September 14, 2022
(Chandigarh)
BMW ਗਰੁੱਪ ਵੱਲੋੰ ਪੰਜਾਬ ‘ਚ ਕਾਰ ਪਾਰਟਸ ਦਾ ਪਲਾੰਟ ਲਗਾਉਣ ਦਾ ਦਾਅਵਾ ਕਰਕੇ ਪੰਜਾਬ ਦੇ ਸੀਐੱਮ ਭਗਵੰਤ ਮਾਨ ਨੂੰ ਕਿਰਕਿਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। BMW ਨੇ ਬਿਆਨ ਜਾਰੀ ਕਰਕੇ ਸਾਫ਼ ਕੀਤਾ ਹੈ ਕਿ ਪੰਜਾਬ ‘ਚ ਆਟੋ ਕੰਪੋਨੈੰਟ ਪਲਾੰਟ ਲਗਾਉਣ ਦਾ ਉਸਦਾ ਕੋਈ ਇਰਾਦਾ ਨਹੀੰ ਹੈ। ਜਰਮਨ ਗਰੁੱਪ ਨੇ ਇੱਕ ਬਿਆਨ ‘ਚ ਕਿਹਾ, “BMW ਗਰੁੱਪ ਇੰਡੀਆ ਦੇ ਪੰਜਾਬ ‘ਚ ਵੱਖਰਾ ਮੈਨੂਫੈਕਚਰਿੰਗ ਆਪਰੇਸ਼ਨ ਸਥਾਪਿਤ ਕਰਨ ਦੀ ਕੋਈ ਯੋਜਨਾ ਨਹੀੰ ਹੈ।”
ਦਰਅਸਲ, ਜਰਮਨੀ ਦੌਰੇ ‘ਤੇ ਗਏ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਮੰਗਲਵਾਰ ਨੂੰ ਦਾਅਵਾ ਕੀਤਾ ਕਿ ਜਰਮਨੀ ਦੀ ਦਿੱਗਜ ਕਾਰ ਨਿਰਮਾਤਾ ਕੰਪਨੀ BMW ਪੰਜਾਬ ‘ਚ ਆਟੋ ਪਾਰਟਸ ਬਣਾਉਣ ਵਾਲੀ ਇੱਕ ਯੂਨਿਟ ਲਗਾਉਣ ਲਈ ਤਿਆਰ ਹੋ ਗਈ ਹੈ। ਮੁੱਖ ਮੰਤਰੀ ਨੇ ਕਿਹਾ ਸੀ ਕਿ ਕੰਪਨੀ ਨੇ ਸੂਬੇ ‘ਚ ਆਟੋ ਪਾਰਟਸ ਬਣਾਉਣ ਵਾਲੀ ਇਕਾਈ ਲਗਾਉਣ ‘ਤੇ ਸਹਿਮਤੀ ਜਤਾਈ ਹੈ, ਪਰ ਹੁਣ BMW ਦੇ ਬਿਆਨ ਤੋੰ ਬਾਅਦ CM ਵਿਰੋਧੀਆੰ ਦੇ ਨਿਸ਼ਾਨੇ ‘ਤੇ ਆ ਗਏ ਹਨ।
CM ਭਗਵੰਤ ਮਾਨ ਦੇ ਦਾਅਵੇ ਵਾਲੀ ਖ਼ਬਰ ਇਥੇ ਪੜ੍ਹੋ:- ਪੰਜਾਬ ‘ਚ ਕਾਰ ਪਾਰਟਸ ਦਾ ਪਲਾੰਟ ਲਗਾਏਗੀ BMW..ਮੁੱਖ ਮੰਤਰੀ ਦਾ ਦਾਅਵਾ- ਕੰਪਨੀ ਨੇ ਜਤਾਈ ਸਹਿਮਤੀ
BMW has denied setting up of any plant in Punjab as claimed by Chief Minister @BhagwantMann Can the CM clarify his position on this or was he lying to the whole state? pic.twitter.com/Y0z5MrbkL9
— Partap Singh Bajwa (@Partap_Sbajwa) September 14, 2022
ਬੀਜੇਪੀ ਆਗੂ ਮਨਜਿੰਦਰ ਸਿੰਘ ਸਿਰਸਾ ਨੇ ਵੀ ਮਾਨ ਸਰਕਾਰ ‘ਤੇ ਹਮਲਾ ਬੋਲਿਆ। ਸਿਰਸਾ ਨੇ ਟਵਿਟਰ ‘ਤੇ ਲਿਖਿਆ, “ਨੈਸ਼ਨਲ ਸ਼ੇਮ…ਭਗਵੰਤ ਮਾਨ ਨੇ ਦਾਅਵਾ ਕੀਤਾ ਕਿ BMW ਪੰਜਾਬ ਵਿੱਚ ਯੂਨਿਟ ਸਥਾਪਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ, ਪਰ ਕੰਪਨੀ ਨੇ ਅੱਜ ਇੱਕ ਅਧਿਕਾਰਤ ਪ੍ਰੈਸ ਬਿਆਨ ਵਿੱਚ ਇਸ ਬਿਆਨ ਦਾ ਖੰਡਨ ਕੀਤਾ ਹੈ। ਸਸਤੀ ਪਬਲੀਸਿਟੀ ਹਾਸਿਲ ਕਰਨ ਲਈ ਕੇਜਰੀਵਾਲ-ਮਾਨ ਜੋੜੀ ਹੋਰ ਕਿੰਨਾ ਝੂਠ ਬੋਲਣਗੇ? ਇਹ ਹਰ ਭਾਰਤੀ ਲਈ ਸ਼ਰਮਨਾਕ ਹੈ !!
