ਚੰਡੀਗੜ੍ਹ। ਵਿਰੋਧੀ ਧਿਰਾੰ ਦੇ ਜ਼ਬਰਦਸਤ ਹੰਗਾਮੇ ਵਿਚਾਲੇ ਲੋਕ ਸਭਾ ‘ਚ ਬਿਜਲੀ ਸੋਧ ਬਿੱਲ 2022 ਪੇਸ਼ ਕਰ ਦਿੱਤਾ ਗਿਆ, ਜਿਸ ਉਪਰੰਤ ਇਸ ਨੂੰ ਸਟੈੰਡਿੰਗ ਕਮੇਟੀ ਕੋਲ ਭੇਜ ਦਿੱਤਾ ਗਿਆ ਹੈ। ਬਿੱਲ ਦੇ ਪੇਸ਼ ਹੁੰਦੇ ਹੀ ਵਿਰੋਧੀ ਧਿਰਾੰ ਵੱਲੋੰ ਖੂਬ ਹੰਗਾਮਾ ਕੀਤਾ ਗਿਆ ਅਤੇ ਬਿੱਲ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ ਜਾ ਰਹੀ ਹੈ। ਵਿਰੋਧੀ ਧਿਰਾੰ ਦਾ ਇਲਜ਼ਾਮ ਹੈ ਕਿ ਕੇੰਦਰ ਸਰਕਾਰ ਬਿਜਲੀ ਦਾ ਨਿੱਜੀਕਰਨ ਕਰਨ ਜਾ ਰਹੀ ਹੈ, ਪਰ ਕੇੰਦਰ ਸਰਕਾਰ ਦਾ ਕਹਿਣਾ ਹੈ ਕਿ ਬਿੱਲ ਵਿੱਚ ਕਿਸਾਨਾੰ ਦੇ ਖਿਲਾਫ਼ ਕੁਝ ਨਹੀੰ ਹੈ।
ਕੇੰਦਰ ਸਰਕਾਰ ਵੱਲੋੰ ਬਿਜਲੀ ਸੋਧ ਬਿੱਲ ਪੇਸ਼ ਕੀਤੇ ਜਾਣ ਨੂੰ ਲੈ ਕੇ ਵਿਰੋਧੀ ਧਿਰਾੰ ਖਾਸਕਰ ਪੰਜਾਬ ਦੀਆੰ ਸਿਆਸੀ ਪਾਰਟੀਆੰ ਕੇੰਦਰ ‘ਤੇ ਹਮਲਾਵਰ ਹਨ। ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੂਬਿਆੰ ਨਾਲ ਸਲਾਹ ਕੀਤੇ ਬਿਨ੍ਹਾੰ ਆਪਹੁਦਰੇ ਢੰਗ ਨਾਲ ਬਿੱਲ ਪੇਸ਼ ਕਰਨ ਦੀ ਮੁਖਾਲਫਤ ਕਰਦਿਆੰ ਇਸ ਨੂੰ ਸੂਬਿਆੰ ਦੇ ਅਧਿਕਾਰਾੰ ‘ਤੇ ਇੱਕ ਹੋਰ ਹਮਲਾ ਕਰਾਰ ਦਿੱਤਾ ਹੈ।
ਅਸੀੰ ਚੁੱਪ ਨਹੀੰ ਬੈਠਾੰਗੇ- ਭਗਵੰਤ ਮਾਨ
ਮੁੱਖ ਮੰਤਰੀ ਨੇ ਕਿਹਾ, “ਕੇੰਦਰ ਸਰਕਾਰ ਕਿਸਾਨਾੰ ਨੂੰ ਕਠਪੁਤਲੀ ਨਾ ਸਮਝੇ। ਇਹਨਾੰ ਵਧੀਕੀਆੰ ਦੇ ਖਿਲਾਫ਼ ਅਸੀੰ ਚੁੱਪ ਕਰਕੇ ਨਹੀੰ ਬੈਠਾੰਗੇ। ਆਪਣੇ ਅਧਿਕਾਰਾੰ ਦੀ ਰਾਖੀ ਲਈ ਸੜਕ ਤੋੰ ਲੈ ਕੇ ਸੰਸਦ ਤੱਕ ਲੜਾਈ ਲੜਾੰਗੇ।” ਮੁੱਖ ਮੰਤਰੀ ਨੇ ਪੁੱਛਿਆ ਕਿ ਜਦੋੰ ਸੂਬੇ ਆਪਣੇ ਨਾਗਰਿਕਾੰ ਲਈ ਬਿਜਲੀ ਦੀ ਵਿਵਸਥਾ ਆਪਣੇ ਪੱਧਰ ਉੱਤੇ ਕਰਦੇ ਹਨ, ਤਾੰ ਫੇਰ ਉਹਨਾੰ ਦਾ ਪੱਖ ਕਿਉੰ ਨਹੀੰ ਸੁਣਿਆ ਜਾ ਰਿਹਾ।
