September 17, 2022
(Chandigarh)
ਤਰਨਤਾਰਨ ਪੁਲਿਸ ਨੇ ਨਾਰਕੋ ਟੈਰਰ ਮੌਡਿਊਲ ਨਾਲ ਜੁੜੇ 2 ਗੈੰਗਸਟਰਾੰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਦੋਵੇੰ ਗੈੰਗਸਟਰ ਪਾਕਿਸਤਾਨ ਵਿੱਚ ਬੈਠੇ ਅੱਤਵਾਦੀ ਹਰਵਿੰਦਰ ਸਿੰਘ ਉਰਫ ਰਿੰਦਾ ਅਤੇ ਕੈਨੇਡਾ ਵਿੱਚ ਬੈਠੇ ਗੈੰਗਸਟਰ ਲਖਬੀਰ ਸਿੰਘ ਉਰਫ ਲੰਡਾ ਲਈ ਕੰਮ ਕਰਦੇ ਸਨ। ਗ੍ਰਿਫ਼ਤਾਰ ਗੈੰਗਸਟਰਾੰ ਦੀ ਪਛਾਣ ਤਰਨਤਾਰਨ ਦੇ ਪਿੰਡ ਪੱਖੋਪੁਰ ਦੇ ਪ੍ਰਭਦੀਪ ਸਿੰਘ ਉਰਫ ਪ੍ਰਭ ਅਤੇ ਸਿਮਰਨਜੀਤ ਵਜੋੰ ਹੋਈ ਹੈ। ਮੁਲਜ਼ਮਾੰ ਤੋੰ 50 ਹਜ਼ਾਰ ਰੁਪਏ ਅਤੇ ਇੱਕ ਪਿਸਤੌਲ ਵੀ ਬਰਾਮਦ ਹੋਈ ਹੈ।
ਸਰਹੱਦ ਪਾਰ ਤੋੰ ਆਈ ਖੇਪ ਨੂੰ ਠਿਕਾਣੇ ਲਗਾਉੰਦੇ ਸਨ
ਪੁਲਿਸ ਮੁਤਾਬਕ, ਹਰਵਿੰਦਰ ਰਿੰਦਾ ਪਾਕਿਸਤਾਨ ਵਿੱਚ ਬਹਿ ਕੇ ਉਥੋੰ ਦੇ ਤਸਕਰਾੰ ਦੀ ਮਦਦ ਨਾਲ ਡਰੋਨ ਦੇ ਜ਼ਰੀਏ ਭਾਰਤ ਵਿੱਚ ਹਥਿਆਰ ਅਤੇ ਡਰੱਗਜ਼ ਭੇਜਦਾ ਸੀ। ਇਸ ਖੇਪ ਨੂੰ ਉਹਨਾੰ ਦੇ ਠਿਕਾਣੇ ਤੱਕ ਪਹੁੰਚਾਉਣ ਲਈ ਇਸ ਮੌਡਿਊਲ ਨਾਲ ਜੁੜੇ ਕਈ ਲੋਕ ਕੰਮ ਕਰਦੇ ਸਨ। ਇਹਨਾੰ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ ਸਿਮਰਨਜੀਤ ਸਿੰਘ ਅਤੇ ਪ੍ਰਭਦੀਪ ਸਿੰਘ ਵੀ ਸ਼ਾਮਲ ਹਨ।
ਰੰਗਦਾਰੀ ਵਸੂਲ ਕਰਕੇ ਮੰਗਵਾਉੰਦੇ ਸਨ ਹਥਿਆਰ
