ਬਿਓਰੋ। ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਪੰਜਾਬ ਵਿੱਚ ਗੰਨੇ ਦੇ ਭਾਅ ਅਤੇ ਬਕਾਇਆ ਰਾਸ਼ੀ ਦਾ ਮਾਮਲਾ ਸਿਆਸੀ ਤੌਰ ‘ਤੇ ਤੂਲ ਫੜਦਾ ਜਾ ਰਿਹਾ ਹੈ। ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਗੰਨਾ ਕਿਸਾਨਾਂ ਦੇ ਬਹਾਨੇ ਆਪਣੀ ਹੀ ਸਰਕਾਰ ‘ਤੇ ਸਵਾਲ ਚੁੱਕ ਦਿੱਤੇ ਹਨ। ਸਿੱਧੂ ਨੇ ਲਗਾਤਾਰ ਦੂਜੇ ਦਿਨ ਟਵੀਟ ਕਰਕੇ ਆਪਣੀ ਹੀ ਸਰਕਾਰ ਨੂੰ ਕਟਹਿਰੇ ‘ਤੇ ਲਿਆ ਕੇ ਖੜ੍ਹਾ ਕਰ ਦਿੱਤਾ ਹੈ।
ਸਿੱਧੂ ਨੇ ਟਵੀਟ ਕਰਕੇ ਕਿਹਾ ਕਿ ”ਗੰਨਾ ਕਾਸ਼ਤਕਾਰਾਂ ਲਈ ਰਾਜ ਵੱਲੋਂ ਸੁਝਾਇਆ ਜਾਂਦਾ ਭਾਅ (SAP) 2018 ਤੋਂ ਨਹੀਂ ਵਧਿਆ ਜਦਕਿ ਲਾਗਤ 30 % ਤੱਕ ਵਧ ਗਈ ਹੈ। ‘ਪੰਜਾਬ ਮਾਡਲ’ ਦਾ ਮਤਲਬ ਵਾਜਿਬ ਕੀਮਤਾਂ, ਮੁਨਾਫ਼ੇ ਦੀ ਬਰਾਬਰ ਵੰਡ, ਫ਼ਸਲੀ ਵਿਭਿੰਨਤਾ, ਉਤਪਾਦਨ ਅਤੇ ਉਤਪਾਦਨ ਪ੍ਰਕਿਰਿਆ ਲਈ ਲਾਹੇਵੰਦ ਨੀਤੀਆਂ ਬਣਾ ਕੇ ਕਾਸ਼ਤਕਾਰਾਂ ਅਤੇ ਮਿੱਲਾਂ ਨੂੰ ਹੋਰ ਮੁਨਾਫ਼ਾ ਪਹੁੰਚਾਉਣ ਦਾ ਪ੍ਰਬੰਧ ਕਰਨਾ ਹੈ”।
Sugarcane farmers SAP has not increased since 2018, whereas input cost has increased by over 30%. Punjab model means policy interventions giving fair prices, equitable share in profits, diversification in production & processing to give more profits to both farmers & sugar mill.
— Navjot Singh Sidhu (@sherryontopp) August 24, 2021
ਇੱਕ ਦੂਜੇ ਟਵੀਟ ‘ਚ ਸਿੱਧੂ ਨੇ ਕਿਹਾ, “ਰਾਜ ਵੱਲੋਂ ਸੁਝਾਇਆ ਜਾਂਦਾ ਭਾਅ (SAP) ਕਾਸ਼ਤਕਾਰਾਂ ਦੀ ਮੰਗ ਮੁਤਾਬਿਕ ਤੁਰੰਤ ਵਧਾਉਣਾ ਚਾਹੀਦਾ ਹੈ ਅਤੇ ਬਕਾਇਆ ਰਕਮ ਵੀ ਜਲਦ ਅਦਾ ਹੋਣੀ ਚਾਹੀਦੀ ਹੈ। ਨਾਲ ਹੀ ਸੂਗਰ ਮਿੱਲਾਂ ਅਤੇ ਕਾਸ਼ਤਕਾਰਾਂ ਦਾ ਮੁਨਾਫ਼ਾ ਵਧਾਉਣ ਲਈ ਵਧੇਰੇ ਉਤਪਾਦਕਤਾ ਅਤੇ ਇਸ ਤੋਂ ਅੱਗੇ ਬਣਦੇ ਕੀਮਤੀ ਪਦਾਰਥ ਜਿਵੇਂ ਐਥੋਨਾਲ, ਜੈਵਿਕ ਬਾਲਣ ਅਤੇ ਬਿਜਲੀ ਆਦਿ ਦੇ ਉਤਪਾਦਨ ਵਾਸਤੇ ਖੰਡ ਮਿੱਲਾਂ ਦਾ ਆਧੁਨਿਕੀਕਰਨ ਵੀ ਕਰਨਾ ਚਾਹੀਦਾ ਹੈ।”
SAP should be immediately hiked as per farmers demands & pending dues should be released. Along with Modernization of Sugar Mills for higher productivity & production of high-value byproducts (ethanol, biofuel & electricity) for boosting profits of both Farmers and Sugar Mills.
