November 16, 2022
(Ludhiana)
ਲੁਧਿਆਣਾ ਵਿੱਚ ਨਾਰਕੋਟਿਕਸ ਕੰਟਰੋਲ ਬਿਓਰੋ(NCB) ਨੇ ਵੱਡੀ ਕਾਰਵਾਈ ਕੀਤੀ ਹੈ। NCB ਨੇ ਲੁਧਿਆਣਾ ਦੇ ਦੁੱਗਰੀ ਇਲਾਕੇ ਵਿੱਚ ਰੇਡ ਕਰਕੇ 20 ਕਿੱਲੋ ਹੈਰੋਇਨ ਬਰਾਮਦ ਕੀਤੀ ਹੈ। ਇਲਾਕੇ ਵਿੱਚ NCB ਟੀਮ ਦੇ ਪਹੁੰਚਣ ਦੀ ਸੂਚਨਾ ਮਿਲਦੇ ਹੀ ਕੁਝ ਨਸ਼ਾ ਤਸਕਰ ਤਾਂ ਭੱਜਣ ਵਿੱਚ ਕਾਮਯਾਬ ਹੋ ਗਏ, ਪਰ ਕਈਆਂ ਨੂੰ ਟੀਮ ਨੇ ਦਬੋਚ ਲਿਆ। ਦੱਸਿਆ ਜਾ ਰਿਹਾ ਹੈ ਕਿ ਫੜੇ ਗਏ ਲੋਕਾਂ ਨੂੰ ਟੀਮ ਆਪਣੇ ਨਾਲ ਚੰਡੀਗੜ੍ਹ ਲੈ ਗਈ ਹੈ।
NCB ਦੀ ਟੀਮ ਗੁਪਚੁਪ ਤਰੀਕੇ ਨਾਲ ਇਲਾਕੇ ਵਿੱਚ ਦਾਖਲ ਹੋਈ ਅਤੇ ਲੋਕਾਂ ਨੂੰ ਫੜ ਕੇ ਆਪਣੇ ਨਾਲ ਲੈ ਗਈ। ਸਥਾਨਕ ਪੁਲਿਸ ਨੂੰ ਇਸਦੀ ਭਣਕ ਤੱਕ ਨਹੀਂ ਲੱਗੀ। ਦੱਸਿਆ ਜਾ ਰਿਹਾ ਹੈ ਕਿ ਦੁੱਗਰੀ ਇਲਾਕੇ ਵਿੱਚ ਪੂਰੇ ਸ਼ਹਿਰ ‘ਚ ਨਸ਼ਾ ਤਸਕਰੀ ਦਾ ਕਾਲਾ ਕਾਰੋਬਾਰ ਚਲਦਾ ਹੈ। ਰੇਡ ਤੋਂ ਬਾਅਦ ਇਲਾਕੇ ਵਿੱਚ ਹਫੜਾਦਫੜੀ ਦਾ ਮਾਹੌਲ ਹੈ।
DGP ਦੀ ਰੇਡ ‘ਚ ਨਹੀਂ ਮਿਲੀ ਸੀ ਕਾਮਯਾਬੀ
ਕਾਬਿਲੇਗੌਰ ਹੈ ਕਿ ਬੀਤੇ ਦਿਨ ਪੰਜਾਬ ਪੁਲਿਸ ਦੇ DGP ਗੌਰਵ ਯਾਦਵ ਖੁਦ ਲੁਧਿਆਣਾ ਵਿੱਚ ਨਸ਼ਾ ਤਸਕਰਾਂ ‘ਤੇ ਨਕੇਲ ਕਸਣ ਲਈ ਪਹੁੰਚੇ ਸਨ। ਇਥੇ ਉਹਨਾਂ ਨੇ ਸਰਚ ਆਪਰੇਸ਼ਨ ਚਲਾਇਆ ਸੀ, ਪਰ ਨਸ਼ਾ ਤਸਕਰ ਪਹਿਲਾਂ ਤੋਂ ਅਲਰਟ ਹੋ ਗਏ ਸੀ ਅਤੇ ਪੁਲਿਸ ਹੱਥ ਕੁਝ ਕਾਮਯਾਬੀ ਨਹੀਂ ਲੱਗੀ ਸੀ। ਜਿਥੇ DGP ਨੇ ਰੇਡ ਕੀਤੀ, ਉਥੇ ਸਿਰਫ਼ 12 ਗ੍ਰਾਮ ਹੈਰੋਇਨ ਬਰਾਮਦ ਹੋਈ ਸੀ।
