September 18, 2022
(Mohali)
ਮੋਹਾਲੀ ਨਜ਼ਦੀਕ ਚੰਡੀਗੜ੍ਹ ਯੂਨੀਵਰਸਿਟੀ ਵਿੱਚ ਸ਼ਨੀਵਾਰ ਰਾਤ ਢਾਈ ਵਜੇ ਜ਼ਬਰਦਸਤ ਹੰਗਾਮਾ ਹੋ ਗਿਆ। ਯੂਨੀਵਰਸਿਟੀ ਦੀਆੰ 8 ਵਿਦਿਆਰਥਣਾੰ ਨੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ, ਜਿਹਨਾੰ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਖੁਦਕੁਸ਼ੀ ਦੇ ਪਿੱਛੇ ਦਾ ਕਾਰਨ ਜਦੋੰ ਸਾਹਮਣੇ ਆਇਆ, ਉਦੋੰ ਹੰਗਾਮਾ ਹੋਰ ਵੀ ਵੱਧ ਗਿਆ।
60 ਵਿਦਿਆਰਥਣਾੰ ਦੀ ਨਹਾਉੰਦੇ ਹੋਏ ਵੀਡੀਓ ਵਾਇਰਲ
ਦਰਅਸਲ, ਯੂਨੀਵਰਸਿਟੀ ਦੀ ਹੀ ਇੱਕ ਵਿਦਿਆਰਥਣ ਵੱਲੋੰ 60 ਵਿਦਿਆਰਥਣਾੰ ਦੀ ਨਹਾਉੰਦੇ ਹੋਏ ਵੀਡੀਓ ਬਣਾਈ ਗਈ ਸੀ, ਜਿਹਨਾੰ ਨੂੰ ਉਸਨੇ ਆਪਣੇ ਸ਼ਿਮਲਾ ਵਿੱਚ ਰਹਿੰਦੇ ਦੋਸਤ ਨੂੰ ਭੇਜ ਦਿੱਤਾ ਸੀ। ਉਸਦੇ ਦੋਸਤ ਨੇ ਹੁਣ ਇਹ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਕਰ ਦਿੱਤੀਆੰ। ਇਸ ਬਾਰੇ ਜਿਵੇੰ ਹੀ ਵਿਦਿਆਰਥਣਾੰ ਨੂੰ ਪਤਾ ਚੱਲਿਆ, ਤਾੰ ਉਹ ਬਰਦਾਸ਼ਤ ਨਹੀੰ ਕਰ ਸਕੀਆੰ। ਦੱਸਿਆ ਜਾ ਰਿਹਾ ਹੈ ਕਿ ਇਹਨਾੰ 8 ਵਿਦਿਆਰਥਣਾੰ ਨੇ ਆਪਣੀ ਵੀਡੀਓ ਵੇਖ ਲਈ ਸੀ, ਜਿਸ ਕਾਰਨ ਬਦਨਾਮੀ ਦੇ ਡਰ ਤੋੰ ਉਹਨਾੰ ਨੇ ਖੁਦਕੁਸ਼ੀ ਦੀ ਕੋਸ਼ਿਸ਼ ਕੀਤੀ।
ਵੀਡੀਓ ਬਣਾਉਣ ਵਾਲੀ ਕੁੜੀ ਅਤੇ ਉਸਦਾ ਦੋਸਤ ਦੋਵੇੰ ਹੀ ਹਿਮਾਚਲ ਦੇ ਰਹਿਣ ਵਾਲੇ ਹਨ। ਪੁਲਿਸ ਨੇ ਮੁਲਜ਼ਮ ਕੁੜੀ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ਅਤੇ ਉਸਦੇ ਦੋਸਤ ਦੀ ਗ੍ਰਿਫ਼ਤਾਰੀ ਲਈ ਵੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਵਿਦਿਆਰਥਣਾੰ ਭੜਕੀਆੰ, ਪੁਲਿਸ ‘ਤੇ ਵੀ ਕੱਢਿਆ ਗੁੱਸਾ
