October 11, 2022
ਤਰਨਤਾਰਨ ਵਿੱਚ ਦਿਨ-ਦਿਹਾੜੇ ਇੱਕ ਕੱਪੜਾ ਵਪਾਰੀ ਦਾ ਦੁਕਾਨ ਵਿੱਚ ਵੜ ਕੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਜਾਣਕਾਰੀ ਮੁਤਾਬਕ, ਦੋ ਬਾਈਕ ਸਵਾਰ ਦੁਕਾਨ ‘ਤੇ ਆਏ ਤੇ ਕੱਪੜਾ ਵਿਖਾਉਣ ਲਈ ਕਿਹਾ। ਜਦੋਂ ਉਹ ਕੱਪੜਾ ਵਿਖਾਉਣ ਲੱਗਿਆ, ਤਾਂ ਉਸ ਨੂੰ ਗੋਲੀਆਂ ਮਾਰ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ।
ਵਾਰਦਾਤ ਤੋਂ ਬਾਅਦ ਦੋਵੇਂ ਮੁਲਜ਼ਮ ਫ਼ਰਾਰ ਹੋ ਗਏ। ਪੂਰੀ ਵਾਰਦਾਤ CCTV ਵਿੱਚ ਕੈਦ ਹੋ ਗਈ। CCTV ਦੇ ਅਧਾਰ ‘ਤੇ ਪੁਲਿਸ ਮੁਲਜ਼ਮਾਂ ਦਾ ਪਤਾ ਲਗਾਉਣ ਵਿੱਚ ਜੁਟ ਗਈ ਹੈ।
ਕਤਲ ਦੇ ਪਿੱਛੇ ਗੈਂਗਸਟਰਾਂ ਦਾ ਹੱਥ
ਮਾਰੇ ਗਏ ਕੱਪੜਾ ਵਪਾਰੀ ਦਾ ਨਾਂਅ ਗੁਰਜੰਟ ਸਿੰਘ ਸੀ। ਗੁਰਜੰਟ ਦੇ ਪਰਿਵਾਰ ਮੁਤਾਬਕ, ਗੈਂਗਸਟਰ ਲਖਬੀਰ ਲੰਡਾ ਵੱਲੋਂ ਪਿਛਲੇ ਕੁਝ ਦਿਨਾਂ ਤੋਂ 20 ਲੱਖ ਰੁਪਏ ਦੀ ਰੰਗਦਾਰੀ ਮੰਗੀ ਜਾ ਰਹੀ ਸੀ ਅਤੇ ਰੰਗਦਾਰੀ ਨਾਂ ਮਿਲਣ ‘ਤੇ ਕਤਲ ਦੀ ਧਮਕੀ ਦੇ ਰਹੇ ਸਨ।
ਵਿਰੋਧੀਆਂ ਨੇ ਪੰਜਾਬ ਸਰਕਾਰ ਨੂੰ ਘੇਰਿਆ
ਦਿਨ-ਦਿਹਾੜੇ ਹੋਏ ਕਤਲ ਦੀ ਇਸ ਵਾਰਦਾਤ ਤੋਂ ਬਾਅਦ ਕਾਨੂੰਨ-ਵਿਵਸਥਾ ਦੇ ਨਾਂਅ ‘ਤੇ ਮਾਨ ਸਰਕਾਰ ਇੱਕ ਵਾਰ ਫਿਰ ਵਿਰੋਧੀਆਂ ਦੇ ਨਿਸ਼ਾਨੇ ‘ਤੇ ਆ ਗਈ ਹੈ। ਅਕਾਲੀ ਆਗੂ ਬਿਕਰਮ ਮਜੀਠੀਆ ਨੇ ਟਵੀਟ ਕਰਕੇ ਸਰਕਾਰ ‘ਤੇ ਨਿਸ਼ਾਨਾ ਸਾਧਿਆ।
ਮਜੀਠੀਆ ਨੇ ਲਿਖਿਆ, “20 ਲੱਖ ਰੁਪਏ ਫਿਰੌਤੀ ਨਾ ਦੇਣ ਕਾਰਨ ਤਰਨਤਾਰਨ ਵਿਚ ਕਪੜਾ ਵਪਾਰੀ ਦਾ ਗੋਲੀਆਂ ਮਾਰ ਕੇ ਕਤਲ!!ਦਿਨ ਬ ਦਿਨ ਪੰਜਾਬ ਦੀ ਕਾਨੂੰਨ ਅਵੱਸਥਾ ਵਿਗੜ ਰਹੀ ਹੈ ਅਤੇ ਪੰਜਾਬ ਦੇ ਮੁੱਖ ਮੰਤਰੀ Bhagwant Mann ਗੁਜਰਾਤ ਜਾ ਕੇ ਗੱਲਾਂ ਦੇ ਪਹਾੜ ਸਿਰਜ ਰਹੇ ਹਨ। ਕੀ ਇਹ ਬਦਲਾਵ ਹੈ ? ਜਾਂ ਰੰਗਲਾ ਪੰਜਾਬ ? ਗੁਜਰਾਤ ‘ਚ ਗਰਬੇ ਕਰਨੇ ਛੱਡੋ ਤੇ ਪੰਜਾਬ ਚ ਧਿਆਨ ਦਿੳ।”
