ਮੋਹਾਲੀ। ਡਰੱਗਜ਼ ਦੇ ਕਾਰੋਬਾਰੀ ਦੇਸ਼ ਦੀ ਨੌਜਵਾਨੀ ਬਰਬਾਦ ਕਰਨ ਲਈ ਕਿਸ ਹੱਦ ਤੱਕ ਜਾ ਸਕਦੇ ਹਨ, ਇਸਦੀ ਤਾਜ਼ਾ ਮਿਸਾਲ ਸ਼ਨੀਵਾਰ ਨੂੰ ਸਾਹਮਣੇ ਆਈ, ਜਦੋੰ ਪੰਜਾਬ ਪੁਲਿਸ ਨੇ ਐੰਬੂਲੈੰਸ ਦੀ ਆੜ ਵਿੱਚ ਚੱਲ ਰਹੇ ਅੰਤਰ-ਰਾਜੀ ਨਾਰਕੋਟਿਕਸ ਸਮੱਗਲਿੰਗ ਗਿਰੋਹ ਦਾ ਪਰਦਾਫਾਸ਼ ਕੀਤਾ। ਨਾਲ ਹੀ 2 ਮੁਲਜ਼ਮਾੰ ਨੂੰ 8 ਕਿੱਲੋ ਅਫੀਮ ਸਮੇਤ ਕਾਬੂ ਕੀਤਾ ਹੈ।
ਦਰਅਸਲ, ਮੋਹਾਲੀ ਪੁਲਿਸ ਵੱਲੋੰ ਨਸ਼ਿਆਂ ਵਿਰੁੱਧ ਚਲਾਈ ਸ਼ਪੈਸ਼ਲ ਮੁਹਿੰਮ ਦੌਰਾਨ ਸ਼ਨੀਵਾਰ ਨੂੰ ਅੰਬਾਲਾ-ਚੰਡੀਗੜ ਹਾਈਵੇ ਪਿੰਡ ਦਪੁਰ ਨੇੜੇ ਟੋਲ ਪਲਾਜਾ ਸ਼ਪੈਸ਼ਲ ਨਾਕਾਬੰਦੀ ਕੀਤੀ ਗਈ ਸੀ। ਚੈਕਿੰਗ ਦੌਰਾਨ ਪੁਲਿਸ ਨੇ ਅੰਬਾਲਾ ਸਾਈਡ ਤੋੰ ਆ ਰਹੀ ਇੱਕ ਐਂਬੂਲੈਸ ਵੈਨ ਨੂੰ ਰੋਕਿਆ, ਜਿਸ ਵਿੱਚ ਇੱਕ ਵਿਅਕਤੀ ਸਚਰ ਨੁਮਾ ਸੀਟ ‘ਤੇ ਮਰੀਜ਼ ਦੀ ਤਰ੍ਹਾਂ ਲੰਮਾ ਪਿਆ ਸੀ। ਦੂਸਰਾ ਵਿਅਕਤੀ ਉਸ ਨਾਲ ਉਸ ਦੀ ਦੇਖਭਾਲ ਲਈ ਬੈਠਾ ਹੋਇਆ ਸੀ ਅਤੇ ਇੱਕ ਡਰਾਈਵਰ ਸੀਟ ‘ਤੇ ਬੈਠਾ ਸੀ। ਪਰ ਐਬੂਲੈਸ ਵੈਨ ਵਿੱਚ ਮੈਡੀਕਲ ਟੀਮ ਦਾ ਕੋਈ ਮੈਂਬਰ ਮੌਜੂਦ ਨਹੀੰ ਸੀ। ਨਾ ਹੀ ਕੋਈ ਆਕਸੀਜਨ ਸਿਲੰਡਰ, ਫਰਸਟ-ਏਡ ਕਿਟ ਮੌਜੂਦ ਸੀ, ਜਿਸਦੇ ਚਲਦੇ ਸ਼ੱਕ ਪੈਣ ‘ਤੇ ਐਂਬੂਲੈਸ ਵੈਨ ਨੂੰ ਚੈੱਕ ਕੀਤਾ ਗਿਆ। ਇਸ ਦੌਰਾਨ ਮਰੀਜ ਦਾ ਢੌੰਗ ਰੱਚ ਕੇ ਲੰਮਾ ਪਏ ਵਿਅਕਤੀ ਦੇ ਸਿਰ ਥੱਲੇ ਲਏ ਹੋਏ ਸਿਰਾਨੇ (ਤੱਕੀਆ) ਦੀ ਤਲਾਸ਼ੀ ਕਰਨ ‘ਤੇ ਉਸ ਵਿੱਚ ਕੁਲ 8 ਕਿੱਲੋਗ੍ਰਾਮ ਅਫੀਮ ਬਰਾਮਦ ਹੋਈ। ਪੁਲਿਸ ਨੇ ਤਿੰਨਾੰ ਵਿਅਕਤੀਆੰ ਖਿਲਾਫ਼ NDPS ਐਕਟ ਦੇ ਤਹਿਤ ਮੁਕੱਦਮਾ ਦਰਜ ਕਰ ਲਿਆ ਹੈ ਅਤੇ ਪੁੱਛਗਿੱਛ ਦੌਰਾਨ ਕਈ ਅਹਿਮ ਖੁਲਾਸੇ ਹੋਣ ਦੀ ਉਮੀਦ ਹੈ।
ਗ੍ਰਿਫਤਾਰ ਦੋਸ਼ੀ:
1) ਰਵੀ ਸ਼੍ਰੀਵਾਸਤਵ ਪੁੱਤਰ ਰਾਕੇਸ਼ ਬਾਬੂ ਵਾਸੀ ਪਿੰਡ ਧਾਮੋਰਾ ਨੇੜੇ ਪੁਲਿਸ ਚੌਂਕੀ, ਥਾਣਾ ਸ਼ਹਿਜਾਦਨਗਰ, ਜ਼ਿਲ੍ਹਾ ਰਾਮਪੁਰ (ਯੂ.ਪੀ) ਹਾਲ ਵਾਸੀ ਕਿਰਾਏਦਾਰ ਰਾਮਦਰਬਾਰ, ਚੰਡੀਗੜ ਉਮਰ ਕਰੀਬ 28 ਸਾਲ
2) ਹਰਿੰਦਰ ਸ਼ਰਮਾ ਪੁੱਤਰ ਰਾਮ ਕਰਨ ਵਾਸੀ ਨੇੜੇ ਸਰਕਾਰੀ ਸਕੂਲ ਪਿੰਡ ਨਵਾਗਾਓ ਜ਼ਿਲ੍ਹਾ ਐਸ.ਏ.ਐਸ. ਨਗਰ ਉਮਰ ਕਰੀਬ 47 ਸਾਲ
3) ਅੰਕੁਸ਼ ਪੁੱਤਰ ਪਰਮਜੀਤ ਵਾਸੀ ਨੇੜੇ ਆਟਾ ਚੱਕੀ ਪਿੰਡ ਖੁੱਡਾ ਅਲੀ ਸ਼ੇਰ, ਚੰਡੀਗੜ ਉਮਰ ਕਰੀਬ 27 ਸਾਲ
ਬਰਾਮਦਗੀ:- 1) ਅਫੀਮ -8 ਕਿਲੋਗ੍ਰਾਮ
2) ਇੱਕ ਐਬੂਲੈਸ ਮਾਰੂਤੀ ਵੈਨ ਨੰਬਰ GH01-TA-2309
ਗ੍ਰਿਫਤਾਰੀ ਦੀ ਥਾਂ :- ਅੰਬਾਲਾ-ਚੰਡੀਗੜ ਹਾਈਵੇ ਪਿੰਡ ਦੱਪਰ ਨੇੜੇ ਟੋਲ ਪਲਾਜਾ
ਗ੍ਰਿਫਤਾਰੀ ਦਾ ਸਮਾਂ:- 5:00 PM
ਹੁਣ ਤੱਕ ਸਮਗਲਿੰਗ ਕੀਤੀ ਗਈ:- ਕਰੀਬ 10/12 ਵਾਰ ਐਬੂਲੈਸ ਦੀ ਵਰਤੋਂ ਕਰਕੇ ਪ੍ਰਤੀ 8/10 ਕਿੱਲੋਗ੍ਰਾਮ ਅਫੀਮ
