ਬਿਓਰੋ। ਕੋਰੋਨਾ ਦੇ ਨਵੇਂ ਵੈਰੀਏਂਟ ‘ਓਮੀਕ੍ਰੌਨ’ ਨੂੰ ਲੈ ਕੇ ਦੁਨੀਆ ਭਰ ਵਿੱਚ ਬਣੇ ਚਿੰਤਾ ਦੇ ਮਾਹੌਲ ਦਾ ਅਸਰ ਭਾਰਤ ਵਿੱਚ ਵੀ ਵੇਖਣ ਨੂੰ ਮਿਲ ਰਿਹਾ ਹੈ। ਐਤਵਾਰ ਨੂੰ ਕੇਂਦਰ ਸਰਕਾਰ ਨੇ ਸੂਬਿਆਂ ਨੂੰ ਓਮੀਕ੍ਰੌਨ ਵੈਰੀਏਂਟ ਦੇ ਅਸਰ ਦੇ ਖਿਲਾਫ਼ ਹੁਣੇ ਤੋਂ ਹੀ ਤਿਆਰੀ ਸ਼ੁਰੂ ਕਰਨ ਦਾ ਨਿਰਦੇਸ਼ ਦਿੱਤਾ ਹੈ। ਇਸਦੇ ਲਈ ਸਖਤੀ ਵਰਤਣ ਨੂੰ ਕਿਹਾ ਗਿਆ ਹੈ।
ਕੇਂਦਰੀ ਸਿਹਤ ਸਕੱਤਰ ਰਾਜੇਸ਼ ਭੂਸ਼ਣ ਨੇ ਸਾਰੇ ਸੂਬਿਆਂ ਅਤੇ ਕੇਂਦਰ ਸ਼ਾਸਤ ਰਾਜਾਂ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਉਹ ਓਮੀਕ੍ਰੌਨ ਨੂੰ ਲੈ ਕੇ ਸਖਤੀ ਨਾਲ ਕੁਆਰੰਟੀਨ ਅਤੇ ਆਈਸੋਲੇਸ਼ਨ ਲਾਗੂ ਕਰਨ। ਨਾਲ ਹੀ ਤਤਕਾਲ RT-PCR ਟੈਸਟਿੰਗ ਵਧਾਉਣ ਅਤੇ ਐਕਟਿਵ ਸਰਵੀਲਾਂਸ ਸ਼ੁਰੂ ਕਰਾਉਣ ਦਾ ਆਦੇਸ਼ ਦਿੱਤਾ ਗਿਆ ਹੈ।
WHO ਨੇ ‘ਵੈਰੀਏਂਟ ਆਫ ਕੰਸਰਨ’ ਐਲਾਨਿਆ
ਕੋਰੋਨਾ ਦਾ ਇਹ ਨਵਾਂ ਵੈਰੀਏਂਟ ਸਭ ਤੋਂ ਪਹਿਲਾਂ ਦੱਖਣੀ ਅਫਰੀਕਾ ਵਿੱਚ ਪਾਇਆ ਗਿਆ। ਇਸ ਵੈਰੀਏਂਟ ਦੇ ਚਲਦੇ ਪਿਛਲੇ ਇੱਕ ਹਫਤੇ ਵਿੱਚ ਹੀ ਦੱਖਣੀ ਅਫਰੀਕਾ ਵਿੱਚ 200% ਤੋਂ ਵੱਧ ਕੇਸ ਵੱਧ ਗਏ ਹਨ। ਕਿਹਾ ਜਾ ਰਿਹਾ ਹੈ ਕਿ ਇਹ ਨਵਾਂ ਵੈਰੀਏਂਟ ਡੈਲਟਾ ਨਾਲੋਂ ਵੀ ਵੱਧ ਖਤਰਨਾਕ ਹੈ। ਵੈਰੀਏਂਟ ਦੇ ਖਤਰੇ ਨੂੰ ਵੇਖਦੇ ਹੋਏ ਕਈ ਦੇਸ਼ਾਂ ਨੇ ਦੱਖਣੀ ਅਫਰੀਕਾ ਤੋਂ ਆਉਣ ਵਾਲੀਆਂ ਫਲਾਈਟਸ ਨੂੰ ਬੈਨ ਕਰ ਦਿੱਤਾ ਹੈ। WHO ਨੇ ਇਸ ਵੈਰੀਏਂਟ ਨੂੰ ‘ਵੈਰੀਏਂਟ ਆਫ ਕੰਸਰਨ’ ਦੀ ਕੈਟੇਗਰੀ ਵਿੱਚ ਰੱਖਿਆ ਹੈ।
‘ਵੈਰੀਏਂਟ ਆਫ ਕੰਸਰਨ’ ਕੀ ਹੁੰਦਾ ਹੈ?
