September 27, 2022
(Chandigarh)
ਪੰਜਾਬ ਵਿਧਾਨ ਸਭਾ ਇਜਲਾਸ ਦੀ ਕਾਰਵਾਈ ਦੇ ਪਹਿਲੇ ਦਿਨ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਵਿਰੋਧੀਆਂ ‘ਤੇ ਜੰਮ ਕੇ ਹਮਲੇ ਬੋਲੇ। ਭਰੋਸਗੀ ਮਤਾ ਪੇਸ਼ ਕਰਦਿਆਂ ਸੀਐੱਮ ਮਾਨ ਨੇ ਬੀਜੇਪੀ ‘ਤੇ ਆਪਰੇਸ਼ਨ ਲੋਟਸ ਦੇ ਇਲਜ਼ਾਮ ਤਾਂ ਲਾਏ ਹੀ, ਪਰ ਨਾਲ ਹੀ ਕਾਂਗਰਸ ਨੂੰ ਵੀ ਲਪੇਟੇ ਵਿੱਚ ਲੈ ਲਿਆ। ਸੀਐੱਮ ਨੇ ਕਿਹਾ ਕਿ ਆਪਰੇਸ਼ਨ ਲੋਟਸ ਫੇਲ੍ਹ ਹੋਣ ਦਾ ਦੁੱਖ ਕਾਂਗਰਸ ਨੂੰ ਵੀ ਹੋ ਰਿਹਾ ਹੈ, ਕਿਉਂਕਿ ਕਾਂਗਰਸ ਬੀਜੇਪੀ ਨਾਲ ਮਿਲੀ ਹੋਈ ਹੈ।
ਵਿਰੋਧੀਆਂ ‘ਤੇ ਵਰ੍ਹਦਿਆਂ ਸੀਐੱਮ ਦੇ ਨਿਸ਼ਾਨੇ ‘ਤੇ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਵੀ ਰਹੇ। ਸੀਐੱਮ ਨੇ ਪੁੱਛਿਆ, “ਚੰਨੀ ਵੋਟਾਂ ਤੋਂ ਬਾਅਦ ਕਿਥੇ ਚਲੇ ਗਏ? ਇਹ ਪਾਕਿਸਤਾਨ ਥੋੜ੍ਹੇ ਨਾ ਹੈ ਸਰ…ਪਾਕਿਸਤਾਨ ‘ਚ ਹੁੰਦਾ ਇਦਾਂ…ਜਿਸ ਦਿਨ ਲਾਹ ਤੇ..ਜਾਂ ਤਾਂ ਭੱਜ ਗਏ ਜਾਂ ਫਾਂਸੀ..ਚੰਨੀ ਸਾਬ੍ਹ ਭੱਜ ਕਿਉਂ ਗਏ? ਮੈਂ ਕਾਂਗਰਸੀਆਂ ਨੂੰ ਪੁੱਛਣਾ ਚਾਹੁੰਦਾ ਹਾਂ ਕਿ ਤੁਹਾਡੇ ਸੀਐੱਮ ਕੈਂਡੀਡੇਟ ਕਿਥੇ ਗਏ ਹਨ?”
