October 27, 2022
(Amritsar)
ਪੰਜਾਬ ਦੀਆਂ ਜੇਲ੍ਹਾਂ ਵਿੱਚ ਨਸ਼ੇ ਦੀ ਸਪਲਾਈ ਦਾ ਲਗਾਤਾਰ ਪਰਦਾਫਾਸ਼ ਹੋ ਰਿਹਾ ਹੈ। ਹੁਣ ਅੰਮ੍ਰਿਤਸਰ ਜੇਲ੍ਹ ਵਿੱਚ ਤੈਨਾਤ ਡਾਕਟਰ ਨੂੰ ਕੈਦੀਆਂ ਨੂੰ ਨਸ਼ਾ ਸਪਲਾਈ ਕਰਦੇ ਕਾਬੂ ਕੀਤਾ ਗਿਆ ਹੈ। ਮੁਲਜ਼ਮ ਡਾਕਟਰ ਜੇਲ੍ਹ ਵਿੱਚ ਕੈਦੀਆਂ ਅਤੇ ਹਵਾਲਾਤੀਆਂ ਨੂੰ ਦਵਾਈ ਦੀ ਥਾਂ ਨਸ਼ੇ ਦੀਆਂ ਪੁੜੀਆਂ ਦੇ ਰਿਹਾ ਸੀ।
ਜਾਣਕਾਰੀ ਮਿਲਣ ‘ਤੇ ਜੇਲ੍ਹ ਪ੍ਰਸ਼ਾਸਨ ਨੇ ਜਾਲ ਵਿਛਾਇਆ ਅਤੇ ਡਾਕਟਰ ਨੂੰ ਰੰਗੇ ਹੱਥੀਂ ਕਾਬੂ ਕੀਤਾ। ਡਾਕਟਰ ਤੋਂ ਜੇਲ੍ਹ ਪ੍ਰਸ਼ਾਸਨ ਨੇ ਨਸ਼ੇ ਦੀਆਂ ਪੁੜੀਆਂ ਵੀ ਬਰਾਮਦ ਕਰ ਲਈਆਂ ਹਨ। ਜੇਲ੍ਹ ਪ੍ਰਸ਼ਾਸਨ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ ਡਾਕਟਰ ਦੇ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਕੇਸ ਸਪੈਸ਼ਲ ਟਾਸਕ ਫੋਰਸ(STF) ਨੂੰ ਸੌਂਪ ਦਿੱਤਾ ਗਿਆ ਹੈ।
In a Special under cover operation we have red handedly caught Jail Medical Officer posted at Amritsar Jail Dr. Davinder Singh delivering two packets of 194 Gm White Narcotic Powder (seems to be heroine) to two inmates.
FIR Lodged & Accused handed over to STF.#DrugFreeJails
— Harjot Singh Bains (@harjotbains) October 27, 2022
ਇਲਾਜ ਦੀ ਆੜ ‘ਚ ਦੇ ਰਿਹਾ ਸੀ ਨਸ਼ਾ
ਸਿਹਤ ਵਿਭਾਗ ਵੱਲੋਂ ਡਾ. ਦਵਿੰਦਰ ਸਿੰਘ ਨੂੰ ਜੇਲ੍ਹ ਵਿੱਚ ਮੈਡੀਕਲ ਅਫ਼ਸਰ ਦੇ ਅਹੁਦੇ ‘ਤੇ ਤੈਨਾਤ ਕੀਤਾ ਗਿਆ ਸੀ। ਇਹ ਜੇਲ੍ਹ ਅੰਦਰ ਬਿਮਾਰ ਹੋਣ ਵਾਲੇ ਕੈਦੀਆਂ ਅਤੇ ਹਵਾਲਾਤੀਆਂ ਨੂੰ ਦਵਾਈ ਦੇਣ ਦਾ ਕੰਮ ਕਰਦਾ ਸੀ, ਪਰ ਇਸੇ ਦੀ ਆੜ ਵਿੱਚ ਉਸਨੇ ਕੈਦੀਆਂ ਤੱਕ ਨਸ਼ਾ ਪਹੁੰਚਾਉਣ ਦਾ ਕੰਮ ਵੀ ਸ਼ੁਰੂ ਕਰ ਦਿੱਤਾ।
ਪ੍ਰਸ਼ਾਸਨ ਦੇ ਟ੍ਰੈਪ ‘ਚ ਫੜਿਆ ਗਿਆ
ਜੇਲ੍ਹ ਪ੍ਰਸ਼ਾਸਨ ਨੂੰ ਜਾਣਕਾਰੀ ਮਿਲੀ ਕਿ ਡਾਕਟਰ ਕੈਦੀਆਂ ਤੱਕ ਨਸ਼ਾ ਪਹੁੰਚਾ ਰਿਹਾ ਹੈ, ਜਿਸ ਤੋਂ ਬਾਅਦ ਜੇਲ੍ਹ ਪ੍ਰਸ਼ਾਸਨ ਨੇ ਜਾਲ ਵਿਛਾਇਆ। ਜੇਲ੍ਹ ਅਸਿਸਟੈਂਟ ਸੁਪਰੀਡੈਂਟ ਨੇ ਡਾ. ਦਵਿੰਦਰ ਨੂੰ ਉਸ ਵੇਲੇ ਗ੍ਰਿਫ਼ਤਾਰ ਕੀਤਾ, ਜਦੋਂ ਉਸਨੇ 2 ਪੁੜੀਆਂ 2 ਕੈਦੀਆਂ ਨੂੰ ਦਿੱਤੀਆਂ।
100 ਗ੍ਰਾਮ ਹੈਰੋਇਨ ਵੀ ਬਰਾਮਦ
ਜੇਲ੍ਹ ਪ੍ਰਸ਼ਾਸਨ ਨੇ ਡਾ. ਦਵਿੰਦਰ ਤੋਂ 2 ਪੁੜੀਆਂ ਤੋਂ ਇਲਾਵਾ ਤਕਰੀਬਨ 100 ਗ੍ਰਾਮ ਹੈਰੋਇਨ ਹੋਰ ਬਰਾਮਦ ਕੀਤੀ ਹੈ। ਇਸ ਹੈਰੋਇਨ ਨੂੰ ਵੀ ਉਸਨੇ ਪੁੜੀਆਂ ਦਾ ਰੂਪ ਦਿੱਤਾ ਹੋਇਆ ਸੀ, ਤਾਂ ਜੋ ਹੋਰ ਮਰੀਜ਼ਾਂ ਨੂੰ ਅਸਾਨੀ ਨਾਲ ਦੇ ਸਕੇ। ਇਸਦੇ ਲਈ ਉਹ ਕੈਦੀਆਂ ਤੋਂ ਮੋਟੀ ਰਕਮ ਵੀ ਵਸੂਲ ਰਿਹਾ ਸੀ।
