September 10, 2022
(Chandigarh)
ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਕੇਸ ‘ਚ ਫਰਾਰ ਚੱਲ ਰਿਹਾ ਸ਼ਾਰਪ ਸ਼ੂਟਰ ਦੀਪਕ ਮੁੰਡੀ ਹੁਣ ਪੁਲਿਸ ਦੇ ਹੱਥੇ ਚੜ੍ਹ ਗਿਆ ਹੈ। ਪੰਜਾਬ ਪੁਲਿਸ ਅਤੇ ਦਿੱਲੀ ਪੁਲਿਸ ਦੀ ਸਪੈਸ਼ਲ ਸੈੱਲ ਨੇ ਸਾੰਝੇ ਅਪਰੇਸ਼ਨ ਤਹਿਤ ਦੀਪਕ ਮੁੰਡੀ ਨੂੰ ਉਸਦੇ 2 ਹੋਰ ਸਾਥੀਆੰ ਕਪਿਲ ਪੰਡਿਤ ਅਤੇ ਰਜਿੰਦਰ ਜੋਕਰ ਸਮੇਤ ਕਾਬੂ ਕੀਤਾ ਹੈ।
ਤਿੰਨਾੰ ਨੂੰ ਨੂੰ ਪੱਛਮੀ ਬੰਗਾਲ-ਨੇਪਾਲ ਬਾਰਡਰ ਤੋੰ ਕਾਬੂ ਕੀਤਾ ਗਿਆ ਹੈ, ਜਿਸ ਤੋੰ ਇਹ ਖਦਸ਼ਾ ਜਤਾਇਆ ਜਾ ਸਕਦਾ ਹੈ ਕਿ ਮੁਲਜ਼ਮ ਨੇਪਾਲ ਭੱਜਣ ਦੀ ਫਿਰਾਕ ਵਿੱਚ ਸਨ।
ਤਿੰਨੇ ਮੁਲਜ਼ਮ ਮੂਸੇਵਾਲਾ ਦੇ ‘ਗੁਨਾਹਗਾਰ’- DGP
ਤਿੰਨਾੰ ਮੁਲਜ਼ਮਾੰ ਦੀ ਗ੍ਰਿਫ਼ਤਾਰੀ ਬਾਰੇ ਜਾਣਕਾਰੀ ਦਿੰਦਿਆੰ DGP ਗੌਰਵ ਯਾਦਵ ਨੇ ਦੱਸਿਆ ਕਿ ਮੂਸੇਵਾਲਾ ਕਤਲ ਕਾੰਡ ‘ਚ Wanted ਦੀਪਕ ਮੁੰਡੀ ਬੋਲੈਰੋ ਮੌਡਿਊਲ ਦਾ ਸ਼ੂਟਰ ਸੀ, ਜਦਕਿ ਉਸਦੇ ਨਾਲ ਗ੍ਰਿਫ਼ਤਾਰ 2 ਸਾਥੀ ਵੀ ਇਸ ਕੇਸ ‘ਚ ਲੋੜੀੰਦੇ ਹਨ। DGP ਮੁਤਾਬਕ, ਕਪਿਲ ਅਤੇ ਰਜਿੰਦਰ ਮੁਲਜ਼ਮਾੰ ਨੂੰ ਹਥਿਆਰ ਅਤੇ ਪਨਾਹ ਦੇਣ ਦੇ ਦੋਸ਼ੀ ਹਨ।
Deepak, Kapil Pandit & Rajinder have been arrested today by #AGTF team at #WestBengal – #Nepal border in the culmination of intelligence-based operation.
Deepak was the shooter in Bolero module, Kapil Pandit & Rajinder provided logistical support including weapons & hideouts(2/2)— DGP Punjab Police (@DGPPunjabPolice) September 10, 2022
ਮੂਸੇਵਾਲਾ ਕੇਸ ‘ਚ ਸਾਰੇ ਸ਼ਾਰਪ ਸ਼ੂਟਰ ਫੜੇ ਗਏ !
ਜ਼ਿਕਰਯੋਗ ਹੈ ਕਿ ਦੀਪਕ ਮੁੰਡੀ ਦੀ ਗ੍ਰਿਫ਼ਤਾਰੀ ਨਾਲ ਹੁਣ ਪੁਲਿਸ ਨੇ ਮੂਸੇਵਾਲਾ ਦੇ ਕਤਲ ਕਾੰਡ ‘ਚ ਸ਼ਾਮਲ ਸਾਰੇ ਸ਼ਾਰਪ ਸ਼ੂਟਰਾੰ ਨੂੰ ਕਾਬੂ ਕਰ ਲਿਆ ਹੈ। ਇਸ ਤੋੰ ਪਹਿਲਾੰ ਦਿੱਲੀ ਪੁਲਿਸ ਵੱਲੋੰ ਅੰਕਿਤ ਸੇਰਸਾ, ਪ੍ਰਿਅਵਰਤ ਫੌਜੀ ਅਤੇ ਕਸ਼ਿਸ਼ ਉਰਫ ਕੁਲਦੀਪ ਨੂੰ ਦਿੱਲੀ ਪੁਲਿਸ ਪਹਿਲਾੰ ਹੀ ਗ੍ਰਿਫ਼ਤਾਰ ਕਰ ਚੁੱਕੀ ਹੈ ਅਤੇ 2 ਸ਼ਾਰਪ ਸ਼ੂਟਰ ਮਨਪ੍ਰੀਤ ਮੰਨੂੰ ਕੁੱਸਾ ਤੇ ਜਗਰੂਪ ਰੂਪਾ ਨੂੰ ਪੰਜਾਬ ਪੁਲਿਸ ਨੇ ਐਨਕਾਊੰਟਰ ‘ਚ ਢੇਰ ਕਰ ਦਿੱਤਾ ਸੀ।
ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦਾ 29 ਮਈ ਨੂੰ ਗੋਲੀਆੰ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਮੂਸੇਵਾਲਾ ‘ਤੇ 28-30 ਰਾਊੰਡ ਫਾਇਰ ਕੀਤੇ ਗਏ ਸਨ, ਜਿਸ ਤੋੰ ਬਾਅਦ ਉਹਨਾੰ ਨੇ ਮੌਕੇ ‘ਤੇ ਹੀ ਦਮ ਤੋੜ ਦਿੱਤਾ ਸੀ। ਇਸ ਕਤਲ ਦੀ ਜ਼ਿੰਮੇਵਾਰੀ ਲਾਰੈੰਸ ਬਿਸ਼ਨੌਈ ਅਤੇ ਗੋਲਡੀ ਬਰਾੜ ਦੇ ਗੈੰਗ ਨੇ ਲਈ ਹੈ।