— Navjot Singh Sidhu (@sherryontopp) August 24, 2021
ਇਸ ਤੋਂ ਪਹਿਲਾਂ ਕੱਲ੍ਹ ਵੀ ਇੱਕ ਟਵੀਟ ਕਰਕੇ ਸਿੱਧੂ ਨੇ ਆਪਣੀ ਹੀ ਸਰਕਾਰ ‘ਤੇ ਸਵਾਲ ਖੜ੍ਹੇ ਕੀਤੇ ਸਨ। ਸਿੱਧੂ ਨੇ ਕਿਹਾ ਸੀ, “ਗੰਨਾ ਕਾਸ਼ਤਕਾਰਾਂ ਦਾ ਮਸਲਾ ਅਮਨ-ਅਮਾਨ ਨਾਲ ਤੁਰੰਤ ਹੱਲ ਹੋਣਾ ਚਾਹੀਦਾ ਹੈ। ਹੈਰਾਨੀਜਨਕ ਹੈ ਕਿ ਪੰਜਾਬ ਵਿੱਚ ਬਿਜਾਈ ਦੀ ਲਾਗਤ ਜਿਆਦਾ ਹੋਣ ਦੇ ਬਾਵਜੂਦ ਰਾਜ ਵੱਲੋਂ ਸੁਝਾਇਆ ਜਾਂਦਾ ਭਾਅ (SAP) ਹਰਿਆਣਾ, ਉੱਤਰ ਪ੍ਰਦੇਸ਼ ਅਤੇ ਉੱਤਰਾਖੰਡ ਤੋਂ ਬਹੁਤ ਘੱਟ ਹੈ। ਖੇਤੀ ਦਾ ਚਾਨਣ ਮੁਨਾਰਾ ਹੋਣ ਦੇ ਨਾਤੇ ਪੰਜਾਬ ਵਿੱਚ ਗੰਨੇ ਦਾ ਰਾਜ ਵੱਲੋਂ ਸੁਝਾਇਆ ਜਾਂਦਾ ਭਾਅ (SAP) ਇਨ੍ਹਾਂ ਤਿੰਨ ਰਾਜਾਂ ਤੋਂ ਵੱਧ ਹੋਣਾ ਚਾਹੀਦਾ ਹੈ।”
The sugarcane farmers issue needs to be immediately resolved amicably …. Strange that despite the higher cost of cultivation in Punjab the state assured price is too low as compared to Haryana / UP / Uttarakhand. As torchbearer of agriculture, the Punjab SAP should be better !