ਜਦੋਂ ਵਾਇਰਸ ਦੇ ਕਿਸੇ ਵੈਰੀਏਂਟ ਦੀ ਪਛਾਣ ਹੁੰਦੀ ਹੈ, ਤਾਂ ਉਸ ਵੈਰੀਏਂਟ ਨੂੰ ਹੋਰ ਵੱਧ ਜਾਣਨ-ਸਮਝਣ ਲਈ WHO ਇਸਦੀ ਨਿਗਰਾਨੀ ਕਰਦਾ ਹੈ। ਨਿਗਰਾਨੀ ਕਰਨ ਲਈ ਵਾਇਰਸ ਨੂੰ ‘ਵੈਰੀਏਂਟ ਆਫ ਇੰਟਰੇਸਟ’ ਦੀ ਕੈਟੇਗਰੀ ਵਿੱਚ ਰੱਖਿਆ ਜਾਂਦਾ ਹੈ। ਜੇਕਰ ਵਾਇਰਸ ਦੀ ਸਟੱਡੀ ਵਿੱਚ ਪਾਇਆ ਜਾਂਦਾ ਹੈ ਕਿ ਵੈਰੀਏਂਟ ਤੇਜੀ ਨਾਲ ਫੈਲ ਰਿਹਾ ਹੈ ਅਤੇ ਬੇਹੱਦ ਸੰਕ੍ਰਾਮਕ ਹੈ, ਤਾਂ ਉਸ ਨੂੰ ‘ਵੈਰੀਏਂਟ ਆਫ ਕੰਸਰਨ’ ਦੀ ਕੈਟੇਗਰੀ ਵਿੱਚ ਪਾ ਦਿੱਤਾ ਜਾਂਦਾ ਹੈ।
ਡੈਲਟਾ ਤੋਂ ਵੀ ਵੱਧ ਖਤਰਨਾਕ ਓਮੀਕ੍ਰੌਨ
ਕੋਰੋਨਾ ਦੇ ਨਵੇਂ ਵੈਰੀਏਂਟ ਓਮੀਕ੍ਰੌਨ (B.1.1.529) ਦੀ ਸ਼ੁਰੂਆਤੀ ਰਿਪੋਰਟ ਬੇਹੱਦ ਹੈਰਾਨ ਕਰ ਦੇਣ ਵਾਲੀ ਹੈ। ਦੱਖਣੀ ਅਫਰੀਕਾ ਦੇ 3 ਸੂਬਿਆਂ ਵਿੱਚ ਰੋਜ਼ ਮਿਲਣ ਵਾਲੇ 90% ਕੇਸ ਇਸੇ ਵੈਰੀਏਂਟ ਦੇ ਹਨ, ਜੋ 15 ਦਿਨ ਪਹਿਲਾਂ ਸਿਰਫ਼ 1 ਫੀਸਦ ਸਨ। ਵਿਗਿਆਨੀਆਂ ਨੂੰ ਇਹੀ ਗੱਲ ਸਭ ਤੋਂ ਵੱਧ ਡਰਾ ਰਹੀ ਹੈ, ਕਿਉਂਕਿ ਅਜੇ ਤੱਕ ਸਭ ਤੋਂ ਵੱਧ ਤੇਜੀ ਨਾਲ ਫੈਲਣ ਵਾਲਾ ਵੈਰੀਏਂਟ ਡੈਲਟਾ ਸੀ, ਜਿਸ ਨਾਲ ਦੁਨੀਆ ਵਿੱਚ ਤੀਜੀ ਲਹਿਰ ਆਈ ਸੀ।
ਭਾਰਤ ‘ਚ ਅਜੇ ਤੱਕ ਕੋਈ ਕੇਸ ਨਹੀਂ
ਓਮੀਕ੍ਰੌਨ (B.1.1.529) ਵੈਰੀਏਂਟ ਪਿਛਲੇ 4 ਦਿਨਾਂ ਵਿੱਚ 9 ਦੇਸ਼ਾਂ ਤੱਕ ਪਹੁੰਚ ਗਿਆ ਹੈ। ਇਹਨਾਂ ਵਿੱਚ ਦੱਖਣੀ ਅਫਰੀਕਾ, ਇਜ਼ਰਾਈਲ, ਹੌਂਗਕੌਂਗ, ਬੋਤਸਵਾਨਾ, ਬੈਲਜੀਅਮ, ਜਰਮਨੀ, ਚੈੱਕ ਰਿਪਬਲਿਕ, ਬ੍ਰਿਟੇਨ ਅਤੇ ਇਟਲੀ ਸ਼ਾਮਲ ਹਨ। ਹਾਲਾਂਕਿ ਅਜੇ ਤੱਕ ਭਾਰਤ ਵਿੱਚ ਇਸਦਾ ਕੋਈ ਕੇਸ ਨਹੀਂ ਮਿਲਿਆ ਹੈ, ਪਰ ਸਰਕਾਰ ਨੇ ਸਾਵਧਾਨੀ ਬਰਤਣੀ ਸ਼ੁਰੂ ਕਰ ਦਿੱਤੀ ਹੈ।
