ਦਿਲੀ: ਖੇਤੀ ਕਾਨੂੰਨਾਂ ਨੂੰ ਲੈ ਕੇ ਦੇਸ਼ ਦੀ ਸੰਸਦ ‘ਚ ਜ਼ਬਰਦਸਤ ਸੰਗ੍ਰਾਮ ਛਿੜਿਆ ਹੈ। ਵਿਰੋਧੀਆਂ ਨੇ ਲਗਾਤਾਰ ਸਰਕਾਰ ਖਿਲਾਫ਼ ਮੋਰਚਾ ਖੋਲ੍ਹਿਆ ਹੋਇਆ ਹੈ। ਸੰਸਦ ਦੇ ਅੰਦਰ ਜਿਥੇ ਵਿਰੋਧੀ ਸਾਂਸਦਾਂ ਨੇ ਟੇਬਲ ‘ਤੇ ਚੜ੍ਹ ਕੇ ਪ੍ਰਦਰਸ਼ਨ ਕੀਤਾ, ਉਥੇ ਹੀ ਬਾਹਰ ਵੀ ਖੇਤੀ ਕਾਨੂੰਨਾਂ ਦੇ ਵਿਰੋਧ ‘ਚ ਜੋਰਦਾਰ ਪ੍ਰਦਰਸ਼ਨ ਹੋਇਆ। ਪਿਛਲੇ ਕਈ ਦਿਨਾਂ ਤੋਂ ਵੱਖਰੇ-ਵੱਖਰੇ ਪ੍ਰਦਰਸ਼ਨ ਕਰਨ ਵਾਲੇ ਕਾਂਗਰਸ ਅਤੇ ਅਕਾਲੀ ਦਲ ਦੇ ਸਾਂਸਦ ਪਹਿਲੀ ਵਾਰ ਆਪਸ ‘ਚ ਸੁਰ ਮਿਲਾਉਂਦੇ ਨਜ਼ਰ ਆਏ। ਦੋਵੇਂ ਪਾਰਟੀਆਂ ਵੱਲੋਂ ਇੱਕ ਸੁਰ ‘ਚ ਕੇਂਦਰ ਦੀ ਮੋਦੀ ਸਰਕਾਰ ਦੇ ਵਿਰੁੱਧ ਅਤੇ ਕਿਸਾਨੀ ਮੋਰਚੇ ਦੇ ਹੱਕ ‘ਚ ਨਾਅਰੇਬਾਜੀ ਕੀਤੀ ਜਾ ਰਹੀ ਸੀ।
ਖਾਸ ਗੱਲ ਇਹ ਹੈ ਕਿ ਇਸ ਵਿਰੋਧ ਪ੍ਰਦਰਸ਼ਨ ‘ਚ ਕਾਂਗਰਸ ਦੇ ਸਾਂਸਦਾਂ ਦੇ ਨਾਲ ਸਾਬਕਾ ਕੇਂਦਰੀ ਮੰਤਰੀ ਅਤੇ ਅਕਾਲੀ ਦਲ ਦੀ ਸਾਂਸਦ ਹਰਸਿਮਰਤ ਕੌਰ ਬਾਦਲ ਵੀ ਨਜ਼ਰ ਆਏ। ਇਹ ਇਸ ਲਈ ਦਿਲਚਸਪ ਹੈ, ਕਿਉਂਕਿ ਪਿਛਲੇ ਦਿਨੀਂ ਇਸੇ ਜਗ੍ਹਾ ‘ਤੇ ਕਾਂਗਰਸ ਸਾਂਸਦ ਰਵਨੀਟ ਬਿੱਟੂ ਨੇ ਹਰਸਿਮਰਤ ਕੌਰ ਬਾਦਲ ਦੇ ਵਿਰੋਧ ਪ੍ਰਦਰਸ਼ਨ ਨੂੰ ਡਰਾਮਾ ਦੱਸਿਆ ਸੀ, ਜਿਸ ਤੋਂ ਬਾਅਦ ਦੋਵਾਂ ਵਿਚਾਲੇ ਜੰਮ ਕੇ ਬਹਿਸ ਹੋਈ ਸੀ।
ਇਸ ਦੌਰਾਨ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਬਾਦਲ ਨੇ ਕਿਹਾ, “ਜਦੋਂ ਤੋਂ ਖੇਤੀਬਾੜੀ ਮੰਤਰੀ ਨਰੇਂਦਰ ਤੋਮਰ ਨੇ ਸ਼ਹੀਦ ਹੋਏ ਕਿਸਾਨਾਂ ਦਾ ਡਾਟਾ ਨਾ ਹੋਣ ਦੀ ਗੱਲ ਕਹੀ ਹੈ, ਅਸੀਂ ਉਹਨਾਂ ਦੀਆਂ ਤਸਵੀਰਾਂ ਸੰਸਦ ‘ਚ ਲਿਆਂਦੀਆਂ। ਇਹ ਨਿੰਦਣਯੋਗ ਹੈ ਕਿ ਕੇਂਦਰ ਸਰਕਾਰ ਨੂੰ ਹਿਲਾਉਣ ਲਈ ਇਹ ਵੀ ਫੇਲ੍ਹ ਰਿਹਾ। ਅਜਿਹਾ ਹੰਕਾਰ ਅਤੇ ਮੁੱਦਿਆਂ ਨੂੰ ਸੁਲਝਾਉਣ ‘ਚ ਦਿਲਚਸਪੀ ਨਾ ਰੱਖਣਾ ਲੋਕਤੰਤਰ ਲਈ ਵਧੀਆ ਨਹੀਂ ਹੈ।”