This is the state of law & order of the ‘Badlav Wali” Aam Aadmi sarkar. Another innocent done to death becoz he refused to pay extortion money to gangsters at Tarn Taran. @AAPPunjab @BhagwantMann @PunjabPoliceInd @PunjabGovtIndia @DGPPunjabPolice pic.twitter.com/CG30hdNBlr
— Bikram Singh Majithia (@bsmajithia) October 11, 2022
BJP ਆਗੂ ਮਨਜਿੰਦਰ ਸਿਰਸਾ ਨੇ ਕਿਹਾ ਕਿ “ਜਦੋਂ ਸੀਐੱਮ ਦੂਰ ਹੋਣਗੇ, ਗੈਂਗਸਟਰ ਖੇਡਣਗੇ। ਪੰਜਾਬ ‘ਚ ਕਾਨੂੰਨ ਵਿਵਸਥਾ ਪੂਰੀ ਤਰ੍ਹਾਂ ਖ਼ਰਾਬ। ਤਰਨਤਾਰਨ ‘ਚ ਗੈਂਗਸਟਰਾਂ ਨੇ ਦਿਨ-ਦਿਹਾੜੇ ਇੱਕ ਨੌਜਵਾਨ ਨੂੰ ਮਾਰ ਦਿੱਤਾ ਤੇ ਬੇਸਹਾਰਾ ਮਾਪੇ ਇਨਸਾਫ਼ ਲਈ ਰੋ ਰਹੇ ਹਨ। ਉਹਨਾਂ ਕਿਹਾ, “ਭਗਵੰਤ ਮਾਨ ਜੀ, ਕਿਰਪਾ ਕਰਕੇ ਕੇਜਰੀਵਾਲ ਦੇ ਨਕਸ਼ੇ ਕਦਮਾਂ ‘ਤੇ ਚੱਲਣਾ ਬੰਦ ਕਰੋ। ਉਹ ਪੰਜਾਬ ਨੂੰ ਤਬਾਹ ਕਰ ਦੇਣਗੇ ਅਤੇ ਇਲਜ਼ਾਮ ਤੁਹਾਡੇ ਸਿਰ ਆਵੇਗਾ।”
When the CM is away
Gangsters will play!
Total collapse of law & order: Gangsters killed a young man in board daylight in Tarn Taran & helpless parents are crying for justice.@BhagwantMann Ji pls stop following Kejriwal’s footsteps. He wud ruin Punjab & blame would come onto you pic.twitter.com/S0vQvfr3ep— Manjinder Singh Sirsa (@mssirsa) October 11, 2022
