ਚੰਡੀਗੜ੍ਹ। ਪੰਜਾਬ ਕਾੰਗਰਸ ਦੇ ਲੀਡਰਾੰ ਖਿਲਾਫ਼ ਵਿਜੀਲੈੰਸ ਜਾੰਚ ਦੀਆੰ ਖ਼ਬਰਾੰ ਵਿਚਾਲੇ ਸੋਮਵਾਰ ਨੂੰ ਕਾੰਗਰਸੀ ਆਗੂਆੰ ਨੇ ਵਿਜੀਲੈੰਸ ਦਫ਼ਤਰ ਦੇ ਬਾਹਰ ਵੱਡੇ ਪੱਧਰ ‘ਤੇ ਪ੍ਰਦਰਸ਼ਨ ਕੀਤਾ। ਪਰ ਇਸ ਪ੍ਰਦਰਸ਼ਨ ਤੋੰ ਪਹਿਲਾੰ ਕਾੰਗਰਸ ਪਾਰਟੀ ਅੰਦਰ ਹੀ ਘਮਸਾਣ ਖੜ੍ਹਾ ਹੁੰਦਾ ਨਜ਼ਰ ਹੋਇਆ, ਜਦੋੰ ਵਿਧਾਨ ਸਭਾ ‘ਚ ਵਿਰੋਧੀ ਧਿਰ ਦੇ ਲੀਡਰ ਪ੍ਰਤਾਪ ਸਿੰਘ ਬਾਜਵਾ ਨੂੰ ਪੰਜਾਬ ਕਾੰਗਰਸ ਭਵਨ ‘ਚ ਐੰਟਰੀ ਨਹੀੰ ਦਿੱਤੀ ਗਈ। ਨਤੀਜਾ ਇਹ ਹੋਇਆ ਕਿ ਬਾਜਵਾ ਬੈਰੰਗ ਵਾਪਸ ਮੁੜ ਗਏ।
ਦਰਅਸਲ, ਕਾੰਗਰਸ ਦੇ ਪ੍ਰਦਰਸ਼ਨ ਦਾ ਹਿੱਸਾ ਬਣਨ ਲਈ ਪਾਰਟੀ ਦੇ ਆਗੂ ਸਵੇਰੇ ਸੈਕਟਰ-15 ਸਥਿਤ ਕਾੰਗਰਸ ਭਵਨ ਵਿਖੇ ਇਕੱਠੇ ਹੋਏ ਸਨ। ਪ੍ਰਤਾਪ ਸਿੰਘ ਬਾਜਵਾ ਵੀ ਆਪਣੀ ਕਾਰ ਵਿੱਚ ਇਥੇ ਪਹੁੰਚੇ, ਪਰ ਉਹਨਾੰ ਦੀ ਕਾਰ ਲਈ ਗੇਟ ਨਹੀੰ ਖੋਲ੍ਹਿਆ ਗਿਆ। ਗੇਟ ‘ਤੇ ਖੜ੍ਹੇ ਪੁਲਿਸ ਮੁਲਜ਼ਮਾੰ ਨੂੰ ਵਾਰ-ਵਾਰ ਕਹਿਣ ‘ਤੇ ਵੀ ਗੇਟ ਨਹੀੰ ਖੋਲ੍ਹਿਆ ਗਿਆ। ਪੁਲਿਸ ਮੁਲਾਜ਼ਮਾੰ ਨੇ ਕਿਹਾ ਕਿ ਗੇਟ ਖਰਾਬ ਹੈ, ਜਦਕਿ ਕੁਝ ਗੱਡੀਆੰ ਪਹਿਲਾੰ ਹੀ ਅੰਦਰ ਮੌਜੂਦ ਸਨ। ਬਾਜਵਾ ਗੱਡੀ ਤੋੰ ਉਤਰ ਕੇ ਇੱਕ ਵਾਰ ਅੰਦਰ ਵੀ ਗਏ, ਪਰ ਥੋੜ੍ਹੀ ਹੀ ਦੇਰ ‘ਚ ਬਾਹਰ ਨਿਕਲ ਕੇ ਗੱਡੀ ‘ਚ ਬਹਿ ਕੇ ਵਾਪਸ ਚਲੇ ਗਏ।
