ਚੰਡੀਗੜ੍ਹ। ਪੰਜਾਬ ‘ਚ ਨਸ਼ਿਆੰ ਦੀ ਤਸਕਰੀ ਦੇ ਰੁਝਾਨਾੰ ਨੂੰ ਲੈ ਕੇ ਪੰਜਾਬ ਪੁਲਿਸ ਨੇ ਵੱਡਾ ਖੁਲਾਸਾ ਕੀਤਾ ਹੈ। IG ਪੁਲਿਸ ਹੈੱਡਕੁਆਰਟਰ ਸੁਖਚੈਨ ਸਿੰਘ ਗਿੱਲ ਦਾ ਦਾਅਵਾ ਹੈ ਕਿ ਸੂਬੇ ‘ਚ ਨਸ਼ੇ ਦੀ ਤਸਕਰੀ ਲਈ ਮਹਿਲਾਵਾੰ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਹੈ। ਜ਼ਾਹਿਰ ਹੈ ਮਹਿਲਾਵਾੰ ‘ਤੇ ਜਲਦੀ ਕੋਈ ਸ਼ੱਕ ਨਹੀੰ ਕਰ ਪਾਉੰਦਾ। ਦਾਅਵਾ ਇਹ ਵੀ ਹੈ ਕਿ ਤਸਕਰੀ ‘ਚ ਪਬਲਿਕ ਟਰਾੰਸਪੋਰਟ ਦੀ ਵੀ ਵਰਤੋੰ ਹੋ ਰਹੀ ਹੈ। ਪੁਲਿਸ ਵਿਭਾਗ ਦੀ ਹਫਤਾਵਾਰੀ ਪ੍ਰੈੱਸ ਕਾਨਫ਼ਰੰਸ ਨੂੰ ਸੰਬੋਧਿਤ ਕਰਦੇ ਹੋਏ iG ਹੈਡਕੁਆਰਟਰ ਸੁਖਚੈਨ ਸਿੰਘ ਗਿੱਲ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ।
‘1 ਹਫ਼ਤੇ ‘ਚ 472 ਸਮੱਗਲਰ, 1 ਮਹੀਨੇ ‘ਚ 141 ਭਗੌੜੇ ਫੜੇ’
ਪ੍ਰੈੱਸ ਕਾਨਫ਼ਰੰਸ ਨੂੰ ਸੰਬੋਧਿਤ ਕਰਦਿਆੰ IG ਹੈੱਡਕੁਆਟਰ ਨੇ ਦੱਸਿਆ ਕਿ ਪੰਜਾਬ ਪੁਲਿਸ ਵੱਲੋੰ ਪਿਛਲੇ ਇੱਕ ਹਫਤੇ ਅੰਦਰ NDPS ਐਕਟ ਤਹਿਤ 354 FIR ਦਰਜ ਕੀਤੀਆੰ ਗਈਆੰ ਹਨ ਅਤੇ 472 ਡਰੱਗ ਸਮੱਗਲਰ/ਸਪਲਾਇਰ ਫੜੇ ਗਏ ਹਨ। ਇਸ ਤੋੰ ਇਲਾਵਾ ਪਿਛਲੇ ਇੱਕ ਮਹੀਨੇ ਅੰਦਰ ਪੰਜਾਬ ਪੁਲਿਸ ਵੱਲੋੰ 141 ਘੋਸ਼ਿਤ/ਭਗੌੜੇ ਅਪਰਾਧੀ ਫੜੇ ਗਏ ਹਨ।
23.37 ਲੱਖ ਦੀ ਡਰੱਗ ਮਨੀ ਬਰਾਮਦ
ਇਸ ਤੋੰ ਇਲਾਵਾ ਪੁਲਿਸ ਵੱਲੋੰ 5.53 ਕਿੱਲੋ ਹੈਰੋਇਨ, 21.9 ਕਿੱਲੋ ਅਫੀਮ, 21.5 ਕਿੱਲੋ ਗਾੰਜਾ, 6 ਕੁਇੰਟਲ ਭੁੱਕੀ ਅਤੇ 1.46 ਗੋਲੀਆੰ ਕੈਪਸੂਲ ਬਰਾਮਦ ਕੀਤੇ ਗਏ ਹਨ। ਇਸਦੇ ਨਾਲ ਹੀ ਪੁਲਿਸ ਨੇ 23.37 ਲੱਖ ਦੀ ਡਰੱਗ ਮਨੀ ਵੀ ਬਰਾਮਦ ਕੀਤੀ ਹੈ।
ਬਾਲੀਵੁੱਡ ਨੇ ਬਦਲਿਆ ਸਮੱਗਲਿੰਗ ਦਾ ਟ੍ਰੈੰਡ !
ਗੌਰ ਕਰਨ ਲਾਇਕ ਹੈ ਕਿ ਕਰੀਬ 10 ਦਿਨ ਪਹਿਲਾੰ ਹੀ OTT ਪਲੇਟਫਾਰਮ ‘ਤੇ ਰਿਲੀਜ਼ ਹੋਈ ਫ਼ਿਲਮ ‘ਗੁਡ ਲੱਕ ਜੈਰੀ’ ‘ਚ ਪੰਜਾਬ ਨੂੰ ਡਰੱਗ ਸਟੇਟ ਵਿਖਾਏ ਜਾਣ ਦਾ ਮੁੱਦਾ ਉਠਿਆ ਸੀ। ਇਸ ਫਿਲਮ ਵਿੱਚ ਜੈਰੀ ਦਾ ਕਿਰਦਾਰ ਨਿਭਾਉਣ ਵਾਲੀ ਜਾਨ੍ਹਵੀ ਕਪੂਰ ਨੂੰ ਨਸ਼ੇ ਦੇ ਤਸਕਰਾੰ ਵੱਲੋੰ ਸਮੱਗਲਿੰਗ ਕਰਾਉੰਦੇ ਵਿਖਾਇਆ ਗਿਆ ਹੈ। ਫ਼ਿਲਮ ਦੇ ਰਿਲੀਜ਼ ਹੋਣ ਤੋੰ 10 ਦਿਨ ਬਾਅਦ ਹੀ ਇਸਦਾ ਅਸਰ ਪੰਜਾਬ ‘ਚ ਹੋ ਰਹੀ ਸਮੱਗਲਿੰਗ ‘ਤੇ ਵਿਖਣ ਲੱਗਿਆ ਹੈ ਅਤੇ ਇਥੇ ਨਸ਼ਿਆੰ ਦੀ ਤਸਕਰੀ ਲਈ ਮਹਿਲਾਵਾੰ ਦੀ ਵਰਤੋੰ ਹੋਣ ਲੱਗੀ ਹੈ, ਜਿਸਦਾ ਦਾਅਵਾ ਖੁਦ ਪੁਲਿਸ ਕਰ ਰਹੀ ਹੈ।