ਕਾਲੇ ਕਾਨੂੰਨਾੰ ਵਾਲੀ ਗਲਤੀ ਦੁਹਰਾ ਰਹੀ ਕੇੰਦਰ- ਮਾਨ
ਪੰਜਾਬ ਦੀ ਮਿਸਾਲ ਦਿੰਦੇ ਹੋਏ ਮੁੱਖ ਮੰਤਰੀ ਨੇ ਖਦਸ਼ਾ ਜ਼ਾਹਿਰ ਕੀਤਾ ਕਿ ਸੂਬੇ ਵਿੱਚ ਕਿਸਾਨਾੰ ਨੂੰ ਖੇਤੀ ਟਿਊਬਵੈੱਲਾੰ ਲਈ ਬਿਜਲੀ ਮੁਫਤ ਦਿੱਤੀ ਜਾ ਰਹੀ ਹੈ ਅਤੇ ਇਸੇ ਤਰ੍ਹਾੰ ਘਰੇਲੂ ਖਪਤਕਾਰਾੰ ਨੂੰ ਵੀ ਮੁਫਤ ਬਿਜਲੀ ਦੀ ਸਹੂਲਤ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਜੇਕਰ ਕੇੰਦਰ ਸਰਕਾਰ ਆਪਣੀ ਮਨਮਰਜ਼ੀ ਦਾ ਬਿੱਲ ਲਾਗੂ ਕਰ ਦਿੰਦੀ ਹੈ, ਤਾੰ ਕਿਸਾਨਾੰ ਦੇ ਨਾਲ-ਨਾਲ ਹੋਰ ਵਰਗਾੰ ਨੂੰ ਬਹੁਤ ਵੱਡਾ ਨੁਕਸਾਨ ਸਹਿਣਾ ਪੈ ਸਕਦਾ ਹੈ।
ਸੀਐੱਮ ਨੇ ਸੁਚੇਤ ਕਰਦਿਆੰ ਕਿਹਾ ਕਿ ਕੇੰਦਰ ਸਰਕਾਰ ਬਿਜਲੀ ਸੋਧ ਬਿੱਲ ਪੇਸ਼ ਕਰਕੇ ਇੱਕ ਵਾਰ ਫੇਰ ਕਾਲੇ ਖੇਤੀ ਕਾਨੂੰਨਾੰ ਵਾਲੀ ਗਲਤੀ ਦੁਹਰਾਉਣ ਜਾ ਰਹੀ ਹੈ ਅਤੇ ਲੋਕ ਇਸ ਇਕਪਾਸੜ ਕਾਰਵਾਈ ਨੂੰ ਕਦੇ ਵੀ ਬਰਦਾਸ਼ਤ ਨਹੀੰ ਕਰਨਗੇ। ਉਹਨਾੰ ਮੰਗ ਕੀਤੀ ਕਿ ਬਿਜਲੀ ਸੈਕਟਰ ਵਿੱਚ ਕਿਸੇ ਵੀ ਤਰ੍ਹਾੰ ਦੀ ਤਬਦੀਲੀ ਲਿਆਉਣ ਲਈ ਕਾਨੂੰਨ ਬਣਾਉਣ ਤੋੰ ਪਹਿਲਾੰ ਸਾਰੇ ਸੂਬਿਆੰ ਨੂੰ ਆਪਣਾ ਪੱਖ ਰੱਖਣ ਦਾ ਮੌਕਾ ਜ਼ਰੂਰ ਦਿੱਤਾ ਜਾਵੇ।
ਕਿਸਾਨਾੰ ਨਾਲ ਬਣੀ ਸੀ ਬਿੱਲ ‘ਤੇ ਸਹਿਮਤੀ
ਦੱਸ ਦਈਏ ਕਿ ਕਿਸਾਨ ਅੰਦੋਲਨ ਦੌਰਾਨ ਕੇੰਦਰ ਸਰਕਾਰ ਅਤੇ ਕਿਸਾਨ ਆਗੂਆੰ ਵਿਚਕਾਰ ਗੱਲਬਾਤ ‘ਚ ਇਹ ਸਹਿਮਤੀ ਬਣੀ ਸੀ ਕਿ ਕੇੰਦਰ ਵੱਲੋੰ ਕਿਸਾਨਾੰ ਅਤੇ Stakeholders ਨਾਲ ਗੱਲਬਾਤ ਕੀਤੇ ਬਿਨ੍ਹਾੰ ਬਿਜਲੀ ਸੋਧ ਬਿੱਲ ਸੰਸਦ ਵਿੱਚ ਪੇਸ਼ ਨਹੀੰ ਕੀਤਾ ਜਾਵੇਗਾ। ਇਸੇ ਦੇ ਚਲਦੇ ਵਿਰੋਧੀ ਧਿਰਾੰ ਅਤੇ ਕਿਸਾਨ ਸਰਕਾਰ ‘ਤੇ ਵਾਅਦਾਖਿਲਾਫ਼ੀ ਦਾ ਇਲਜ਼ਾਮ ਲਗਾ ਰਹੇ ਹਨ।
