October 2, 2022
(Chandigarh)
ਸਿੱਧੂ ਮੂਸੇਵਾਲਾ ਕਤਲ ਕਾਂਡ ‘ਚ ਮੁਲਜ਼ਮ ਗੈਂਗਸਟਰ ਦੀਪਕ ਟੀਨੂੰ ਦੇ ਫ਼ਰਾਰ ਹੋਣ ਦੇ ਮਾਮਲੇ ‘ਚ ਪੰਜਾਬ ਪੁਲਿਸ ਦੇ DGP ਨੇ ਵੱਡੀ ਕਾਰਵਾਈ ਕੀਤੀ ਹੈ। ਮਾਮਲੇ ਵਿੱਚ ਅਣਗਹਿਲੀ ਦੇ ਦੋਸ਼ਾਂ ਹੇਠ ਮਾਨਸਾ ਪੁਲਿਸ ਦੇ CIA ਇੰਚਾਰਜ ਖਿਲਾਫ਼ FIR ਦਰਜ ਕਰਕੇ ਉਸ ਨੂੰ ਗ੍ਰਿਫ਼ਤਾਰ ਅਤੇ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਨਾਲ ਹੀ ਧਾਰਾ 311 ਤਹਿਤ ਨੌਕਰੀ ਤੋਂ ਬਰਖਾਸਤ ਵੀ ਕੀਤਾ ਗਿਆ ਹੈ। DGP ਨੇ ਖੁਦ ਟਵੀਟ ਕਰਕੇ ਇਸ ਸਬੰਧੀ ਜਾਣਕਾਰੀ ਦਿੱਤੀ।
DGP ਗੌਰਵ ਯਾਦਵ ਨੇ ਕਿਹਾ ਕਿ ਕਿਸੇ ਵੀ ਤਰ੍ਹਾਂ ਦੀ ਢਿੱਲ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ। ਉਹਨਾਂ ਮੁਤਾਬਕ, ਪੁਲਿਸ ਟੀਮਾਂ ਵੱਲੋਂ ਮੁਲਜ਼ਮ ਦੀ ਮੁੜ ਗ੍ਰਿਫ਼ਤਾਰੀ ਲਈ ਮੁਸ਼ਤੈਦੀ ਕਰ ਦਿੱਤੀ ਗਈ ਹੈ।
FIR regd. against errant police official on escape of Deepak Tinu from custody in Mansa
Incharge CIA apprehended & suspended. Being dismissed from service under Article 311. No laxity will be tolerated
Police teams have fanned out & operation for re-arresting accused launched
— DGP Punjab Police (@DGPPunjabPolice) October 2, 2022
CIA ਇੰਚਾਰਜ ‘ਤੇ ਗੰਭੀਰ ਇਲਜ਼ਾਮ
ਦਰਅਸਲ, ਦੀਪਕ ਟੀਨੂੰ ਦੇ ਫ਼ਰਾਰ ਹੋਣ ਵਿੱਚ ਸਭ ਤੋਂ ਅਹਿਮ ਤੇ ਸ਼ੱਕੀ ਭੂਮਿਕਾ CIA ਇੰਚਾਰਜ ਦੀ ਮੰਨੀ ਜਾ ਰਹੀ ਹੈ। ਸੂਤਰਾਂ ਮੁਤਾਬਕ, CIA ਇੰਚਾਰਜ ਰਾਤ ਦੇ 11 ਵਜੇ ਦੀਪਕ ਨੂੰ ਬਿਨ੍ਹਾਂ ਹੱਥਕੜੀ ਦੇ ਆਪਣੀ ਪ੍ਰਾਈਵੇਟ ਗੱਡੀ ਵਿਚ ਕਿਸੇ ਨੂੰ ਮਿਲਵਾਉਣ ਲਈ ਲੈ ਕੇ ਗਏ ਸਨ, ਜਿਸ ਦੌਰਾਨ ਉਹ ਫ਼ਰਾਰ ਹੋ ਗਿਆ। ਸੂਤਰ ਇਹ ਵੀ ਦੱਸਦੇ ਹਨ ਕਿ ਅਜਿਹਾ 2-3 ਦਿਨਾਂ ਤੋਂ ਲਗਾਤਾਰ ਚੱਲ ਰਿਹਾ ਸੀ।(ਪੂਰੀ ਖ਼ਬਰ ਇਥੇ ਪੜ੍ਹੋ)
