ਅੰਮ੍ਰਿਤਸਰ। ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਕਾੰਡ ਵਿੱਚ ਪੁਲਿਸ ਵੱਲੋੰ ਹੁਣ ਤੱਕ ਦੇ ਸਭ ਤੋੰ ਵੱਡੇ ਅਪਰੇਸ਼ਨ ਨੂੰ ਅੰਜਾਮ ਦਿੱਤਾ ਗਿਆ। ਕਰੀਬ 5 ਘੰਟੇ ਤੱਕ ਚੱਲੀ ਮੁਠਭੇੜ ਦੌਰਾਨ ਪੁਲਿਸ ਨੇ ਮੂਸੇਵਾਲਾ ‘ਤੇ ਗੋਲੀਆੰ ਚਲਾਉਣ ਵਾਲੇ 2 ਸ਼ਾਰਪ ਸ਼ੂਟਰਾੰ ਮਨਪ੍ਰੀਤ ਮੰਨੂੰ ਕੁੱਸਾ ਤੇ ਜਗਰੂਪ ਰੂਪਾ ਨੂੰ ਮਾਰ ਗਿਰਾਇਆ ਹੈ। ਇਸ ਮੁਠਭੇੜ ਦੌਰਾਨ 3 ਪੁਲਿਸ ਮੁਲਾਜ਼ਮ ਵੀ ਜ਼ਖਮੀ ਹੋਏ ਹਨ। ਨਾਲ ਹੀ ਮੁਠਭੇੜ ਦੀ ਕਵਰੇਜ ਕਰ ਰਹੇ ਇੱਕ ਪੱਤਰਕਾਰ ਨੂੰ ਵੀ ਗੋਲੀ ਲੱਗਣ ਦੀ ਖ਼ਬਰ ਹੈ।
ਪੁਲਿਸ ਮੁਤਾਬਕ, ਗੈੰਗਸਟਰਾੰ ਕੋਲ AK-47 ਮੌਜੂਦ ਸੀ, ਜਿਸਦੇ ਨਾਲ ਪੁਲਿਸ ‘ਤੇ ਫਾਇਰ ਕੀਤੇ ਜਾ ਰਹੇ ਸਨ। ਐੰਟੀ ਗੈੰਗਸਟਰ ਟਾਸਕ ਫੋਰਸ ਵੱਲੋੰ ਇਸ ਪੂਰੇ ਅਪਰੇਸ਼ਨ ਨੂੰ ਅੰਜਾਮ ਦਿੱਤਾ ਗਿਆ।
ਦੱਸ ਦਈਏ ਕਿ ਭਾਰਤ-ਪਾਕਿਸਤਾਨ ਸਰਹੱਦ ਤੋੰ 10 ਕਿੱਲੋਮੀਟਰ ਦੀ ਦੂਰੀ ‘ਤੇ ਪੈੰਦੇ ਪਿੰਡ ਭਕਨਾ ਕਲਾੰ ਵਿੱਚ ਇਹ ਮੁਠਭੇੜ ਹੋਈ ਹੈ। ਇਹ ਪਿੰਡ ਅਟਾਰੀ ਬਾਰਡਰ ਨੂੰ ਜਾੰਦੀ ਸੜਕ ‘ਤੇ ਪੈੰਦਾ ਹੈ। ਗੈੰਗਸਟਰ ਇਥੇ ਇੱਕ ਢਾਣੀ ਵਿੱਚ ਲੁਕੇ ਹੋਏ ਹਨ। ਜਾਣਕਾਰੀ ਮੁਤਾਬਕ, ਸ਼ੁਰੂਆਤੀ ਕਾਰਵਾਈ ਵਿੱਚ ਹੀ ਪੁਲਿਸ ਨੇ ਇੱਕ ਗੈੰਗਸਟਰ ਨੂੰ ਢੇਰ ਕਰ ਦਿੱਤਾ ਸੀ, ਪਰ ਦੂਜਾ ਗੈੰਗਸਟਰ ਜ਼ਖਮੀ ਹਾਲਤ ਵਿੱਚ ਢਾਣੀ ਦੇ ਅੰਦਰ ਲੁੱਕ ਗਿਆ, ਜਿਸ ਤੋੰ ਬਾਅਦ ਘੰਟਿਆੰ ਦੀ ਫਾਇਰਿੰਗ ਤੋੰ ਬਾਅਦ ਉਸ ਨੂੰ ਵੀ ਢੇਰ ਕਰ ਦਿੱਤਾ ਗਿਆ।