ਇਸ ਪੂਰੇ ਮਾਮਲੇ ਦਾ ਖੁਲਾਸਾ ਹੋਣ ਤੋੰ ਬਾਅਦ ਯੂਨੀਵਰਸਿਟੀ ਦੀਆੰ ਵਿਦਿਆਰਥਣਾੰ ਭੜਕ ਉਠੀਆੰ ਅਤੇ ਉਹਨਾੰ ਨੇ ਹੰਗਾਮਾ ਸ਼ੁਰੂ ਕਰ ਦਿੱਤਾ। ਹੰਗਾਮਾ ਇਸ ਕਦਰ ਵੱਧ ਗਿਆ ਕਿ ਮੇਨ ਗੇਟ ਬੰਦ ਕਰ ਦਿੱਤਾ ਗਿਆ ਅਤੇ ਤੁਰੰਤ ਪੁਲਿਸ ਨੂੰ ਬੁਲਾਉਣਾ ਪਿਆ। ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ ‘ਤੇ ਪਹੁੰਚੀ। ਹਾਲਾੰਕਿ ਵਿਦਿਆਰਥਣਾੰ ਨੇ ਪੁਲਿਸ ‘ਤੇ ਹੀ ਆਪਣਾ ਗੁੱਸਾ ਕੱਢ ਦਿੱਤਾ ਅਤੇ ਕਾਫੀ ਭੰਨਤੋੜ ਵੀ ਕੀਤੀ। ਬਹਿਰਹਾਲ, ਪੁਲਿਸ ਪੂਰੇ ਮਾਮਲੇ ਦੀ ਜਾੰਚ ਕਰ ਰਹੀ ਹੈ।
ਵੀਡੀਓ ਦਾ ਮਕਸਦ ਲੱਭਣ ‘ਚ ਜੁਟੀ ਪੁਲਿਸ
ਇਸ ਮਾਮਲੇ ਵਿੱਚ ਹੁਣ ਖੁਦਕੁਸ਼ੀ ਤੋੰ ਵੀ ਵੱਡਾ ਮਾਮਲਾ ਵੀਡੀਓ ਬਣਾਏ ਜਾਣ ਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮ ਵਿਦਿਆਰਥਣ ਲੰਮੇ ਸਮੇੰ ਤੋੰ ਸਾਥੀ ਵਿਦਿਆਰਥਣਾੰ ਦੀ ਵੀਡੀਓ ਬਣਾ ਰਹੀ ਸੀ। ਇਸ ਲਈ ਪੁਲਿਸ ਹੁਣ ਇਹ ਪਤਾ ਲਗਾਉਣ ਵਿੱਚ ਲੱਗੀ ਹੈ ਕਿ ਆਖਰ ਉਸਦਾ ਮਕਸਦ ਕੀ ਸੀ? ਕਿਉੰ ਇਹ ਦੋਵੇੰ ਉਹਨਾੰ 60 ਵਿਦਿਆਰਥਣਾੰ ਨੂੰ ਬਦਨਾਮ ਕਰਨਾ ਚਾਹੁੰਦੇ ਸਨ।
ਇੱਕ ਕੁੜੀ ਦੀ ਹਾਲਤ ਗੰਭੀਰ
ਦੱਸਿਆ ਜਾ ਰਿਹਾ ਹੈ ਕਿ ਜਿਹਨਾੰ 8 ਵਿਦਿਆਰਥਣਾੰ ਨੇ ਖੁਦਕੁਸ਼ੀ ਦੀ ਕੋਸ਼ਿਸ਼ ਕੀਤੀ, ਉਹਨਾੰ ਵਿਚੋੰ ਇੱਕ ਦੀ ਹਾਲਤ ਜ਼ਿਆਦਾ ਗੰਭੀਰ ਬਣੀ ਹੋਈ ਹੈ। ਸਾਰੀਆੰ 8 ਵਿਦਿਆਰਥਣਾੰ ਨੂੰ ਵੱਖੋ-ਵੱਖਰੇ ਹਸਪਤਾਲਾੰ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਪੁਲਿਸ ਨੇ ਸਾਰੀਆੰ ਵਿਦਿਆਰਥਣਾੰ ਦੇ ਪਰਿਵਾਰਾੰ ਨੂੰ ਸੂਚਿਤ ਕਰ ਦਿੱਤਾ ਹੈ।