ਵੜਿੰਗ ਨੇ ਪੁਲਿਸ ਮੁਲਾਜ਼ਮਾੰ ਨੂੰ ਪਾਈ ਝਾੜ
ਇਹ ਪੂਰਾ ਮਾਮਲਾ ਸਾਹਮਣੇ ਆਉਣ ਤੋੰ ਬਾਅਦ ਪੰਜਾਬ ਕਾੰਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਖੁਦ ਬਾਹਰ ਆਏ ਅਤੇ ਗੇਟ ‘ਤੇ ਤੈਨਾਤ ਪੁਲਿਸ ਮੁਲਾਜ਼ਮਾੰ ਨੂੰ ਝਾੜ ਪਾਈ। ਵੜਿੰਗ ਦੀ ਝਾੜ ਤੋੰ ਬਾਅਦ ਪੁਲਿਸ ਮੁਲਾਜ਼ਮਾੰ ਨੇ ਗੇਟ ਤਾੰ ਖੋਲ੍ਹ ਦਿੱਤਾ, ਪਰ ਬਾਜਵਾ ਉਦੋੰ ਤੱਕ ਜਾ ਚੁੱਕੇ ਸਨ। ਵੜਿੰਗ ਨੇ ਇਹ ਵੀ ਕਿਹਾ ਕਿ ਕਿਸੇ ਪੁਲਿਸ ਮੁਲਾਜ਼ਮ ਵੱਲੋੰ ਜਾਣਬੁੱਝ ਕੇ ਇਹ ਸ਼ਰਾਰਤ ਕੀਤੀ ਗਈ ਹੈ, ਉਸ ਨੂੰ ਡਿਊਟੀ ਤੋੰ ਹਟਾਇਆ ਜਾਵੇਗਾ। ਉਹਨਾੰ ਕਿਹਾ ਕਿ ਇਹ ਮੁਲਾਜ਼ਮ ਵੀ ਸਰਕਾਰ ਦੇ ਇਸ਼ਾਰੇ ‘ਤੇ ਕੰਮ ਕਰ ਰਹੇ ਹਨ।
‘ਬਾਜਵਾ ਨਰਾਜ਼ ਨਹੀਂ, ਗੱਲ ਦਾ ਬਤੰਗੜ ਨਾ ਬਣਾਓ’
ਇਸਦੇ ਨਾਲ ਹੀ ਰਾਜਾ ਵੜਿੰਗ ਨੇ ਇਹ ਵੀ ਦਾਅਵਾ ਕੀਤਾ ਕਿ ਪ੍ਰਤਾਪ ਬਾਜਵਾ ਨਾਲ ਕੋਈ ਨਰਾਜ਼ਗੀ ਨਹੀੰ ਹੈ। ਉਹਨਾੰ ਕਿਹਾ ਕਿ ਬਾਜਵਾ ਕਿਤੇ ਨਹੀੰ ਗਏ ਹੋਣਗੇ, ਇਥੇ ਹੀ ਹੋਣਗੇ, ਜਲਦੀ ਆ ਜਾਣਗੇ। ਮੀਡੀਆ ਵੱਲੋੰ ਵਾਰ-ਵਾਰ ਸਵਾਲ ਪੁੱਛਣ ‘ਤੇ ਵੜਿੰਗ ਭੜਕ ਗਏ ਅਤੇ ਕਹਿਣ ਲੱਗੇ, “ਗੱਲ ਦਾ ਬਤੰਗੜ ਨਾ ਬਣਾਓ। ਇਹ ਸਾਡਾ ਅੰਦਰੂਨੀ ਮਾਮਲਾ ਹੈ।”
