September 15, 2022
(Chandigarh)
ਪੰਜਾਬੀ ਗਾਇਕ ਦਲੇਰ ਮਹਿੰਦੀ ਨੂੰ ਪੰਜਾਬ-ਹਰਿਆਣਾ ਹਾਈਕੋਰਟ ਨੇ ਵੱਡੀ ਰਾਹਤ ਦਿੱਤੀ ਹੈ। ਹਾਈਕੋਰਟ ਨੇ ਦਲੇਰ ਮਹਿੰਦੀ ਦੀ 2 ਸਾਲ ਦੀ ਸਜ਼ਾ ਨੂੰ ਸਸਪੈੰਡ ਕਰ ਦਿੱਤਾ ਹੈ। ਯਾਨੀ ਹੁਣ ਦਲੇਰ ਮਹਿੰਦੀ ਨੂੰ ਜੇਲ੍ਹ ‘ਚ ਨਹੀੰ ਰਹਿਣਾ ਪਵੇਗਾ। ਉਹ ਜੇਲ੍ਹ ਤੋੰ ਬਾਹਰ ਆ ਸਕਣਗੇ।
ਦੱਸ ਦਈਏ ਕਿ ਦਲੇਰ ਮਹਿੰਦੀ ਮਨੁੱਖੀ ਤਸਕਰੀ ਦੇ ਕੇਸ ‘ਚ ਪਟਿਆਲਾ ਜੇਲ੍ਹ ‘ਚ ਬੰਦ ਹਨ। 2 ਮਹੀਨੇ ਪਹਿਲਾੰ ਉਹਨਾੰ ਨੂੰ ਸਜ਼ਾ ਸੁਣਾਈ ਗਈ ਸੀ। ਉਦੋੰ ਤੋੰ ਹੀ ਉਹ ਪਟਿਆਲਾ ਜੇਲ੍ਹ ‘ਚ ਸਜ਼ਾ ਕੱਟ ਰਹੇ ਹਨ। ਹਾਲਾੰਕਿ ਉਹਨਾੰ ਨੇ ਸਜ਼ਾ ਦੇ ਖਿਲਾਫ਼ ਹਾਈਕੋਰਟ ਦਾ ਰੁਖ ਕੀਤਾ ਸੀ ਅਤੇ ਹੁਣ ਉਹਨਾੰ ਨੂੰ ਰਾਹਤ ਦੇ ਦਿੱਤੀ ਗਈ ਹੈ।
ਸਜ਼ਾ ਸਸਪੈੰਡ ਹੋਣ ਤੋੰ ਬਾਅਦ ਕੀ…?
ਦਰਅਸਲ, ਸਜ਼ਾ ਸਸਪੈੰਡ ਹੋਣਾ ਕ੍ਰਿਮੀਨਲ ਲਾਅ ਵਿੱਚ ਜੇਲ੍ਹ ਦਾ ਇੱਕ ਵਿਕਲਪ ਹੁੰਦਾ ਹੈ, ਜਿਸ ਵਿੱਚ ਕੈਦੀ ਬਿਨ੍ਹਾੰ ਜੇਲ੍ਹ ਵਿੱਚ ਰਹੇ ਆਪਣੀ ਸਜ਼ਾ ਪੂਰੀ ਕਰ ਸਕਦਾ ਹੈ। ਕੁਝ ਸ਼ਰਤਾੰ ਪੂਰੀਆੰ ਕਰਨ ‘ਤੇ ਜੱਜ ਉਸਦੀ ਸਜ਼ਾ ਸਸਪੈੰਡ ਕਰ ਦਿੰਦਾ ਹੈ।
ਹਾਲਾੰਕਿ ਦਲੇਰ ਮਹਿੰਦੀ ਦੇ ਕੇਸ ‘ਚ ਜੱਜ ਵੱਲੋੰ ਕੀ ਸ਼ਰਤਾੰ ਰੱਖੀਆੰ ਗਈਆੰ ਹਨ, ਇਹ ਵਿਸਥਾਰਤ ਆਦੇਸ਼ ਸਾਹਮਣੇ ਆਉਣ ਤੋੰ ਬਾਅਦ ਹੀ ਪਤਾ ਲੱਗ ਸਕੇਗਾ।
ਕੀ ਹੈ ਪੂਰਾ ਮਾਮਲਾ..?
