ਬਿਓਰੋ। ਨਵਜੋਤ ਸਿੰਘ ਸਿੱਧੂ ਨੂੰ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦਾ ਪ੍ਰਧਾਨ ਬਣਾਏ ਜਾਣ ਤੋਂ ਬਾਅਦ ਉਹਨਾਂ ਦੇ ਸਮਰਥਕ ਅਤੇ ਸਾਥੀ ਵਿਧਾਇਕ ਜਸ਼ਨ ਦੇ ਮੂਡ ‘ਚ ਹਨ। ਸਿੱਧੂ ਦੀ ਹੀ ਤਰ੍ਹਾਂ ਆਪਣੀ ਹੀ ਸਰਕਾਰ ‘ਤੇ ਕਈ ਵਾਰ ਸਵਾਲ ਚੁੱਕਣ ਵਾਲੇ ਕਾਂਗਰਸ ਵਿਧਾਇਕ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਸਿੱਧੂ ਨੂੰ ਪ੍ਰਧਾਨ ਬਣਾਏ ਜਾਣ ਦਾ ਖੁੱਲ੍ਹੇ ਦਿਲ ਨਾਲ ਸਵਾਗਤ ਕੀਤਾ ਹੈ।
ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਸਿੱਧੂ ਦੇ ਬਾਦਲਾਂ ਨੂੰ ਲਲਕਾਰਦੇ ਬਿਆਨ ਦੀ ਇੱਕ ਵੀਡੀਓ ਟਵੀਟ ਕਰਕੇ ਨਵਜੋਤ ਸਿੰਘ ਸਿੱਧੂ ਨੂੰ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ। ਉਹਨਾਂ ਲਿਖਿਆ, “ਪੰਜਾਬ ਪ੍ਰਦੇਸ਼ ਕਾਂਗਰਸ ਦਾ ਪ੍ਰਧਾਨ ਬਣਨ ‘ਤੇ ਨਵਜੋਤ ਸਿੰਘ ਸਿੱਧੂ ਵੀਰ ਨੂੰ ਢੇਰ ਸ਼ੁਭਕਾਮਨਾਵਾਂ। ਸਿੱਧੂ ਸਰਦਾਰ ਗਰਜਦੇ ਵੀ ਹਨ ਅਤੇ ਬਰਸਦੇ ਵੀ ਹਨ। ਠੋਕੋ ਗੁਰੂ ਠੋਕੋ…ਖਟੈਕ!”
पंजाब प्रदेश कांग्रेस @INCPunjab के अध्यक्ष बन्ने पर @sherryontopp वीर को ढेरों शुभकामनाएँ!#SidhuSardar गरजते भी हैं और बरसते भी!
ठोको गुरु ठोको.. खटैक! pic.twitter.com/SHuLQM6g2p
— Amarinder Singh Raja (@RajaBrar_INC) July 18, 2021
ਕਾਬਿਲੇਗੌਰ ਹੈ ਕਿ ਨਵਜੋਤ ਸਿੰਘ ਸਿੱਧੂ ਨੇ ਸ਼ਨੀਵਾਰ ਨੂੰ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਸਣੇ ਕਈ ਪਾਰਟੀ ਵਿਧਾਇਕਾਂ ਅਤੇ ਮੰਤਰੀਆਂ ਨਾਲ ਮੁਲਾਕਾਤ ਕੀਤੀ ਸੀ। ਇਹਨਾਂ ਮੁਲਾਕਾਤਾਂ ਦੀਆਂ ਜੋ ਤਸਵੀਰਾਂ ਸਿੱਧੂ ਨੇ ਸ਼ੇਅਰ ਕੀਤੀਆਂ ਸਨ, ਉਹਨਾਂ ‘ਚ ਰਾਜਾ ਵੜਿੰਗ ਹਾਈਕਮਾਂਡ ਦੇ ਸੰਭਾਵੀ ਫ਼ੈਸਲੇ ਨੂੰ ਲੈ ਕੇ ਬੇਹੱਦ ਖੁਸ਼ ਨਜ਼ਰ ਆ ਰਹੇ ਸਨ।