ਤਰਨਤਾਰਨ ਦੇ SSP ਰਣਜੀਤ ਸਿੰਘ ਢਿੱਲੋੰ ਨੇ ਦੱਸਿਆ ਕਿ ਇਹ ਦੋਵੇੰ ਮੁਲਜ਼ਮ ਵਪਾਰੀਆੰ ਦੇ ਨਾਲ-ਨਾਲ ਨਾਮੀ ਲੋਕਾੰ ਤੋੰ ਫਿਰੌਤੀ ਦੀ ਮੰਗ ਵੀ ਕਰਦੇ ਸਨ। ਇਹਨਾੰ ਪੈਸਿਆੰ ਨਾਲ ਉਹ ਪਾਕਿਸਤਾਨ ਤੋੰ ਹਥਿਆਰ ਅਤੇ ਡਰੱਗਜ਼ ਮੰਗਵਾਉੰਦੇ ਸਨ। ਪੁੱਛਗਿੱਛ ਵਿੱਚ ਸਾਹਮਣੇ ਆਇਆ ਬੈ ਕਿ ਜਿਸ ਸ਼ਖਸ ਤੋੰ ਫਿਰੌਤੀ ਮੰਗਣੀ ਹੁੰਦੀ ਸੀ, ਉਸਦੇ ਆਫਿਸ ਜਾੰ ਘਰ ਦੇ ਬਾਹਰ ਇਸ ਗਿਰੋਹ ਦਾ ਇੱਕ ਮੈੰਬਰ ਖੜ੍ਹਾ ਹੋ ਕੇ ਆਪਣੇ ਦੂਜੇ ਸਾਥੀ ਦੇ ਨਾਲ ਫੋਨ ‘ਤੇ ਸੰਪਰਕ ਵਿੱਚ ਰਹਿੰਦਾ ਸੀ, ਜਿਸ ਤੋੰ ਬਾਅਦ ਉਹ ਆਪਣੇ ਸ਼ਿਕਾਰ ਨੂੰ ਫੋਨ ਕਰਦੇ ਸਨ ਅਤੇ ਦੱਸਦੇ ਸਨ ਕਿ ਉਸਨੇ ਕਿਸ ਰੰਗ ਦੇ ਕੱਪੜੇ ਪਾਏ ਹਨ, ਕਿਥੇ ਮੌਜੂਦ ਹੈ ਅਤੇ ਫਿਰ ਉਸ ਨੂੰ ਡਰਾ ਕੇ ਉਸ ਤੋੰ ਫਿਰੌਤੀ ਦੀ ਮੰਗ ਕੀਤੀ ਜਾੰਦੀ ਸੀ।
8 ਸਤੰਬਰ ਨੂੰ ਹੋਈ ਸੀ ਨਛੱਤਰ ਸਿੰਘ ਸਣੇ 3 ਦੀ ਗ੍ਰਿਫ਼ਤਾਰੀ
8 ਸਤੰਬਰ ਨੂੰ ਇਸੇ ਮੌਡਿਊਲ ਨਾਲ ਜੁੜੇ 3 ਗੈੰਗਸਟਰਾੰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਗ੍ਰਿਫ਼ਤਾਰ ਗੈੰਗਸਟਰ ਨਛੱਤਰ ਸਿੰਘ, ਸੁਖਦੇਵ ਸਿੰਘ ਅਤੇ ਹਰਪ੍ਰੀਤ ਸਿੰਧ ਤਿੰਨੇ ਤਰਨਤਾਰਨ ਦੇ ਰਹਿਣ ਵਾਲੇ ਸਨ। ਇਹਨਾੰ ਤੋੰ ਡੇਢ ਕਿੱਲੋ ਵਿਸਫੋਟਕ, ਇੱਕ ਚਾਈਨੀਸ ਪਿਸਟਲ ਅਤੇ ਇੱਕ ਦੇਸੀ ਪਿਸਤੌਲ ਤੋੰ ਇਲਾਵਾ ਕਾਰਤੂਸ ਬਰਾਮਦ ਹੋਏ ਸਨ। ਪੁੱਛਗਿੱਛ ਵਿੱਚ ਤਿੰਨਾੰ ਨੇ ਕਈ ਹੋਰ ਸਾਥੀਆੰ ਦੇ ਨਾਵਾੰ ਦਾ ਵੀ ਖੁਲਾਸਾ ਕੀਤਾ ਸੀ, ਜਿਹਨਾੰ ਵਿੱਚ ਪ੍ਰਭਦੀਪ ਸਿੰਘ ਅਤੇ ਸਿਮਰਨਜੀਤ ਸਿੰਘ ਦਾ ਨਾੰਅ ਸ਼ਾਮਲ ਸੀ। ਪੁਲਿਸ ਨੇ ਸਾਰਿਆੰ ਦੀ ਭਾਲ ਸ਼ੁਰੂ ਕਰ ਦਿੱਤੀ ਸੀ ਅਤੇ ਹੁਣ ਇਹ ਦੋਵੇੰ ਮੁਲਜ਼ਮ ਪੁਲਿਸ ਦੇ ਹੱਥ ਲੱਗ ਗਏ।
