ਚੰਡੀਗੜ੍ਹ। ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਨੀਵਾਰ ਨੂੰ ਚੰਡੀਗੜ੍ਹ ਦੇ ਸੈਕਟਰ-43 ਸਥਿਤ ਜ਼ਿਲ੍ਹਾ ਅਦਾਲਤ ਵਿੱਚ ਪੇਸ਼ ਹੋਏ। ਸੀਐੱਮ ਭਗਵੰਤ ਮਾਨ ਦੇ ਖਿਲਾਫ਼ ਜ਼ਿਲ੍ਹਾ ਅਦਾਲਤ ਵਿੱਚ ਚੰਡੀਗੜ੍ਹ ਪੁਲਿਸ ਨਾਲ ਝੜੱਪ ਦਾ ਕੇਸ ਚੱਲ ਰਿਹਾ ਹੈ। ਮਾਮਲਾ ਸਾਲ 2020 ਦਾ ਹੈ, ਜਦੋੰ ਭਗਵੰਤ ਮਾਨ ਆਪਣੇ ਸਾਥੀ ਆਗੂਆੰ ਦੇ ਨਾਲ ਤਤਕਾਲੀ ਕਾੰਗਰਸ ਸਰਕਾਰ ਦੇ ਖਿਲਾਫ਼ ਵਿਰੋਧ ਪ੍ਰਦਰਸ਼ਨ ਕਰਦੇ ਹੋਏ ਸੀਐੱਮ ਰਿਹਾਇਸ਼ ਦਾ ਘੇਰਾਓ ਕਰ ਰਹੇ ਸਨ ਅਤੇ ਇਸੇ ਦੌਰਾਨ ਪੁਲਿਸ ਦੇ ਨਾਲ ਉਹਨਾੰ ਦੀ ਝੜਪ ਹੋ ਗਈ ਸੀ।
ਸੀਐੱਮ ਮਾਨ 10 ਵਜੇ ਹੀ ਜ਼ਿਲ੍ਹਾ ਅਦਾਲਤ ਵਿੱਚ ਪਹੁੰਚ ਗਏ ਸਨ ਅਤੇ ਸਾਢੇ 10 ਵਜੇ ਕੋਰਟ ਵਿੱਚ ਪੇਸ਼ ਹੋਏ। ਪੰਜਾਬ ਦੇ ਸਾਬਕਾ ਐਡਵੋਕੇਟ ਜਨਰਲ ਡਾ. ਅਨਮੋਲ ਰਤਨ ਸਿੱਧੂ ਅਤੇ ਸਾਬਕਾ ਸਪੈਸ਼ਲ ਪ੍ਰੋਸਿਕਿਊਟਰ ਪ੍ਰਥਮ ਸੇਠੀ ਵੀ ਅਦਾਲਤ ‘ਚ ਸੀਐੱਮ ਦੇ ਨਾਲ ਮੌਜੂਦ ਰਹੇ। ਕੋਰਟ ਦੀ ਕਾਰਵਾਈ ਤੋੰ ਬਾਅਦ ਸੀਐੱਮ ਮਾਨ ਨੂੰ ਮਾਮਲੇ ਨਾਲ ਜੁੜੀ ਚਾਰਜਸ਼ੀਟ ਦੀ ਕਾਪੀ ਦਿੱਤੀ ਗਈ।
ਕੀ ਹੈ ਪੂਰਾ ਮਾਮਲਾ?
ਜਨਵਰੀ, 2020 ਵਿੱਚ ਪੰਜਾਬ ‘ਚ ਵਧੀਆੰ ਬਿਜਲੀ ਦਰਾੰ ਦੇ ਖਿਲਾਫ਼ ਆਮ ਆਦਮੀ ਪਾਰਟੀ ਦੇ ਆਗੂਆੰ, ਵਿਧਾਇਕਾੰ ਅਤੇ ਵੱਡੀ ਗਿਣਤੀ ਵਿੱਚ ਵਰਕਰਾੰ ਨੇ ਚੰਡੀਗੜ੍ਹ ‘ਚ ਪ੍ਰਦਰਸ਼ਨ ਕੀਤਾ ਸੀ। ਸੈਕਟਰ-3 ਥਾਣਾ ਪੁਲਿਸ ਨੇ ਮੋਜੁੂਦਾ ਪੰਜਾਬ ਸੀਐੱਮ ਭਗਵੰਤ ਮਾਨ, ਆਮ ਆਦਮੀ ਪਾਰਟੀ ਦੇ ਤਤਕਾਲੀ 7 ਵਿਧਾਇਕਾੰ ਸਮੇਤ ਕੁੱਲ 800 ਪ੍ਰਦਰਸ਼ਨਕਾਰੀਆੰ ਦੇ ਖਿਲਾਫ਼ ਪ੍ਰਦਰਸ਼ਨ ਦੌਰਾਨ ਦੰਗਾ ਫੈਲਾਉਣ, ਪੁਲਿਸ ‘ਤੇ ਹਮਲਾ ਕਰਨ ਅਤੇ ਡਿਊਟੀ ਵਿੱਚ ਰੁਕਾਵਟ ਪਾਉਣ ਦਾ ਮਾਮਲਾ ਦਰਜ ਕੀਤਾ ਸੀ। ਪੁਲਿਸ ਨੇ ਸਾਰੇ ਪ੍ਰਦਰਸ਼ਨਕਾਰੀਆੰ ਦੇ ਖਿਲਾਫ਼ IPC ਦੀ ਧਾਰਾ 147, 149, 332, 353 ਅਤੇ 188 ਦੇ ਤਹਿਤ ਕੇਸ ਦਰਜ ਕੀਤਾ ਸੀ।
