ਲੁਧਿਆਣਾ। ਪੰਜਾਬ ਦੀਆਂ ਅਗਾਮੀ ਵਿਧਾਨ ਸਭਾ ਚੋਣਾਂ ਲਈ ਆਮ ਆਦਮੀ ਪਾਰਟੀ ਦੇ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਦੂਜੀ ਗਾਰੰਟੀ ਦਾ ਐਲਾਨ ਕਰ ਦਿੱਤਾ ਹੈ। ਸਨਅਤੀ ਸ਼ਹਿਰ ਲੁਧਿਆਣਾ ਪਹੁੰਚੇ ਕੇਜਰੀਵਾਲ ਨੇ ਕਿਹਾ ਕਿ ‘ਆਪ’ ਦੀ ਸਰਕਾਰ ਸੱਤਾ ਵਿੱਚ ਆਉਣ ‘ਤੇ ਸੂਬੇ ਦੇ ਹਰ ਸ਼ਖਸ ਨੂੰ ਮੁਫਤ ਅਤੇ ਚੰਗਾ ਇਲਾਜ ਮਿਲੇਗਾ। ਉਹਨਾਂ ਕਿਹਾ ਕਿ ਦਿੱਲੀ ਦੇ ਮੁਹੱਲਾ ਕਲੀਨਿਕ ਦੀ ਤਰਜ ‘ਤੇ ਪੰਜਾਬ ਵਿੱਚ ਪਿੰਡ ਕਲੀਨਿਕ ਬਣਾਏ ਜਾਣਗੇ।
ਇਸ ਗਾਰੰਟੀ ਤਹਿਤ ਕੇਜਰੀਵਾਲ ਨੇ ਪੰਜਾਬ ਦੇ ਲੋਕਾਂ ਲਈ 6 ਅਹਿਮ ਐਲਾਨ ਕੀਤੇ। ਜਿਹਨਾਂ ਮੁਤਾਬਕ:-
ਪੰਜਾਬ ਦੇ ਹਰ ਸ਼ਖਸ ਨੂੰ ਮੁਫਤ ਅਤੇ ਚੰਗਾ ਇਲਾਜ ਦਿੱਤਾ ਜਾਵੇਗਾ। ਮੁਫਤ ਇਲਾਜ ਵੀ ਨਿੱਜੀ ਹਸਪਤਾਲ ਦੀ ਤਰਜ ‘ਤੇ ਮਿਲੇਗਾ।
ਸਾਰੀਆਂ ਦਵਾਈਆਂ, ਟੈਸਟ, ਇਲਾਜ ਤੇ ਆਪਰੇਸ਼ਨ ਮੁਫਤ ਹੋਣਗੇ।
ਪੰਜਾਬ ਦੇ ਲੋਕਾਂ ਦੇ ਹੈਲਥ ਕਾਰਡ ਜਾਰੀ ਹੋਣਗੇ। ਇਸ ਕੰਪਿਊਟਰਾਈਜ਼ਡ ਕਾਰਡ ਵਿੱਚ ਕਾਰਡਧਾਰਕ ਦੀ ਪੂਰੀ ਹਿਸਟਰੀ ਹੋਵੇਗੀ।
ਪਿੰਡ ਕਲੀਨਿਕ ਅਤੇ ਹਰ ਵਾਰਡ ਵਿੱਚ ਵੱਖਰਾ ਕਲੀਨਿਕ ਹੋਵੇਗਾ, 16 ਹਜਾਰ ਕਲੀਨਿਕ ਖੋਲ੍ਹੇ ਜਾਣਗੇ।
ਜਿੰਨੇ ਸਰਕਾਰੀ ਹਸਪਤਾਲ ਹਨ, ਉਹਨਾਂ ਨੂੰ ਠੀਕ ਕੀਤਾ ਜਾਵੇਗਾ। ਸੈਂਟਰਲੀ ਏਅਰ ਕੰਡੀਸ਼ਨਡ ਬਣਾਇਆ ਜਾਵੇਗਾ। ਵੱਡੇ ਪੱਧਰ ‘ਤੇ ਹਸਪਤਾਲ ਖੋਲ੍ਹੇ ਜਾਣਗੇ।
ਹਾਦਸੇ ਦੇ ਜ਼ਖਮੀਆਂ ਨੂੰ ਨਿੱਜੀ ਹਸਪਤਾਲਾਂ ਵਿੱਚ ਮੁਫਤ ਇਲਾਜ ਦਿੱਤਾ ਜਾਵੇਗਾ।
अब Punjab में हर व्यक्ति को मिलेगा FREE और अच्छा इलाज।
यह है #KejriwalDiDujiGuarantee 🔥 pic.twitter.com/DarrkprcwQ
— AAP (@AamAadmiParty) September 30, 2021
ਪੰਜਾਬ ‘ਚ ਸਿਹਤ ਸਹੂਲਤਾਂ ਦਾ ਬੁਰਾ ਹਾਲ- ਕੇਜਰੀਵਾਲ
