September 16, 2022
(Chandigarh)
ਲੰਮੀਆੰ ਅਟਕਲਾੰ ਤੋੰ ਬਾਅਦ ਆਖਰਕਾਰ ਕੈਪਟਨ ਅਮਰਿੰਦਰ ਸਿੰਘ ਦੀ ਪਾਰਟੀ ਪੰਜਾਬ ਲੋਕ ਕਾੰਗਰਸ ਦਾ ਬੀਜੇਪੀ ਵਿੱਚ ਰਲੇਵਾੰ ਹੋਣ ਜਾ ਰਿਹਾ ਹੈ। ਇੰਨਾ ਹੀ ਨਹੀੰ, ਖੁਦ ਕੈਪਟਨ ਵੀ ਬੀਜੇਪੀ ਦਾ ਹਿੱਸਾ ਬਣਨਗੇ। ਸੂਤਰਾੰ ਮੁਤਾਬਕ, ਕੈਪਟਨ 19 ਸਤੰਬਰ ਨੂੰ ਬੀਜੇਪੀ ਵਿੱਚ ਸ਼ਾਮਲ ਹੋਣ ਜਾ ਰਹੇ ਹਨ।
ਚਰਚਾ ਹੈ ਕਿ ਕੈਪਟਨ ਦੇ ਨਾਲ ਉਹਨਾੰ ਦੇ 5-6 ਕਰੀਬੀ ਸਾਬਕਾ ਮੰਤਰੀ ਵੀ ਬੀਜੇਪੀ ਵਿੱਚ ਸ਼ਾਮਲ ਹੋਣਗੇ। ਫਿਲਹਾਲ ਇਹਨਾੰ ਸਾਬਕਾ ਮੰਤਰੀਆੰ ਦੇ ਨਾੰਅ ਸਾਹਮਣੇ ਨਹੀੰ ਆ ਸਕੇ ਹਨ।
ਕੈਪਟਨ ਨੇ ਖਾਰਜ ਕੀਤੀਆੰ ਸਨ ਅਟਕਲਾੰ
ਦੱਸ ਦਈਏ ਕਿ ਪਿਛਲੇ ਕੁਝ ਸਮੇੰ ਤੋੰ ਕੈਪਟਨ ਦੀ ਪਾਰਟੀ ਦੇ ਬੀਜੇਪੀ ਵਿੱਚ ਰਲੇਵੇੰ ਦੀ ਚਰਚਾ ਨੇ ਜ਼ੋਰ ਫੜਿਆ ਹੋਇਆ ਸੀ। ਖਾਸਕਰ ਜਦੋੰ ਉਹਨਾੰ ਨੇ ਬੀਤੇ ਦਿਨੀੰ ਪ੍ਰਧਾਨ ਮੰਤਰੀ ਨਰੇੰਦਰ ਮੋਦੀ ਅਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੀਟਿੰਗਾੰ ਕੀਤੀਆੰ, ਤਾੰ ਇਹਨਾੰ ਅਟਕਲਾੰ ਨੂੰ ਹੋਰ ਹਵਾ ਮਿਲੀ। ਹਾਲਾੰਕਿ ਖੁਦ ਕੈਪਟਨ ਨੇ ਇਹਨਾੰ ਅਟਕਲਾੰ ਨੂੰ ਖਾਰਜ ਕਰ ਦਿੱਤਾ ਸੀ।
ਪੰਜਾਬ ਬੀਜੇਪੀ ‘ਚ ਵੱਡੀ ਭੂਮਿਕਾ ਦੀ ਚਰਚਾ
ਚਰਚਾ ਹੈ ਕਿ ਕੈਪਟਨ ਦੇ ਬੀਜੇਪੀ ਵਿੱਚ ਸ਼ਾਮਲ ਹੋਣ ਤੋੰ ਬਾਅਦ ਉਹਨਾੰ ਨੂੰ ਪਾਰਟੀ ਦੀ ਪੰਜਾਬ ਇਕਾਈ ‘ਚ ਵੱਡੀ ਜ਼ਿੰਮੇਵਾਰੀ ਸੌੰਪੀ ਜਾ ਸਕਦੀ ਹੈ। ਦਰਅਸਲ, ਪੰਜਾਬ ‘ਚ ਬੀਜੇਪੀ ਵਿੱਚ ਵੱਡੇ ਬਦਲਾਅ ਹੋਣ ਜਾ ਰਹੇ ਹਨ। ਮੌਜੂਦਾ ਪਾਰਟੀ ਪ੍ਰਧਾਨ ਅਸ਼ਵਨੀ ਸ਼ਰਮਾ ਦਾ ਕਾਰਜਕਾਲ ਵੀ ਖਤਮ ਹੋਣ ਵਾਲਾ ਹੈ। ਅਜਿਹੇ ਵਿੱਚ ਕੈਪਟਨ ਅਤੇ ਉਹਨਾੰ ਦੇ ਕਰੀਬੀਆੰ ਨੂੰ ਪੰਜਾਬ ‘ਚ ਅਹਿਮ ਜ਼ਿੰਮੇਵਾਰੀਆੰ ਮਿਲ ਸਕਦੀਆੰ ਹਨ।
ਰਾਜਪਾਲ ਬਣਾਏ ਜਾਣ ਦੀ ਵੀ ਚਰਚਾ
ਚਰਚਾ ਇਹ ਵੀ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਨੂੰ ਇੱਕ ਸੂਬੇ ਦਾ ਰਾਜਪਾਲ ਲਾਉਣ ਦੀ ਤਿਆਰੀ ਵੀ ਸ਼ੁਰੂ ਹੋ ਗਈ ਹੈ। ਮੋਦੀ ਸਰਕਾਰ ਨੇ ਉਹਨਾਂ ਦੀ ਨਿਯੁਕਤੀ ਵਾਸਤੇ ਪ੍ਰਕਿਰਿਆ ਵੀ ਸ਼ੁਰੂ ਕਰ ਦਿੱਤੀ ਹੈ। ਸੂਤਰਾੰ ਦੀ ਮੰਨੀਏ, ਤਾੰ ਨਿਯੁਕਤੀ ਲਈ ਫਾਈਲ ਵੀ ਤੋਰ ਦਿੱਤੀ ਗਈ ਹੈ ਤੇ ਆਉਂਦੇ ਦਿਨਾਂ ਵਿਚ ਇਹ ਨਿਯੁਕਤੀ ਹੋ ਸਕਦੀ ਹੈ। ਪਰ ਰਾਜਪਾਲ ਵਜੋਂ ਨਿਯੁਕਤੀ ਤੋਂ ਪਹਿਲਾਂ ਉਹਨਾੰ ਦਾ ਬੀਜੇਪੀ ਵਿੱਚ ਸ਼ਾਮਲ ਹੋਣਾ ਲਾਜ਼ਮੀ ਹੋਵੇਗਾ।