ਦਲੇਰ ਮਹਿੰਦੀ ਅਤੇ ਉਹਨਾੰ ਦੇ ਭਰਾ ਸ਼ਮਸ਼ੇਰ ਸਿੰਘ ‘ਤੇ ਇਲਜ਼ਾਮ ਲੱਗਿਆ ਸੀ ਕਿ ਉਹਨਾੰ ਨੇ ਆਪਣੀ ਮਂੰਡਲੀ ਦੇ ਮੈੰਬਰਾੰ ਦੇ ਤੌਰ ‘ਤੇ ਲੋਕਾੰ ਨੂੰ ਗੈਰ-ਕਾਨੂੰਨੀ ਤਰੀਕੇ ਨਾਲ ਵਿਦੇਸ਼ ਭੇਜਣ ਲਈ ਮੋਟੀ ਪੈਸੇਜ ਮਨੀ ਚਾਰਜ ਕੀਤੀ ਸੀ।
2003 ਵਿੱਚ ਸਦਰ ਪੁਲਿਸ ਥਾਣੇ ‘ਚ ਦਰਜ FIR ਮੁਤਾਬਕ, ਮਹਿੰਦੀ ਭਰਾਵਾੰ ਨੇ 1998 ਅਤੇ 1999 ਵਿੱਚ 2 ਮੰਡਲੀਆੰ ਲਈਆੰ ਸਨ। ਇਸ ਦੌਰਾਨ 10 ਲੋਕਾੰ ਨੂੰ ਗਰੁੱਪ ਦੇ ਰੂਪ ‘ਚ ਅਮਰੀਕਾ ਲਿਜਾਇਆ ਗਿਆ ਅਤੇ ਗੈਰ-ਕਾਨੂੰਨੀ ਰੂਪ ਨਾਲ ਉਥੇ ਛੱਡ ਦਿੱਤਾ ਗਿਆ। ਪਹਿਲੀ ਸ਼ਿਕਾਇਤ ਦਰਜ ਹੋਣ ਤੋੰ ਬਾਅਦ ਪੁਲਿਸ ਨੂੰ ਗਾਇਕ ਦੇ ਖਿਲਾਫਡ ਅਿਜਹੀਆੰ ਹੀ 35 ਹੋਰ ਸ਼ਿਕਾਇਤਾੰ ਮਿਲੀਆੰ ਸਨ।
2018 ‘ਚ ਲੋਅਰ ਕੋਰਟ ਨੇ ਦੋਵੇੰ ਭਰਾਵਾੰ ਨੂੰ ਦੋਸ਼ੀ ਠਹਿਰਾਉੰਦੇ ਹੋਏ 2 ਸਾਲ ਕੈਦ ਦੀ ਸਜ਼ਾ ਸੁਣਾਈ ਸੀ, ਜਿਸ ਤੋੰ ਬਾਅਦ ਉਹਨਾੰ ਨੂੰ ਜ਼ਮਾਨਤ ਦੇ ਦਿੱਤੀ ਗਈ। ਬਾਅਦ ਵਿੱਚ ਉਹਨਾੰ ਨੇ ਇਸ ਮਾਮਲੇ ‘ਚ ਸੈਸ਼ਨ ਕੋਰਟ ਦਾ ਰੁਖ ਕੀਤਾ ਸੀ। ਸੈਸ਼ਨ ਕੋਰਟ ਨੇ ਵੀ ਲੋਅਰ ਕੋਰਟ ਦੇ ਫ਼ੈਸਲੇ ਨੂੰ ਬਰਕਰਾਰ ਰੱਖਿਆ ਸੀ।
