September 9, 2022
(Bureau)
2024 ਵਿੱਚ ਹੋਣ ਵਾਲੀਆੰ ਲੋਕ ਸਭਾ ਚੋਣਾੰ ਦੇ ਮੱਦੇਨਜ਼ਰ ਪੰਜਾਬ ਬੀਜੇਪੀ ਵਿੱਚ ਨਵੀੰ ਜਾਨ ਫੂਕਣ ਦੀ ਕਵਾਇਦ ਸ਼ੁਰੂ ਹੋ ਗਈ ਹੈ। ਬੀਜੇਪੀ ਨੇ ਪਾਰਟੀ ਦੇ ਸੂਬਾ ਇੰਚਾਰਜ ਨੂੰ ਬਦਲ ਕੇ ਨਵੇੰ ਢਾੰਚੇ ਦੀ ਨੀੰਹ ਰੱਖ ਦਿੱਤੀ ਹੈ। ਦੁਸ਼ਯੰਤ ਗੌਤਮ ਦੀ ਥਾੰ ਹੁਣ ਗੁਜਰਾਤ ਦੇ ਸਾਬਕਾ ਸੀਐੱਮ ਵਿਜੈ ਰੁਪਾਣੀ ਨੂੰ ਪੰਜਾਬ ਬੀਜੇਪੀ ਦਾ ਇੰਚਾਰਜ ਲਾਇਆ ਗਿਆ ਹੈ। ਡਾ. ਨਰੇੰਦਰ ਸਿੰਘ ਰੈਣਾ ਨੂੰ ਸਹਿ-ਇੰਚਾਰਜ ਲਾਇਆ ਗਿਆ ਹੈ। ਰੁਪਾਣੀ ਨੂੰ ਚੰਡੀਗੜ੍ਹ ਦਾ ਵੀ ਜ਼ਿੰਮਾ ਸੌੰਪਿਆ ਗਿਆ ਹੈ।
ਤਰੁਣ ਚੁੱਘ ਦਾ ਵੀ ਵਧਿਆ ਕੱਦ
ਬੀਜੇਪੀ ਹਾਈਕਮਾੰਡ ਨੇ ਕੁੱਲ 15 ਸੂਬਿਆੰ ਵਿੱਚ ਨਵੇੰ ਇੰਚਾਰਜ ਲਾਏ ਹਨ। ਇਹਨਾੰ ਵਿੱਚ ਤਰੁਣ ਚੁੱਘ ਦਾ ਵੀ ਨਾੰਅ ਹੈ। ਚੁੱਘ ਨੂੰ ਤੇਲੰਗਾਨਾ ਦਾ ਇੰਚਾਰਜ ਲਾਇਆ ਗਿਆ ਹੈ। ਹਰਿਆਣਾ ਵਿੱਚ ਤ੍ਰਿਪੁਰਾ ਦੇ ਸਾਬਕਾ ਮੁੱਖ ਮੰਤਰੀ ਬਿਪਲਭ ਦੇਵ ਨੂੰ ਇੰਚਾਰਜ ਲਾਇਆ ਗਿਆ ਹੈ।
ਜਲਦ ਹੀ ਹੋਣਗੇ ਕਈ ਵੱਡੇ ਬਦਲਾਅ
ਇੰਚਾਰਜ ਬਦਲੇ ਜਾਣ ਤੋੰ ਬਾਅਦ ਹੁਣ ਪੰਜਾਬ ਬੀਜੇਪੀ ਵਿੱਚ ਕਈ ਹੋਰ ਵੱਡੇ ਬਦਲਾਅ ਹੋਣਾ ਵੀ ਤੈਅ ਮੰਨਿਆ ਜਾ ਰਿਹਾ ਹੈ। ਚਰਚਾ ਹੈ ਕਿ ਸੂਬਾ ਪ੍ਰਧਾਨ ਨੂੰ ਵੀ ਬਦਲਿਆ ਜਾ ਸਕਦਾ ਹੈ। ਕਾੰਗਰਸ ਤੋੰ ਬੀਜੇਪੀ ਵਿੱਚ ਆਏ ਆਗੂਆੰ ਖਾਸਕਰ ਸੁਨੀਲ ਜਾਖੜ ਨੂੰ ਪਾਰਟੀ ਵਿੱਚ ਅਹਿਮ ਜ਼ਿੰਮੇਵਾਰੀ ਦੇਣ ਦੀ ਤਿਆਰੀ ਹੈ।