ਕਤਲ ਦੇ ਬਾਅਦ ਤੋੰ ਪੰਜਾਬ ‘ਚ ਹੀ ਸਨ ਸ਼ੂਟਰ
ਜ਼ਿਕਰਯੋਗ ਹੈ ਕਿ ਇਹ ਦੋਵੇੰ ਸ਼ੂਟਰ ਮੂਸੇਵਾਲਾ ਦੇ ਕਤਲ ਦੇ ਬਾਅਦ ਤੋੰ ਲਗਾਤਾਰ ਪੰਜਾਬ ਵਿੱਚ ਹੀ ਘੁੰਮ ਰਹੇ ਸਨ। ਸੂਤਰਾੰ ਮੁਤਾਬਕ, ਜੂਨ ਦੇ ਅਖੀਰ ਤੱਕ ਉਹ ਤਰਨਤਾਰਨ ਦੇ ਇੱਕ ਪਿੰਡ ਵਿੱਚ ਲੁਕੇ ਹੋਏ ਸਨ। ਗੈੰਗਸਟਰ ਤੂਫਾਨ ਨੇ ਇਹਨਾੰ ਨੂੰ ਆਪਣੇ ਫਾਰਮ ਹਾਊਸ ਵਿੱਚ ਪਨਾਹ ਦਿੱਤੀ ਹੋਈ ਸੀ। ਜਾਣਕਾਰੀ ਮੁਤਾਬਕ, ਗੈੰਗਸਟਰ ਰਈਆ ਵੀ ਇਥੇ ਹੀ ਮੌਜੂਦ ਸੀ।
ਇਸ ਤੋੰ ਬਾਅਦ 21 ਜੂਨ ਨੂੰ ਮੰਨੂੰ ਕੁੱਸਾ ਤੇ ਰੂਪਾ ਨੂੰ ਮੋਗਾ ਦੇ ਸਮਾਲਸਰ ਵਿੱਚ ਵੇਖਿਆ ਗਿਆ ਸੀ। ਦੋਵਾੰ ਦੀ ਚੋਰੀ ਦੀ ਬਾਈਕ ‘ਤੇ ਜਾੰਦਿਆੰ ਦੀ CCTV ਤਸਵੀਰਾੰ ਸਾਹਮਣੇ ਆਈਆੰ ਸਨ। CCTV ਦੀ ਇਹ ਫੁਟੇਜ 21 ਜੂਨ ਸਵੇਰੇ ਕਰੀਬ 6 ਵਜੇ ਸੀ। ਤਸਵੀਰਾੰ ਸਾਹਮਣੇ ਆਉਣ ਦੇ ਬਾਵਜੂਦ ਵੀ ਅਜੇ ਤੱਕ ਪੁਲਿਸ ਇਹਨਾੰ ਨੂੰ ਨਹੀੰ ਫੜ ਸਕੀ ਸੀ ਅਤੇ ਇਹ ਪੁਲਿਸ ਲਈ ਵੱਕਾਰ ਦਾ ਸਵਾਲ ਬਣ ਗਿਆ ਸੀ।
ਲਾਰੈੰਸ ਬਿਸ਼ਨੌਈ ਤੇ ਗੋਲਡੀ ਬਰਾੜ ਦਾ ਕਰੀਬੀ ਸੀ ਮੰਨੂੰ
ਇਹ ਵੀ ਕਾਬਿਲੇਗੌਰ ਹੈ ਕਿ ਸ਼ਾਰਪ ਸ਼ੂਟਰ ਮੰਨੂੰ ਕੁੱਸਾ ਗੈੰਗਸਟਰ ਲਾਰੈੰਸ ਬਿਸ਼ਨੌਈ ਅਤੇ ਉਸਦੇ ਕੈਨੇ਼ਡਾ ‘ਚ ਬੈਠੇ ਸਾਥੀ ਗੋਲਡੀ ਬਰਾੜ ਦਾ ਬੇਹੱਦ ਕਰੀਬੀ ਸੀ। 29 ਜੂਨ ਨੂੰ ਮੂਸੇਵਾਲਾ ਉੱਪਰ ਜੋ ਗੋਲੀਆੰ ਚਲਾਈਆੰ ਗਈਆੰ, ਉਸ ਦੌਰਾਨ ਪਹਿਲੀ ਗੋਲੀ ਮੰਨੂੰ ਨੇ ਹੀ ਮਾਰੀ ਸੀ।
