ਇਸ ‘ਤੇ ਜ਼ਰੂਰ ਧਿਆਨ ਦੇਣਗੇ।