— Navjot Singh Sidhu (@sherryontopp) August 23, 2021
ਚਾਰ ਦਿਨਾਂ ਤੋਂ ਧਰਨੇ ‘ਤੇ ਕਿਸਾਨ
ਦੱਸ ਦਈਏ ਕਿ ਆਪਣੀਆਂ ਮੰਗਾਂ ਨੂੰ ਲੈ ਕੇ ਗੰਨਾ ਕਿਸਾਨ ਪਿਛਲੇ 4 ਦਿਨਾਂ ਤੋਂ ਜਲੰਧਰ ਵਿੱਚ ਰੇਲਵੇ ਲਾਈਨ ਅਤੇ ਨੈਸ਼ਨਲ ਹਾਈਵੇ ਨੰਬਰ-1 ‘ਤੇ ਧਰਨੇ ‘ਤੇ ਬੈਠੇ ਹਨ। ਕਿਸਾਨਾਂ ਦੇ ਧਰਨੇ ਦੇ ਚੱਲਦੇ ਰੇਲ ਆਵਾਜਾਈ ਪੂਰੀ ਤਰ੍ਹਾਂ ਠੱਪ ਪਈ ਹੈ। ਲੁਧਿਆਣਾ-ਜੰਮੂ ਅਤੇ ਲੁਧਿਆਣਾ-ਅੰਮ੍ਰਿਤਸਰ ਰੂਟ ‘ਤੇ ਫਿਲਹਾਲ ਕੋਈ ਟਰੇਨ ਨਹੀਂ ਚੱਲ ਰਹੀ ਹੈ।
ਕਿਸਾਨਾਂ ਨਾਲ ਸਰਕਾਰ ਦੀ ਗੱਲਬਾਤ ਜਾਰੀ
ਗੰਨਾ ਕਿਸਾਨਾਂ ਦੇ ਮੁੱਦੇ ‘ਤੇ ਪੰਜਾਬ ਸਰਕਾਰ ਹਰਕਤ ‘ਚ ਹੈ। ਕਿਸਾਨਾਂ ਨੂੰ ਮਨਾਉਣ ਲਈ ਐਤਵਾਰ ਨੂੰ ਕੈਬਨਿਟ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦੀ ਚੰਡੀਗੜ੍ਹ ‘ਚ ਗੰਨਾ ਕਿਸਾਨਾਂ ਦੇ ਵਫਦ ਨਾਲ ਬੈਠਕ ਹੋਈ। ਇਸ ਬੈਠਕ ਵਿੱਚ ਗੰਨਾ ਕਿਸਾਨਾਂ ਦੇ ਬਕਾਇਆ ਰਾਸ਼ੀ ਦੇ ਭੁਗਤਾਨ ‘ਤੇ ਤਾਂ ਸਹਿਮਤੀ ਬਣ ਗਈ, ਪਰ ਗੰਨੇ ਦਾ ਭਾਅ ਵਧਾਉਣ ‘ਤੇ ਗੱਲ ਨਹੀਂ ਬਣੀ। ਹੁਣ आज दोपहर बाद ਸੀਐੱਮ ਦੇ ਨਾਲ ਗੰਨਾ ਕਿਸਾਨਾਂ ਦੀ ਬੈਠਕ ਹੋਵੇਗੀ। ਕਿਸਾਨਾਂ ਦਾ ਕਹਿਣਾ ਹੈ ਕਿ ਸੀਐੱਮ ਨਾਲ ਬੈਠਕ ‘ਚ ਗੱਲ ਨਾ ਬਣੀ, ਤਾਂ ਪੂਰੇ ਪੰਜਾਬ ‘ਚ ਚੱਕਾ ਜਾਮ ਕੀਤਾ ਜਾਵੇਗਾ।
ਕੀ ਹਨ ਗੰਨਾ ਕਿਸਾਨਾਂ ਦੀਆਂ ਮੰਗਾਂ?
ਪੰਜਾਬ ਦੇ ਗੰਨਾ ਕਿਸਾਨਾਂ ਦੀ ਮੰਗ ਹੈ ਕਿ ਸਰਕਾਰ ਨਿੱਜੀ ਅਤੇ ਸਹਿਕਾਰੀ ਚੀਨੀ ਮਿੱਲਾਂ ਵੱਲ ਗੰਨਾ ਉਤਪਾਦਕਾਂ ਦਾ ਬਕਾਇਆ 200 ਕਰੋੜ ਰੁਪਏ ਤੁਰੰਤ ਜਾਰੀ ਕਰੇ ਅਤੇ ਗੰਨੇ ਦਾ ਭਾਅ 400 ਰੁਪਏ ਪ੍ਰਤੀ ਕੁਇੰਟਲ ਕੀਤਾ ਜਾਵੇ। ਗੰਨਾ ਕਿਸਾਨਾਂ ਦੀ ਦਲੀਲ ਹੈ ਕਿ ਗੁਆਂਢੀ ਸੂਬਿਆਂ ‘ਚ ਗੰਨੇ ਦੀ ਕੀਮਤ ਪੰਜਾਬ ਦੀ ਤੁਲਨਾ ‘ਚ ਬੇਹੱਦ ਘੱਟ ਹੈ। ਦੱਸ ਦਈਏ ਕਿ ਪੰਜਾਬ ‘ਚ ਫਿਲਹਾਲ ਗੰਨੇ ਦਾ ਰੇਟ 325 ਰੁਪਏ ਪ੍ਰਤੀ ਕੁਇੰਟਲ ਹੈ, ਜਦਕਿ ਹਰਿਆਣਾ ‘ਚ ਇਸਦਾ ਰੇਟ 350 ਰੁਪਏ ਤੋਂ ਵੱਧ ਹੈ।
