ਲੁਧਿਆਣਾ। ਪੰਜਾਬ ਦੇ ਸਾਬਕਾ ਕੈਬਨਿਟ ਮੰਤਰੀ ਭਾਰਤ ਭੂਸ਼ਣ ਆਸ਼ੂ ਨੂੰ ਪੰਜਾਬ ਵਿਜੀਲੈੰਸ ਬਿਓਰੋ ਦੀ ਟੀਮ ਨੇ ਹਿਰਾਸਤ ‘ਚ ਲੈ ਲਿਆ ਹੈ। ਜਾਣਕਾਰੀ ਮੁਤਾਬਕ, ਟਰਾੰਸਪੋਰਟ ਟੈੰਡਰ ਘੁਟਾਲੇ ਦੇ ਮਾਮਲੇ ‘ਚ ਪੁੱਛਗਿੱਛ ਲਈ ਆਸ਼ੂ ਨੂੰ ਹਿਰਾਸਤ ‘ਚ ਲਿਆ ਗਿਆ ਹੈ। ਦਿਲਚਸਪ ਹੈ ਕਿ ਵਿਜੀਲੈੰਸ ਦੀ ਟੀਮ ਆਸ਼ੂ ਨੂੰ ਹਿਰਾਸਤ ‘ਚ ਲੈਣ ਲਈ ਉਸ ਵਕਤ ਪਹੁੰਚੀ, ਜਦੋੰ ਉਹ ਇੱਕ ਸੈਲੂਨ ਵਿੱਚ ਆਪਣੇ ਵਾਲਾੰ ਦੀ ਕਟਿੰਗ ਕਰਾਉਣ ਲਈ ਪਹੁੰਚੇ ਸਨ।
ਵਿਜੀਲੈੰਸ ਦੀ ਟੀਮ ਨਾਲ ਬਿੱਟੂ ਦੀ ਬਹਿਸ
ਵਿਜੀਲੈੰਸ ਦੀ ਟੀਮ ਜਦੋੰ ਸੈਲੂਨ ਵਿੱਚ ਆਸ਼ੂ ਨੂੰ ਲੈਣ ਪਹੁੰਚੀ, ਤਾੰ ਸਾੰਸਦ ਰਵਨੀਤ ਸਿੰਘ ਬਿੱਟੂ ਵੀ ਉਥੇ ਪਹੁੰਚ ਗਏ। ਇਸ ਦੌਰਾਨ ਬਿੱਟੂ ਨੇ ਵਿਜੀਲੈੰਸ ਦੀ ਟੀਮ ਨਾਲ ਕਾਫੀ ਬਹਿਸ ਕੀਤੀ ਅਤੇ ਗ੍ਰਿਫ਼ਤਾਰੀ ਵਾਰੰਟ ਮੰਗਿਆ। ਬਿੱਟੂ ਨੇ ਇਤਰਾਜ਼ ਜ਼ਾਹਿਰ ਕੀਤਾ ਕਿ ਵਿਜੀਲੈੰਸ ਦੀ ਟੀਮ ਨਾ ਤਾੰ ਵਰਦੀ ਵਿੱਚ ਆਈ ਤੇ ਨਾ ਹੀ ਉਹਨਾੰ ਕੋਲ ਕੋਈ ਕਾਗਜ਼-ਪੱਤਰ ਮੌਜੂਦ ਸਨ।
ਕਰੀਬ 20 ਮਿੰਟਾੰ ਤੱਕ ਚੱਲੀ ਬਹਿਸ ਤੋੰ ਬਾਅਦ ਰਵਨੀਤ ਬਿੱਟੂ ਖੁਦ ਆਸ਼ੂ ਨੂੰ ਨਾਲ ਲੈ ਕੇ ਲੁਧਿਆਣਾ ਦੇ ਵਿਜੀਲੈੰਸ ਦਫ਼ਤਰ ਪਹੁੰਚੇ, ਜਿਥੇ ਪਹਿਲਾੰ ਤਾੰ ਆਸ਼ੂ ਨੂੰ ਹਿਰਾਸਤ ‘ਚ ਲਏ ਜਾਣ ਦੀ ਜਾਣਕਾਰੀ ਦਿੱਤੀ ਗਈ। ਪਰ ਕੁਝ ਹੀ ਮਿੰਟਾੰ ਬਾਅਦ ਖ਼ਬਰ ਆਈ ਕਿ ਭਾਰਤ ਭੂਸ਼ਣ ਆਸ਼ੂ ਨੂੰ ਆਫੀਸ਼ੀਅਲੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
ਕੀ ਹੈ ਟੈੰਡਰ ਘੁਟਾਲੇ ਦਾ ਮਾਮਲਾ..?
