ਚੰਡੀਗੜ੍ਹ। ਚੰਡੀਗੜ੍ਹ ਪੁਲਿਸ ਦੀ ਕਾਰਗੁਜ਼ਾਰੀ ਸਵਾਲਾਂ ਦੇ ਘੇਰੇ ਵਿੱਚ ਹੈ। ਇਲਜ਼ਾਮ ਹੈ ਕਿ ਕਿਸਾਨਾਂ ਦੇ ਪ੍ਰਦਰਸ਼ਨ ਦੌਰਾਨ ਪੁਲਿਸ ਸਾਰੇ ਨਿਯਮ ਕਾਇਦੇ ਭੁੱਲ ਗਈ। ਦਰਅਸਲ, ਖੇਤੀ ਕਾਨੂੰਨਾਂ ਦੇ ਖਿਲਾਫ਼ ਸ਼ਨੀਵਾਰ ਨੂੰ ਕਿਸਾਨਾਂ ਨੇ ਚੰਡੀਗੜ੍ਹ ਵਿੱਚ ਜ਼ੋਰਦਾਰ ਪ੍ਰਦਰਸ਼ਨ ਕੀਤਾ। ਇਸ ਤਰ੍ਹਾਂ ਕੁਝ ਲੋਕਾਂ ਨੇ ਬੀਜੇਪੀ ਆਗੂਆਂ ਦੇ ਕਾਫ਼ਿਲੇ ‘ਤੇ ਹਮਲਾ ਕਰ ਦਿੱਤਾ, ਜਿਸ ਤੋਂ ਬਾਅਦ ਪੁਲਿਸ ਨੇ ਕਈ ਪ੍ਰਦਰਸ਼ਨਕਾਰੀਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਇਸ ਦੌਰਾਨ ਗ੍ਰਿਫ਼ਤਾਰ ਕਿਸਾਨਾਂ ਦੀ ਬੱਸ ਵਿੱਚ ਇੱਕ ਮਾਸੂਮ ਦੀਆਂ ਤਸਵੀਰਾਂ ਵੀ ਕੈਮਰੇ ਵਿੱਚ ਕੈਦ ਹੋ ਗਈਆਂ ਅਤੇ ਕੁਝ ਹੀ ਦੇਰ ਵਿੱਚ ਵੀਡੀਓ ਇੰਨੀ ਵਾਇਰਲ ਹੋਈ ਕਿ ਚੰਡੀਗੜ੍ਹ ਪੁਲਿਸ ਦੇ ਸਫ਼ਾਈ ਦੇਣ ਤੋਂ ਬਾਅਦ ਵੀ ਮਾਮਲਾ ਸ਼ਾਂਤ ਹੁੰਦਾ ਨਜ਼ਰ ਨਹੀਂ ਆ ਰਿਹਾ।
ਕਿਸਾਨ ਆਗੂ ਗੁਰਨਾਮ ਚੜੂਨੀ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ, “ਬੇਹੱਦ ਸ਼ਰਮਨਾਕ..ਚੰਡੀਗੜ੍ਹ ਵਿੱਚ 13 ਸਾਲ ਦਾ ਨਬਾਲਗ ਬੱਚਾ ਵੀ ਗ੍ਰਿਫਤਾਰ ਕੀਤਾ ਗਿਆ। ਸ਼ਾਬਾਸ਼ ਬੇਟਾ..ਪੂਰਾ ਦੇਸ਼ ਤੁਹਾਡੇ ਨਾਲ ਹੈ। ਜੇਕਰ ਬੱਚੇ ਦੇ ਨਾਲ ਕੁਝ ਜ਼ਿਆਦਤੀ ਹੋਈ, ਤਾਂ ਸਰਕਾਰ ਦੀਆਂ ਜੜ੍ਹਾਂ ਹਿਲਾ ਦਵਾਂਗੇ।”
अति शरमनाक चंडीगढ़ में 13 साल का नाबालिग बच्चा भी गिरफ़्तार किया गया।
साबाश बेटा पूरा देश आपके साथ है।अगर बच्चे के साथ कुछ ज़्यादती हुई तो सरकार की जड़े हिला देंगे। pic.twitter.com/1y63BPgAZm
— Gurnam Singh Charuni (@GurnamsinghBku) July 17, 2021
ਕਾਂਗਰਸ ਨੇ ਵੀ ਇਸ ਮਾਮਲੇ ਨੂੰ ਲੈ ਕੇ ਹਮਲਾ ਬੋਲਿਆ ਹੈ। ਕਾਂਗਰਸ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ, “13 ਸਾਲ ਦੇ ਬੱਚੇ ਨੂੰ ਕਰਕੇ ਗ੍ਰਿਫ਼ਤਾਰ…ਬਹੁਤ ਡਿੱਗ ਚੁੱਕੀ ਭਾਜਪਾ ਸਰਕਾਰ। ਇਹ ਕਿਸਾਨਾਂ ਦੇ ਲਾਲ ਹਨ ਪ੍ਰਧਾਨ ਮੰਤਰੀ ਜੀ, ਤੁਹਾਡੇ ਅੱਤਿਆਚਾਰ ਤੋਂ ਨਾ ਹੀ ਡਰਨਗੇ ਤੇ ਨਾ ਹੀ ਝੁਕਣਗੇ। ਇਸ ਬੱਚੇ ਦੀਆਂ ਬੇਖੌਫ਼ ਨਿਗਾਹਾਂ ਤਾਨਾਸ਼ਾਹੀ ਸੱਤਾ ਨੂੰ ਇਹੀ ਕਹਿ ਰਹੀਆਂ ਹਨ।”
13 साल के बच्चे को करके गिरफ़्तार।
बहुत गिर चुकी है भाजपा सरकार।।ये किसानों के लाल हैं प्रधानमंत्री जी, आपके अत्याचार से नहीं डरेंगे और न ही झुकेंगे।
इस बच्चे की बेख़ौफ़ निगाहें तानाशाही सत्ता से यही कह रही है- #हम_नहीं_डरेंगे pic.twitter.com/TEDB8QcoPj