Since Agri minister @nstomar denied having data of farmers who died protesting against #FarmLaws, we have brought their photos to #Parliament. It's condemnable this has also failed to move GoI. Such arrogance & unwillingness to address the issues don't bode well in a democracy. pic.twitter.com/QvGHPSPqsR
— Harsimrat Kaur Badal (@HarsimratBadal_) August 10, 2021
ਓਧਰ ਬਾਅਦ ‘ਚ ਹਰਸਿਮਰਤ ਕੌਰ ਬਾਦਲ ਨੇ ਸੰਸਦ ਦੇ ਅੰਦਰ ਕਿਸਾਨਾਂ ਦੇ ਮੁੱਦਿਆਂ ‘ਤੇ ਸਰਕਾਰ ਨੂੰ ਜੰਮ ਕੇ ਘੇਰਿਆ। ਦਰਅਸਲ, ਚਰਚਾ OBC ਰਾਖਵਾਂਕਰਨ ਸੋਧ ਬਿੱਲ ‘ਤੇ ਹੋ ਰਹੀ ਸੀ, ਪਰ ਜਦੋਂ ਹਰਸਿਮਰਤ ਬਾਦਲ ਨੂੰ ਬੋਲਣ ਦਾ ਮੌਕਾ ਮਿਲਿਆ, ਤਾਂ ਉਹਨਾਂ ਨੇ ਖੇਤੀ ਕਾਨੂੰਨਾਂ ‘ਤੇ ਸਰਕਾਰ ਨੂੰ ਜੰਮ ਕੇ ਖਰੀ-ਖਰੀ ਸੁਣਾਈ।
ਪੱਛੜੀਆਂ ਸ਼੍ਰੇਣੀਆਂ ਬਾਰੇ ਲਿਆਂਦੇ ਬਿਲ ਦਾ ਸਵਾਗਤ ਕਰਦੀ ਹਾਂ, ਕਿਉਂ ਕਿ ਇਹ ਅਨੇਕਾਂ ਵਰਗਾਂ ਲਈ ਲਾਭਕਾਰੀ ਸਾਬਤ ਹੋਵੇਗਾ। ਪਰ ਕੇਂਦਰ ਸਰਕਾਰ ਦੇ ਅੜੀਅਲ ਰਵੱਈਏ ਕਾਰਨ ਉੱਜੜ ਰਹੇ ਕਿਸਾਨ-ਮਜ਼ਦੂਰ ਪਰਿਵਾਰਾਂ ਦਾ ਦੁੱਖ ਪ੍ਰਗਟਾਉਂਦੀਆਂ ਉਨ੍ਹਾਂ ਦੀਆਂ ਤਸਵੀਰਾਂ ਵਿਖਾ, ਸੰਸਦ 'ਚ ਮੈਂ 3 ਖੇਤੀ ਕਨੂੰਨ ਰੱਦ ਕਰਨ ਦੀ ਮੰਗ ਮੁੜ ਦੁਹਰਾਈ।#Parliament pic.twitter.com/dF3N8AafqE
— Harsimrat Kaur Badal (@HarsimratBadal_) August 10, 2021
