September 29, 2022
(Bureau Report)
ਪੰਜਾਬ ਪੁਲਿਸ ਦੀ ਐਂਟੀ ਗੈਂਗਸਟਰ ਟਾਸਕ ਫੋਰਸ ਨੂੰ ਅਹਿਮ ਸਫਲਤਾ ਹੱਥ ਲੱਗੀ ਹੈ। AGTF ਨੇ ਬੰਬੀਹਾ ਗਰੁੱਪ ਦੇ ਗੈਂਗਸਟਰ ਅਤੇ ਸ਼ਾਰਪ ਸ਼ੂਟਰ ਨੀਰਜ ਚਸਕਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜੰਮੂ ਤੋਂ ਇਸਦੀ ਗ੍ਰਿਫ਼ਤਾਰੀ ਹੋਈ ਹੈ। ਨੀਰਜ ਚਸਕਾ, ਗੈਂਗਸਟਰ ਗੋਲਡੀ ਬਰਾੜ ਦੇ ਭਰਾ ਗੁਰਲਾਲ ਬਰਾੜ ਦੇ ਕਤਲ ਦਾ ਵੀ ਮੁੱਖ ਮੁਲਜ਼ਮ ਹੈ।
ਮੁਲਜ਼ਮ ਨੀਰਜ ਚਸਕਾ ਕੋਲੋਂ ਪੁਲਿਸ ਨੇ 2 ਵਿਦੇਸ਼ੀ ਪਿਸਤੌਲਾਂ ਵੀ ਬਰਾਮਦ ਕੀਤੀਆਂ ਹਨ। ਨੀਰਜ ਵਿਦੇਸ਼ ਵਿੱਚ ਬੈਠੇ ਗੈਂਗਸਟਰ ਗੌਰਵ ਉਰਫ ਲੱਕੀ ਪਟਿਆਲ ਦੇ ਗੈਂਗ ਦਾ ਮੈਂਬਰ ਹੈ, ਜਿਸਦੀ ਪੁਲਿਸ ਨੂੰ ਕਤਲ ਸਮੇਤ ਕਈ ਮਾਮਲਿਆਂ ਵਿੱਚ ਤਲਾਸ਼ ਸੀ।
Recovery of two foreign-made pistols from him. Neeraj is a member of Foreign-based wanted gangster Gaurav @ Lucky Patyal. #PunjabPolice is 100% committed in maintaining peace and harmony in the state as per vision of CM @BhagwantMann. (2/2)
— DGP Punjab Police (@DGPPunjabPolice) September 29, 2022
ਨੀਰਜ ਚਸਕਾ ਨੇ ਬੀਤੇ ਦਿਨੀਂ ਹੀ NewsDateline ਨੂੰ ਭੇਜੇ ਮੈਸੇਜ ਵਿੱਚ 3 ਕਤਲਾਂ ਦਾ ਕਬੂਲਨਾਮਾ ਕੀਤਾ ਸੀ। ਉਸਨੇ ਕਿਹਾ ਸੀ ਕਿ ਕਬੱਡੀ ਖਿਡਾਰੀ ਮਨੀ ਜੈਤੋੰ, ਸੁਰਜੀਤ ਬਾਊੰਸਰ ਤੇ ਗੁਰਲਾਲ ਬਰਾੜ ਦਾ ਮਰਡਰ ਉਸਨੇ ਆਪਣੇ ਸਾਥੀ ਮਾਨ ਜੈਤੋਂ ਨਾਲ ਮਿਲ ਕੇ ਕੀਤਾ ਹੈ। ਨਾਲ ਹੀ ਗੈਂਗਸਟਰ ਗੋਲਡੀ ਬਰਾੜ ਨੂੰ ਵੀ ਚੈਲੇਂਜ ਕੀਤਾ ਸੀ ਕਿ ਸਿੱਧੂ ਦੀ ਮੌਤ ਦਾ ਬਦਲਾ ਜਲਦ ਲਿਆ ਜਾਵੇਗਾ।
ਨਾਲਾਗੜ੍ਹ ਕੋਰਟ ਕੰਪਲੈਕਸ ਫਾਇਰਿੰਗ ਨਾਲ ਵੀ ਜੁੜੇ ਤਾਰ
ਦੱਸ ਦਈਏ ਕਿ ਪਿਛਲੇ ਮਹੀਨੇ ਨਾਲਾਗੜ੍ਹ ਕੋਰਟ ਕੰਪਲੈਕਸ ਵਿੱਚ ਹੋਈ ਫਾਇਰਿੰਗ ਦੇ ਤਾਰ ਵੀ ਨੀਰਜ ਚਸਕਾ ਉਰਫ ਚਸਕਾ ਵੈਲੀ ਨਾਲ ਜੁੜੇ ਹਨ। ਦਰਅਸਲ, ਜਦੋਂ ਸੰਨੀ ਲੈਫਟੀ ਨੂੰ ਛੁਡਵਾਉਣ ਲਈ ਗੈਂਗਸਟਰਾਂ ਨੇ ਕੋਰਟ ਕੰਪਲੈਕਸ ਵਿੱਚ ਫਾਇਰਿੰਗ ਕੀਤੀ, ਤਾਂ ਬੇਸ਼ੱਕ ਸੰਨੀ ਲੈਫਟੀ ਨੂੰ ਛੁਡਾਇਆ ਨਹੀਂ ਜਾ ਸਕਿਆ, ਪਰ ਬੰਬੀਹਾ ਗੈਂਗ ਦੇ ਹੀ ਕੌਸ਼ਲ ਚੌਧਰੀ ਵੱਲੋਂ ਦਾਅਵਾ ਕੀਤਾ ਗਿਆ ਕਿ ਪੁਲਿਸ ਨੇ ਉਹਨਾਂ ਦੇ 2 ਸਾਥੀ ਗ੍ਰਿਫ਼ਤਾਰ ਕਰ ਲਏ ਹਨ। ਇਹਨਾਂ ਦੇ ਨਾਂਅ ਨੀਰਜ ਚਸਕਾ ਤੇ ਮਾਨ ਜੈਤੋਂ ਦੱਸੇ ਗਏ। ਹਾਲਾਂਕਿ ਖੁਦ ਨੀਰਜ ਚਸਕਾ ਨੇ ਪੁਲਿਸ ਵੱਲੋਂ ਫੜੇ ਜਾਣ ਦੀ ਖ਼ਬਰ ਨੂੰ ਨਕਾਰ ਦਿੱਤਾ।