— Congress (@INCIndia) July 17, 2021
ਓਧਰ ਚੰਡੀਗੜ੍ਹ ਪੁਲਿਸ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਬੱਚੇ ਨੂੰ ਗ੍ਰਿਫ਼ਤਾਰ ਨਹੀਂ ਕੀਤਾ ਹੈ। ਉਹ ਆਪਣੇ ਮਾਂ-ਬਾਪ ਨਾਲ ਪ੍ਰਦਰਸ਼ਨ ‘ਚ ਆਇਆ ਸੀ ਅਤੇ ਗ੍ਰਿਫ਼ਤਾਰੀਆਂ ਦੇ ਦੌਰਾਨ ਖੁਦ ਹੀ ਬੱਸ ‘ਚ ਸਵਾਰ ਹੋ ਗਿਆ ਸੀ। ਪੁਲਿਸ ਮੁਤਾਬਕ, ਬੱਚੇ ਨੂੰ ਸਮਝਾ ਕੇ ਹੇਠਾਂ ਉਤਾਰ ਦਿੱਤਾ ਗਿਆ ਸੀ।
ਓਧਰ DSGMC ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਨੇ ਵੀ ਕੁਝ ਵੀਡੀਓ ਸ਼ੇਅਰ ਕਰਕੇ ਚੰਡੀਗੜ੍ਹ ਪੁਲਿਸ ‘ਤੇ ਸਵਾਲ ਖੜ੍ਹੇ ਕੀਤੇ ਹਨ। ਸਿਰਸਾ ਵੱਲੋਂ ਸ਼ੇਅਰ ਕੀਤੇ ਪਹਿਲੇ ਵੀਡੀਓ ‘ਚ ਪੁਲਿਸ ਕਿਸਾਨਾਂ ਨੂੰ ਜਾਣ ਲਈ ਕਹਿ ਰਹੀ ਹੈ ਤੇ ਜਦੋਂ ਕਿਸਾਨ ਵਾਪਸ ਪਰਤਣ ਲੱਗਦੇ ਹਨ, ਤਾਂ ਪੁਲਿਸ ਉਹਨਾਂ ਨੂੰ ਕੁੱਟਣਾ ਸ਼ੁਰੂ ਕਰ ਦਿੰਦੀ ਹੈ।
Brutality of Chandigarh police – watch the video!
The police is asking farmers to leave and when the protesting farmers started leaving, the @citizenfirstchd started beating them without any reason
Is this a humane behaviour @KirronKherBJP @DgpChdPolice @thetribunechd @ANi pic.twitter.com/hZ30rJXZ7d— Manjinder Singh Sirsa (@mssirsa) July 17, 2021
ਇੱਕ ਹੋਰ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਸਿਰਸਾ ਨੇ ਪੁਲਿਸ ‘ਤੇ ਬਜ਼ੁਰਗ ਪ੍ਰਦਰਸ਼ਨਕਾਰੀ ਦੀ ਪੱਗ ਉਤਾਰਨ ਦੇ ਇਲਜ਼ਾਮ ਲਾਏ ਹਨ।
Chd police crosses all lines while dealing with protesting farmers
Protesting Farmers were detained, abused & even lathicharged; @citizenfirstchd also disrespected Turban of a Sikh farmer
We demand strict action against officers behind this mayhem @KirronKherBJP @DgpChdPolice pic.twitter.com/tCY72fAeb6
— Manjinder Singh Sirsa (@mssirsa) July 17, 2021
ਪ੍ਰਦਰਸ਼ਨਕਾਰੀ ਕਿਸਾਨਾਂ ‘ਤੇ ਵੀ ਗੰਭੀਰ ਇਲਜ਼ਾਮ
ਓਧਰ ਪ੍ਰਦਰਸ਼ਨਕਾਰੀ ਕਿਸਾਨਾਂ ‘ਤੇ ਬੀਜੇਪੀ ਆਗੂਆਂ ਦੇ ਕਾਫਿਲੇ ‘ਤੇ ਹਮਲੇ ਦਾ ਇਲਜ਼ਾਮ ਹੈ। ਜਾਣਕਾਰੀ ਮੁਤਾਬਕ, ਕਿਸਾਨਾਂ ਵੱਲੋਂ ਗੱਡੀਆਂ ‘ਤੇ ਇੱਟਾਂ-ਪੱਥਰ ਸੁੱਟੇ ਗਏ ਅਤੇ ਉਸ ਤੋਂ ਬਾਅਦ ਪੁਲਿਸ ਨੂੰ ਸਖਤੀ ਨਾਲ ਨਜਿੱਠਣਾ ਪਿਆ।
