ਐਂਟਰਟੇਨਮੈਂਟ ਡੈਸਕ। ਸਟੈਂਡਅਪ ਕਾਮੇਡੀ ਅਤੇ ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਦੇ ਚਾਹਵਾਨ ਲੋਕਾਂ ਲਈ ਚੰਗੀ ਖ਼ਬਰ ਹੈ। ਤੁਹਾਡਾ ਆਪਣਾ ਪਸੰਦੀਦਾ ਸ਼ੋਅ ‘ਦ ਕਪਿਲ ਸ਼ਰਮਾ ਸ਼ੋਅ’ ਬੇਹੱਦ ਜਲਦ ਟੀਵੀ ‘ਤੇ ਵਾਪਸੀ ਕਰਨ ਜਾ ਰਿਹਾ ਹੈ। ਇਸਦਾ ਨਵਾਂ ਪ੍ਰੋਮੋ ਖੁਦ ਕਪਿਲ ਸ਼ਰਮਾ ਨੇ ਸੋਸ਼ਲ ਮੀਡੀਆ ‘ਤੇ ਜਾਰੀ ਕੀਤਾ ਹੈ।
ਇਸ ਪ੍ਰੋਮੋ ਤੋਂ ਇੱਕ ਗੱਲ ਸਾਫ਼ ਹੈ ਕਿ ਕਪਿਲ ਦੇ ਸ਼ੋਅ ‘ਚ ਇੱਕ ਵਾਰ ਫਿਰ Audience ਵਾਪਸੀ ਕਰਨ ਜਾ ਰਹੀ ਹੈ। ਪਰ Audience ਦੀ ਸ਼ੋਅ ‘ਚ ਹਾਜ਼ਰੀ ਲਈ ਇੱਕ ਸ਼ਰਤ ਰੱਖੀ ਗਈ ਹੈ। ਸ਼ਰਤ ਇਹ ਕਿ ਸ਼ੋਅ ‘ਚ ਆਉਣ ਵਾਲੇ ਮਹਿਮਾਨ ਪੂਰੀ ਤਰ੍ਹਾਂ ਨਾਲ Vaccinated ਹੋਣ। ਯਾਨੀ ਉਹਨਾਂ ਨੇ ਕੋਰੋਨਾ ਵੈਕਸੀਨ ਦੀ ਦੋਵੇਂ ਡੋਜ਼ ਲਈਆਂ ਹੋਣ।
#thekapilsharmashow new season #comingsoon 🙏 stay tuned to @SonyTV for more information 🙏 #tkss #happiness @001Danish pic.twitter.com/BdFTOJfql4
— Kapil Sharma (@KapilSharmaK9) July 25, 2021
ਜ਼ਿਕਰੇਖਾਸ ਹੈ ਕਿ ‘ਦ ਕਪਿਲ ਸ਼ਰਮਾ ਸ਼ੋਅ’ ਦੇ ਔਫ ਏਅਰ ਹੋਣ ਤੋਂ ਬਾਅਦ ਇਸ ਸ਼ੋਅ ਦੇ ਫੈਨਜ਼ ਖਾਸੇ ਨਿਰਾਸ਼ ਸਨ ਅਤੇ ਲਗਾਤਾਰ ਸ਼ੋਅ ਦੀ ਵਾਪਸੀ ਲਈ ਗੁਹਾਰ ਲਗਾ ਰਹੇ ਸਨ। ਬਹਿਰਹਾਲ, ਹੁਣ ਫੈਨਜ਼ ਦਾ ਇੰਤਜ਼ਾਰ ਖਤਮ ਹੋਣ ਵਾਲਾ ਹੈ। ਹਾਲਾਂਕਿ ਹਾਲੇ ਤੱਕ ਸ਼ੋਅ ਦੀ ਤਾਰੀਖ ਸਾਹਮਣੇ ਨਹੀਂ ਆਈ ਹੈ, ਪਰ ਪ੍ਰੋਮੋ ਵੇਖ ਕੇ ਫੈਨਜ਼ ਦੇ ਦਿਲਾਂ ‘ਚ ਇੱਕ ਆਸ ਜ਼ਰੂਰ ਜਗ ਗਈ ਹੈ।