ਕੇਜਰੀਵਾਲ ਨੇ ਕਿਹਾ ਕਿ ਮੌਜੂਦਾ ਸਮੇਂ ਵਿੱਚ ਪੰਜਾਬ ਵਿੱਚ ਸਿਹਤ ਸਹੂਲਤਾਂ ਦਾ ਬੁਰਾ ਹਾਲ ਹੈ। ਪ੍ਰਾਇਮਰੀ ਹੈਲਥ ਸੈਂਟਰ, ਕਮਿਊਨਿਟੀ ਹੈਲਥ ਸੈਂਟਰ ਅਤੇ ਸਿਵਲ ਹਸਪਤਾਲ ਵਿੱਚ ਲੋਕਾਂ ਨੂੰ ਇਲਾਜ ਨਹੀਂ ਮਿਲ ਰਿਹਾ। ਨਾ ਤਾਂ ਡਾਕਟਰ ਹਨ ਤੇ ਨਾ ਹੀ ਨਰਸਾਂ। ਓਧਰ ਨਿੱਜੀ ਹਸਪਤਾਲ ਮਰੀਜਾਂ ਨੂੰ ਲੁੱਟ ਰਹੇ ਹਨ। ਕੇਜਰੀਵਾਲ ਨੇ ਦਾਅਵਾ ਕੀਤਾ ਕਿ ਉਹ ਆਪਣੀ ਦੂਜੀ ਗਾਰੰਟੀ ਤਹਿਤ ਸਿਹਤ ਸੁਵਿਧਾਵਾਂ ਬਿਹਤਰ ਬਣਾਉਣਗੇ। ਉਹਨਾਂ ਕਿਹਾ, “7 ਸਾਲ ਪਹਿਲਾਂ ਦਿੱਲੀ ਵਿੱਚ ਵੀ ਇਹੀ ਹਾਲ ਸੀ, ਉਥੇ ਅਸੀਂ ਪੂਰਾ ਸਿਸਟਮ ਬਦਲ ਦਿੱਤਾ ਤੇ ਹੁਣ ਪੰਜਾਬ ਵਿੱਚ ਵੀ ਇਹੀ ਕਰਾਂਗੇ।”
ਲੋਕ ਪੁੱਛਦੇ ਹਨ ਕਿ ਪੈਸਾ ਕਿੱਥੋਂ ਆਵੇਗਾ❓
ਅਸੀਂ ਇੱਕ FLYOVER ਬਣਾਉਣ ਵਿੱਚ 150 ਕਰੋੜ ਰੁਪਏ ਬਚਾਇਆ ਅਤੇ ਉਸ 150 ਕਰੋੜ ਵਿੱਚ ਪੂਰੀ Delhi ਦੀ ਦਵਾਇਆਂ ਮੁਫ਼ਤ ਕਰ ਦਿੱਤੀ।
ਇਸ ਤਰ੍ਹਾਂ Corruption ਖ਼ਤਮ ਕਰਕੇ ਪੈਸਾ ਆਵੇਗਾ।
-CM @ArvindKejriwal #KejriwalDiDujiGuarantee pic.twitter.com/cz7COoYiP7
— AAP Punjab (@AAPPunjab) September 30, 2021
‘ਭਗਵੰਤ ਮੇਰਾ ਛੋਟਾ ਭਰਾ, ਉਸ ਨੂੰ ਕੋਈ ਨਰਾਜ਼ਗੀ ਨਹੀਂ’
ਕੇਜਰੀਵਾਲ ਦੇ ਪੰਜਾਬ ਦੌਰੇ ਤੋਂ ਅਕਸਰ ਇਹ ਆਸ ਕੀਤੀ ਜਾਂਦੀ ਹੈ ਕਿ ਉਹ ਪੰਜਾਬ ਲਈ ਸੀਐੱਮ ਉਮੀਦਵਾਰ ਦਾ ਐਲਾਨ ਕਰਨਗੇ, ਪਰ ਇਸ ਵਾਰ ਵੀ ਅਜਿਹਾ ਨਹੀਂ ਹੋਇਆ। ਹਾਲਾਂਕਿ ਇਸ ਬਾਰੇ ਸਵਾਲ ਪੁੱਛੇ ਜਾਣ ‘ਤੇ ਕੇਜਰੀਵਾਲ ਨੇ ਕਿਹਾ, “ਅਸੀਂ ਅਹੁਦੇ ਲਈ ਨਹੀਂ ਆਏ ਹਾਂ। ਅਸੀਂ ਚੰਗਾ ਚਿਹਰਾ ਲੈ ਕੇ ਆਵਾਂਗੇ।” ਇਸਦੇ ਨਾਲ ਹੀ ਉਹਨਾਂ ਆਪਣੇ ਨਾਲ ਬੈਠੇ ਭਗਵੰਤ ਮਾਨ ਵੱਲ ਇਸ਼ਾਰਾ ਕਰਦੇ ਹੋਏ ਕਿਹਾ, “ਇਹ ਮੇਰੇ ਛੋਟੇ ਭਰਾ ਹਨ ਅਤੇ ਇਸ ਨੂੰ ਕੋਈ ਨਰਾਜ਼ਗੀ ਨਹੀਂ ਹੈ।” ਦੱਸ ਦਈਏ ਕਿ ਪਿਛਲੇ ਕੁਝ ਸਮੇਂ ਤੋਂ ਇਹ ਚਰਚਾ ਹੈ ਕਿ ਭਗਵੰਤ ਮਾਨ ਉਹਨਾਂ ਨੂੰ ਸੀਐੱਮ ਫੇਸ ਨਾ ਐਲਾਨੇ ਜਾਣ ਨੂੰ ਲੈ ਕੇ ਆਪਣੀ ਪਾਰਟੀ ਤੋਂ ਨਰਾਜ਼ ਚੱਲ ਰਹੇ ਹਨ।