ਬਹੁਤ ਸਾਰੀਆਂ ਫਾਈਲਾਂ ਬਾਰੇ ਡਿਸਕਸ ਕਰਨਾ ਹੈ- ਮਾਨ
ਸੀਐੱਮ ਨੇ ਅੱਗੇ ਕਿਹਾ, “ਬਹੁਤ ਸਾਰੀਆਂ ਫਾਈਲਾਂ ਦੇ ਬਾਰੇ ਮੈਂ ਉਹਨਾਂ ਨੂੰ ਪੁੱਛਣਾ ਚਾਹੁੰਦਾ ਹਾਂ ਕਿਵੇਂ ਸਾਈਨ ਕਰ ਗਏ? ਕੀ ਸਾਈਨ ਕਰ ਗਏ? ਇਹਦਾ ਕੀ ਕਰੀਏ ਹੁਣ? ਸੱਤਾ ਟਰਾਂਸਫਰ ਲਈ ਵੀ ਤੁਸੀਂ ਮਿਲ ਨਹੀਂ ਸਕਦੇ?” ਉਹਨਾਂ ਕਿਹਾ, “ਅਖੀਰਲੇ ਦਿਨਾਂ ‘ਚ ਚੰਨੀ ਨੇ ਫ਼ੈਸਲੇ ਲਏ ਹੋਏ ਹਨ। ਲੋਕ ਵਿਰੋਧੀ ਼ਫ਼ੈਸਲੇ ਹਨ। ਅਫ਼ਸਰ ਕਹਿੰਦੇ ਉਹਨਾਂ ਨੇ ਸਾਈਨ ਕੀਤੇ ਹੋਏ ਹਨ। ਮੈਂ ਚੰਨੀ ਸਾਬ੍ਹ ਨੂੰ ਪੁੱਛਣਾ ਚਾਹੁੰਦਾ ਹਾਂ ਕਿ ਹੁਣ ਇਹਨਾਂ ਫ਼ੈਸਲਿਆਂ ਨੂੰ ਵਾਪਸ ਕਿਵੇਂ ਲਈਏ? ਕਿਉਂ ਲਏ ਹਨ ਫ਼ੈਸਲੇ?”
ਇਸ ਦਿਨ ਲਈ ਸੀਐੱਮ ਬਣੇ ਸੀ?- ਭਗਵੰਤ ਮਾਨ
ਮਾਨ ਨੇ ਕਿਹਾ, “ਕੋਈ ਕਹਿੰਦਾ ਕਿ ਚੰਨੀ ਅਮਰੀਕਾ ਨੇ ਕੋਈ ਕਹਿੰਦਾ ਕੈਨੇਡਾ ਨੇ। ਇਸ ਦਿਨ ਲਈ ਸੀਐੱਮ ਬਣੇ ਸੀ? ਇਸਦਾ ਮਤਲਬ ਤੁਸੀਂ ਆਪ ਹੀ ਆਪਣੇ ਆਪ ‘ਚ ਸ਼ਰਮਿੰਦਗੀ ਮਹਿਸੂਸ ਕਰ ਰਹੇ ਹੋ? ਤੁਸੀਂ ਰਹੋ ਇਥੇ…ਤੁਸੀਂ ਕਿਉਂ ਨਹੀਂ ਰਹਿੰਦੇ? ਇਸਦਾ ਮਤਲਬ ਤੁਸੀਂ ਕੁਝ ਗਲਤ ਕੀਤਾ ਹੈ? ਇਹਦਾ ਮਤਲਬ ਕਾਂਗਰਸ ਵਿੱਚ ਇਹ ਹਾਲਾਤ ਨੇ ਕਿ ਕਾਂਗਰਸੀ ਉਦੋਂ ਤੱਕ ਹੀ ਇਮਾਨਦਾਰ ਨੇ, ਜਦੋਂ ਤੱਕ ਮੌਕਾ ਨਹੀਂ ਮਿਲਦਾ…ਜਦੋਂ ਮੌਕਾ ਮਿਲ ਗਿਆ, ਚੁੱਕ ਦਿਓ ਫੱਟੇ।”
ਕਾਂਗਰਸ ਦਾ ਮੁੱਖ ਮੰਤਰੀ ਦਾ Candidate ਕਿੱਥੇ ਹੈ?
ਕਾਂਗਰਸੀ ਉਹਨਾਂ ਚਿਰ ਹੀ ਇਮਾਨਦਾਰ ਰਹਿੰਦੇ ਨੇ, ਜਦੋਂ ਤੱਕ ਕੋਈ ਅਹੁਦਾ ਨਹੀਂ ਮਿਲਦਾ, ਜਿਸ ਦਿਨ ਕੁਝ ਬਣ ਜਾਂਦੇ ਨੇ, ਉਸ ਦਿਨ ਤੋਂ ਹੀ ਪੈਸੇ ਲੁੱਟਣ ਦੇ ਫੱਟੇ ਚੱਕ ਦਿੰਦੇ ਨੇ
CM @BhagwantMann ਜੀ ਦੇ ਸਵਾਲਾਂ ਦਾ ਜੁਆਬ ਦੇਵੇ @INCPunjab pic.twitter.com/z6GHsN4BQv
— AAP Punjab (@AAPPunjab) September 27, 2022