ਸਾਬਕਾ ਮੰਤਰੀ ਭਾਰਤ ਭੂਸ਼ਣ ਆਸ਼ੂ ‘ਤੇ ਬੀਤੇ ਸ਼ੁੱਕਰਵਾਰ ਨੂੰ ਹੀ ਨਵਾੰ ਮਾਮਲਾ ਦਰਜ ਕੀਤਾ ਗਿਆ ਹੈ, ਜਿਸ ਤਹਿਤ ਉਹਨਾੰ ‘ਤੇ ਵਾਹਨਾਂ ਦੇ ਫਰਜ਼ੀ ਰਜਿਸਟ੍ਰੇਸ਼ਨ ਨੰਬਰਾਂ ‘ਤੇ ਟਰਾਂਸਪੋਰਟੇਸ਼ਨ ਟੈਂਡਰ ਅਲਾਟ ਕਰਨ ਦੇ ਘੁਟਾਲੇ ਦਾ ਇਲਜ਼ਾਮ ਹੈ। ਇਸ ਮਾਮਲੇ ਵਿੱਚ ਖੁਰਾਕ ਤੇ ਸਪਲਾਈ ਵਿਭਾਗ ਦੇ ਹੋਰ ਅਧਿਕਾਰੀ ਵੀ ਜਾਂਚ ਦੇ ਘੇਰੇ ਵਿੱਚ ਹਨ।
ਸਵੇਰੇ ਚੰਡੀਗੜ੍ਹ ‘ਚ ਆਸ਼ੂ ਨੇ ਵੰਗਾਰਿਆ ਸੀ
ਦਿਲਚਸਪ ਹੈ ਕਿ ਸੋਮਵਾਰ ਨੂੰ ਸਵੇਰੇ ਹੀ ਪੰਜਾਬ ਕਾੰਗਰਸ ਵੱਲੋੰ ਮੋਹਾਲੀ ਵਿੱਚ ਵਿਜੀਲੈੰਸ ਦਫ਼ਤਰ ਦੇ ਬਾਹਰ ਵੱਡਾ ਧਰਨਾ ਪ੍ਰਦਰਸ਼ਨ ਕੀਤਾ ਗਿਆ ਸੀ। ਇਸ ਦੌਰਾਨ ਆਸ਼ੂ ਨੇ ਵਿਜੀਲੈੰਸ ਨੂੰ ਵੰਗਾਰਦੇ ਹੋਏ ਕਿਹਾ ਸੀ ਕਿ ਉਹ ਖੁਦ ਇਥੇ ਆ ਗਏ ਹਨ ਅਤੇ ਕਿਸੇ ਵੀ ਤਰ੍ਹਾੰ ਦੀ ਪੁੱਛਗਿੱਛ ਲਈ ਤਿਆਰ ਹਨ। ਆਸ਼ੂ ਨੇ ਤੰਜ ਭਰੇ ਅੰਦਾਜ਼ ਵਿੱਚ ਕਿਹਾ ਸੀ ਕਿ ਮੈੰ ਆਪਣਾ ਝੋਲਾ ਨਾਲ ਲੈ ਕੇ ਆਇਆ ਹਾੰ। ਵਿਜੀਲੈੰਸ ਦੀ ਟੀਮ ਨੂੰ ਕਸ਼ਟ ਨਹੀੰ ਦੇਣਾ ਚਾਹੁੰਦਾ, ਇਸ ਲਈ ਖੁਦ ਹੀ ਇਥੇ ਆ ਗਿਆ ਹਾੰ।
