ਬਿਓਰੋ। ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦੀ ਮੰਗ ‘ਤੇ ਐਡਵੋਕੇਟ ਜਨਰਲ ਏਪੀਐੱਸ ਦਿਓਲ ਨੂੰ ਹਟਾਉਣ ਨੂੰ ਲੈ ਕੇ ਕਾਂਗਰਸ ਵਿੱਚ ਹੀ ਘਮਸਾਣ ਛਿੜ ਗਿਆ ਹੈ। ਸਾਬਕਾ ਕਾਂਗਰਸ ਪ੍ਰਧਾਨ ਸੁਨੀਲ ਜਾਖੜ ਨੇ ਇਸ ਨੂੰ ਲੈ ਕੇ ਸੀਐੱਮ ‘ਤੇ ਵੱਡਾ ਹਮਲਾ ਬੋਲਿਆ ਹੈ। ਜਾਖੜ ਨੇ ਟਵੀਟ ਕਰਕੇ ਕਿਹਾ, “ਕਥਿਤ ਕੰਪ੍ਰੋਮਾਈਜ਼ਡ ਅਫ਼ਸਰ ਨੂੰ ਹਟਾਏ ਜਾਣ ਤੋਂ ਬਾਅਦ ਅਸਲੀ ਕੰਪ੍ਰੋਮਾਈਜ਼ਡ ਸੀਐੱਮ ਦਾ ਚਿਹਰਾ ਬੇਨਕਾਬ ਹੋ ਗਿਆ।” ਜਾਖੜ ਨੇ ਸਿੱਧੇ ਪੁੱਛਿਆ ਕਿ ਪੰਜਾਬ ਵਿੱਚ ਕਿਸਦੀ ਸਰਕਾਰ ਚੱਲ ਰਹੀ ਹੈ।
The ouster of a competent yet 'allegedly' compromised officer has exposed a 'really' compromised CM.
Giving rise to a pertinent question-
Whose government is it Anyway ?
(*Apologies to BBC's radio drama – Whose line is it Anyway)
— Sunil Jakhar (@sunilkjakhar) November 10, 2021
ਕਾਂਗਰਸ ਸਾਂਸਦ ਮਨੀਸ਼ ਤਿਵਾੜੀ ਨੇ ਵੀ ਸਰਕਾਰ ‘ਤੇ ਸਵਾਲ ਖੜ੍ਹੇ ਕੀਤੇ ਹਨ। ਤਿਵਾੜੀ ਨੇ ਕਿਹਾ ਕਿ AG ਆਫਿਸ ਦਾ ਸਿਆਸੀਕਰਨ ਇਸਦੇ ਸੰਵਿਧਾਨਕ ਕੰਮਕਾਜ ਨੂੰ ਪ੍ਰਭਾਵਿਤ ਕਰਦਾ ਹੈ। ਪੰਜਾਬ ਦੇ ਦੋਵੇਂ ਐਡਵੋਕੇਟ ਜਨਰਲ ਅਤੁਲ ਨੰਦਾ ਅਤੇ ਏਪੀਐੱਸ ਦਿਓਲ ਪੰਚਿੰਗ ਬੈਗ ਦੀ ਤਰ੍ਹਾਂ ਇਸਤੇਮਾਲ ਕੀਤੇ ਗਏ। ਤਿਵਾੜੀ ਨੇ ਸਿੱਧੂ ਨੂੰ ਨਿਸ਼ਾਨੇ ‘ਤੇ ਲੈਂਦੇ ਹੋਏ ਨਸੀਹਤ ਦਿੱਤੀ ਕਿ ਜੋ ਲੋਕ AG ਦਾ ਵਿਰੋਧ ਕਰ ਰਹੇ ਹਨ, ਉਹਨਾਂ ਨੂੰ ਸਮਝਣਾ ਚਾਹੀਦਾ ਹੈ ਕਿ ਵਕੀਲ ਕਿਸੇ ਕਲਾਈਂਟ ਨਾਲ ਬੰਨ੍ਹਿਆ ਨਹੀਂ ਹੁੰਦਾ।
1/3 the integrity of Constitutional functionaries.Both previous Advocate General’s of Punjab became punching bags in proxy political wars.Those who subvert the institution of AG’s office need to remember a lawyer is neither wedded to a client or a brief👇🏾
