ਬਿਓਰੋ। 2022 ਦੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਵਿਚਕਾਰ ਘਮਸਾਣ ਛਿੜਿਆ ਹੈ। ਦਿੱਲੀ ਦੇ ਡਿਪਟੀ ਸੀਐੱਮ ਨੇ ਐਤਵਾਰ ਨੂੰ 250 ਸਕੂਲਾਂ ਦੀ ਲਿਸਟ ਜਾਰੀ ਕਰ ਦਿੱਤੀ। ਉਹਨਾਂ ਨੇ ਪੰਜਾਬ ਦੇ ਸਿੱਖਿਆ ਮੰਤਰੀ ਪਰਗਟ ਸਿੰਘ ਨੂੰ ਕਿਹਾ ਕਿ ਉਹ ਵੀ ਜਲਦ ਲਿਸਟ ਜਾਰੀ ਕਰਨ। ਇਸ ਤੋਂ ਬਾਅਦ ਦੋਵੇਂ ਥਾਵਾਂ ਦੇ ਸਕੂਲ ਵੇਖੇ ਜਾਣ। ਫਿਰ ਜਿਥੇ ਸਿੱਖਿਆ ਮਾਡਲ ਸਹੀ ਹੋਵੇਗਾ, ਪੰਜਾਬ ਦੀ ਜਨਤਾ ਉਹਨਾਂ ਨੂੰ ਚੋਣਾਂ ਵਿੱਚ ਚੁਣ ਲਵੇ।
Addressing an important Press Conference | LIVE https://t.co/DyFju6T7iE
— Manish Sisodia (@msisodia) November 28, 2021
ਸਿਸੋਦੀਆ ਨੇ ਦੱਸੀ ਸਕੂਲਾਂ ਦੀ ਖਾਸੀਅਤ
ਸਿਸੋਦੀਆ ਨੇ ਕਿਹਾ ਕਿ ਜਿਹਨਾਂ 250 ਸਕੂਲਾਂ ਦੀ ਲਿਸਟ ਜਾਰੀ ਕੀਤੀ ਗਈ ਹੈ, ਇਹ ਉਹ ਸਕੂਲ ਹਨ, ਜਿਥੇ ਇੰਫ੍ਰਾਸਟ੍ਰਕਚਰ ‘ਤੇ ਕੰਮ ਹੋਇਆ। ਇਥੇ 80% ਦੀ ਥਾਂ ਹੁਣ 99 ਤੋਂ 100% ਰਿਜ਼ਲਟ ਆਏ ਹਨ। ਇਹਨਾਂ ਦੇ ਟੀਚਰਾਂ ਦੀ ਵਿਦੇਸ਼ਾਂ ਵਿੱਚ ਟ੍ਰੇਨਿੰਗ ਹੋਈ ਹੈ। ਇਹਨਾਂ ਸਕੂਲਾਂ ਤੋਂ NEET ਦੀ ਪ੍ਰੀਖਿਆ ਵਿੱਚ 50-50 ਬੱਚਿਆਂ ਨੇ ਕੁਆਲੀਫਾਈ ਕੀਤਾ ਹੈ। ਇੱਕ ਹੀ ਸਕੂਲ ਤੋਂ 5-5 ਬੱਚਿਆਂ ਨੇ JEE ਐਡਵਾਂਸ ਕੁਆਲੀਫਾਈ ਕੀਤਾ ਹੈ। ਪਿਛਲੇ 4 ਸਾਲਾਂ ਤੋਂ ਦਿੱਲੀ ਦੇ ਸਰਕਾਰੀ ਸਕੂਲਾਂ ਦੇ ਨਤੀਜੇ ਪ੍ਰਾਈਵੇਟ ਨਾਲੋਂ ਬਿਹਤਰ ਆ ਰਹੇ ਹਨ। ਸਰਕਾਰੀ ਸਕੂਲਾਂ ਦੇ ਨਤੀਜੇ ਪਹਿਲਾਂ 60% ਤੋਂ 85% ਆ ਰਹੇ ਸਨ, ਜੋ ਹੁਣ 100% ਆ ਰਹੇ ਹਨ।
5 सालों में हमने दिल्ली के सरकारी स्कूलों में क्या काम किया है उसकी भी झलक देखिएगाhttps://t.co/A4cfZYy9Ss
(3/n)
— Manish Sisodia (@msisodia) November 28, 2021
ਇਸ ਤਰ੍ਹਾਂ ਸ਼ੁਰੂ ਹੋਈ ਸਿਆਸੀ ਜੰਗ
ਦਰਅਸਲ, ਦਿੱਲੀ ਅਤੇ ਪੰਜਾਬ ਦੇ ਐਜੁਕੇਸ਼ਨ ਮਾਡਲ ‘ਤੇ ਇਹ ਸਿਆਸੀ ਜੰਗ ਦਿੱਲੀ ਦੇ ਸੀਐੱਮ ਅਰਵਿੰਦ ਕੇਜਰੀਵਾਲ ਦੇ ਟੀਚਰਾਂ ਨੂੰ ਗਾਰੰਟੀ ਦੇਣ ਤੋਂ ਬਾਅਦ ਸ਼ੁਰੂ ਹੋਈ। ਪਰਗਟ ਸਿੰਘ ਨੇ ਇਸ ‘ਤੇ ਹਮਲਾ ਬੋਲਿਆ, ਤਾਂ ਦਿੱਲੀ ਵਿੱਚ ਸਿੱਖਿਆ ਵਿਭਾਗ ਵੇਖ ਰਹੇ ਡਿਪਟੀ ਸੀਐੱਮ ਮਨੀਸ਼ ਸਿਸੋਦੀਆ ਨੇ ਉਹਨਾਂ ਨੂੰ ਖੁੱਲ੍ਹੀ ਬਹਿਸ ਦੀ ਚੁਣੌਤੀ ਦੇ ਦਿੱਤੀ। ਇਸ ਨੂੰ ਪਰਗਟ ਸਿੰਘ ਨੇ ਕਬੂਲ ਕਰ ਲਿਆ। ਉਹਨਾਂ ਨੇ ਕਿਹਾ ਕਿ ਇਹ ਬਹਿਸ 10 ਨਹੀਂ, ਬਲਕਿ 250 ਸਕੂਲਾਂ ‘ਤੇ ਹੋਣੀ ਚਾਹੀਦੀ ਹੈ। ਸਿਸੋਦੀਆ ਉਸਦੇ ਲਈ ਰਾਜੀ ਵੀ ਹੋ ਗਏ।
