ਅੰਮ੍ਰਿਤਸਰ। ਪੰਜਾਬ ਕਾਂਗਰਸ ‘ਚ ਜਾਰੀ ਘਮਸਾਣ ਵਿਚਾਲੇ ਸ਼ਨੀਵਾਰ ਨੂੰ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅੰਮ੍ਰਿਤਸਰ ਪਹੁੰਚੇ। ਹਾਲਾਂਕਿ ਸੀਐੱਮ ਦਾ ਇਹ ਦੌਰਾ ਪੂਰੀ ਤਰ੍ਹਾਂ ਸਰਕਾਰੀ ਪ੍ਰੋਗਰਾਮਾਂ ਦੇ ਆਲੇ-ਦੁਆਲੇ ਹੈ, ਪਰ ਇਸ ਪਿੱਛੇ ਸਿਆਸੀ ਸੁਨੇਹਾ ਵੀ ਸਾਫ ਹੈ।
2 ਦਿਨਾਂ ਦੇ ਦੌਰੇ ‘ਤੇ ਅੰਮ੍ਰਿਤਸਰ ਪਹੁੰਚੇ ਸੀਐੱਮ ਕਈ ਸਰਕਾਰੀ ਪ੍ਰੋਗਰਾਮਾਂ ਵਿੱਚ ਸ਼ਾਮਲ ਹੋਏ, ਪਰ ਇਸ ਤੋਂ ਬਾਅਦ ਸਿਆਸੀ ਮੇਲ-ਮਿਲਾਪ ਦਾ ਦੌਰ ਸ਼ੁਰੂ ਹੋ ਗਿਆ।
ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਕਾਂਗਰਸੀ ਸਾਂਸਦ ਗੁਰਜੀਤ ਔਜਲਾ ਦੇ ਘਰ ਵੀ ਪਹੁੰਚੇ ਅਤੇ ਉਹਨਾਂ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ।
ਸੀਐੱਮ ਕੈਬਨਿਟ ਮੰਤਰੀ ਓਪੀ ਸੋਨੀ ਦੇ ਘਰ ਵੀ ਪਹੁੰਚੇ। ਇਸ ਦੌਰਾਨ ਕਾਂਗਰਸ ਦੇ ਕਈ ਸਥਾਨਕ ਆਗੂ ਸੋਨੀ ਦੇ ਘਰ ਮੌਜੂਦ ਸਨ।
ਨਾ ਸਿਰਫ਼ ਔਜਲਾ ਅਤੇ ਸੋਨੀ, ਬਲਕਿ ਅੰਮ੍ਰਿਤਸਰ ਤੋ ਆਉਣ ਵਾਲੇ ਤਮਾਮ ਕਾਂਗਰਸੀ ਸੀਐੱਮ ਦੇ ਨਾਲ ਨਜ਼ਰ ਆਏ। ਇਥੋਂ ਤੱਕ ਕਿ ਕੈਪਟਨ ਦੇ ਖਿਲਾਫ਼ ਮੋਰਚਾ ਖੋਲ੍ਹਣ ਵਾਲੇ ਮੰਤਰੀ ਤ੍ਰਿਪਤ ਰਜਿੰਦਰ ਸਿੰਘ ਬਾਜਵਾ ਅਤੇ ਸੁਖ ਸਰਕਾਰੀਆ ਵੀ ਕੈਪਟਨ ਦੇ ਨਾਲ ਪ੍ਰੋਗਰਾਮ ‘ਚ ਸ਼ਾਮਲ ਹੋਏ।
ਕੈਪਟਨ ਦੀ ਅੰਮ੍ਰਿਤਸਰ ਫੇਰੀ ਦੇ ਪਹਿਲੇ ਦਿਨ ਸਿਰਫ ਨਵਜੋਤ ਸਿੰਘ ਸਿੱਧੂ ਗਾਇਬ ਰਹੇ। ਨਾ ਸਿਰਫ ਗਾਇਬ ਰਹੇ, ਬਲਕਿ ਟਵਿਟਰ ‘ਤੇ ਉਹਨਾਂ ਨੇ ਸਰਕਾਰ ‘ਤੇ ਹਮਲੇ ਵੀ ਜਾਰੀ ਰੱਖੇ। ਸਿੱਧੂ ਨੇ ਇੱਕ ਵਾਰ ਫਿਰ ਡਰੱਗਜ਼ ਦੇ ਮੁੱਦੇ ਨੂੰ ਲੈ ਕੇ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਖਿਲਾਫ਼ ਐਕਸ਼ਨ ਨਾ ਲਏ ਜਾਣ ਨੂੰ ਲੈ ਕੇ ਆਪਣੀ ਸਰਕਾਰ ਦੀ ਨੀਅਤ ‘ਤੇ ਸਵਾਲ ਚੁੱਕੇ।
High Court while accepting the preponement plea questioned Govt’s inaction in Drug Case against Majithia, stating Court never put a stay on investigation than why did Govt not act in 2.5 year since STF Report? Govt must act as Court hears case next on 27 August … Looking Forward https://t.co/WgkmVWHK0O pic.twitter.com/2cRSLQMX6g
— Navjot Singh Sidhu (@sherryontopp) August 14, 2021
ਕਾਬਿਲੇਗੌਰ ਹੈ ਕਿ 5 ਸਾਲਾਂ ‘ਚ ਇਹ ਸ਼ਾਇਦ ਪਹਿਲਾ ਅਜਿਹਾ ਮੌਕਾ ਹੈ, ਜਦੋਂ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ 2 ਦਿਨਾਂ ਦੇ ਅੰਮ੍ਰਿਤਸਰ ਦੌਰੇ ‘ਤੇ ਹਨ ਅਤੇ ਮੰਤਰੀਆਂ-ਵਿਧਾਇਕਾਂ ਨਾਲ ਨਿੱਜੀ ਤੌਰ ‘ਤੇ ਮੁਲਾਕਾਤਾਂ ਕਰ ਰਹੇ ਹਨ। ਇਸ਼ਾਰਾ ਸਾਫ ਹੈ ਕਿ ਕੈਪਟਨ, ਨਵਜੋਤ ਸਿੰਘ ਸਿੱਧੂ ਨੂੰ ਉਹਨਾਂ ਦੇ ਹੀ ਅੰਦਾਜ਼ ‘ਚ ਜਵਾਬ ਦੇਣਾ ਚਾਹੁੰਦੇ ਹਨ