https://t.co/EKRe4sZhQA— Manish Tewari (@ManishTewari) November 10, 2021
ਤਿਵਾੜੀ ਨੇ ਬਾਰ ਕਾਊਂਸਿਲ ਆਫ ਇੰਡੀਆ ਵੱਲੋਂ ਵਕੀਲਾਂ ਦੇ ਸਬੰਧ ਵਿੱਚ ਜਾਰੀ ਨਿਯਮਾਂ ਦੀ ਕਾਪੀ ਵੀ ਪੋਸਟ ਕੀਤੀ ਹੈ ਅਤੇ ਤੰਜ ਕਸਦੇ ਹੋਏ ਲਿਖਿਆ, “ਹੁਣ ਪੰਜਾਬ ਸਰਕਾਰ ਨੇ ਨਵੇਂ ਐਡਵੋਕੇਟ ਜਨਰਲ ਨੂੰ ਨਿਯੁਕਤ ਕਰਨ ਦਾ ਫੈਸਲਾ ਲੈ ਲਿਆ ਹੈ। ਇਸ ਲਈ ਇਸ ਵਾਰ ਬਾਰ ਕਾਊਂਸਿਲ ਆਫ ਇੰਡੀਆ ਦੇ ਨਿਯਮਾਂ ਨੂੰ ਧਿਆਨ ਵਿੱਚ ਰਖ ਕੇ ਹੀ ਨਿਯੁਕਤੀ ਕੀਤੀ ਜਾਵੇ। ਇੱਕ ਵਕੀਲ ਕੋਰਟ, ਟ੍ਰਿਬਿਊਨਲ ਅਤੇ ਅਥਾਰਿਟੀ ਦੇ ਸਾਹਮਣੇ ਕੋਈ ਵੀ ਕੇਸ ਲੈ ਸਕਦਾ ਹੈ।”
AAG ਮੁਕੇਸ਼ ਬੈਰੀ ਨੇ ਦਿੱਤਾ ਅਸਤੀਫਾ
ਸਿਆਸੀ ਘਮਸਾਣ ਵਿਚਾਲੇ ਐਡੀਸ਼ਨਲ ਐਡਵੋਕੇਟ ਜਨਰਲ ਮੁਕੇਸ਼ ਬੈਰੀ ਨੇ ਵੀ ਅਸਤੀਫਾ ਦੇ ਦਿੱਤਾ ਹੈ। ਬੈਰੀ ਨੇ ਦਿਓਲ ਨੂੰ ਹਟਾਉਣ ਦੇ ਵਿਰੋਧ ਵਿੱਚ ਅਸਤੀਫਾ ਦਿੱਤਾ ਹੈ। ਬੈਰੀ ਨੇ ਅਸਤੀਫੇ ਵਿੱਚ ਸਰਕਾਰ ਨੂੰ ਕਿਹਾ ਕਿ ਉਹ ਇਸ ਤਰ੍ਹਾਂ ਵਕੀਲਾਂ ਦਾ ਅਪਮਾਨ ਨ ਕਰਨ।
ਮੁਕੇਸ਼ ਬੈਰੀ ਨੇ ਕਿਹਾ ਕਿ ਉਹਨਾਂ ਨੂੰ ਵਕਾਲਤ ਕਰਦੇ ਹੋਏ 28 ਸਾਲ ਹੋ ਚੁੱਕੇ ਹਨ। 27 ਸਾਲ ਉਹਨਾਂ ਨੇ ਪੰਜਾਬ-ਹਰਿਆਣਾ ਹਾਈਕੋਰਟ ਵਿੱਚ ਡਿਊਟੀ ਨਿਭਾਈ। ਉਹ ਬਾਰ ਕਾਊਂਸਿਲ ਦੇ ਚੇਅਰਮੈਨ ਵੀ ਰਹਿ ਚੁੱਕੇ ਹਨ। ਮੁਕੇਸ਼ ਬੈਰੀ ਨੇ ਕਿਹਾ ਕਿ ਦਿਓਲ ਦੇ ਨਾਲ ਹੋਏ ਰਵੱਈਏ ਨਾਲ ਮੈਨੂੰ ਦੁੱਖ ਹੋਇਆ। ਉਹਨਾਂ ਕਿਹਾ ਕਿ ਸਰਕਾਰ ਵਕੀਲਾਂ ਨੂੰ ਜਲੀਲ ਕਰ ਰਹੀ ਹੈ। ਇਹਨਾਂ ਹਾਲਾਤ ਵਿੱਚ ਮੈਂ ਕੰਮ ਨਹੀਂ ਕਰ ਸਕਦਾ।
ਸਿੱਧੂ ਦੇ ਵਿਰੋਧ ਦੇ ਚਲਦੇ ਹਟਾਏ ਗਏ ਦਿਓਲ
ਏਪੀਐੱਸ ਦਿਓਲ ਨੂੰ ਚੰਨੀ ਸਰਕਾਰ ਨੇ ਅਤੁਲ ਨੰਦਾ ਦੀ ਥਾਂ ਪੰਜਾਬ ਦਾ ਨਵਾਂ ਐਡਵੋਕੇਟ ਜਨਰਲ ਲਾਇਆ ਗਿਆ ਸੀ, ਪਰ ਨਵਜੋਤ ਸਿੱਧੂ ਲਗਾਤਾਰ ਉਹਨਾਂ ਦਾ ਇਹ ਕਹਿ ਕੇ ਵਿਰੋਧ ਕਰ ਰਹੇ ਸਨ ਕਿ ਦਿਓਲ ਨੇ ਕੋਟਕਪੂਰਾ ਫਾਇਰਿੰਗ ਦੇ ਮੁਲਜ਼ਮ ਸਾਬਕਾ DGP ਸੁਮੇਧ ਸੈਣੀ ਨੂੰ ਬਲੈਂਕੇਟ ਬੇਲ ਦਵਾਈ ਸੀ, ਤਾਂ ਉਹਨਾਂ ਤੋਂ ਇਨਸਾਫ਼ ਦੀ ਉਮੀਦ ਕਿਵੇਂ ਕੀਤੀ ਜਾ ਸਕਦੀ ਹੈ। ਸਿੱਧੂ ਦੇ ਵਿਰੋਧ ਦੇ ਚਲਦੇ ਹੀ ਆਖਿਰਕਾਰ ਸਰਕਾਰ ਨੇ ਦਿਓਲ ਨੂੰ ਹਟਾ ਦਿੱਤਾ ਅਤੇ ਹੁਣ ਨਵਾਂ AG ਲਾਉਣ ਦੀ ਤਿਆਰੀ ਹੋ ਰਹੀ ਹੈ।