National Shame!
CM @BhagwantMann claimed BMW planning to set up unit in Punjab but the company has refuted the statement today in an official press release. How much more lies would Kejriwal-Mann duo churn to get cheap publicity? This is embarrassing for every Indian!! pic.twitter.com/kYHd84DUkz— Manjinder Singh Sirsa (@mssirsa) September 14, 2022
ਇਸ ਮਸਲੇ ‘ਤੇ ਅਕਾਲੀ ਦਲ ਵੀ ਹਮਲਾਵਰ ਹੈ। ਅਕਾਲੀ ਆਗੂ ਦਲਜੀਤ ਸਿੰਘ ਚੀਮਾ ਨੇ ਟਵਿਟਰ ‘ਤੇ ਲਿਖਿਆ, “ਭਗਵੰਤ ਮਾਨ ਨੂੰ ਤੁਰੰਤ ਸਾਰੇ ਤੱਥ ਰਿਕਾਰਡ ‘ਤੇ ਲਿਆਉਣੇ ਚਾਹੀਦੇ ਹਨ। ਇਹ ਮਾਣਯੋਗ ਮੁੱਖ ਮੰਤਰੀ ਦੇ ਦਫ਼ਤਰ ਦੀ ਭਰੋਸੇਯੋਗਤਾ ਦਾ ਸਵਾਲ ਹੈ। ਕਿਸ ਗੱਲ ਨੇ BMW ਨੂੰ ਅਜਿਹਾ ਬਿਆਨ ਜਾਰੀ ਕਰਨ ਲਈ ਮਜਬੂਰ ਕੀਤਾ।”
The Punjab CM @BhagwantMann must immediately bring all facts on record. It is a question of credibility of the office of Hon’ble CM. What compelled the BMW to issue such statement. https://t.co/eCR0tFxMJr
— Dr Daljit S Cheema (@drcheemasad) September 14, 2022
ਵਿਵਾਦ ਵਧਣ ਤੋੰ ਬਾਅਦ ‘ਆਪ’ ਨੇ ਸਫਾਈ ਦਿੰਦੇ ਹੋਏ ਵਿਰੋਧੀਆੰ ‘ਤੇ ਪਲਟਵਾਰ ਕੀਤਾ। ‘ਆਪ’ ਦੇ ਮੁੱਖ ਬੁਲਾਰੇ ਮਾਲਵਿੰਦਰ ਸਿੰਘ ਕੰਗ ਨੇ ਕਿਹਾ ਕਿ BMW ਨੇ CM ਦੇ ਨਾਲ ਬੈਠਕ ‘ਚ ਪਲਾੰਟ ਖੋਲ੍ਹਣ ‘ਤੇ ਹਾਮੀ ਭਰੀ ਹੈ, ਪਰ ਔਪਚਾਰਿਕਤਾ ਪੂਰੇ ਕਰਨ ‘ਚ ਥੋੜ੍ਹਾ ਵਕਤ ਲਗਦਾ ਹੈ। ਕੰਗ ਦੇ ਮੁਤਾਬਕ, BMW ਦਾ ਜੋ ਬਿਆਨ ਆਇਆ ਹੈ, ਉਹ ਇੰਡੀਆ ਯੂਨਿਟ ਦਾ ਹੈ। ਜਦਕਿ ਸੀਐੱਮ ਦੀ ਮੀਟਿੰਗ ਹੈੱਡ ਆਫਿਸ ਵਿੱਚ ਹੋਈ ਹੈ।
ਵਿਰੋਧੀਆਂ ਦਾ ਕੰਮ ਹੁੰਦਾ ਬੋਲਣਾ!
ਅੱਜ ਤੋਂ ਪਹਿਲਾਂ ਵੀ ਪਿਛਲੀਆਂ ਸਰਕਾਰਾਂ ਦੌਰਾਨ ਬਾਹਰੋਂ ਕੰਪਨੀਆਂ ਆਈਆਂ, ਪਰ ਉਹਨਾਂ ਨਾਲ ਕੀਤੇ Mou ਰੱਦੀ ਦੀਆਂ ਟੋਕਰੀਆਂ ‘ਚ ਭਰੇ ਪਏ ਨੇ, ਸਾਡੇ CM ਸਾਬ੍ਹ ਨਾਲ ਮੀਟਿੰਗ ਦੌਰਾਨ ਕੰਪਨੀਆਂ ਨੇ ਨਿਵੇਸ਼ ਦੀ ਹਾਮੀ ਖੁਦ ਭਰੀ ਹੈ।
–@KangMalvinder
ਮੁੱਖ ਬੁਲਾਰਾ, ਆਮ ਆਦਮੀ ਪਾਰਟੀ pic.twitter.com/HU0Z7omrVO— AAP Punjab (@AAPPunjab) September 14, 2022
